Последна прочитана книга и кратка критика

Девојката со портокали - Јустејн Гордер

Одлична книга! Се чита во еден здив, навистина не ни приметив кога сум ги поминала страниците. Мислам дека само што почнав се најдов на средината.
Ако го заборавиме тоа што е малку предвидлива, навистина многу убава љубовна приказна од соништата. Малку нереална секако, ама волшебна, бајка во вистинската смисла на зборот.
Покрај тоа, книгава опфаќа и една од моите омилени теми - универзумот, постоењето... Прашањето на крајот беше навистина комплексно, и мило ми беше поради изборот на Георг, бидејќи и јас истото би го избрала.
Навистина уживав читајќи ја, ја препорачувам, ама мислам дека не е книга која би им се допаднала на сите.

 

Сместена во втората половина на 19ти век, Yellow Crocus ја раскажува приказната за пријателството и приврзаноста меѓу една робинка по име Мети и Елизабет која е дете на богато семејство. Паралелно го следи луксузниот животот на американските семејства, наспроти бедата во која живеат робовите. Со оглед на темата, книгава на моменти е многу болна, дури некои делови сакав да ги прескокнам. Приказната е емотивна, а ликовите се многу допадливи. Единствено имам замерки за стилот, можеби оекував повеќе. На моменти ми делуваше како дете да раскажува. Во секој случај убава книга. Штета што Лајла нема ништо друго издадено, а баш сакав да прочитам уште нешто од неа. Ама на goodreads напишала дека работи на нова книга, така што сигурно ќе ја ставам на листа

 

Нешто сино-Емили Гифин
Нешто сино е топла, комична и крајно романтична сторија.Лично мене ми беше многу интересна бидејќи кулминацијата на книгата е во самиот пресврт кој доаѓа на крајот

 

Ангели и демони - Ден Браун

Спојлер: Корица

Фантастично дело! Немам зборови. Разни информации заедно со познати места во Рим и Ватикан преточени во прекрасна, напната приказна.
Малку ми беше шубе да ја читам по Кодот на Да Винчи, бидејќи хронолошки оваа книга е пред Кодот. Така што знам дека ниту ќе умре, ниту ќе останат заедно со Виторија. Многу пресврти кои ме оставија со подзината уста. Особено расплетот на крајот, не ми се веруваше.

Спојлер

Јас цело време се сомневав на Оливети, а ете излезе самиот коморник кој ја подготвил целата збрка. И го убил сопствениот татко.
Искрено се надевав дека барем последниот кардинал ќе преживее, тој што се удави.

Настрана тоа, изворедна книга, ќе ми остане долго во сеќавање и ќе ја препорачувам на сите. Дефинитивно не оставам ништо од Ден Браун непрочитано сега. Книгава ми стана една од омилените, покрај Кодот на Да Винчи. Не можам да се решам која од нив е подобра.

Книгава ја претставува вечната борба на науката и религијата. Се чита во еден здив и буквално ќе ве носи низ улиците на прекрасниот Рим.

 

Роза за балерината - ЛУРЛИН МЕКДЕНИЕЛ
Книга што се чита во еден здив. Nothing more!

 

Последниот воз за Истанбул-Ајше Кулин
Прекрасна книга во која Ајше Кулин ги опишува жртвите што се мораа да прават турските државници за да ги спасат Евреите од злобата на Хитлер.Бидејќи имаше стравови за турските Евреи во Франција дека може Хитлер да направи катастрофа во Франција,турските административци правеа на секакви начини да ги спасат Евреите.Тешко е да се има народ,а да немаат татковина.Зошто па Евреите да ги прогонуваат?Зар и тие не се човечко битие,зар немаат тие душа?Во книгата е опишано како некој турски Евреин го зеле во работнички логор и беше страшно да се прочита,а камоли да се замисли таква глетка...беа опишани и разни други судбини на турските евреи со мешани бракови со муслиманки и слично.Книгата вреди да се прочита.Препорака

 

