Последна прочитана книга и кратка критика

„Папата Јована“-Дона Вулфолк Крос. -

Воодушевувачки добра книга. Се работи за девојка, која ја има таа несреќа да се роди во време кога жената претставува само машина за раѓање деца и работа по дома. време кога се смета дека жените немаат способност да размислуваат, проценуваат и се сведени на ниво на животни. Во тој период оваа жена сака да оствари ншто повеќе и да биде повеќе, а знае дека го заслужува тоа поради нејзината надпросечна интелегенција. Се бори со сите препреки, вклучувајќи го нејзиниот татко, да биде учен човек. Се облекува во машки алишта и животот го поминува како маж, по што полека полека доаѓа на местото на папа.

Не е познато дали приказната е вистина, сепак победниците ја пишуваат историјата. Во секој случај инспиративен роман, кој се чита во еден здив. 10/10 - Топло препорачувам.

 

''Thrilling, beautiful, and blisteringly smart, We Were Liars is utterly unforgettable. - John Green, #1 New York Times bestselling author of The Fault in Our Stars''

Кога го прочитав ова на насловната, кратката содржина, а и фактот дека е одбрана за најдобра YA за 2014 - си помислив се работи за нешто навистина незаборавно, имав преголеми очекувања од книгата. На крај, испадна незаборвно, но не во позитивна смисла на зборот, искрено не се сеќавам да имам читано побесмислена книга.

Воопшто не ми се допадна ниту стилот на пишување, ниту ликовите, ниту самата приказна. Од секоја книга извлекувам по некој заклучок, но оваа баш немаше никаква поента. Не ја препорачувам!

Да ја имав книгата во раце, ова ќе ѝ се случеше. Но, таблетот не можам да го фрлам.

 

The son - Jo Nesbo


Кога почнав со читање на книгава дефинитивно не бев подготвена за тоа што ме очекува. Ова е прва книга што ја читам од Несбо, брилијантен трилер што ми ги надмина очекувањата. Но, морам да кажам дека неговиот стил е типичен европски машки, сличен на скандинавските, т.е груб, директен, прилично сликовит во гнасните сцени и описите, па не би им го препорачала на оние со поосетливи стомаци.

Во книгата има се што би требало да содржи еден добар напнат трилер: убиства, акција, бруталност и насилство, дрога, корупција, гангстери.

Спојлер: Кратка содржина

Сони е затвореник во еден од најдобро обезбедените затвори во Осло, уште од својата 18та година. Осуден е за злосторство кое не го извршил, но го признал а за возврат континуирано добива хероин. Уште од дете го идеализирал својот татко, полициски офицер кој извршил самоубиство после признанието дека бил корумпиран. Во затворот е познат како исцелител и исповедник, другите затвореници одат кај него да ги признаат своите гревови, а тој им простува и се моли за нив. Во еден таков исповед, дознава нешто што ќе му ја смени неговата иднина. Открива дека неговиот татко не се самоубил, како што си мислел целиот свој живот, туку тој бил убиен. Не можам да кажам нешто повеќе без да откријам суштински делови од книгата, но можам да кажам дека следат многу изненадувања и неочекувани пресврти.

Но, она што најмногу ми се допадна кај оваа книга, освен непредвидливите случувања, беа емоциите кои владееја во мене додека ја читав. Тага, гнев, лутина, збунетост, цел спектар на силни емоции кои ретко можат да бидат предизвикани од една книга од 400 страници. Затоа ѝ давам 5/5!

 

Прељуба - Пауло Коелјо

Од книгата морам да кажам дека очекував многу повеќе со цел мерак ја купив, но не е ништо посебно напротив...

 

Прељуба- Паоло Коељо
Интересна приказна за една жена која после разговорот со еден човек кој и вели дека доколку мора да бира помеѓу љубов и среќа,попрво би бил несреќен, започнува да се преиспитува себе си и запаѓа во депресија која за малку ќе и го уништи животот.
Интересна приказна, многу убави мисли, супер за анкциозни личности (многу анкциозни дами ке се пронајдат во главниот лик).Мене искрено ми се допадна, верувам дека има многу жени слични на Линда (иако имаше делови во кои Линда оди во крајности, како на пример идеата со кокаинот) и многу мажи како сопругот на Линда.На крајот всушност сопругот на Линда објаснува што значи вистински да сакаш некого.

Undomestic Goddess- Sofi Kinsela
Софи Кинсела е мајстор за пиување духовити книги.
Во оваа книга главен лик е Саманта која е адвокатка во една од најпрестижните адвокатски канцеларии во Лондон, таа е работохолик, постојано е на работа, постојано е во брзање и е под константен стрес.По решавањето на еден успешен случај треба да стане партнер во фирмата ама одкрива дека направила грешка.Во шок ја напушта работата, се качува во воз, и завршува во едно село како куќна помошничка...
Книгава иако е духовита има доста јасна порака, дали животот треба да го сочинува само работата и кариерата, што е со сите работи кои ги пропуштаме трчајки по некој замислен успех, и дали тој успех е вреден во споредба со нештата што сме ги пропуштиле?
Мене ми се допадна ептен и ме поттикна баш да размислувам на оваа тема и да се преиспитам.

