Насловот на оваа диета ви кажува сè: Симнувате 9 килограми за две недели. Но, дали ќе ви успее оваа диета и дали навистина ќе загубите помалку или повеќе од 9 килограми, тоа зависи и од некои други фактори, како на пример доследноста во спроведување на диетата, активностите кои ги вршите и вашиот метаболизам… Самата диета е многу популарна кај луѓето кои држат привремена диета, бидејќи и да загубите 5 килограми за две недели, не е мала работа, порадиискуството од бројните практичари на оваа диета, кои велат дека по прекинувањето на самата диета и враќањето на стариот режим на исхраната која ја практикувале секојдневно (нормално) пред почетокот на диетата, загубените килограми тешко се враќаат, што значи дека се појавила промена во метаболизмот. Секако, диетата е предвидена за потполно физички здрави лица, со претходна консултација со лекар (во секој случај, ова правило важи и за сите диети). Диетата „9 кг“ се класифицира во брзите диети и не е препорачана да се практикува како животен стил, туку само како брза постапка за достигнување на вашата цел, а тоа е да ги отстраните непотребните калории. Диета „9 кг“ – мени по денови Во оваа диета појадокот е „убиствен“ т.е. кафе, кафе и само кафе секој ден. И тоа без шеќер. Доколку сте наикнати на слаткиот вкус на кафето можете да користитезасладувач. Исклучително е важно да конзумирате многу вода (од 1.5 до 2л. на ден) и многу би било поволно за вас, во овие две недели да вклучите некоја минерално-витаминска формула која ви одговара. Понеделник Појадок: ◦Црно кафе без шеќер Ручек : ◦2 варени јајца ◦Спанаќ сварен во солена вода Вечера : ◦1 голем бифтек, печен на малку масло ◦Зелена салата Вторник Појадок : ◦Црно кафе без шеќер Ручек : ◦1 голем бифтек на жар ◦Зелена салата ◦Овошје по желба Вечера : ◦Варена шунка (количината е неважна) Среда Појадок : ◦Црно кафе без шеќер Ручек : ◦2 варени јајца ◦Зелена салата ◦1 домат Вечера : ◦Варена шунка ◦Зелена салата Четврток Појадок : ◦Црно кафе без шеќер Ручек : ◦1 варено јајце ◦Варен морков ◦100гр свежо сирење Вечера : ◦Сезонско овошје ◦Овошен јогурт (количината си ја определувате сами) Петок Појадок: ◦Црно кафе без шеќер ◦Изрендан морков или пашканат со сок од лимон Ручек : ◦1 голема печена риба ◦1 домат Вечера : ◦1 голем стек на жар ◦Зелена салата Сабота Појадок : ◦Црно кафе без шеќер Ручек : ◦Пиле на жар Вечера : ◦2 варени јајца ◦Свеж морков или пашканат Недела Појадок : ◦чај со лимон (без шеќер) Ручек : ◦1 голем стек, печен на 1-2 лажички масло ◦Салата по избор ◦Овошје по избор Вечера: ◦Честете се нешто по желба Додатни напомени : ◦Диета „9 кг“ се состои од два циклуса од по 7 дена, што значи дека после недела почнувате со другиот круг – пратејќи го менито за понеделник ◦Салатата можете да ја зачините со лимон и сол ◦Овошјето, салатата и морковот или пашканатот можете да ги јадете во неограничена количина кога се на менито ◦Стекот можете да го зачините со сол и зачини. А стекот, кој во менито цело време се напоменува дека е голем, епа не треба да биде поголем од 300 грама. извор : www.hrana.com.mk
Тоа е америчка храна, некое месо мелено со разни додатоци, конзервирано или во црево... што знам како да објаснам Замени го со парче пилешко месо или риба.
Диетата треба да се вика 9кг за 2 недели плус награда гастрит или чир на желудник. Кафе без шеќер плус сок од лимон на празен желудник ? Плус до ручек сигурно ќе имаш хипогликемија, па тресење на раце и темнење пред очи. Не знам, многу сумлива ми е диетата.
