Што јадевте како деца?

Не бев многу палаво дете ! Значи на дневното мени немав импровизирани оброци Кога ќе размислам исхраната тогаш и сега ми е релативно непроменета , работите кои не ги јадев како малечка веројатно нема никогаш да ги јадам.

 

хахах се изнасмеав од вашите ,,слатки,, јадења. Јас сум јадела хартија и цели кутии имам јадено. Мајка ми ги собирала моите играчки во кутија и кога ме оставала да си играм потоа кутијата ја немало. Не знаела што се случува па еден ден ме гледала што работам и така открила дека јадам кутии хахах. Потоа се сеќавам дека јадев шеќер (кога ќе ме фатеше кризата за благо), сум јадела живо тесто и дури ден денес ми е слатко. Исто така многу ми беше слаток филот за парената торта, така жив го јадев и ден денес мајка ми кога ме прашува која торта да ја прави јас и велам: паренааа само за да јадам од филот . Една моја другарка како мала јадела кремче намачкано на лепче и одозгора роненко сиренце . Друга пак другарка јадеше песок, и мене ми нудеше но несакав да јадам а еден другар јадеше курешки по патот хахах. Со сестра ми како мали јадевме паста за заби..

 

јас кога сум била мала само сум чекала да заѕвони телефонот за некој од моите да отиде да се јави и во ходникот на рабовите од ѕидот сум гризела, а до душа и ден денес цементираното убаво ми мириса сестра ми пак постојано јадела пикавци од цигари

 

Јас ги јадев лабелата и кармините

 

многу јадев кришки со мармалад а одозгора сирење сега не би ни помислила на тоа а јадев и многу зелени сливи, цветови од багрем и млади ливчиња од шимширот во двор, се сеќавам со една другарка правевме салата со листови од шимшир и нане после тоа цел ден седевме во вц

 

Јас како мала бев преслаба и наликував на чечкалица, не јадев ништо освен ЧАЈ со бисквити и банана внатре чудо сум значи

 

не се сеќавам баш што сум јадела од нормална храна како дете,ама затоа се сеќавам дека кога скитав низ маало по комшии ги одлепував етикетите од пластични шишиња и ги голтав ,кинев од комшиите неузреано грозје,а со сестра ми еднаш берев ме смокви уште зелени а тие пуштаат млеко,секако таа беше попаметна па така тие завршија во мојата блуза како торба за носење а после тоа децките гради ме печеа и ми се вцрвиа од млекото од смоквите.смоквите не ги изедовме

 

Обожавав млеко и бисквити со Краш експрес (немаше тогаш Несквик) иначе кога сум била ептен мала, често на моето мени се наоѓале цвеќиња (посебно љубичици), земја поретко, а и горните млечни кецови сум ги скршила грицкајќи камења.

 

маргаринче со вегета најубаво ми беше,млеко со бисквити или со дробено лепче и ми текнува еднач докторката ми препиша едни витамини во вид на мрвици кои имат многу убав вкус и толку многу ми се допаднаа што си ги купував редовно од аптеката ама сега не можам никаде да ги најдам.

 

Зимно време кога беше често практикував како главно јадење на менито да ми биде снег..Излегував надвор во скафандер облечена како вонземјанче некое и си јадев снег..После тоа имав грчеви во стомакот секоја вечер и ме носеа на лекар... Јадев јајца на око многу и риба пржена. И гумени бонбони многу јадев, посебно од оние Харибо од Кока Кола...

 

Хаха интересна е темата и ми се допаѓа! Инаку како мала јадев неварени макарони и ориз

 

Хахахахахахаха, каква тема!
Јас јадев гуми за бришење и зрна кафе.

 

Како помала...јадев бекутан крема... хахаахаха...звучи мн смешно..но додека мајка ми го мачкаше лицето знаев да си брцнам во кремата и да си јадам хахахах

 

леле паметам кога имав 4-5 години секој ден сум јадела лепче со масло, пипер и вегета

 

кифли со маргарин салама и крставица секој ден
инаку имам и јадено она месо што се тегне како мастика што се џвака што до ден денес се чудам како сум можела

 

бурек и ајвар.

се сеќавам секое утро ми поминуваше со осмина бурек со сирење и јогурт тоа најчесто и ајвар.

денес бурек јадам еднаш годишно , ајвар малку почесто.

ахххх тоа беа деновиииии!!!!

 

Реско, Ресани, Еуро-блок, Ципирипи, Краш Експрес, Чокобисвит, Линеа-политанки... Секако Стоби Флипс (за зачетоците на зависноста зборувам).

Обожавав манџиче од пиперки и патлиџани, па како некој идиот го мачкав лепчето со тоа чудото и се дерев по цела куќа, да се насобере народ, да види како малтерисувам.
Дебилче.

Сум јадела и јас зрна кафе. Ја молев мајка ми да носи немелено дома, па демек рачно да сум го мелела јас... А сето тоа од пусти мерак за зрно кафе.

И зрна бибер исто. После кивав во лепрозна со денови.

 

1-2 лајци какао и шеќер измешани во филџан и така си јадевме со брат ми, и се криевме од мајка ми оти не караше

 

Јас па обжавав кога ке дојдеше зима.

Доручек,ручек,вечера снег.
Десерт мразулец.