Ако не постои утре - Гијом Мисо

Малку сум разочарана, нема ниедна критика за книгава на фемина. Јас ќе да сум таа што ќе ја стави на тапет.
Не ме разочара книгава, секако. Прејак трилер, ептен во стилот на Гијом Мисо, малку одлетан од реалноста, ама по тоа е Мисо познат.
Како и секогаш ликовите одлично изградени, приказната совршена, немам никакви критики. Барем во оваа немаше некој со потекло од ужасен кварт од градот.
Спека, целото тоа менување на судбината не ми е многу по вкус, претпочитам сепак сите да си останат со своите судбини, ама вака е подобро, во секој случај.
Би ѝ дала 9/10, не знам зошто, не ѝ фали ништо, ама не е нешто вауу.

 

Дали ме чекаш? Гијом Мисо

Книга која не смее да остане непрочитана!
Сплет на околности ,љубов,далечина,неспокој,неизвесност ,судбински пат и доза на мистерија совршено маестрално испреплетени за до крај да ви го држат вниманието!

"Секој од нас барем еднаш си го поставил прашањето: Што би измениле ние во нашиот живот, кога би нѝ се дала можност да се вратиме во минатото? Кога би можеле да почнеме од почеток кои грешки би се обиделе да ги исправиме? Која болка, кои грижи на совеста, која тага би ја одбрале да ја избришеме? Дали би се осмелиле, навистина, да му дадеме нов смисол на нашиот живот? Да погодиме што ќе стане со нас? Каде да одиме? И со кого?“
Ете ваква шанса да се врати во минатото и за да ја види уште еднаш Илејна(неговата најголема љубов за чија смрт чувствува одговорност), има Елиот(млад надежен лекар).Десет пилули со златна боја ќе му овозможат патување низ времето.
А дали ќе се промени нешто прочитајте самите

За еден ден ја прочитав ! Вечерта си реков ај, да оставам задоволство и за утре, да ми тргне денот. Ама не се заспивало така лесно штом си на средината, во најинтересното! Па, си станав и до 3 и пол вечерта ја дочитав. Патував, чувствував, треперев,се ежев, плачев(што е реткост!) и најмногу од се уживав!
Чиста десетка!

 

Alive - Scott Sigler

Една девојка се буди заробена во ковчег, нема поим која е, ниту пак како воопшто дошла таму. Чувствува болка по телото, вика по помош, но никој не доаѓа да ја спаси. На крајот сама успева да се ослободи и да излезе од ковчегот, но во просторијата каде се наоѓа ја дочекува чудна ситуација - уште 11 други ковчези, сите од нив затворени.

Иако жанрот не ми е баш омилен, решив да ја прочитам зашто кратката содржина ветува интересна приказна. Арно ама, мене ми даде сосема поинаков впечаток за она што ќе се случува. Воопшто не замислував дека ќе оди во тој правец.
Првата половина е сиромашна, скоро ништо не се случува, можам слободно да ја прераскажам во три реченици. Потоа на виделина излегуваат многу работи, кои искрено мене ми беа малку смешни.

Не знам што да кажам за книгава, можеби очекував друго, па затоа се разочарав. А можеби и не ми се допадна толку бидејќи не сум голем љубител на SF. Дефинитивно не е my cup of tea, но можеби на друг ептен ќе му се допадне. Баш ме изненадија многуте позитивни коментари на goodreads, едвај дојдов до овој коментар со низок рејтинг и се изнасмеав додека го читав Ако не сте ја читале книгата - не го отварајте. Во голем дел ги опиша моите впечатоци за кои не смеам толку слободно овде да коментирам, зашто премногу ќе откријам. Искрено, не знам дали ќе ги читам другите два дела од трилогијата, мислам дека ќе застанам со првиов дел.

 

Злосторство и казна
Фасцинантна книга и фасцинантна психологија која не е толку лесно да се разбере. Колку и да е тешка книгава, уживав додека ја читав, вредеше. Сега само се мислам дали е во ред тоа што се заљубив во Раскољников уште од почетокот и што воопшто не ми беше жал за бабите туку само мислев дали ќе го фатат .
10/10

 

Ја читаше на англиски или превод?