Е, ова е за луѓе ко мене што прв оброк им е по 13 часот, некогаш и подоцна.. до тогаш најмногу овошје да каснам, мада ретко и тоа. вечерата не ми се допаѓа, пошто толку да изедам за вечера не можам.. боље ручек, вечера салата и јогурт
јас ја најдов истата диета ама не е појадокот само кафе туку некогаш кафе со пециво а некогаш чај со лимон, незз мене баш ми изгледа лесна според оваа книгата кај што ја имам јас па планирам да ја почнам, а освен тоа сите намирници се достапни нема некои глупости кои за да ги најдам треба пола град да го свртам. и дали ја држи некој диетава? имало ефекти? прочитав тука дека изгубиле 6 кг
Јас ја почнувам од утре. Братучед ми ми ја фалеше: ослабел 5-6кила за двете недели. И немала голем јојо ефект!
Интересна е диетава, само што од септември ке си почнам јас на СТРОГА диета! Нема шала со моиве додадени килограмчиња
Може да е ефикасна диетава, не викам не, ама толку изгубени килограми за толку кратко време, некако ми е сомнително. Премногу е ригорозна диетава, барем јас не би ја пробала.
јас ја имам диетава ама кај мене е поинаку појадокот.скоро секој ден има наутро и по една кифла да јадеш или еден геврек.а мене баш и затоа не ми одговара.ја никогаш не појадувам.не дека не сакам,туку така сум науцена на сабајле само овошје и кафе.и затоа кога некој погоре писа дека диетава била стетна затоа што наутро било само кафе не е точно.јас цел живот сум само на кафе.ама ај ако најдам спанаќ,мози ке се решам да пробам
Диетава е во суштина многу проста, нема доручек туку кафето место него а другите оброци се протеин и мала количина јаглени хидрати а скробот е сосема исфрлен така да логично дека ќе се ослаби. Модата на сите помодерни диети е немешање на неслични храни односно никако скроб (компир или леб) со протеини што и за здрав човек кој не држи диета е добар принцип на исхрана. Практично нема масни храни така да и тоа е секако додатен фактор за слабеењето. Единствено би напомнал дека овошјето во принцип треба да се јаде само и многу е погрешно кога после обилен протенски оброк се јаде за десерт.
не се сложувам со твојот коментер.мажотми овошје јаде,просто речено после се.па пак има маникенска фигура .а што е најважно и со здравјето е супер.сепак се зависи од метаболизмот.
Скоро сите јадат овошје за десерт после оброк но секој нутриционист ќе ти каже дека овошјето најдобро се абсорбира и преработува кога не е мешано со друга храна . Ова чисто од метаболизам а не е поврзано со диетата така да кој пази на исхрана ќе си има манекенска фигура без разлика кога јаде овошје . Јас секогаш го јадам посебно затоа што така највеќе ми прија но кој осеќа дека треба да го јаде отпосле нека повели. Мене протеин и овошје ми се многу лоша комбинација и тешко да најдеш спортист кој ги меша заедно .
Според нутриционистите,треба да помине барем половина час после главниот оброк па да се концумира овошје,што јас лично го практикувам.
Некој ја почна...? Резултати? Јас од денес ја почнав до сега ми е сосема ок, ич не ми е тешка, јас и онака не доручкувам, а неможам без вечера.... Ама некој да ме охрабри со резултати
И јас имам читано дека овошјето е најдобро да се конзумира пола час пред или по главното јадење , а исто така ќе препорачам на кој кога му се јаде нека си апне позз Инаку сепак мислам дека 9 килограми за 2 недели е примамливо но само кога би било здраво Потреба за толку брзо слабеење најчесто е за не дај Боже при операција , па мора пациентот толку да слабее А девојките кои слабееат за убавина, нека одат на полека но сигурна, нормално е неделно да се слабее од 0,5 до 1 кг , ем здраво , ем потоа нема за рекордна брзина да си ги вратиш килограмите
јас денес ја почнав диетава, само што место кафе наутро ќе практикувам чај, црно кафе не можам да поднесам:/ сабајле се напив чај и додека ја чекав мајка ми да најде спанаќ низ градов морав да изедам една краставичка хахах сега за сега, не е многу тешка за одржување, што знам пред малку јадев спанаќ и 2 јајца, ама вечерата нема да ја исполнувам, бифтек навечер нема шанси да можам да изедам, па ќе си останам само на зелена салата
Нема да можеш да издржиш ако не изедеш, од проста причина што ок за вечерва, ама тоа треба да те држи до утре за ручек пошто доручек ти е само кафе нели? Јас си купив бифтек, ама не 300 грама туку некои 150 и го изедов и ме држеше, колку толку не се може без тоа, барем јас неможев, а моментот кога се има варена шунка е тоа е УЖАС, ама ај го пребродив за оваа недела