13 причини (13 Reasons Why) [2017]

Тој што е суицидален нека не ја гледа серијата затоа што е многу предизвикувачка. Не гледам некоја поента,баш напротив прави самоубиството да изгледа полесно, затоа што тие што се суицидални неможе нешто вакво да им го смени мислењето. А и да не беа касетите, на никој немаше гајле да му биде, повеќе се притресуваа дали ќе ги издаде Клеј или не.

 

Ja изгледав серијава, добра порака има ама генерално, не ми се допадна од една главна причина, што наговестува дека на лицата што им се случува нешто слично, немаат друг избор освен да си го одземат животот.

 

Мое мислење е дека Хана е премногу себична и желна за внимание. Воопшто не ја оправдувам за буквално ништо што направи почнувајки од доаѓањето во градот па се до нејзиното самоубиство. Сѐ што ѝ се случи можеше да превенира, но очигледно самата бараше драма во животот. Едноставно бараше причина да биде мизерна и во најмалите работи, па и во луѓе кои се трудеа да ѝ помогнат таа бараше лошо. Буквално бара "влакно во јајцето", бара маана во се. Покрај тоа, не само што самата си го уништува животот, му го уништи и на сите околу неа, како прво родителите, како второ Клеј и Тони кои и покрај тоа што и самата признава дека ништо не згрешија мораа да ги ислушаат тие касети и да доживеат таков ментален стрес и тортура. Со нејзината смрт и касети не го одзеде само сопственост живот туку и животот на сите кои ја знаат, било се обиделе да се самоубијат, било фактот дека треба да го живеат животот со тие касети врежани во нивната меморија. Ја почнав и книгата која сега засега до каде што сум е прилично различна од серијата и ја читам со мака бидејќи Хана ми е толку одбивен лик, толку егоистична, драматична, преовеличува сѐ што не можам да ја поднесам.

 

Јас ја гледав серијата, претежно ја изгледав до крај оти ликот на Клеј ми беше многу убаво оформен и ме интересираше што толку страшно направиле децата за да завршат на касети.
Поучна е да од аспект што родителите мора малку повеќе да имаат увид во однесувањето на децата, да не ги разгалуваат и да ги учат на манири и култура. Исто од аспект младите да сфатат дека сето ова што се случуваше не е причина да посегнеш по својот живот.

Хана е себично суштество, патеше за внимание и имаше зацртано во глават дека е жртва. Мазохист си беше по природа јас мислам. Реално имаше толку совршен живот, работа, родители кои ја сакаа, дечко кој беше затрескан во неа, пријатели може немаше ама поради нејзина вина според мене. Секако не знаеме како реално едно лице се чувствува во такви моменти ама знаме дека сите како тинејџери сме имале дешавки за кои сме мислеле дека ни се крај на свет, ама сме пораснале и сме сфатиле дека биле глупави.
Некои од децата реално не заслужија да се најдат на касетата, поточно никој не залужи да се најде освен Брајс. Работите кои и ги направија не дека не беа лоши и злобни, ама далеку беа такви за се одлучиш на самоубиство.
Џастин ми беше одличен лик и многу трагичен, реално тој повеќе имаше причини за самоубиство отколку Хана. Ептен ми беше тешко за него. Да направи глупост, пушти некоја слика која побогу не беше толку многу трагична, ама и реално кое машко на тие години не прави такви глупости.

Хана ако веќе е толку повредена требаше да најде начин да им врати ако веќе запнала, а не вака. А силувањето на крај на некој начин мислам дека потсвесно очекуваше дека ќе се случи и пак отиде. Мазохист велам јас.

Клеј ми беше ептен симпатичен. Зрел, мирен и паметен. Можам да замислам како се чувствувал после секоја ислушана лента знааејќи дека не правел ништо за да и помогне на Хана да не се чувствува како што се чувствувала. Иако реално таа не му дозволуваше.

Како и да е у глобала од секој американски филм и серија заклучувам дека американските тинејџери се многу глупави и дивјаци, кај нас не се понашаат вака, барем голем дел.

