Сега засега нема, но можеби ќе снимаат ако има добар рејтинг П.с. ако знае колкав рејтин има нека пише
Последните македонски серии се како утринско планинско ветре во пострежимскиот застојан воздух на македонската филмска сцена. До толку се значајни и освежувачки во ова контаминирано турскосеријашко поднебје, каде 10 години највпечатливиот "уметнички" дострел беше хистеричното "Мамо мааа..." на Јелена гумен куршум Жугиќ. Но, Зошто во сите серии наместо литературен македонски јазик се "фура" скопски дијалект? За "уметнички дојам"? Има места каде навистина е потребен жаргон или дијалект за да не изгледаат кадрите вештачки (во секојдневен говор никој не зборува литературно) и да не се губи на спонтаност. Но во лиценцирана серија, со купено сценарио како што е На Терапија литературниот јазик само ќе го збогатеше општиот впечаток од серијата. Единствено Никола Ристановски и евентуално уште некој се обидува да зборува литературно. Дури некои актери биле принудени нативниот дијалект да го адаптираат во скопски за потребите на сериите... Сите сме ги гледале "Исправи се Делфина", Црно Семе, Мис Стон и еден куп други филмови во кои колку што им било битно како ќе одглумат, на актерите исто толку им значела и правилната дикција, правилното акцентирање и користењето на литературен говор. А во радиодрамите на македонското радио кои и денес одат во етер, македонскиот литературен говор е донесен речиси до совршенство и звучи многу култивирано, длабоко и богато. Поентата е дека во време кога расте бројката на деца кои полесно се изразуваат на англиски отколку на сопствениот јазик, кога македонскиот јазик е во криза бидејќи ретко се чита на македонски, кога издаваштвото е во криза оти ретко кој купува книги на македонски јазик и кога во медиумите упорно се турка скопски дијалект што од незнаење, што неводење грижа, што од немање адекватен лектор, сериите и филмовите од домашна продукција се единствено место каде може да се негува литературен македонски јазик.
Дали некој можеби, само можеби, ги има снимено епизодите од серијава, особено од 3та до 27ма, или знае каде можам да ги најдам? Ги изгледав прва и втора епизода дури сега, иако серијава одамна беше хит (доцнам вообичаено, како со сите филмови скоро), ама никако не можам да ги најдам од 3та до 27ма! А толку многу ми се допаднаа првите две, навистина сакам да ја изгледам цела и по ред... Help... Anyone..? Фала ви!