Често животот нѝ спрема чудни изненадувања и нѐ става пред тешки крстопати, пред кои мора да донесеме важни одлуки од кои ќе нѝ зависи понатамошниот тек на нашиот живот. На тој начин сами си ја одредуваме сопствената судбина. Спојлер Токму тоа ѝ се случува на Сиси Вилкис- главниот лик во овој преубав роман. Кога Сиси има шеснаесет години нејзиниот живот тргнува во сосема спротивен правец, сосема спротивно од она што таа го планирала и посакувала за себе. На дванаесет годишна возраст Сиси останува сирак, кога нејзината мајка умира таа живее по домови и различни семејства. На шеснаесет години Сиси конечно го средува својот живот- работи како келнерка во еден ресторан и собира пари за да се запише на колеџ. Тогаш се вљубува во убавиот Тим Глисон. Тим полека ја вовлекува Сиси во неговиот свет и ја убедува да учествува во неговиот план да ја киднапираат жената на гувернерот за да може да ја намали казната на својата сестра која е осудена на смрт поради убиство. Сиси е премногу заљубена во него и прифаќа да учествува во тоа. Нејзината задача беше само да ја чува жената на гувернерот додека Тим и брат му Марти преговараат со нејзиниот сопруг. Но работите се комплицираат... Животот на Сиси се менува од корен и таа е свесна дека ова не ѝ го направи судбината туку си го направи самата таа и сега мора да ги трпи последиците од тоа. Каков ќе биде животот на Сиси и Корин ве оставам да откриете сами, мене оваа животна приказна ме обзема и не можев да ја оставам сѐ додека не ја дочитам, бидејќи оваа книга нѐ учи дека некогаш самите си ја одредуваме својата судбина, а последиците од тоа ги чувствуваме цел живот. Сте ја читале ли оваа прекрасна книга??
Преубав трилер, обожавам вакви книги. Да не откривам премногу за тие што не ја прочитале, сепак ми беше жал за мајката на крај
За книгава едноставно немам коментар,преубава книга,дека не читам вакви книги трилер/мистерии,мајка ми ја доби на подарок и кога земав да ја читам неможев да престанам додека не ја прочитав. Вреди да се прочита,а се чита не повеќе од 3 дена иако е накај 500 страни.
*Вистината секогаш излегува на виделина.* Книгава воодушевува,ми ја препорача една пријателка,не можев да престанам да ја читам,ми има оставено голем впечаток.Ја обожувам !
Прекрасна книга, со многу поучна порака за сите - што може да се случи ако сме наивни и непромислени, макар и само момент во нашиот живот... Ја препорачувам на сите феминки - се чита без престанок од првата до последната страница...
Не можев да ја оставам ни минута. Би ја препорачала на сите кои ја немаат прочитано. Навистина вреди и сигурно нема да згрешите..
Мене книгава не ме фасцинира нешто посебно..малку нереално ми се одвиваше расплетот ама добро, тоа си е избор на писателот И да, има поента ок, ама јас сепак не би ја препорачала. Многу е предвидлива и некако обична ( секој со вкусовите )
Навистина една преубава книга.Книга за една млада и наивна девојка која е заведена од шармантниот Тим на кој безусловно му верува и во кого е вљубена и за кого е спремна и животот да го даде.Заведена од шармантниот Тим,Сиси се впушта во една многу опасна игра не размислувајки за последиците и за она што може да се случи. Нема да ви откривам повеќе од содржината,ве остам да ја прочитате.)
Мојата омилена книга,дефинитвно. Ја прочитав за неполни 2 дена, иако имаше околу 400 страници. Толку заразна книга, која не те пушта да ја оставиш ни за момент.Не сакав ни до тоалет да отидам додека ја читав, а не па да излезам негде.Цело време мозокот ми беше во неа, и на некој начин тажна бев кога ја дочитав. Освен тоа има и голема поука во неа.Сето она што сме го направиле, никогаш не може да остане скриено, се се дознава на крај. Прекрасна книга.
Истиот впечаток и мене ми го остави. Единствена книга што не ја проследив друг да ја чита од страв да не ми ја загуби и не врати Цел ден и нок ја читав без прекин.