Easy-Tamara Webber
Прекрасна книга, ми се допадна ептен. Преку љубовна приказна за млади луѓе обработена сериозна тема за насилство врз жените.
Книгава е во ранк на Безнадежни, многу лесно се чита, а има јасна порака, ако ви падне во рака прочитајте ја нема да зажалите.

 

Последната пролет во Париз - Јелена Бачиќ Алимпиќ

Пријатно сум изненадена од писателката и од книгата. Ова е прва книга која што ја прочитав од неа и ми се допадна. И покрај тоа што крајот го насетив уште на средината на книгата, сепак тоа не беше причина и понатаму книгата да не ми го одвлекува вниманието. Многу топол и мек начин на раскажување на настаните, прва четиво на кое пуштив солза. Емотивна нарација на Марија Колчак за нејзиниот живот без живот како што самата таа го нарекува, се е толку убаво предадено од збор до збор од тоа како љуби за прв пат до тоа како ги поминува последните денови од нејзиниот живот кога ќе реши да го превземе последниот чекор за малку среќа пред самата смрт...
Дефинитивно книга која што се доживува длабоко со сите сетила!

 

Ангели и демони - Ден Браун

Неизвесност до самиот крај, уживав читајќи. Ватикан, минатото и сегашноста се поврзуваат, се се испреплетува, не би сакала ни кратка содржина да кажам за да не го расипам задоволството доколку некој сака да ја прочита

 

Сенка на ветрот - Карлос Руиз Зафон

Што има да се каже за книгава? Совршена е, се` е кажано. На толку добар начин Зафон знае да ни прикаже дел од неговата имагинација, што дури се чувствувам како да ја нарушувам неговата приватност. Ми остава впечаток тоа што не одовлекува, но и не брза, има доволно описи, но не и премногу. Значи, се` е со мера, во точна доза за едно прекрасно уметничко дело. И знае кога и како да внесе хумористичен елемент, а и на кој начин да ме натера да се тресам од неизвесност и антиципација. Ја завршив за неколку дена, и искрено, последниот ден со сите сили се обидував да не ја дочитам, за магијата да потрае уште малку. Неверојатна мистерија, кој е љубител на ваквиот жанр, обавезно да ја чита, едноставно страните сами се вртат, ветувам! За мене следна од Зафон е Играта на Ангелот, само да се воздржам да помине оваа недела па да ја почнам.

 

The Husband's Secret - Liane Moriarty

Спој на три приказни за три жени кои навидум немаат ништо заедничко.
Педантната Сесилија која на прв поглед има совршен живот и сите конци ги држи во рака. Срамежливата Тес која дознава дека нејзиниот сопруг е вљубен во нејзината братучетка. И изнемоштената Рејчел која целиот свој живот трага по мир откако ја губи нејзината ќерка.
Овие три жени ги спојува мистериозното писмо во кое е откриена мрачна тајна - исповед што ќе им го промени животот на сите.

Штета што не можев да седнам на раат да ја читам, ептен ја развлеков, инаку верувам дека ќе ја прочитав во еден здив. Имав малку поинаква замисла за книгава, ама ми се допадна. Стилот на пишување не беше лош, освен тоа ми се допадна како сите три приказни станаа една

 

Десеттата симфонија - Јозеф Јелинек.
Ја земав најслучајно во библиотека додека ги разгледував другите книги. Прочитав само кратка содржина позади и ја земав.
Без очекувања, само предизвик ми беше во овие денови да прочитам плус уште некоја книга.
До 300 и некоја, ми беше само интересна приказна, каде се надоградував во однос на класичната музика и Бетовен, а последните 60тина страни, кога веќе ми почнаа сомнежите, ги прочитав со брзина на светлината.
Интересна книга. Лесна, брзо се чита и нема некоја тешка тематика. Би го сменила крајот, кој пребрзо ми дојде, после кулминацијата.

 

Ќерките на принцезата Султана-Џин Сасон
Оваа книга е 2 дел од трилогијата за принцезата Султана, која всушност е вистинита приказна која раскажува за животот во Саудиска Арабија, посебно за положбата на жените во Саудиска Арабија.Едноставно бев шокирана и згрозена од некои делови кои се опишуваат во овие книги, навистина ги жалам жените кои имале несреќа да се родат и да живеат таму,и фала му на Бога што имам среќа да живеам во едно цивилизирао општество.Оваа трилогија ја препорачувам обавезно да ја прочитаат жените и едноставно да уочат во каков рај живееме ние тука во споредба со пеколот во Саудиска Арабија.

