Што требало да нè научат на училиште, ама не нè научиле?

Има повеќе работи што треба да ги учиме на училиште а не "по улици".

Како прво би спомнала домаќинство. Да, домаќинство. Порано се учело, но сега е прекинато. Треба децата да се учат како да го одржуваат домот, да готват, перат, чистат, како да поправаат различни работи што често можат да се расипат, како да го одржуваат својот автомобил (масло кога и како да сменат, гума, да препознаат кога нешто не е во ред и да го однесат на автомеханичар).

Потоа, како да се бара работа, што треба да се знае, како да се биде добар работник, барање куќа/стан, плаќање сметки, потребни документи општо за сѐ. Пополнување документи, уплатници, тие административни работи. I can't stress this enough. Пред некој ден еден извод што требаше да си вадам појма немав ни од каде ни што треба. Ептен сум изгубена ко ќе дојди за вакви работи па дм го влечкав со мене. Исто и ко требаше да се пријавувам в труд за навработена, да си отворам сметка в банка и да си извадам картичка. Се осеќам виновно што сум ко изгубена честитка и сама не знам да се снајдам за повеќето вакви работи.

Сексуално образование is a must. Тоа сите добро го знаеме. Треба секоја млада личност да научи како функционира сексот, зошто имаме секс, како да се заштитиме од спб и несакана бременост.

Секако треба да се знае многу повеќе и за емоционалното и менталното здравје. Моето "образование" за тоа најмногу иди од еден Јутјуб канал за психологија и многу многу посакувам да ни го кажуваа истото на училиште и порано да знаев колку е битно менталното здравје и како да го сочуваме.

Потребно е многу повеќе внимание да се обрни на овие работи, бидејќи секој од нас кога тогаш ќе се соочи, и ќе мора да се снаоѓа во светот на возрасните.

 

Се' ова што ти си го набројала ти а и @Amellie13 е многу важно и неизбежен дел од секојдневието.
Ќе додадам и некои основни работи за поправање низ дома, можеби и шиење, готвење на основни оброци итн. Не сум сигурна дали ова порано се учело по некој предмет, како да имам слушнато од постариве такво нешто.

 

Освен гореспоменатите работи како снаоѓање со секојдневни обврски со документи, служби и институции, обрнуваме поголемо внимание за да се едуцираат луѓето околу ментално здравје, работи околу домот што мора секој да ги знае, сметам дека голем дел од кадарот се луѓе што се екстремно конзервативни (сексисти, хомофоби, националисти, едноставно кажано - не се пример кој би можеле да го следат децата за да прераснат во возрасни личности со отворен ум).
Се сеќавам дури и по еден предмет женските шиеја/плетеа, машките друго правеа.

Сум слушала од блиски за вакви примери, а за жал и сум посведочила лично, особено кога ученичка дискутирала на час за малтретирање од страна на машките ученици во класот, на што добила одговор во стилот Остави ги, машки се, што очекуваш. Ај таа нема да потклекне на ова, но што со другите понаивни деца? Што ако нив во глава им остане оваа мисла и сметаат дека е во ред да трпат нешто вакво само поради тоа што одреден пол треба да биде таков и такво однесување треба да се очекува?

Друго, достапноста на професорите. Понекогаш има деца што живеат во дисфункционално семејство и се очајни за некој да ги сослуша. Или споделување проблем што се случил во склоп на паралелката. На второво бев сведок, од збор до збор раскажав на класниот раководител - ништо не се промени. Со тек на време се влошуваше ситуацијата. До ден денес кога ќе ја видам оваа личност преминувам улица оти ми враќа сцени од минатото кога бевме безгласни букви само затоа што некои од нас не доаѓаа од познати фамилии.

Друго да не се повторувам, во целост се сложувам со Амели и Демонка.

 

Па,најмногу фали сексуална едукација во училиштата.
Многу девојки не се информирани или не се информирани доволно или правилно како настанува бременост и за употреба на заштита,а и за спб.
Форумов ни е доказ за тоа.Често во темите може да се прочитаат глупави прашања.
И пополнувањето документи е проблем за некои.Не сфаќаат што треба да се наведе.Не знаат да се изразат.
На пример,персоналот на факултет се лути што студентот не пополнил некои полиња на пријавата или што молбата не му е правилно напишана.Очекуваат да знае,ама не е до студентот.Бар не е секогаш.
Ќе прокоментираат дека тој/таа не знае да се изразува.Па,како да знае кога не му/ѝ било доволно објаснето во претходните фази на образование?
Некои наставници во основно и професори во средно знаат да прескокнат некој дел од учебникот или не го објаснуваат доволно.
Психологија треба да е пошироко опфатен предмет.Често се среќаваат луѓе кои се потсмеваат со нечие ментално здравје,а тоа не е за потсмев.Булингот е исто така преголем проблем.
Страшно фали едукација.

 

Гледајќи ретроспективно мислам дека недоставува предмет прва помош, нешто што секој човек треба да го знае.Несреќа може да се случи во било кое време, а пружењето прва помош во таков случај може некому да му го спаси животот. Честопати, времето на одговор на медицинските професионалци од "бразата помош" е предолго (посебно кај нас) и може да резултира со компликации и влошување на симптомите (па дури и фатален исход), што пак може да се спречи со непосредна помош од блиска индивидуа.

