Baby-Led Weaning (бебињата јадат сами)

ја разбирам и неа и мене ми беше многу страв со парчињата, чекав маж ми да биде дома за да не бидам сама. иначе не е забрането ако е сечено како лист, не на кришки... мојата е 20 месеци и се јаде али уште не и давам свежо јаболко на кришки пошо ми е страв

 

Сега ми текна, костени како давате? Не можам да ги најдам во солид старс. Варени или печени? Парчиња или како дробеното сварено го давате?

 

Колку време даваше блендирано? Син ми има 5 ипол месеци, пред 10ина дена пробав да почнам со вкусови меѓутоа немаше интерес и решив да почекам докај 6 месеци. Сакам да почнам со каши па постепено да се префрлам на пасирано, па на парчиња. Според што се водеше кога ги правеше транзициите? Дали даваше блендирано ептен мазно или не? Секоја препорака и совет се добредојдени.

 

давав скорз блендирано мазно, секако од страв, иако бев решена дека ќе ја хранам блв... иначе не се води од тоа дека нема интерес, нормално е ново му, секако во овој период не е тоа оброк, буквално е пробување на вкусови.. иначе не се водев од ништо посебно почнав да пасирам постепено кога седеше стабилно, после 7 месеци мојата седеше стабилно и полека давав работи кои ми беа најмалце страшни како банана мека, праски, нас лето не фати, лубеница, диња, па полека бисквити и искрено смоките на лино мислам дека со нив се научи да џвака и истурав во хранинилка и ја тука се препотував.. на почетокот од страв и оризот и го блендирав, па почнав ориз така да и давам, па еднаш ми се засркна... иначе знам дека сега ви изгледа многу страшно ама сами ќе го осетите детето кога е спремно, не е грев да дадете каша блендирана и кога сте решени да храните по блв метода, ја имав скроз воведено парчиња ама па кога и давав телешко и блендирав за ручек, додека не сфатив дека можам да го мелам телешкото кога го купувам и така да и правам манџички, на 9 месеци тргна во градинка веќе јадење парчиња, и правев кофтиња, кофтиња од тиквичка, палачинки... има многу идеи на интернет... ама пак ќе кажам мое мислење е да не се форсира од сам старт дете шо не седи стабилно со блв, има разлика од бебе на 6 и 9 месеци, бебе на 9 месеци веќе треба да седи стабилно. и мојата во јасли беше таму јадеше пасирано, дома парчиња... буквално блендер користевме месец, два. на една година веќе си јадеше се што ние јадевме дома за нејзе без зачини, па после година почнав и зачини да и воведувам.

 

еве неколку слики за инспирација од нас, бебе од 9-10 месеци јаде палачинки со банана и овес, проја, кофтиња со мелено телешко, лосос и варен благ компир. на последната слика е веќе над година

 

Фала ти за охрабрувањето. Јас во принцип не сум мајка што има намера да форсира било што, па така и јадењето. На доење е син ми и затоа решив да причекам дур да видам барем малку поголем интерес. Уште не седи самостојно, очекувано, денес има точно пет ипол месеци. Во понеделник ќе пробам да дадам нов вкус, веројатно ќе има некоја поразлична реакција зошто се менуваат преку ноќ. Од многу аспекти ми се допаѓа блв методот, читам, истражувам, но искуствата од мајки како вас се секогаш добредојдени и знаат да се ептен од корист. Секако ќе биде стресно, а што и не е до одреден степен со бебињава. Ама ќе се прилагодиме и ќе бидеме ок се надевам. Поздрав до слатката мала лапачка, медењаче е.

 

ќе се прилагодите, чим ја најголем паничар на свет успеав, ќе успее секој
во право си со нив е секогаш стресно, ја до ден денес уште се плашам дали ќе се задави пошо сега јаде и трча истовремено и збори...
со лесно, шо и да треба тука сме

 

Мајки сакам да дадам макарони за ручек денес, ептен сум нова во методата со БЛВ. Какви макарони давате и колку количински за 9м бебе? Ќе му ги правам со некој зеленчуков сос.
И друга работа, како знаете дека се најадени? Сабајле му давав мини палачинки со спанаќ и банана, касна 3-4 и сакаше да стане од хранилка. Мене ми се виде дека е малку храна тоа, дека 190гр кашички јадеше. Вака немам мерка ни контрола

 

Спирална форма, најлесни му се да ги фаќа. Јас го оставам да јаде колку што сака. Ако решил 3 пати да касне, тоа е тоа, завршува оброкот.
Ако сега почнува сам да јаде, можно е количински помалце да јаде. Може и ќе си игра само, ќе фрла, ќе гмечи и се тоа е нормално, истражува.
Можеш да понудиш нешто плус измеѓу оброци или ќе надополни со млеко.

