13 причини (13 Reasons Why) [2017]

Хана, млада девојка која си го одзема сопствениот живот. Две недели по нејзината трагична смрт, соученикот Клеј наоѓа мистериозна кутија на неговиот трем. Во внатрешноста на кутијата се снимки направени од страна на Хана во која таа објаснува 13 причини зошто таа одбрала да изврши самоубиство. Ако Клеј одлучи да ги слуша снимките, тој ќе дознаете дали и како тој се наоѓа на листата.

Една сезона со 13 епизоди серија на Нетфликс.


Приметив многу членки ја препорачаа , па решив да се отвори тема за дискусија.

 

До 6та епизода сум. Засега можам да кажам дека има многу непотребни сцени, приказната ми е некако разводенета. Книгата е далеку подобра

Спојлер

, Клеј ги слуша касетите во една ноќ и некако имаше поголем импакт.

Ме нервираат сите споредни приказни. Ликовите не се опишани во книгата до детали, се изненадив од некои, ама Хана и Клеј ми се полн погодок.
Ќе ја догледам зашто ја почнав, ама со мрчење.

 

Ајде малку поопширно мислење да напишам сега откако ја догледав. Ќе го ставам во спојлер, има и од книгата спојлери и од серијата за крајот.

Спојлер

Стојам на мислењето дека книгата е подобра. Во книгата нема ништо од ова во серијата, од гледна точка на Хана и Клеј е раскажана и толку. Нема родители, тужба, Клеј не се соочува со никого. Ја има Хана многу повеќе.
Клеј и Хана не се пријатели, средбите прикажани на прсти се бројат. Да, се смуваа на забавата, ама тоа беше тоа, немаше љубов како во серијата. Што мене ми беше поокеј. Зашто вака Хана можеше да биде со Клеј, сама одбра да не биде. Сама избега од него и го оттурна.
Сепак, плачев на делот во серијата кога Клеј раскажуваше како се самоуби. Ужасно беше, трагично, млада, преубава девојка со иднината пред неа да се реши на таков чекор. Ги видовме причините, едно нешто да беше поразлично можеби друг ќе беше исходот. Ама зошто не беше малку само посилна, поистрајна? Зошто му се предаде на Брајс, зошто уште толку се втурна во бездната...? Многу ми е жал, премногу, и книгата кога ја прочитав ја мислев, не сакам вака на ќерка ми никогаш да и биде, не знам, цело време се замислував на местото на мајка и, го чуваш од трошка и до ова да дојде...

За крајот воопшто не ми се допадна во серијата, што со тужбата, што кога родителите ќе ги слушнат лентите?
Во книгата Клеј ги испрати касетите и ја виде Скај, која не беше како во серијата, туку исто покажуваше знаци дека сака да се самоубие и Клеј викна по неа, сакајќи да и помогне. Толку беше.
Сосема соодветно.

 

А спрема кои книги се? @RainBow
Јас вечерва ја почнав серијата, само што ја завршив четврта епизода. Можам да кажам дека да, ме тера да размислувам повеќе од што треба додека ја гледам, ама не ми ги буди оние ептен длабоки чувства како што ми се случувало со други серии ама тоа е можеби зошто потешко ми е врзувањето со ликовите. На моменти е бавна серијата, тоа е секогаш голем минус, ама сепак, до сега, е одлична. Премногу ми се допаѓа и мислам дека овие четири епизоди до сега ги проголтав, па ќе одам да го терам максимумот вечерва.

 

Една книга е со истиот наслов од Jay Asher. Издадена е пред десет години ми се чини, но доста популарна. Луѓето или ептен се поврзуваат или ја сметаат за лоша зашто причините не биле доволни.

Бавна е серијата ептен, ама нормално зашто нема материјал, касетите се 2,5 саати, серијата е 13 саати. Премногу време за пополнување.

Инаку, читав колумна сега дека погрешна порака се испраќа со серијата, дека ако додека си жив никој не те слуша, кога ќе умреш (се самоубиеш) сите ќе те слушнат гласно и јасно. Што мислите за тоа?

Според мене има многу пораки во серијава (и книгата) оваа е можеби една од нив, но зависи како самите гледаме на работите.
За мене главно беше тоа што не внимаваме како се однесуваме со другите, особено во тие тинејџерски денови, а ете, можеби кај некој фалело капка. Ама дали сме сепак виновни, како Хана што ги обвинува другите? Или на крајот е виновен само оној што ја донел таа одлука?

