Baby-Led Weaning (бебињата јадат сами)

И јас планирам на истиот начин, парчиња плус јас со лажица.

 

Денеска задоволително
Без тањир сега за сега, многу голема дистракција е и три пати заврши во ѕид мм удар ќе фати

 

Почнав д- и сецкам по некое овошје сварено за доручек да се занимава додека ја ранам и сама да фаќа ама сакав да прашам вие што блв применувате целосно, како внесувате житарици, моево не знае лажица полна да внесе во уста сеуште а 8ипол месеци е?!

 

Ваква слична лажица и полнам, има во дм.
Пред некој ден јадеше овесни со банана од нејзе.
Ќе ја интересира и ќе става во уста, ќе види дека е за ручкање и ќе се научи полека.
За нас овие се доста практични, секако останува нешто во лажичката

 

Иста форма имам две од кидс анд ко, на муши, си игра со нив си ги вртка ама и паѓа се

 

Нудам парчиња, батат, банана и круша имам понудено. Денеска и ги ставив парчињата на послужавникот на хранилката, само ги зема во раце и ги гмечи, не ги носи до уста, а иначе предмети кога фаќа одма се става во уста, дали премногу меки ги правам парчињата па одма се дробат или едноставно уште е рано да и нудам парчиња.

 

Седни покажувај и. Морков за неа морков за тебе. Џвакај онака апла за да види како треба да прави и носи го парчето до уста повеќе пати

 

Здраво
10 месеца сме и бебка дефинитивно веќе не сака ја да ја хранам. Постојано го зема лажичето и го носи до усте ако и ставам ептен ситни парченца ги зема и ги става во уста
Сакам да почнам да и давам парчиња ама се плашам премногу од гушење
Цело време сме на грубо пасирано и прилично густо ама уште не можам да се опуштам да и дадам во раче па таа сама да жвака. Не знам што да правам ако почне да се дави
Заради тоа ми треба некој совет како ја посготвувате храната, во која големина ја давате? Што од овошје и зеленчук давате и сл

 

Нема од што да се плашиш.. Многу се попаметни од што мислиме.
Ќе ја следиш. Дали сама може да се снајде, ако недај боже приметиш дека не можеш ќе интервенираш.
Мојата е 6месеци. Денес и правев крокети од батат, морков, несолена урда, и варен ориз. Колкави парчиња голташе ми се ледеше крвта ама ако и е премногу исфрла со јазикот и се снаоѓа. Секако сум до неа за секој случај да и помогнам.
Можеш да ја симнеш апликацијата Solid Starts каде што имаш за секоја намирница како треба да ја сервираш.
Во глобала треба да е долго како прст и широко како два прста. Текстурата да е мека доволно да можеш да ја згмечиш со прст ти.

 

Здраво женски, имам една дилема, може ќе наидам на некој интересен совет.

Од прв ден не блендирам. Или пасирам со вилушка или парчиња. Гледам од солид старс апп. Арно ама нели поентава на блв е сѐ сам да јаде. Ама ако правам овесна каша, чиа пудинг, палента, тарана му давам јас со лажичка. Имам пробано да го оставам сам да јаде и со раце и со лажичка и општ хаос е тоа. Проблемот ми е што сум сама 90% од времето. Маж ми често патува, еве моментално е цела недела во Тирана и јас сум сама дома и не постасувам да исчистам по секое јадење. Не барам совети од типот “ембрејс д мес”, ме интересира дали има некои комбинации кај што може да се научи сам да јаде со раце или лажичка ваков тип храна да има помалку хаос, или некои типс енд трикс да не е се дома мачканици.

И друго, бебе е веќе 9 месеци. За работи што може да се даваат како парчиња си ги давам ама гледам дека веќе става во уста многу големи парчиња, пример лепче пола лентичка и на два пати ми се задави и ми беше прилично стресно. Му цепкам залчиња мали, веќе има пинцета фат и си јаде така. Дали е ок фул со мали вака залчиња да го хранам и самото бебе ќе си се развие да може нормални парчиња понатака да си јаде? Или некој совет друг и околу ова?

Имајте си убав ден : )

 

Ако има пинцета фат давај слободно залчиња, сега и тоа ќе му е интересно а и е препорачиво затоа што сега веќе сакаат да зимаат залци и ако е поголемо парчето ќе го пикне цело во уста - а не знае се уште да гризне залак. Кога ќе потпорасне малку (ќерка ми негде пред годинка, а обично се очекува околку годинката) па ќе сака да му даваш големи парчиња за да гриза, да научи како се гризе залак.