 

Почнав да гледам ама после 4 епизода ми стана стварно досадна ама сепак продолжив само да ја видам причината зошто се самоубила.
Бројчето над мене кажала се што сакав да мислам па да не се повторуваме.
Само ако се убиваа за ова луѓе како што направи Хана светот ќе беше празно место.Сите сме поминале барем еден дел од нејзиниот живот,некој дури и повеќе.
Не мислам дека тие што се самоубиваат се слаби луѓе,треба и за тоа храброст ама дека се глупи,глупи се.

 

Ја завршив и книгата и сега можам слободно да кажам дека Хана е стварно себично суштество. Во книгата иако има многу разлики со серијата, касетите се подобро објаснати, подобро е кога сите настани ги кажува Хана отколку да ги гледаме и да си претставиме наша слика за случките него да ја видеме нејзината.
Хана е самоубиствена после нај минималните случки, а единственото нешто што ја оправдував до минимален степен, Брајс, не се случува баш како што е опишано.

Спојлер: СПОЈЛЕР ЗА КНИГАТА

Во книгата, за разлика од филмот, се се случува во куќата на Кортни, и таму се сами Кортни и Брајс.Досега што сум зборувала со луѓе кои ја гледаат сум слушнала многу причини кои ја оправдуваат Хана што влезе во џакузито на Брајс (во серијата) е тоа што внатре имало луѓе на кои до некаде му верувала. И покрај тоа што сметам дека пак не беше во право што влегува по веш во џакузито на дечко кој ја силовал нејзинаа другарка, и сите на кои им „верувала“ им направи касета дека и тие и згрешиле, ај до некој степен ке речиме дека има изговор, но во случајот во книгата таму се само Кортни и Брајс и ја викаат и таа оди без ниту момент да размисли. Оди, се слекува и влегува во џакузито знаејќи ги сите ризици и во касетите му кажува на брајс дека таа всушност го користела како уште една причина да се самоубие, таа кога влегува во тоа џакузи е свесна што ке се случи и е решена да се самоубие, само бара што повеке причини. Кога Брајс почнува да ја допира и да прави други работи (да не користам вулгарности) таа не вели ништо, едноставно го остава да прави што сака.

Сум се соочила со личност на која ме потсеќа Хана во животот, но фала богу не се самоуби бидејќи и дојде умот и свати, после години дружба конечно ме послуша да размисли и свати дека тоа што го прави е стварно моронско, дека причините за нејзината депресија се всушност сеојдневни случки и себеси само си го комполицира животот. Збрубајќи како човек кој се има соочено со некој сличен како Хана, таа да не ја преминеше линијата да се самоубие по некоја година ќе сватеше и ќе се каеше за тоа што го мислела.

 

Серијата е поучна за оние кои што не бројат до десет пред да кажат некој лош збор, кои што мислат дека ако некој не ги искажува своите проблеми,нема проблеми и кои што не размислуваат како нивното понашање ќе влијае врз некој. А тоа дека серијата ќе предомисли некој да не се убие, нема шанси, напротив прави убиството да изгледа лесно и како што кажа една феминка да изгледа како депресивните лица да немаат друг избор освен да си одземат животот.
Јас не мислам дека Хана е себично суштество, туку како и секој средношколец во денешно време, сакаше да има добар круг на пријатели и дечко и да живее нормален средношколски безгрижен живот. Наместо тоа таа доби секојдневно ругање, навредување од цело школо, па и од луѓе кои што ги сметала за најблиски. Тоа мислам дека е пеколно посебно за еден средношколец, да бидеш тормозен секојдневно и да те мислат за нешто што не си. Хана сакаше само да им докаже на луѓето дека не е таква каква што ја мислат другите поради сликата и озборувањата кои што ги пушти Џастин. И веќе кога сите ја мислеа за некоја што не е, повеќето ја користеа како жртвено јагне за да си ги скријат своите тајни.

Спојлер

Мене уште ми е жал за Џеф и неможам да се помирам со неговата смрт.

Клеј, можеше да направи повеќе, како на пример да и помогне кога виде дека си има проблеми ама глуп си беше малку и за тоа не го сакам многу.
Не знам зашто скоро сите зборат за тоа како на другиве им беше жал што Хана умрела, не, не им беше ни малку жал, освен на Клеј и на Тони, другите сите сакаа да си го спасат газот и касетите да не излезат на виделина и секое нивно состанување беше за тоа дали Клеј ќе ги предаде касетите на друго место, а не спомнаа ништо за тоа што и правеа на Хана, а и пола од нив викаа дека Хана лаже на снимките.

