„Внимавај што посакуваш, можеби и ќе ти се оствари“. Какво е вашето искуство?

Јас лично се согласувам со ова и сум го искусила многупати во животот. Само мора да напоменам дека разликата помеѓу желба и цел е токму нашето залагање и превземање на соодветна акција. Доколку има само желба и остане на тоа може и да не се случи, меѓутоа доколку и самите ние работиме на тоа желбата да се оствари таа станува цел и секако дека ја остваруваме. Понекогаш за некои работи беспотребно сум се грижела и можеби сум мислела лошо, а на крај сепак добро излегувале. Како и да е доколку цврсто се верува во нешто и се посакува од суша и со чисти мисли и се делува во правец да се оставри таа замисла, секогаш има успех и остварување. Потребно е понекогаш и да го следиме својот инстинкт и да делуваме токму во моментот кога ќе ни дојде одредена мисла или идеја. Поздрав

 

Не ми се случило вакво нешто.

 

не се остварува бе даааа.. посакувам троца дечковци па кај се да ги видам

 

Мене да.Во многу наврати.Нешто од минатото на пример ми се допаѓаше еден дечко премногу.Направив да ме запримети,а потоа оставив на него се друго.Желбата за да дојдам до ''пленот '' мене лично во тој случај ми беше поголема и повозбудлива,од самиот чин што после навистина го добив. Си реков и сега што? Работите не беа како што си имав замислено во глава,или како што пишав самата возбуда за да го добијам беше од се поголема......Сега добро размислувам што сакам,и што ми треба за да не речам после '' е што сега? :/

 

Мене ми се случи и неможам да објаснам и сум посакувала повеќе работи ама тоа го посакав некако во афект и необјасниво ми се исполни.Ете тоа е моето искуство.

 

Доста луѓе од тука многу површно го сфаќаат ова. Не е сеа ќе си помислиш дека утре ќе бидеш милионер и навистина следниот ден се будиш во палата и 10 мил. на сметка. Поентата е малку подлабока. Значи, доколку нешто навистина посакуваш со целото твое битие, убеден си дека го заслужуваш, често визуализираш дека нештото го имаш, со радост го исчекуваш и го одиш патот кон тоа нешто- тогаш биди сигурен дека ќе ти се оствари. Така " случајно" коцкичките полека ќе се сложуваат и се ќе работи во твоја корист.
Некој погоре пиша дека му се случуваат работи што не ги посакува. Тоа е затоа што и стравот креира. Добро одговори некој- фокусот е на несаканите работи.
Често не го добиваме она што го сакаме, затоа што "потсвесно" ни се јавуваат разни програми ( јас тоа не го заслужува, тоа тешко се добива, никогаш не ми се исполнува она што го сакам и сл.), како и ПРЕнагласеното чувство за одсуство (немање) на посакуваната работа.
Да скратам, ако ве интересира ова, тогаш ви препорачувам да истражите околу законот за привлекување, таму ги има одговорите

 

Посакав дечко баш како што е он, и бидна...
Уште како мала сонував за некој каков што е он...

 

Ми се имаат случено работи што сум посакала да се случат,но мислам дека тоа е чиста случајност.

 

Не знам дали го следи некој, мене ми е пресмешен.


Шала на страна. Она "пазете" најчесто е поради недетализирани желби. Посакуваш нешто, ќе го добиеш во груб формат и многу работи недостасуваат за да биде целосно.
На пример другарка ми сакаше дечко информатичар, доби ама забораила да напомене во желбата да не е мамин син. После посака информатичар и да не мамино синче... упозна таков, ама типот имаше женска. Подоцна упозна информатичар кој е сингл и не е мамино синче, ама не бил амбициозен.
Значи, "пазете" значи да ги доработувате желбите до крај. Или со други зборови - човечко око ненаситно.

 

Не ми се случило...
За тоа што го посакувам ќе се намачам добро за да ми се оствари.
Има и случаеви кога ќе почам макотрпно, со голем ентузијазам па гледам не вреди и се откажувам.
Не верувам во ова.

 

За да се оствари не се потребни само мисли или визуализации, потребна е силна желба, намера и акција.
Не верувам во ова.

 

Се надополнувам на @Yowannty
Кога посакуваме нешто треба да биде конкретно и обработено во детали, или сите услови исполнети па нека се остварува или ништо. Вака ќе посакаме нешто, ќе ни се оствари тоа, но ќе ни се отежни нешто друго поврзано со тоа и така..