Да се прескокне Божиќ-Џон Гришам
Оваа книга е комедија во дохот на Божиќните празници.Еден брачен пар одкако ке ја испрати ивната единствена ќерка која се пријавува за доброволна работа во Перу,пред почетокот на Божиќните празници, решаваат оваа година да го прескокнат Божиќ и да одат 10 дена на крстарење.Меѓутоа не оди се по планот во последен момент се се испревртува...

Снови у плаво-Јојо Мојес
Приказна за Џес,самохрана мајка на две деца, девојче од 10 год кое е надарено за математика, и момче тинејџер со специвичен стил на облекување кое епостојано малтретирано од негови соченици и кое всушност и не и е биолошки син.За да може да ги издржува и да сврзе крај со крај работи на 2 работни места, мажот и наводно паднал во депресија и ја напуштил да живее со мајка му.Еден ден наставникот на ќерка и ја известува дека има можност ќерка и да добие стипендија во едно приватно училиште во износ од 90% од школарината, а за останатите 10 % може да ги надоместат доколку победи на математичка олимпијада која се одржува во Шведска.Паралелно се раскажува и приказна за Ед човек кој е успешен бизнисмен кој прави непромислена грешка на работа и го очекува исходот како ке се заврши целокупната збрка.Неговиот живот се испреплетува со животот на Џес кога тој ке одлучи да ги вози за да стигнат на време на олимпијадата. Интересна книга, лесна за читање, ми се допадна.

Превез од тајни-Харолд Робинсон-
Интересна, мистериозна, напета...
Медисон Дупре е најмена да пронајде предмет кој бил закопан заедно со Исус и кој е од непроценливо значење.Потрагата започнува во Дубаи, па продолжува во Инстамбул и завршува во Венеција.Нешто во стилот на Ден Браун но сепак далеку од неговото ниво во раскажување.

 

Before I go to sleep - S. J. Watson



Не се сеќавам во цела 2014та година да сум била поизнервирана за книга, колку за оваа.
Книгата е слична на филмот 50 first dates, жена има тип на амнезија и не може да памети ништо што и се случило после одреден ден, секој ден се буди и нема поим што и се случувало претходниот ден. Трилер е, Кристин, главниот лик, дознава дека не може да верува на никого и се обидува да открие што всушност и се случува.

Не можам да кажам дека беше потполно промашување, книгата ми беше забавна за читање, иако не бев љубител на стилот на пишување. Најголемиот проблем беа сите дупки во заплетот и крајот кој беше недоволно добро осмислен, и невозможен да се случи во реалноста.
Не препорачувам.
3/5

 

Голо лице - Сидни Шелдон

Еден истакнат психоаналитичар има исполнет секојдневен распоред со своите пациенти.За секој еден од нив одвојува по еден час, ги слуша нивните проблеми, а воедно и ги снима на магнетофон.Самата книга започнува со убиство на еден маж, на аголот на улицата 59.Веднаш по него, следи и друго убиство.

Мистерија, динамичен тек на настаните..
Голем број прашања, а за нив нема одговори.
Следуваат напнати ситуации.

10/10

 

Книга која ќе ја прочтате во еден здив, буквално. Низ целата книга има дејствие, постојано се случуваат нови работи и самата приказна те тера да читаш уште и уште. Се до последен моемнт не се знае како ќе заврши целата риказна. Може само да претпоставувате кој ќе биде расплетот, ама се сомневам дека точно ќе знаете што ќе се случи.Јас сум голем љубител на трилери. Книгава не можев да ја испуштам од раце, низ соби со неа шетав
5/5

 

„Уживај во малите работи, можеби некогаш ќе се обѕрнеш и ќе сфатиш дека биле големи.“

Феноменален роман посветен на осаменоста, пријателството, постојаната потреба на човекот за љубов во сите нејзини облици. Изобилува со внимателно одбрани цитати од историјата на светската книжевност и западната и источната филозофија, кои на вистински начин ја доловуваат поентата во книгата. Ја прочитав во еден здив, со постојана насмевка на лицето. Многу реченици кои се напишани ги подвлеков, ме принудија да размислувам за некои ситници што самите ние ги правиме постојано, свесно и несвесно, а со тоа ја покажуваме љубовта без оглед дали некој ќе ја препознае или не.

 

What good is a lifeguard who can't save lives?!

Ова ми е прва прочитана книга од Петерсон и искрено, имав преголеми очекувања! Ако треба да судам според прочитаното се прашувам како е можно книгава да е бестселер, а тој еден од најпродаваните автори на сите времиња.

Почетокот не беше воопшто лош, но како што читав понатаму стануваше сѐ побезсмислена и нереална. Ја мкнам цела недела, одвај успеав да ја дочитам. Еден куп ликови, ниту еден доволно добро осмислен, повторување на нивните имиња и кај што треба и кај што не треба (како читателот да е глупав и не може да ги запамети главните ликови), еден куп акција која кулминира со нелогични пресврти, просечни дијалози и стил на пишување. Не препорчувам!