 

Од лично искуство зборувам кога ќе речам да, средношколски живот е тежок кога си константно малтретиран на многу начини, но не е причина за самоубиство. Хана беше личност која сака драма, сака проблеми, сака луѓето да ја жалат или едноставно бара внимание. А Клеј по тоа како е опишан јас мислам дека има вид на тешкотии при интеракција со други, неможе да комуницира добро со луѓето, се плаши и е параноичен за се што вели и прави, паничи во близина на Хана и многу се мачи да го скрие тоа... такада не, не можеше да направи повеќе, Хана го туркаше подалеку од неа и тој ја послуша плашејќи се од понижување. За некои делови стварно неможам да објаснам како се чувствувала

Спојлер: СПОЈЛЕР

како силувањето на другарка и

Но за исмејување и ширење разни муабети, повеќето тинејџери сме го поминале, некои повеќе од други, но сепак сите сме живи.

Спојлер: СПОЈЛЕР

а со сообраќајката, можеше да застани таму и да почека друга кола, можеше да ја излаже другарка ѝ, да ѝ речи дека сака да звони кај некој пријател или било што.

Сепак Хана беше во состојба да спречи и превенира сѐ што ѝ се случи, таа самата одлучи да не реагира.

 

Читам некој коментари и не ми се верува што читам. Ќе го ставам целово мислење во спојлер за да не уништувам моменти.

Спојлер

Хана имаше депресија, и тоа тешка. Суицидност е дел од депресијата. Она тоа не го направи за да привлече внимание туку тоа го гледаше како излез, што е common кај луѓе кои се болни од депресија. Прво јас не сфаќам како дел од вас не сфаќаат дека депресијата е тешка болест, и може животот да ти биде и најсовршен и пак да сакате да умрете? Па поголем дел од случаевите со депресија имаат прилично добар живот, па пак се болни. Депресија е болест, каде се јавува хормонски дисбаланс и е намалено нивото на серотонин во мозокот. Хана не размислува свесно и подеднакво исто како и личност со нормално ниво на серотонин. Нејзе и мал лош ден може да и предизвика страшно голема реакција. И не е себично суштество побогу.

Има еден quote и баш го кажува тоа што го мислам Ментална болест- честа како и настинката, но сериозна како ракот. Ако не се лекува на време, последиците може да бидат смртни.

Е сега дека серијата е предизвикувачка, можеби за личности до 15 години, ама за постари лица напротив мислам дека може да се освестат и да видат кои се последиците од тоа. И јас се борам со депресијата, и јас сум била суицидална, и во никој случај не ми беше серијава предизвикувачка. Јас имам доживеано доста тешки работи во животот, и не сум се осмелила да си го одземам животот, ама ја разбирам и Хана.

Од друга страна како студент по психологија, советникот крајно го осудувам. Ние личните проблеми не смееме да ги донесеме на работното место, без разлика што ни се случува. Тој имаше должност да се грижи за нејзе, и чим слушна такво нешто тој требаше да превземе мерки! Да, право на приватност има, ама во некои случаеви каде што случајот е ризичен, како што беше Хана(и да, и лаик можеше да види дека не е во ред девојчето) веднаш се превземаат заштитни мерки, се контактираат родители, па макар и да лажен сигнал. Сепак се работи за нечиј живот, а ние психолозите/советниците/итн сме должни да превземеме нешто од моментот кога на нас ни се обраќа некој.

Мене Клеј како лик ми беше убедливо омилен и во книгата и во серијава. Исто и Алекс ми се допадна. Простор за втора сезона оставија да, ама не знам како би се одвивало со оглед на тоа дека веќе ги знаеме 13-те причини и поентата на серијава.

И на крај, мислам дека е страшно важно секој родител да ја погледне серијава. Ништо не е така како што изгледа.

 

Jas serijava ne sum ja gledala, ama slusnav na radio deka ke se obrabotuva kako kniga za obrabotka/film za obrabotka , podrzano so soveti na psihiatar koj ke doaga vo ucilistava. Toa vazi za onie od 10-12 odd, a pomalite ke treba da go gledaat vo prisustvo na roditeli.
Se veli deka ima golema pouka i malte ne moralno e site mladi da go izgledaat.