 

Ми се случувало многу пати во живптов . Еве еден пример : кога бев 7-мо одделение , посакував да имам многу додворувачи ( во превод да не можам на фб да се вклучам на раат ) . Толку многу го посакував тоа но никако не се остваруваше . Кога бев прва средно си велам како е пишано така ќе биде , научив да уживам со пријателите и со себе си . Со тоа и желбата ја снема ама ми се исполни сепак . Кога бев 3-та средно , имав толку додворувачи што си направив нов профил со лажен идентитет и го знаеа само неколку личности . Не дека ова е нешто битно , ама ете го зедов за пример , едно од многуте мои патешествија низ животов ама на желбава некако и требаше многу време и време и време додека да се оствари

 

Да ти кажам искрено, последниве 2 месеци ме маваше психа дека нешто не е во ред со мене, ама од денес ќе бидам смирена и нема да обрнувам внимание и да се замарам за здравјето кога сум здрава ко дрен што викаат старите.

Во мојот живот до сега можам да ти кажам дека 90 % од работите што сум ги посакувала сум ги добила, почнувајќи од студирање на приватен универзитет, добивање бг пасош по брза постапка, иселување од Македонија , добивање на работата која ми прави мерак, посебно сега од ко сменив со другата работа долу на Аеродромот , исто некои ситници на работи кои сама сум можела да си дозволам да си ги купам а сум сакала да ги имам.

Арно ама кога станува збор за љубов за жал не ми оди......не сакав да заврши последната врска, премногу го сакав и имав големи планови со него , најискрено од срце посакував да трае подолго, ама заврши


Од лично искуство ќе ти кажам дека ако човек сака нешто да постигне во својот живот, самиот ќе најде начин и ќе стигне до целта.

Знам ќе почнат дофрлувања од типот , ти помогнал некој за бг пасош па сега делиш памет од далеку.....Не, јас 2007 - ма година заминав Германија со македонски пасош и студентска виза. Бугарскиот пасош го добив Март 2013 , здравје ќе дојдам Јануари 2019 да го продолжам, но за се сама се снаоѓав ....Никој од моите дома не зборува странски јазици , јас никогаш немам работено во Македонија и не знам какви се условите за работа и работодавците , така да , се сама си средував и со изучување јазици и полагање за сертификати.

Ок, забегав со темата. Значи мој конечен одговор е, мораш сам да се потрудиш за да ти се исполни тоа што го посакуваш, сигурно нема од ведро небо да ти падне во раце.

 

10% потсвест 90% труд....

 

Многу пати кога онака баш од се срце сум се молела нешто да ми се случи ми се случило.А не сум верувала дека ќе се случи.Оптимист сум ама ги знам границите меѓу оптимизмот и реалноста.

 

Има огромна разлика помеѓу „Внимавај што посакуваш, можеби и ќе ти се оствари“ и
„Пиј си каве, пиј си тутун, азното само ќе си дојде“.
Се дури убаво не се испотам за тоа што го сакам, најверојатно нема ни да го имам.

Да речиме дека сакам некоја кола, опседната сум со неа, се би дала да ја имам. Дали имам шанса да ја добијам? Најверојатно да. Ќе работам, ќе штедам, ќе позајмувам, ќе се снајдам како знам ама ќе ја купам. И најверојатно сум среќна. Ден, два, месец, по година дена па и веќе ми се здосадува, сакам ново, подобро. Сфаќам не била толку совршена за да ми биде една и единствена опсесија.
Многу луѓе го посветуваат цел живот на нешто кое на крај сфаќаат не е доволно вредно за се што изгубиле за него.

Баш како што имаше некој пред мене кажано, не е толку површно колку што изгледа.

 

Mene mi se slucilo bas toa "vnimavaj sto posakuvas mozebi ke ti se ostvari".....ama bas bo bukvalna smisla na zborot, se sto posakuvav se mi se ostvari, sega zalam, barem nesto drugo da posakuvav....
Posakuvav nikogas da ne mi se ostvarea zelbite....cudno e ama vistinito.

 

јас има обратно мислење, дека тоа што не го посакуваш ќе те дојде на глава....а што се однесува до посакувањето, оооо ооооооо...сто години сакам седмица на лото и никако да ми се исполни

 

Нема тука никаква дилема, најчесто ни се остварува она што го посакуваме како резултат на силна воља, упорност, труд.... едноставно цела енергија ја насочуваш кон она што сакаш да го оствариш и затоа на крај се остварува.