 

Аха не сум знаела, можеби ќе ја прочитам кога ќе завршам со таа сега што ја читам. @RainBow
Инаку мислам дека пораката е нешто повеќе како за bullying, и лошите ефекти кои можи да ги има врз една личност. На еден начин сите во средно сме се соочиле барем со дел од тие оговарања и одбивања и сите сме биле тинејџери некои посилни и некои послаби од други. Обележи оти е благ спојлер -> И мене и на мои познаници некои не предале и прошириле грешни гласини и не нарекле курви и не оговарале за време на час дур не гледат в очи, и не само мене и мои познаници и туку на скоро сите во одреден момент им се случувало ова, сакам да кажам и не е толку трагично колку што изгледа во серијата, но пак ќе речам некои деца едноставно се лоши и некои деца се едноставно послаби од други, во смисла ете подлегнуваат на кажаното. Не велам дека оправдувам малтретирање на училиштето, ама цел живот е некој вид на малтретирање, па ова е како некој пробен тест или барем лекција. Сепак пораката ја гледам од аспект дека некогаш несвесно ги повредуваме тие околу нас, дека некогаш свесно, а некогаш да се заштитиме себеси и дека во глобала повредувањето на другите е лошо безразлика со која цел е, со што се согласувам, не треба да ги повредуваме тие околу нас зошто некои ете, можат да завршат вака.

Кога го прочитав ова ко станав, ми беше баш онака - вистина, да така некако е. Сега кога размислив подобро и не баш. Мислам дека повеќето слушаат зошто се чувстваат виновни и дека ова се со „продолжи го кругот оти нешто лошо ќе се случи“ е повеќе од страв, кој е објаснат на првата касета. Ама и до некаде ова е вистина, ако си бил безгласна буква или предмет на исмевање, на пример во училиште, после сите ќе бидат тажни. Да, трагично е, но и е логично да бараат вина во себе и да бидат тажни поради тоа.
Ова накратко за пораката како ја толкувам према мене.
Во глобала за серијата ми се допаѓа тематиката која ја обработува ама е ужасно бавна. Можеа во пол сат да ги прават, во најмала рака. Вака еден сат гледам и постојано едно исто се обработува ама е поинтересна од други серии кои сум ги гледала периодов.

Можам да кажам дека ова ми е најголем проблем. Ако ликовите не се добро обработени неможам да се приврзам за нив и од таму често ми здосадува дури гледам. Ме интересира што понатаму, ама онака гледам безволно.

Се согласувам со делот каде ги обвинува сите за нејзината одлука, до некаде го сфаќам, до некаде не. Да, прави да се чувствуваат виновно останатите, но во исто време има можност да им го уништи животот. Безразлика дали тие снимки излегуваат јавно или не, можиме да видиме дека сите се нервираат поради тоа, тажни се, загрижени, депресивни и анксиозни. Ова можи да доведи до следно самоубиство, а не само чувстување виновно поради тоа што се случило. На еден начин, снимките сами по себе се „ти вратив за тоа што ми правеше“, насилство на еден начин. Првиот дел неќам да го коментирам зошто е многу сензитивен и деликатен.



Еве стигнав до 7ма епизода вчера вечер, денес малку да поработам на факултетот па планирам пак да продолжам со гледање.

 

Се согласувам. И тоа она што го направи, таа нејзина одлука да ги остави касетите може да уништи нечиј живот. Исто како што они го уништија нејзиниот.
Некои имаа направено страшни работи, некои не толку. Џесика не направи ништо посебно, недоразбирања, дали е виновна само зашто поверува на гласините? Па не се ни знаеја толку добро на крајот на краиштата. Или детето што ја објави поемата. Да, направи прекршок, ја издаде нејзината доверба, ама дали е во суштина толку лошо дете?
Секоја причина да се земе да се разгледа посебно можеби изгледа недоволно, ама сепак, кога е се собере се и може до некаде да се разбере. Не сме сите силни, има многу емотивни личности што не знаат да се справат со вакви работи. Тоа е тоа.
Инаку, тоа дека кога ќе умреш не се однесуваше дека ете, сите ќе ја сакаат, туку дека сега ќе ја слушнат и нема да ја игнорираат.
Актеркава Хана што ја глумеше преубава девојка, ептен ми беше погодена за улогата.
Читам и втора сезона може ќе имало.