Не знам ни јас од кога. Знам дека од фонд не прават проблем да си го отвориш породилното и на денот на породување. Само што тој дел од законот многу работодавци го користат да ги испратат поарно дома трудниците. За жал се зависи од нивната добра воља.
Законот вели да отвориш боледување 28 дена пред термин. Не е ова ништо ново, туку законски регулирано години наназад. Тоа што некои матични отвараат на ден на породување не значи дека така е законски. Има фирми, а некогаш гинеколози кои инсистираат да се отвори согласно закон. Значи реков секој кој работи со директни "потрошувачи" е взан на работно место. Секој друг може да работи од дома.
@augustd нема потреба да ме вадиш од контекст. Мојот коментар беше во контекст на тоа дека треба на професионалната жена да и се даде можност за подолго породилно отсуство. А тие што не сакаат немора да го користат. Јас сметам дека после 10 години стаж, во кои сум изработела и придонела за фирмата повеќе од некои за цел работен век, заслужувам сега кога сум одлучила да градам семејство да можем подолго да се посветам на детето. Ќе ги замолам модераторите да ми ги избршишат претходните коментари во темата, затоа што несакам да ми се вади од контекст муабетот дека јас сакам да навредам некого. Почитувам ако некоја мајка сака целосно да се посвети на родителство, ама почитувам и мајки кои сакаат да бидат професионални жени, а сепак да имаат шанса да можат да се градат и како родители и сакаат подолго време да поминат со своите бебиња, во најзначајниот период во развојот, кога се нај беспомошни. А особено ја поддржувам иницијативата за оние кои како што кажа @janickaskopje мораат да работата за да си приуштат нормален животен стандард.
Точно во законот стои зборчето задолжително,меѓуттоа јас се консултирав на работа,во фондот и плус со гинекологот сите ми кажаа исто можеш да тераш до крај.....е сеа постои дупка од кај знаат точно кога ти е термин...мислам дека може да се изгура зависно од работодавецот а од фонд и гинеколозите не прават проблем
Како не знаат? Во картонот пишува се ако некој земе да проверува. Фондот нема штета кога ќе одиш бидејќи секако ќе те исплаќа 9 месеци. Работодавачите се позаинтересирани и ако пријават или се жалат и те како ќе ти отворат 28 дена порано или проблем на гинекологот ќе направат.
А кој би земал да проверува? На мојот работодавец му одговараше да одам ради замената и да тече работата.(гинекологот исто терај до кога можеш).Знам многу жени што не го отвараат 28дена пред термин.Значи ако постои можност за договор со работодавецот супер...и покрај тоа што стои така во законот во пракса е друго, еве јас сум чист пример.
Еве кај нас не дозволува работодавецот. Се заканува дека ќе прати инспекции кај матичната. Ако немаш слух од работодавецот нема што да правиш.
Е тоа е друга приказна,кај мене им одговараше работа тече,сеа ќе им е проблем со замена ама ќе гураат некако
Вчера како што знаете имаше расправа на седница на собрание по првичната граѓанска иницијатива поднесена од 217 граѓани за донесување Закон за измена на Законот за работните односи. Гласањето за иницијативата ќе биде на 22.6.17 год. Според дебатите што пратениците вчера ги водеа на собраниската седница, очигледно е дека оваа иницијатива ќе ја изгласаат за неуредна. Две пратенички од Вмро имаат поднедено предлог-измени на Законот за работните односи во однос на траењето на породилното отсуство на 9.6.17 год. што ќе се најде на дневен ред на собранието на 3.7.17 год. и ќе видиме што ќе се случи. Инаку, иницијаторките поднесоа нова изменета и дополнета иницијатива до Дик оваа недела што гласи вака: Предлог-Закон за изменување на Законот за работните односи Член 1 Во Законот за работните односи („Службен весник на Република Македонија“ бр. 62/05, 106/08, 161/08, 114/09, 130/09, 50/10, 52/10, 124/10, 47/11, 11/12, 39/12, 13/13, 25/13, 170/13, 187/13, 113/14, 20/15, 33/15, 72/15, 129/15 и 27/16) во член 165 ставот 1 се менува и гласи: „Работничка за време на бременост, раѓање и родителство има право на платено отсуство од работа во траење од 18 месеци непрекинато, без разлика дали родила едно или повеќе деца одеднаш (близнаци, тројка и повеќе).“ Ставот 6 се менува и гласи: „Работничка која посвојува дете има право на отсуство до наполнување на осумнаесетмесечна возраст на детето, без разлика дали посвоила едно или повеќе деца (две или повеќе).