30-тите се новите 20-ти

На форумот фалеше катче во кое ќе осцилираат муабети кои, можеби вака или онака се поврзани со луѓе кои завршиле образование или сеуште се дообразуваат, работат или се во потрага по работа, градат кариера, се' соло, или во врска. Наполниле веќе од пред некое време или се спремаат наскоро за големата 30ка, па и такви кои имаат уште некоја година до неа.( на пример јас ) Сакам да ги повикам сите кои се пронаоѓаат во темава, ќе ги тагнам оние кои знам или барем мислам дека на некој начин се во тој транзициски период, па вклучете и нови, други. Фала ти @Purplelilac, што ме потсети баш во време кога имам време да го направам. @Oxymoron @marama @1209 @Doozy @Mishela @AnaKarenina @Rama @sanja.burgundy
@buba4e89 @LivingGlam @prominent @sofijanoka @IronLady @Elissa @JollyGirl @macka91

Меурчето нека биде мало лабавење од обврските, преку споделување на некои есенцијални моменти од нашето секојдневие. За тоа како го поминуваме денот, колку се дружиме и какви ни се пријателите во овој период од животот ( дали се сменило нешто со годините), колегите... Кон што тежнееме во животов, колку наоѓаме време за себе и се што е нормално, па и не толку нормално во нашите животи.
Што читаме, гледаме, што сметаме дека е корисно, како пристигнуваме и колку сме организирани, како дозираме во животов итн...

Долго време се чекаше на темава, па решив да ја направам. За насловот се помислив, но искрено немав толку време па го треснав колку да опфатам се 'она за што е создадена.
Повеќето се одвикнаа да пишуваат на форумот и можеби повеќе пати сакале да нашкрабаат нешто па можеби токму ова местенце ќе ја врати енергијата на форумот и членовите.

Имајте убав ден па да ја разработиме темава од денес-утре.

Како за почеток, ако сте од оние кои после работа или други обврски, си мавате по некое тониче на тераса со маска на лице Повелеле.

 

За неколку месеци 30
Си мислам паметот уште како на 20 ама не е така. Работам работа што ја сакам , мажена, со бебуш од 6 месеци, не мавам тониче после работа, ама плачам за тоа кафе да ме чека и да го испијам на раат со некоја цигара

Пријателите ми се скоро истите од забавиште, 90% фамилијарни луѓе сме станале, ама не се гледаме колку што сме се гледале. Прво работа па некои во смени работат, второ обврски дома, трето некое од детенцата е болно па се одложува додека се оздраве па ај друго се разболело и гледањето планирано за неделата дочекало и месец да помине
Чиатм тоа што читав и претходно некои трилери и мистерии ама ако читав книга за два дена сега ми треба недњла или да се запнам да ја прочитам ноќта па утредента да бидам гроги искрено во последно време тв не уклучувам, последно шт7 гледав е пред 3 месеџа кога препекав за avengers end game, па го паузирав на три четири пати со малата

 

За 2 месеци ќе го фатам возот за тука. Ова нешто као трудните во труднечки као мајките во мајчински и као оние на 40+ што си имаат своја тема. за идеата, малку насловот не влече кон темата ама се разбравме.

 

сеирџија ама мора да се чујат новите трач муабети

 

мене ме примате?
Сите критериуми ги исполнувам уредно
*високо образование и мноштво обуки - завршено
*во потрага по работа - активно
* соло - да
*30ка + 3
*во транзициски период - дефинитивно, тазе разведена мајка на 3 деца
Другите мои позитивни особини ви се добро познати, нели

Ако ме примате,
cheers to that

 

Браво за групата. Фалеше ваква тема измеѓу 40ката и ФМЌ. Во младинското ќоше веќе стара се чувствував и не ми се интересни муабетите за тестови, матури, полагања, другарки и сл. А во 40ката па премногу млада и таму не се вклопував, ниту зимници правам, ни деца имам, ниту сум мажена па и таму муабетот ми бега.
И јас сум во некој т.н. транзиционен период од животот, па се надевам ќе не има повеќе за дружба.

 

Многу ми е мило што уште ве има.
На тема зимници, кај ме погодивте. Сами живееме со дм, дојде време кога нема кој зимница да ти прати.
Баба ми не прави од лани, божемска госпожа, си порача друг да и направи. Ама бар ни прати, имавме за хроно појадоци. Мајка ми е агажирана со свој живот, ајвар никогаш не и бил на дневен ред
Абе кај не помагаат со ручеци, бар некое тегло да пратеа. Ај да не отворам старе ране

Benvenutо@marchi-cool . Од тие шо сме останати, измеѓу, со веќе наблизу 30, или наполнети ,знам го имаат тоа на ум.... Побрзо да направиш се, да средиш се, оти време можда мине, па одлуки, премислувања... Така да, сосема на место. Имаме време за се, затоа сме сите тука, да се преброиме помалку да ни е страв

 

Прво мислев дека ќе се коментира за насловот, сега сфаќам дека ќе е катче за уште една старосна група? Ај дека не можете уште три теми најмалку да отворите за поделби.
Но, кога подобро ќе размислам, со менталитет „отфрламе се' што не е во наш дух" каков што владее во 40ка, за ФМЌ не знам, може и треба теми за дружење со одбрани луѓе. Баш така, напишете се кои ги каните во групата Дикриминација, малеее....
Веќе мислам да отворам нова тема и да напишам конректно какви личности сакам да пишуваат таму.

 

@Bridget Малку си во право, малку не си.

 

Таман е, и јас би сакала тема каде ќе пишуваат само одредени личности со кои мислам дека сум отрилика на слична бранова должина и кои сакам да ги читам, само треба да смислам наслов за баш тие да се пронајдат таму Да не ми прелетува во темата се и сешто Само што јас нема да ограничувам на старосна група, затоа е потешко да го измислам насловот

 

И имиња на членови дури има.
Ова значи дека за други е забрането.
Еден период не знаев кај да пишувам. Во 40 - ка ако чепнеш некој, скокаат сите. Мора да се игра според правила, ако не си кавгаџика.
Ама мене ми е гајле, пак ќе си пишувам, за ФМЌ сум стара, таман овде 31 имам, ама не сум поканета.

Ама, иде есен, послабо шетам па ќе си висам овде, па може ќе пишувам по нешто.

 

Чекај јас мојата тема да ја отворам, измислена си за таму

 

Па не се готови поканите, полека, ќе има место за сите.

 

ФМЌ не го напуштам, но треба полека да почнам да се спремам и за тука Имам уште неколку години, ама четвртата деценија се наближува со опасна брзина. Не се плашам, баш и' се радувам. Според мене, по 30 се најубавите години.

 

Поласкана сум.
Ме сакаш во темата, ок, барем некој

 

@Ginger^ И време беше за темава.

Читнав вовед и понекој коментар, ама се спремам за излегување па ќе ве исчитам сите подоцна.

П.С. @Bridget Ако ти е ќеиф остани си во темава или па ќе те викаме коа ќе има кај да пукаш сеир.

Уствари, нема да има.

 

И јас сум ептен за у оваа категорија, ама се плашам дека ќе ја стават под клуч темава.