 

Здраво на сите, најверојатно од утре ке ве дружам почесто
По сите неуспешни обиди да проба барем две лажички различен тип на кашичка, денес се осудув да и дадам парче леб, оривче со морковче (од мојата чинија, знам дека не е соодветно за неа, ама беше само проба) и замислете јадеее, отвара уста за уште значи страв не страв утре ке морам да почнам со парчиња храна.
Малата за некој ден полне 7месеци а не јаде никакви каши, а за чудо вкусовите ги помина како песна на 5месеци, и баш кога требаше да почне со дохрана затвори уста и неќе и неќе и неќе ни домашна нит купечка нит инстант каша ништо од каша.
Затоа од утре ќе морам
Од возбуда неможам да заспијам, давајте совети со што да почнам, прочитав батат, да почнам со него или ??? како да ги комбинирам? Од страв мислам се ке измешам

 

како си задоволна од комплетот?

 

Презадоволна, лесно се мие, лесно се чисти, чашката многу брзо ја научи и супер ни иде.

 

Читнав што имате пишувано колку што дозволува бебево.
Решена сум да се храниме по БЛВ, имам набиено страв од долго хранење со каши.
Ако може да ми препорачате од каде да почнам, буквално ми треба BLW for dummies. Прирачник некој, профили по социјални мрежи и тн.
Чепкав по нет, наидов на majkatakata на Инста, ама не најдов пост како и од каде да почнам.
Имам еден оброк воведено, планирам за скоро и втор да воведам. За десетина дена прави 7м.

 

Solidstarts на Инстаграм.
Имаат и апликација, покрај другото, на неа имаш како да ја служиш храната соодветно на возраста.

 

Како се уведуваат алергени со блв? Јајце сакам да уведам, по еден ден или по 3 дена? По колку количински?

 

Мислам дека алергените се воведуваат постепено.
Можеш првиот ден да зготвиш во мафин/плачинка и така да дадеш. Па следен чекор малку кајгана.

 

По малце ќе почнеш, па постепено ќе зголемуваш количина, неколку дена.
Јас жолчката ја воведував прво 1/4, па 1/2, 3/4 и цела преку еден ден. А за белка ставив цело јајце во вафли прво, секако количински не изеде многу, па во мафин и на крај дадов кајгана. Кога изеде цело јајце сметав дека е воведено.

Путер од кикирики на пример, почнав со количина на врв на лажичка, па зголемував во следните оброци.

 

Постепено се воведуваат и не се воведуваат различни алергени еден по друг ден, се остава малку размак. Алерген по БЛВ не се воведува три дена, пример даваш цело јајце, нормално во помала количина. Ако има реакција детето на нешто, реакцијата не мора да значи дека ќе биде при првото давање - пример, моево дури на четврто давање на модар патлиџан се исфрли. Мислам дека во моментов Мајката Ката држи некои онлајн групни обуки или има некои предавања.

 

Јас имав обука кај Ката и се водев по нејзините препораки.
Прв оброк воопшто ми беше пржено јајце, цело- и белка и жолчка. Воведувањето на алергените е по три дена или онолку дена колку ќе е потребно да сме сигурни дека бебето на 3 пати пробало алерген количински по 5-6 мали лажички.
Со оглед на тоа дека јајцето би било во трагови во мафини на пример, не би имало доволно количество за да сме сигурни дека нема алергија.

Само јатките не се воведуваат чисти, туку помешани во малку грчки јогурт на пример за да го изеди цело бебето.

 

Офф топик малку ама ваљда повеќето ќе нѐ интересира.
Како се одвива обуката кај мајкатаката, персонализирана ли е? И колку чини ако може да споделиш мајка.
Фала