„Враќаме доктори од УГД, со знаење колку лаик!“- доктор во Словенија

Да си ми жива за ова што го напиша.
Докторов спомна дека тој контактирал амбасадор и министерство да видат што се случува, ама не добил повратен одговор.

Ако сме реални сами со себе, треба да признаеме дека никаде, на ниту еден факултет кај нас (не само медицински) не цветаат рози, каде воопшто, каде по некоја. Нас целиот образовен систем ни е во тешка дупка, премногу реформи ни се потребни за да мрднеме од некаде. Вака само си ги копаме очите едни со други, а проблемот е многу, многу поголем.

Конкретно ниту еден од трите не произведува комплетен медицински кадар. На УКИМ е потребна подобра организација на предметите и начинот на полагање. Некои предмети се пренатрупани, во несоодвени семестри ставени. Полагањето исто, некои од колоквиумите се безначајни, неунифициран начин на усни испити. За УГД што да кажам апсурд е полагање интерна без положена физиологија, како воопшто некој го дозволува ова. Или тоа што собираат поени од сите полагања, па да се собере оценка. Отворен факултет без соодветен кадар, не може да имаш само еден професор по предмет и да немаш замена за истиот. Тетовскиот не го ни коментирам, најмалку сум запознаена со функционирањето на иститот.

Праксата на сите три е од лоша до најлоша. Како може да има факултет, а да нема соодевтни услови за вежби за сите предмети. Теорија без пракса не функционира на медицина. Не ми е јасно како воопшто е дозволено отворање вака факултети само да се отворат, а ништо да не се планира. Во државава воопшто како да не се вложува во наука.

 

И јас истово го помислив, како ги вработиле ако биле толку дудуци?
Знам човек тука дипломиран на УКИМ, во Германија најде работа ко доктор, али низ сито и решето помина за да го примат таму.

 

Многу интересна (за жал) јавна дебата или поточно преписка.

Само низ редовите на коментарите од двете страни (УКИМ и УГД) оние кои умеат ќе прочитаат и проценат кој си ја има мувата на капата (или кој повеќе ) и колку е саатот. Од Тетовскиот мудро си молчат или воопшто не разбираат шо е работата.

Штета. Жално.

 

Истиот систем и начин на собирање поени (т.н систем на Болоња) е на сите универзитети.

 

Не е само до универзитетите и до системот. Мајндсетот е скроз сјебан кај студентите. Јас кога го запишав смерот, сакав да го студирам, имав љубов кон таа наука а 90% од колегите у група готови прашања си делеа за испит.
ОК. Извинете колку год. сте? 12? Ај и средно школо ок да препишуваш али на факултет? Која е поентата? Поентата е само дипломата да се земе.

На УКИМ*

 

Како личност што студирала и на УКИМ и на приватен факултет, можам да кажам дека најголемиот проблем е во студентите, а посебно во новиве генерации. Завршив на УКИМ пред некои 5-6 години, и тогаш најмногу се уверив како поминуваа нечии деца (притоа гледам одбрани и за најдобро дипломирани студенти кои ниту еднаш не се појавуваа на предавања и даваа празни тестови). Исто така огромен дел немаа појма зошто се дојдени, препишуваа и положуваа колку да поминат. Секако, имаше и студенти кои беа максимално заинтересирани и посветени и сега се успешни професионалци низ светов. На приватен пак, бидејќи моментално го студирам сум со генерација што е некои 6-7 години помала од мене и искрено запрепастувачки е колку се возвишени, незаинтересирани и изгубени. Да, се поминува лесно од причина што се водиме по Болоњскиот систем, и 95% од нив поминуваат со 6ки собрани од присуство и чат пат некое поенче од колоквиуми. Нескромно ќе кажам дека јас и уште две-три студентки сме оние што се сосема заинтересирани, без чатгпт помагала, секогаш активни, со извонредни проекти на апсолутно ретки теми. Предноста е што професорите се цело време достапни и доколку си заинтересиран навистина даваат многу дополнителни можности, литература, и активности да се надградуваш. Програмата е напредна, имаме професори и од странство, и сум навистина задоволна. Е сега заради останатите, ќе остане таа стигма како се доаѓа до диплома иако со две раце потпишувам дека зависи само и само од студентот, колку сака да го изучува тоа, колку се труди и вложува. Затоа, имајќи ги видено двете страни, стојам на ставот дека и на УКИМ е со врски и некои секогаш ќе поминуваат како ништо да не е иако немаат идеја ни што студираат а не пак нешто повеќе, и на приватен секогаш ќе ги има тие со минимален просек пролазно колку да земат диплома. Квалитетот сметам, а и се надевам дека секогаш ќе се покаже понатаму

 

Правам споредба за медицински во Скопје вс Штип и со сигурност не е така во Скопје.

