Јас ја мешав со крем таа пудра што им е со шпатула, ми се допаѓаше така повеќе отколку кога ја нанесував самостојно. Пудрата самостојно нанесена некако не ми прави мерак, па ја спасив така. А оваа од сликава не ми е позната, не ни гледам периодов пудри зашто стварно имам залиха за до крајот на годината минимум.
@Mishela вчера ја пробав и покривноста и е како бб крема, ако немаш нешто многу за покривање ќе ти биде супер. Утре ќе ставам на рака на дневна светлина ќе сликнам како од прилика изгледа. Паштетесто не е со сигурност, баш е лесна како производ. Маана единствена е што чудно мириса, ама кога ќе се нанесе исчезнува мирисот. И овој производ интересно изгледа. Го видов баш и се мислев помеѓу ова и серумот. Сакам да ја земам и белата пудра во прав нивна, ја имав купено 01 ама ми беше темна. Камените пудри ги имате пробано? Гледам и серуми имаат за лице, дали вредат? Топ се производите на Алверде , мене ми се одлични , и квалитетни се и супер цена.
Нема излегување од ДМ без да си купам нешто од Алверде. Ми требаше некој пилинг со гликолна киселина. Го купив овој и ќе го пробам после секако, но ме интересираат коментари, впечатоци да сподели некоја од вас, ако веќе го користела. Ми прија гликолна на лицево, ми дава сјај и свежина на тенот, па ќе видиме како ќе се покаже. Планирам да го користам како маска за лице - да отстои некои 10 или преку сила 15 минути, па да измијам и да продолжам со лист-маска додека си гледам серија. Маскава за коса си ја купувам од време на време, ја обожавам. Ја користам и само неа намачкана на пола коса и немам замерки, ама во последно време најчесто ја мешам со Фанола шампонот за тонирање и оставам да стои на цела коса околу пола саат. Таман додека на лице ми стои шлакната лист-маската. Преубава ми ја прави косата и не ми ја суши како кога нанесувам само Фанола. Кремов за околу очи прв пат го зедов, немам поим каков е. Се разбира дека беше импулсивно купен, ми се виде симпатичен. Не верувам дека ќе биде некоја ептен голема утка, ама и не очекувам да прави којзнае што. Ако некоја го користела нека каже збор-два.
@Mishela ме претрка со постов јас исто денес сакав да ставам некои производи од Алверде на темава Ќе ти одговорам за сите Чистачот е предобар, мене ми е супер лицето од него , свежо и баш има здрав сјај Маската ја користам од мај месец и бидејќи ми е кратка косата по малку ставам, ама е навистина супер дури многу повеќе ми се допаѓа од балзамот во туба што е. И жал ми е што не земав повеќе, ама лето кога ќе дојдам Мк ќе си направам залихи И кремот за очи го имам пробано ама оддамна, кога беше во друго пакување сега е сменето. Исто морам да го пофалам и ова млеко за вадење на шминка ,одлично вади шминка презадоволна сум. И најважно не пече на очи
@koritsaki Ставив од чистачот прееска, го држев 10 минути ко маска, како на времето што правев со црвениот серум од The Ordinary. Ми се допадна ко за прво користење и баш е нежен, ќе видам како ќе се покаже на долг рок ама мислам дека би го купила пак. Ценава беше живо џабе, 150 или 160 денари. А маскава nutri care мило ми е што ти се погодила, мене одамна ми е земена на пик и стално гледам да ја имам дома на залиха. Одлична, одлична маска. Штета што ја нема во големо пакување, ама тоа е.
Јас сакам да прашам нешто во врска со овој пилинг.. Колку пати може да се користи и за каков тип на кожа е? Не сум користела досега пилинг, ама сакам повремено да си го освежам лицето
Нежен е, може да се користи за секаков тип на кожа. На пакувањето пишува да се користи секој втор ден наутро и навечер, но јас сепак би ти препорачала да го користиш навечер затоа што гликолната киселина ја прави кожата осетлива на сонце и не е паметно да се користи во утринска рутина, дури и кога се нанесува спф потоа. Најбезбедно е да се вметне во вечерната рутина и не мора (а и нема потреба) да се користи секој ден. Секој втор ден да се миеш со него е супер идеја, дополнително би ти препорачала и да не користиш други киселини во рутината на денот кога ќе го користиш пилингов, а истото важи и за ретиноиди - таа вечер избегнувај да користиш, префрли го ретинолот за следната вечер. Во случај да користиш и такви серуми.
Јас за течните пудри што ги имам сакам да пишам нешто првата од лево воопшто не е покривна, нешто како крема за лице што додале некој пигмент внатре. Ок ми е сега за лето и баш е лесна на кожата , само секако мора сетирање. Кај втората пудра ми се допаѓа покривноста ама некако е чудна леплива и мирисот воопшто не ми се допаѓа, исто така ми оксидира.
Мислам дека е безбедна за употреба при доење, попроблематични за тој период се продукти со салицилна и ретинол.
Многу мака мачам со мелазма од бременоста, еве 9 месеци се поминати уште ми стојат флеките, башка што сум склона кон пеги си ги имам постојано. Баш ќе го пробам продуктов да видам дали ќе имам нешто ефект. Ти благодарам
Следи го ова што го пишав во претходниот пост погоре и не би требало да имаш проблем. А за мелазма не знам, немам искуство некое, можеби @koritsaki повеќе ќе може да те упати што да земеш и што би можело да помогне дополнително.
Јас дојдов да ги пофалам кремите и тука, таа десно ја користам како дневна, таа лево е ноќна. И двете ми се супер, ноќната за нијанса повеќе ми се допаѓа. Хидро е лесна крема, не знам зошто пишува на неа дека е за сува кожа. Не матира, ама лесно се впива. Таа со зеленото јаболко ја нема, изгледа веќе не се произведува. Кога ќе ја потрошам Хидро, ќе ја земам дневната со q10. Одлични креми, одлично негуваат. Серумиве со витамин Ц и слично од Алверде вреди да се пробаат?
Немам слики ама мора да кажам дека на тепка ги купив Алверде серумите за трепки, за само неколку дена осетив разлика. И тој за корен и тој како маскара, многу се јаки.
Од кремите ако сакаш баш лесна мене и оваа сега за лето многу ми се погоди. И пената од оваа линија ја користам. Инаку серумот со витамин Ц јас сега го купив ќе споделам мислење. Вака е прилично лесен и течен, не е леплив, ама за ефект ќе кажам по некое време.
Како се користи маската за коса. На сува или мокра коса се става. Ја купив денес читајќи ги препораките тука. Фала
Девојки по ваша препорака ја земав маската на Алверде, ептен ја прави мека косата, фала ви за препораката! Има сличен серум, кој го има буквално истиот мирис како маската за коса. Серумот се користи после измиена коса, се става на врвовите. Вчера додека се миев забележав дека скроз исто мирисаат. Ако некој е заинтересиран, еве го серумот во прилог.
Ми текна на путеров, ми беше омилен продукт од брендов. Многу беше хидратантен и на мирис преубав, баш свеж и летен. Мислам дека е повлечен од продажба, одамна не сум го видела на рафт, освен тој со шеа путер и макадамија. Штета, ептен убав продукт.
