Што требало да нè научат на училиште, ама не нè научиле?

За самоодбрана ми текна и мене ама ми помина времето за редактирање и не сакав друг пост да пишувам.
Дефинитивно треба во склоп на физичко да се посвети малце време и на ова.

За ова во средно имавме обука за во случај на пожар како треба да излеземе и постапиме. Ама не беше како вежба повеќе пати да ја повторуваме, туку само еднаш.
И беше баш реално од страна на пожарната беше организирано, запалија огин во метални канти. И од еднаш реално никој ништо не запомни, сите трчавме и после чекавме надвор додека да изгасат.

 

Ми текна уште нешто. Имам читано дека некаде децата ги учат на градинарство. Мислам дека и тоа е многу потребно да се учи особено во раните одделенија. Ова е целосно практично, децата се учат за различни семиња, како да одржуваат различни растенија и најважно како да си растат сопствена храна. Плус е уште една можност децата да поминуваат време надвор и да се раздвижат наместо цел ден во клупи со книги.

 

Едно од побитните работи во животот, сабајлево мислев на ова во склоп на темава.
Фала што го срочи за мене, оти ако почнам јас за важноста на биљарството, 3 дена ќе пишувам и најпосле ќе ме банираат.

 

Се сетив за орална хигиена.
Многу битна, многу.

Колку пати сум имала прилика да зборувам со личности кои ги мрзи да измијат забите, не да труи, корне.
Редовно менување на четка а не иста да користиш година две.
Ако ти е расипан забот, многу е веројатно и од него да доаѓа незгодната миризба, посети стоматолог да го среди проблемот.
Стварно е незгодно.

Е и тоа треба.

 

Прости домаќински работи.
На потежок начин научив

Него, како да обојам облека црно?
Т.е. црна е, да обновам боја?

 

1. Samoodbrana
2. Da se prepoznae manipulacija od sekakov vid
3. Menstrualna higiena I higiena na telo
4.Meditacija I smiruvanje na umot
5. Zanaetski veshtini so koi vo teshki vreminja mozes da se prehranis
6. Ekonomija na ziveenje,da znaeme I so minimalni sredstva da ziveeme
7. Pochituvanje na razlichnosti
8. Pochituvanje na stari I nemokni I empatija kon niv
9. Optimisam I uzivanje I sreka na sekojdnevni nesta(izgrejsonce, ubav izbor...)
10. Nesebichna I bezuslovna ljubov

 

Сте опфатиле скоро се, да не се повторувам.

Ќе одговорам на ова:

За добар дел од сите работи мислам дека има веќе постоечки предмети. Пример граѓанско право, бизнис, биологија, има веќе предмет психологија, само што не е задолжителен.

Да додадам мислам дека треба како задолжителен предмет да се воведе логика и да се стимулира логичкото размислување кај учениците, наместо досегашното учење на памет.
Џабе ќе дадат пример како да се потполни уплатница, кога утре кај број на повикување ќе пише буквално "број на повикување" место да го пише е*аниот број.

Исто сметам дека некои работи се непотребни толку детално да се учат, како на пример бизнис планот. Што е толку потребен ко да секој втор ученик ќе отвара своја фирма утре, а уште не ги научиле основите на економијата како понуда и побарувачка?

 

Во Македонија сериозно за кредити требаше да нé научат, колку вкупно те кошта еден кредит.

 

Дека оние кои чесно учат и се трудат нема да успеат колку тие кои имаат врски и способност да ги газат останатите.

 

При крајот на средното образование(а со тоа станување и полнолетен)да се учи кои се обврски ги имаме ние кон законот,државата,каква одговорност имаме,на кој начин не штити нас законот,кои се нашите права и должности.

 

Не се сложувам со членките погоре дека мора секој човек да знае да чисти, готви, пере, пегла. Едноставно по некој сплет на околности некој луѓе никогаш во животот нема да имаат потреба тоа да го прават самостојно и тоа е океј.. Другото се е веќе набројано..

 

Прво и најосновно, што според мене мора да се учи од најрана школска возраст е бонтон. Основните манири се нешто што влијае на целата перцепција на една личност, и посебно внимание треба да се посвети во фаза на оформување на личноста. Џабе се сите други научени вештини, секој вид на едукација, ако децата од мали не се научат на бонтон. Барем за мене, првото нешто што може да ме одврати од човек, без разлика колку едуциран, какви вештини поседува и што може сам да направи, е ако нема основна култура. Посебно разочарувачки е кога од мали деца се гледа дека немаат асполутно никакво воспитание, а има еден куп деца што не знаат дека треба да кажат едно основно „добар ден“ или “здраво“ на комшија.

Бидејќи на воспитанието најмногу влијаат пред се домашните, мислам дека мора да се обрне внимание и во училиштата. Џабе ќе ги учиме на домаќинство и градинарство, кога човек е социјално суштество и пред се му требаат тие основни социјални вештини.