 

Ова е чист начин на понижување и комплекс на повисока вредност што често го имаат студентите на УКИМ.

Не за медицина, но за друг факултет и јас мислев УКИМ е број еден. За теорија да, за шансата што ти ја дава после тоа не. Посебно амбициозните се кочат за да не им ги земаат местата на нивните деца. Магистратура запишав на провинциски факултет толку ме исфорсираа без врски без ништо, што денес си терам интернационална кариера во странство.

Не го гледав интервјуто, но за да кажеш лаици, треба да си конкретен што точно не знаеле. А често луѓето со многу искуство во работата, забораваат дека и тие на почетокот биле тапа.

Од друга страна тој факултет во Штип си го тресат скандали. Ко на пример пред година две една што специјализирана таму за анестесиолог а уште немала дипломирано во Скопје, никој не проверил дека е фалш диплома.

 

Јас разбирам дека некој се навредил, друг е добар студент ама таму се запишал и морал да го оди тој систем и слично, сурово звучи кога некој вложил труд и таму.

Но, не заборавајте дека за здравје се работи.

Не за останатите науки, не за информатика или инжинер каде што ако не го бидува фирмата нема да го носи на грб.

Во овој сектор голем дел вработувањето не е по квалитет.
Знаеме на кого се дава предност, скандали избиваат секој конкурс, луѓе заминуваат странство исто како човекот обесправени без право на збор.

Епа кога е за здравје, не дај боже да дојдете во ситуација најострите зборови ќе ги имате.
Ќе барате квалитет, ама ќе го нема.
Додуша веќе го нема.
Ама се навредиле, пази како смее така.

 

Секој што е реален и ги познава работите и од искуство, а не само преку гласини, знае што не функционира. Не е доволно само да се воведе нешто ново во образование, а понатака да не се следи ефектот и разултатот кој го даваат студентите. Прашање е дали се вложува во некои истражувања и дали се следи правецот во кој се движиме и каков напредок имаме. Може многу да се дискутира на темава. Чест на исклучоци кои навистина се трудат да го доближат знаењето и се заинтересирани да помогнат и покрај нефункционалноста на системот. Ни останува да се надеваме дека некогаш ќе ги исфрлат од употреба методите кои никој повеќе не ги употребува и ќе се усовршат презентациите и скриптите. Може и тоа е многу. Who knows?

 

Студент бев на УКИМ и нема да судам дали е прав муабетот или не ама би издвоила неколку точки на оваа тема од мое гледиште:
1. За системот на полагање и фаќање услови нема да коментирам, мислам повторувано е повеќе пати низ форумов. На мојот факултет литературата од која ги спремаме испитите најчесто е или некоја светска: Гајтон, Робинс, Сабистон... или официјални учебници издадени од наши професори како на пример Интерна медицина томовите, Дерматологија, Инфективно и сл. Е сега, сум имала шанса да разлистам и дел од учебниците на УГД и можам да кажам дека во споредба со нашите се доста пооскудни. Не знам дали е тоа доволно за полагање или им бараат и дополнително нешто, не навлегувам.
2 . Од делот предавања и вежби и кај нас има секакви екстреми и презаинтересирани и ангажирани професори, а и професори кои не може да ги најдеш со месеци за да земеш потпис во индекс и мислам дека тука лежи најглавниот проблем во врска со нашата едукација, не постои стандаризирам систем со кој сите студенти би добиле еднакво и квалитетно образование. На пример: со колешките што сме блиски бевме кај различни асистенти конкретно по хирургија и вака беше случај: тие имаа научено 10 различни техники на шиење и површинско и длабоко и секакво, а мојата група не знаеше ни иглодржач да држи правилно, ама не се секирајте научивме на крај на дополнителни вежби. Верувам дека вакви случаи има и на УГД.
3.Друг проблем се самите студенти. Колеги, зошто кога ќе се погодите кај полабав асистент на вежби собирате потписи за 5 вежби во 1 или максимум 2 и слободното време го поминувате по кафиња? Јас лично за мене кажувам, таму кај што сум сметала дека има потреба или сум видела дека ми е многу интересно нештото или асистентот е ажурен сум одела вежби и од вишок. Од повеќе штета нема, од малку има.
4.Самото тоа што едукацијата на УКИМ се одвива на Клинички центар е предност затоа што има поширок дијапазон на случаи што би ги виделе и би стекнале поголемо искуство, во споредба со било која друга приватна или јавна болница. Прост пример и доказ за ова се родилките на ГАК кои ги препраќаат дури и од приватни болници во одредени случаи.
И резултат на сето ова што го приложив и уште нешто што имам испуштено е моменталната состојба на здравствениот систем во Македонија каков и да е....