“ Член 2 Членот 171 се брише. Член 3 Одредбите од овој закон ќе се применуваат и на работничките кои веќе го имаат започнато платеното отсуство од работа поради бременост, раѓање и родителство, односно породилниот одмор. Член 4 Овој закон влегува во сила осмиот ден од денот на објавувањето во „Службен весник на Република Македонија“. Според Законот за референдум и други облици на непосредно изјаснување на граѓаните, постапката за граѓанска иницијатива на државно ниво е следната: 1. Граѓанска иницијатива на државно ниво Член 66 2 (1) Граѓанска иницијатива на државно ниво се покренува на предлог на 100 граѓани. (2) Граѓанската иницијатива на државно ниво се спроведува за прашања од членот 3 став (2) на овој закон. - Граѓанска иницијатива може да се покрене за поднесување предлог за пристапување кон измена на Уставот на Република Македонија (во натамошниот текст: Уставот), предлагање за донесување на закон и за распишување на референдум на државно ниво (во натамошниот текст: граѓанска иницијатива на државно ниво). (3) Предлогот за покренување граѓанска иницијатива на државно ниво треба да биде поднесен од овластен предлагач и да се однесува на прашање за кое е надлежно да одлучува Собранието. (4) Овластен предлагач, во смисла на ставот (3) од овој член, е првиот потписник на предлогот за покренување на граѓанска иницијатива. Член 67 (1) Предлогот за покренување на граѓанска иницијатива на државно ниво се доставува до претседателот на Собранието. (2) Кога претседателот на Собранието ќе утврди дека иницијативата е во согласност со членот 66 од овој закон, во рок од три дена за тоа ќе го извести овластениот предлагач. (3) Укинат 3 (4) Укинат (5) Кога претседателот на Собранието ќе утврди дека иницијативата е неуредна, прашањето во врска со иницијативата ќе го стави на дневен ред на првата наредна седница на Собранието, но не подоцна од 15 дена од денот на утврдувањето на неуредноста на иницијативата. (6) Собранието со заклучок утврдува дали иницијативата е уредна. (7) Претседателот на Собранието го известува овластениот предлагач за заклучокот на Собранието во рок од три дена од денот на неговото донесување. Член 68 (1) Кога претседателот на Собранието ќе утврди дека иницијативата е уредна преку претседателот на Владата на Република Македонија го известува органот на државна управа надлежен за евиденција на избирачкото право. (2) Во случаите кога иницијативата е уредна рокот на постапката за собирање на потписи започнува да тече по 20 дена од денот на доставувањето на известувањето од претседателот на Владата на Република Македонија до органот на државната управа надлежен за евиденција на избирачкото право. Член 69 (1) Предлагачот е должен граѓанската иницијатива на државно ниво за која е поднесен предлогот да ја спроведе во рок од три месеца од денот на добивањето на известувањето за нејзината уредност. (2) Ако во рокот од ставот (1) на овој член не се спроведе граѓанската иницијатива на државно ниво за која е поднесен предлогот, се смета дека иницијативата не е покрената. Член 70 (1) Потписите на граѓаните за граѓанската иницијатива на државно ниво се даваат на образец пред органот на државната управа надлежен за евиденција на избирачкото право, во рамките на работното време. (2) Образецот од ставот (1) на овој член го содржи предлогот за кој се собираат потписите на граѓаните и податоците за реден број, име и презиме, единствен матичен број на граѓанинот и простор за потпис на граѓаните. (3) На образецот граѓаните лично се потпишуваат. (4) Образецот на кој се даваат потписите на граѓаните го заверува со печат и потпис на службеното лице пред кое тие се потпишуваат. (5) Во општините и градот Скопје во кои покрај македонскиот јазик и неговото кирилско писмо во службена употреба е и друг службен јазик и неговото писмо, образецот од ставот (2) на овој член се печати на македонски јазик и неговото кирилско писмо и на службениот јазик и писмото што е во службена употреба во таа општина и градот Скопје. Член 71 (1) Граѓанска иницијатива на државно ниво за поднесување на предлог за пристапува- ње кон измена на Уставот и за распишување на референдум се смета за покрената ако најмалку 150.000 граѓани со свои потписи ја поддржале иницијативата. (2) Граѓанска иницијатива за предлагање за донесување закон се смета за покрената ако најмалку 10.000 граѓани со свои потписи ја поддржале иницијативата. Член 72 Овластениот претставник на предлагачот, образецот со потписите на граѓаните за предлогот за кој е покрената иницијатива на државно ниво го предава на претседателот на Собранието во рок од три дена од денот на завршувањето со давањето на потписи. Член 73 (1) Собранието без расправа донесува одлука за граѓанската иницијатива од членот 71 став (1) на овој закон. (2) Собранието за иницијативата од членот 71 став (2) на овој закон е должно да одлучува во рок од 30 дена од денот на приемот на предлогот. (3) Собранието за одлуката по предлогот од ставот (2) на овој член ги информира граѓаните. (4) Информирањето на граѓаните се врши преку средствата за јавно информирање. Јасно е дека ова прашање не може да се реши така брзо, ќе биде потребно време и секако дебати и дискусии за да измените бидат што подобри на долг рок.
јас сум во тек - има една група на фб па следам. вчера беше однесена новата иницијатива, денес поминала на законодавна комисија и следен чекор е собирање 10.000 потписи низ македонија.
Помината е иницијативата вчера во собрание, така што ќе се собираат нови 100 000 потписи но сега на ниво на Република Македонија. @kukla21 10 000 само или 100 000?