 

На англиски, мислам дека нема превод на македонски
Во зависност од тоа на кој јазик ја читам, така и насловот го пишувам

 

Си зедов неколку постари бестселери за летниот одмор,па супер ми легнаа.

1.Исчезната без трага-Шеви Стивенс
Навистина си заслужува и оцени и пофалби.Одличен стил на пишување,описот на целото мачење,киднапирање и силување кој го дала авторката е навистина извонреден,онака баш да се соживееш со главниот лик.
Толку гадотии,што на моменти ми требаше да подзастанам ,да се приберам малку.
Крајот ми беше прилично неочекуван,си правев шпекулации,ама сепак бев изненадена.
Одлично претставување како работи еден психопатски ум и дефинитивно страв да те фати да не ти се случи истото.


2.Без Збогување-Линвуд Баркли
Човекот си го обожавам,бидејќи досега ми нема промашено трилер,сите си ги пишува со одлична содржина и многу акција,како и секој детал перфектно склопен.Исто и за книгава си правев многу теории,она што го прочитав беше сосема различно,иако малку останав разочарана,очекував нешто подруго,поинаков,да не речам поубав крај.
Ликовите беа солидни, не се изгубиле страници на нивна психичка анализа,само површно се прикажани,ама таков е начинот на Баркли,акцијата е битна.
Ако споредам други негови дела,оваа ми беше за нијанса со побавно дејствие,но сепак одлична.
Не за друго,и мајка ми беше воодушевена

3.Девојката од хартија-Гијом Мисо
И овој автор ми е на листата омилени од својот жанр,секогаш одлични романтични комедии,а не пропушта да внесе акција,малку мистерија и sci-fi.И морам да кажам,иако му имам прочитано 5 книги,сеуште успева со истата јачина да ме внесе во приказната и со крајот да ме шокира.Исто така,непропустливи се одличните цитати,имаше неколку за врската на една книга со читателот што навистина беа прекрасно искажани.
Не ми се допадна главниот лик,карактерно ми беше премногу слаб и зависен од бившата,барем за мој вкус,ама девојката ја вадеше работата

4.The Italian Girl-Lucinda Riley
После The MIdnight Rose,која беше преубава,очекував многу од книгава.Не дека беше лоша,за на плажа,за релаксација е доста пролазна,но воопшто не ми се допаднаа ликовите.
Росана ми беше премногу опсесивна и себична и дефинитивно си заслужи се што се случи,мило ми е што на крајот се опамети.
За мажите како Роберто,само некоја со каиш,да ги доминира,да ќутат и да седат мирни,бидејќи нималку не ја заслужи таа среќа што ја доби и што не знаеше да ја цени.Ужасно антипатичен лик,во никој случај шармантен и навистина не разбирав што гледаат во него.Во некои книги,едноставно колку некој да е ужасна личност,има некои делови што те привлекуваат,т.е. „there is more than meets the eye".Овде,не беше тој случај.Плиток,арогантен,себичен до бескрај,вуманајзер без кочници.И сега пак ме изнервира
Ама навистина не поднесувам такви мажи,баш ич.

 

НАШЕТО ПОСЛЕДНО КАФЕ - Коста Петров
Ова е книга за сите борци. Книга за луѓето кои не се откажуваат. Книга за луѓето кои ја гледаат светлината и во најтемните моменти на животот. WoW од книга! Ви ја препорачувам на тие што навистина сакате да извлечете некоја поука и да постигнете нешто во животот.А таквите книги како Го сакам Париз,го сакам овој оној не ме задоволуваат,нит пак можам да извадам некоја поука.Со тие само екскурзии на мозокот можеш да си правиш и да мислиш дека светот е РОЗОВ. Обожавам книги,кои кажуваат колку навистина животот е суров...Тоа е тоа!