Go prasav detevo i veli "jas go izgledav".
Nie sme polnoletni.

Bas me interesira sto e toa.
Prva prilika ke go izgledam.

 

Зошто мислите дека Хана болуваше од депресија и тоа тешка?
И што значи тоа тешка депресија?
Ако ги гледаме симтомите како симптоми сите ќе се пронајдеме, барем во некој период во животот.
Освен што беше меланхолична личност таа јадеше, пиеше, се смееше, живееше нормално како сите други.
Меланхолија и е дел од карактерот, јас сум меланхолична по природа.

Него сега се самоубила па може да и доделиме дијагнозата дека боледувала од тешка депресија.

Како помлада, можеби на нејзината возраст или постара малку, и јас имав суицидални мисли, некогаш поретко, некогаш почесто. И сега кога се навратам наназад, тие мислите секогаш се во суштина привлекување внимание на себе, очаен крик некој да те слушне и примети, мислите попут: е нека видат што имале, а изгубиле...
Во најголем број на случаеви самоубиството е всушност привлекување внимание, а во случајот Хана оди и чекор понатаму - ги остава касетите!

Освен со особи со тешки психички проблеми, со шизофренија на пример, самоубиството да се гледа како излез од мрачен живот и кога особата веќе не може разумно да согледува на работите околу неа.
Во секој друг случај е во суштина привлекување внимание.

И ок. Јас разбирам дека сите ние имаме потреби кои бараат да бидат исполнети, тргнувајќи од физичките, ментални, ама најбитното емотивниот танк на особата да биде исполнет, посебно во осетливите години какви се тие. Ама, Хана не беше запоставена.

Секој еден од нас во животот се соочува со период на неисполнетост и би кажала дека емотивната исполнетост игра најголема улога. Се е полесно во животот кога имаш поддршка, љубов, и тоа не од другарките и дечковци, туку од најблиското семејство кое не може да се мери со ништо друго. Затоа што семејството е столб, емотивната заштитеност и сигурност треба да имаш првин во семејството, ако ја немаш тогаш обично ја бараш на други места и често се разочаруваш, грешиш и повредуваш.
Хана имаше семејството.

Претпоставувам дека серијата, како што беше кажано погоре нешто слично, е слика на денешните Американци, и кај нив одење во такви крајности е и оправдано само да се пренесе некоја порака, премногу драма, животот циркус, сите сакаат да кажаат, да бидат слушнати, да имаат права, да бараат правда (како во случајот со нејзините родители каде мене ми е претажно да одат докрај со тужбата), ама ете- тој свет.

И се тоа е во ред, и треба луѓето да бидат слушнати, и треба да се борат за своите права и за правда се додека не се правени од себични мотиви, а за жал, од крајностите пука од себичноста. Веќе не е битно дали некој друг ќе настрада и колку, туку сакам да ме слушнаат, да биде по мое, да одиме до крај!

Затоа, генерално не ми се допаѓа ни пораката која ја носи серијата.
Не ми се допаѓа тоа охрабрување на лажни херои, на крајности во кои се оди, себичноста и повреди со истата мерка се враќаат итн...

 

Серијата е многу добра и е препорачлива не само за нас средношколците туку и за нашите родители бидејќи понекогаш и тие презафатени со работа и се не гледаат што им се дешава на сопственото дете,онака општо зборувам во серијава родителите на Хана беа кул спрема неа,не и вршеа некои претисоци.Искрено денес многу девојчиња се нашле во ситуација каква што е била Хана.Серијата е болна и дава една многу силна порака,незнам кој како разбрал но мене ме натера да помислам малку подлабоко.Во серијава има лик кој е скоро совршен а тоа е Клеј и лик кој што подобро е да не се ни родил а тоа е Брајс.Претставени се 2различни света и два различни карактери.И ние девојчињата имаме посакувано момче налик на Брајс(да појаснам не силувач),но популарен,богат?Но после серијава дефинитивно избор би ми бил Клеј(некои би го нарекле лузер,плачко) но детево има одличен карактер и мислам дека таквите момци треба да бидат повеќебројни.Секој кој не ја гледал серијава ја препорачувам да ја гледа,ќе извлече порака на ваков или онаков начин.

 

Во најава втора сезона:

https://www.viralthread.com/netflix...m=affiliate&utm_source=abid&utm_campaign=post