Друго, дефинитивно треба да се посвети повеќе внимание на менталното здравје. Нешто како работилница, се' со цел да се откријат првите знаци на страдање на децата, но и да се научат преку тие работилници како да ги препознаваат првите знаци на депресија кај некоја индивидуа, како да се справат со истата, каде да побараат помош итн итн. Да научат да се грижат за себе, за своето ментално и физичко здравје.

Понатаму, сексуалното образование кое веќе го спомна и табуата околу него. Правилната возраст за почнување со сексуални односи и мерки на претпазливост, сексуално преносливи болести и непланирана бременост, менструален циклус и репродукција, што е сексуално вознемирување и како да се крене глас против тоа.

Има уште многу нешта веројатно, но ова е нешто што ми падна на памет прво.

 

1. Да нѐ учат како да се учи.
2. Да нѐ учат како ја одржуваме нашата страст за знаење до крајот на животот,
како начин на самоусовршување на себеси, а не само како начин на преживување.
3. Да нѐ учат како тоа знаење ќе го примениме како нешто што функционира,
во реалноста, а не како апстрактна теорија, и тоа во сите сфери на живеење,
од квантна физика до плетење.
4. Да нѐ учат како да сакаме и како да прифатиме да нѐ сакаат.
5. Да нѐ учат како да го гледаме секогаш белиот облак на сивото небо.
6. Да нѐ учат како да ги гледаме постигувањата на другите луѓе и да ни е драго поради нив.
7. Да нѐ учат на постигнувањата преку позитивни примери и модели, кои
се покажале дека носат добро за сите.
8. Да нѐ учат на конструктивна критика, што може да ја смени стварноста,
а, не напразна пародија на сѐ и сешто.
9. Да нѐ учат како да го препознаеме лошото кај луѓето и да не му даваме простор
да заживее, било во нас било во другите.
10. Да нѐ учат дека сите човечки односи бараат симетричен однос.

 

Теоретското знаење да биде применето во практично знаење од најрана возраст каде ќе може секоја единка да научи како сето тоа функционира во реален свет, на реални проекти и примери.

40% теорија - 60% пракса.

Нам ни треба егзактно знаење.

 

Пракса ни треба.
Пола и поише кога пишуваме лекции пишуваме со сила, после ги фрламе тетратките не ни ги отвараме.

 

Дека Госпоѓо и Господине е правилна форма на формално обраќање. Не е потсмев и секој возрасен е господин/госпоѓа без оглед на тоа како изгледа, како е облечен и како ти се чувствуваш наспроти него.
И ова во градинка треба да се научи.

 

А не, после ќе се навреди некој и треба да се превоспитуваме од почеток.

За што пракса? Ако си стручно океј, за гимназија и основно не знам каква пракса точно барате?

Ќе се согласам со вас за некои основи на психологија - ментално здравје, сексуално образование, некоја основа од економија и бизнис чисто за да не бидеме изгубени.И прва помош е реално одлична идеја како што рече Пеперутче, попрактично нешто од тоа нема.
Во основно нешто што треба е да се растеретат децата од непотребни часови и да им се остави повеќе слободно време.

 

А добро, како им се обраќате на непознати? Еј ти!

 

Дали психологија има во сите средни училишта?
Ако не, тогаш тоа е мојот одговор, покрај учењето дефиниција што е фрустрација пример, да се учат подробно и теми како депресија, анксиозност, булинг.
Јас учев Хигиена, се учеше за секс ама недоволно.
Во бизнис да се вметни деловно комуницирање, CV, интервју за работа.
Ми фали некој предмет каде што ќе се учат и работи кои треба да се знаат од општа култура, ама сепак не се знаат.

 

Ама ако е флуидна личноста?

Спојлер

саркастична бев

@Ugly Duckling не се учи, во гимназија има само во еден смер во една година, ти претпоставувам медицинско си била и си имала.
Мислам дека не се ни сфаќа сериозно ако е таков предмет, поубаво е на пример уште од основно да се почне со јазик што е соодветен за децата и секако со програма што е повеќе насочена вистински да се запознаат со тие проблематики а не само да се помине со некоја оценка.

 

- Политичко уредување на државата, како и останати покарактеристични политички уредувања низ светот (за да се има контекст за проценка на моменталното уредување)
- Постоење и функција на различни установи во државата, како и нивната хиерархија или релација
- Функционирање на здравство, како и здравствено осигурување
- Функционирање на пензиски систем, како и пензиско осигурување
- Основна економска и финансиска писменост
- Основни права (Устав), како и извори за понатамошно информирање за било кои други права или закони
- Подобра и поорганизирана информираност за кариера (опции за кариера по завршување на одреден факултет)
- Попрактична и поконкретна информираност за исхрана, препорачани здравствени контроли, претставување на различни видови на физичка активност (не само атлетика, фудбал, кошарка, ракомет и одбојка) со цел да се зголеми можноста некој да се пронајде во некој спорт и понатаму да продолжи да спортува

 

Ако е флуидна битолски ќе Му збораме.
Јас сум сериозна за формата на обраќање.

 

Све средија, уште политика остана да ни бистрат.

 

Треба секаде да има задолжително во средно, без исклучок. Во гимназија ко учев имаа само тие што беа на јазичните смерови (јазично А и јазично Б). И можеби тие на природно математичко Б, не знам точно ама тој смер беше повеќе медицински. Јас никогаш не сум учела психологија.