 

Благодарност до Грујо шо ни направи втор факултет во Штип да останевме само на скопскиот и на "мајо клиника" ќе се видеше дури тогаш дали е само ради финансиски проблеми или има и нешто друго

 

Каде е тоа секаде загарантирана 6ка од редовност и оценка плус со семинарска? Нешто си се помешала, дефинитивно не е секаде така.

 

Општо познато е дека образованието во државава не е на солидно ниво.. тоа е последица на долгогодишното негово уништување.. Ќе ме критикувате дека сум ЈУГОНОСТАЛГИЧАР но факт е дека учиме од западните земји и тоа изгледа дека го учиме САМО тоа што НЕ ТРЕБА. наместо да ги преземеме позитивните практики пример од образованието во СЛОВЕНИЈА или НОРВЕШКА, ние ги презедовме НАЈЛОШИТЕ практики од БОЛОЊСКИОТ СИСТЕМ И КЕМБРИЏ.

 

Не е точно. 51 поен не значи автоматски положен испит со 6ка. Испитите на УГД по општа медицина се задолжителни. 42 поени се потребни минимум за право на полагање на испит. Со под 42 поени автоматски се презапишува предмет, а сите кои имаат 42+ мора да полагаат завршен испит на кој максимум може да се стекнат 30поени и според тоа да се формира соодветна оцена на крај. (За положување на испитот е потребно минимум 60% од материјалот)

Исто така прочитав коментари за слушање и полагање интерна медицина без положена физиологија или патофизиологија што исто така не е точно. Од пред веќе неколку години постојат измени така што положен испит по физиологија 1 е услов за полагање физиологија 2, кој е услов за патофизиологија 1, кој е услов за патофизиологија 2. За да се полага испит по интерна медицина треба да се положени предметите вовед во медицина, клиничко испитување 1, 2, физиологија1 и 2, патофизиологија 1 и 2 и уште неколку други. При тоа предметот може само да се слуша доколку студентот се стекнал со соодветен број на кредити за упис на 4та година претходно.

Практичната настава зависи многу од асистентот. Исто така постои можност секој студент да направи избор дали практичните вежби ќе ги одржува во болницата во Штип или Скопје. УГД активно сораборува со ,,8ми ноември", ,,Жан Митрев" и ,,Систина". Така што ни е овозможена пракса и во Скопје каде што има многу поширок спектар на медицински случаи.

На крај, добар доктор не се станува преку ноќ со добивање на диплома, туку со години работно искуство, безразлика од кој универзитет . Секаде постои корупција и секаде постојат полоши и подобри студенти. Каде поминуваат полесно не знам, но со сигурност знам дека дипломата на УГД се стекнува со голем труд. На УГД има врвни професори, доктори и специјалисти. Докторот во емисијата дефинитивно дава изјави и клевети со лажни аргументи кои силно влијаат на нашата репутација како идни лекари и за такво дело може кривично да одговара.

 

Даа, сум го слушнала тој муабет, запиши се таму, полесно ќе поминеш. Многу погрешно размислување за некој што треба да спасува животи. Кој што сака полесно да помине и да се бави со медицина има високи стручни школи, нека оди таму.

 

Реков дека не сум сигурна дали беше 51 или 61 за шестка. Одамна дипломирав јас па сум заборавила.

Тоа не се однесуваше само на УГД, истиот болоњски систем е на сите универзитети. И на УКИМ собираат поени од редовност, семинарска и коловиуми.


Иначе за сето друго се согласувам. Јас лично познавам преквалитетни студенти што учеле и завршиле медицина на УГД.

 

Колегата кој ми го кажа ова, ми го кажа пред неколку месеци, дека дипломирал со физиологија, значи најмалку последната генерација кои земаа сега лиценци, беа со тој систем, да можат да полагаат елементарни предмети, како последни испити.

Се надевам дека е сменето за поновите генерации како што кажуваш, бидејќи со не познавање на базата, нема смисол да се слушаат и полагаат клиничките предмети.