 

Прво нешто што треба секој образовен систем да го усвои е фокус врз критичко размислување, и ставање крај на шаблонскиот систем.
Кај нас тоа е научна фантастика, почнувајќи прво од менталитетот во домот, па на општеството, и на крај луѓето со егзекјутив улоги.
Ако секој просветен работник вложи малце повеќе воља и енергија од потребниот минимум кој се бара во работата со деца, верувам дека ќе има некаква промена кон подобро. Притоа не наметнувајќи ги своите убедувања, ова е најважниот дел во целата историја.

Лично на мене, најголем проблем ми беше да ја преминам целата бариера основана на заблудата дека образованието во склоп на образователниот систем е клучот до успехот. Целиот процес, сите правила и авторитети, почитта, оценувањето... уат а лоуд оф бул.
И тоа доаѓа од оддличен ученик со репутација и обемно знаење.

Значи, имам знаење, карактер, и ќе си земам право да тврдам дека сум личност која размислува рационално, логички и критички.
Научив се' што треба(ше) од книгите што ги имавме, и многу малку повеќе од тоа што ме интересира настрана. Се' тоа е повеќе од основниот авриџ стандарт, џаст фор ди рекорд. Ама немаше опции за нешто повеќе ако сам не го побараш и избориш за да добиеш шанса да пробаш само, не пак за некој чекор повеќе. Слаба интеракција, незаинтересираност, не достапност...

Сега гледам да примам информација од секаде и да ја обработам за да го извадам максимумот. А врз база на претходно искуство, да најдам начин да остварам што сакам.

Часови за извршување домаќински задачки не мислам дека задолжително треба да има, дома секој гледа што се прави и треба да се прави, и најбитно како се прави, од најмала возраст. Момчињата не треба да бидат исклучени од такво воспитување, за подоцна учител да ги учи како се прави. А на девојчињата не треба да им се вкоренува парадоксалниот стереотип дека тие треба да работат во домот.
Ако некој сака, нека има опција за избор, да. Бидејќи не секој ќе пројави интерес за нешто повеќе од основата која ја има дома.

Подигнување на свеста за се' друго, човекови права, ментално здравје, сексуално образование, човекова интеракција, животна средина итн., треба да се зголеми 10 пати, а таму каде што воопшто ја нема, да се почне одма со работа.

Но пред се', потребно е да има држава и систем за народот кој функционира.

 

Не можеш тоа да научиш, постојана променлива е.
Ама би можеле да имате предмет- народни поговорки. Пример- пушти си ги нозете колку што ти е долга чергата (или не земај потрошувачки кредит); сиромавиот секогаш плаќа два пати, евтиното месо ни кучињата не го јадат и сл. Секако, тоа не е во духот на заштита на банкарскиот сектор и конзумеризмот општо, па никој нема да ве научи.
Многу логичко ми е мислењево- можеби затоа што и предмет логика сум имала...или ради предметот филозофија е ова.

 

Да не бидам сфатена погрешно, некогаш има смисла да се земе кредит, да речеме за живеалиште, тоа знаеме дека ретко кој може да го заштеди во разумно време во Македонија или да го искешира целосно.
Само навистина имам впечаток дека повеќето луѓе немаат елементарно познавање колку вкупно чини кредит, со сите камати и имам впечаток дека луѓето земаат кредити за сосема нелогични работи, како на пример правење на свадба, одење на одмор. Лично познавам луѓе за одмор што земаат кредит, пред да ги познавам нив и лично од нив да слушнам мислев дека не постои како појава и дека е онака изрека во Македонија.

Ама сериозна сум дека во Македонија битно е да научат луѓево основи на вадење проценти и што значи камата. Ние учевме негде таму во основно кога учевме за проекти, ама тоа беше некои 2 задачи што мислам дека не беше ни доволно.

И се сложувам за елементарни општествени вештини што беа спомнати погоре, како уредно составување CV, основа на пополнување формулари ние учевме, ама по тоа што читам горе не се учи, елементарно готвење или основи на домаќинство сметам дека е во основно покорисен предмет од ОТП (не знам сега како се вика, знам дека сум од одамна, мислам техничко образование). Генерално за основно и средно мислам дека многу корисни работи можат да се вклучат за да знаеш да функционираш подобро како единка. Еве јас лично на факултет се научив добар дел од сите овие работи, зошто имав потреба. Не дека нема да се научи човек кога мора, ама ако веќе учиме музичко за да имаме елементарно познавање, сметам дека и нешто во оваа насока би било корисно.

А да, и CV мислев до скоро дека нема потреба, после дојдов во допир професионално со интервјуирање луѓе за работа и сешто видов во CV.

Едит: И репродуктивно здравје пред адолесценција. Мислам дека адолесценцијата сé порано почнува и некако касно ми гледа тоа во биологија што се учи негде во 8мо.

 

За сето погоре наведено, еден збор кажав- потрошувачки кредит
Народни поговорки од блиски народи- скупе су паре

Едит- како ве читам, имам впечаток дека секоја наредна генерација, учи помалку корисни работи од таа претходната.

 

Дури и Мане знаешe бе

 

Како прво, требаше да не научат како да учиме . Ако не знаеме како да учиме како воопшто и ќе научиме нешто.