За помалку неред би ти препорачала зрнеста храна. Пак е меси, ама (сега сепак и до детето зависи) не оди недредот насекаде. На пример ориз ама да биде полеплив, или просо. Или ако сакаш манџа некоја да му направиш, на пример леќа, можеш да му надробиш лепче во неа и да го оставиш тоа да го јаде со раце.

Сам да научи со лажичка е долг процес, ептен правилно користење на лажичка може да научи дури и до 3 годинки, зависи до детето. Мојата е фул БЛВ, па лажичката повеќе и е за играње отколку за јадење - и често се случува јас да ја хранам кога е јадење со лажичка, или да и ја полнам и само да и ја дадам она да ја стави во уста.

 

Да, баш тоа ми се случи. Еднаш со лепче ми го пикна цело в уста, велам да не правам паника, да интервенирам ќе се справи сам и го голтна цело и помодре детето ми го скрати животот, океј го поврати. Следно бисквитче му дадов истото ми го направи. А 8 месеци и некој ден беше и пробав утрето парченца видов дека ги лови убаво, си има пинцета фат и така давав повеќе ама ми беше страв дека нели од 9 месеци се препораките. Ама дали само така е океј, цел оброк да е на мали залци? И пример брзо му здосадува така па знам и јас да му додадам нешто да се дојаде зошто гледам дека има уште интерес јас ако му дадам ама нема интерес сам да зима да јаде веќе. А кога е најаден запечатува уста, знам и дека не форсирам.

Аха значи да не ни очекувам за брзо самостојно да јаде со лажичка. Мислев дека некаде грешам и дека треба веќе и со лажичка сам да се справува помалку или повеќе. И зошто е бејби лед си мислев не е океј тоа што кашести работи му ги давам јас. Ќе пробам со ориз следно да видам како ќе биде.

 

Со залчиња се почнува кога има детето пинцета фат. Тоа дека е на 9 месеци е генерална препорака, ама се следи детето. Мојата немаше ни 8 кога почна така. И да, сосема во ред е цело јадење да е залчиња

Види сега, за дали да додаваш е колку строго ќе тераш блв. Јас кажувам дека сме БЛВ затоа што од прв ден јаде сама, се водам според препораките за сервирање и воведувам по нивен терк. Првите месеци кога беше повеќе се уште воведување и јас оставав, ама баш тој период околу 9 приметив дека исто како твојот, ако и давам јас ќе јаде уште. И и давав. Еве дури сега после 14 приметувам дека сама се дојадува до крај, иначе до пред скоро ја дохранував јас. И не сметам дека е нешто помалку самостална поради тоа.

А за јадењето со прибор, исто, секое дете е приказна за себе. Ти кажав мојата конкретно нема многу интерес да пробува сама, односно ќе проба еднаш, два пати и брзо се фрустрира и после само си игра. Не знам се не какви прибори земав за да и биде полесно, ама тоа е. Битно ја изложувам на прибор скоро секое јадењет кога можам, и дозволувам и сама да јаде со него.

А дека ќе нудам таква храна, ќе нудам. Сакам детето да ми јаде и манџи, и супи, и сл. течна храна. Не сакам да биде само на палачинки и ќофтиња затоа што тоа може скроз самостојно да го јаде. Знаеме колку е убава течната храна за цревата

 

Три месеци скоро како ручка и ни еднаш не уживала какоо во јагодиве.
Малку преоптимистично и облеков бели панталончиња па имав мала блади мери

Спојлер

 

Капа ви симнувам како можете ова да го правите. Јас не можам од повеќе причини:

1. Бебево не знаеше до скоро плунката да си ја голтне, се засркнуваше од млеко. Сеа као пробав лино смоки, бисквитчиња, лебче... мало делче од бисквитата кога рече дека ни го голта ни го плука, па се закашла, па помодре, сум го тресела, сум го мавала по грб. Ужас. Не знам како го извлеков така брзо од хранилка.. абе завчера вода пиејќи кога ждригна кога се заика, па му залетна ... немам срце да дадам парчиња.
2. Нередот не можам да го истрпам ич. Јебига имам планети во Девица, многу сум педантерија. Не можам да гледам како валка се околу него и како мава ориз на ѕид. Да, пробав и ориз, кога почна да го полни во тупаниците, па да носи во уста, па да мава насекаде... одма прибрав се.
3. Јас со лажица хранејќи го цел се исфлекува, после не можам да доперам ствари..
4. Јас сакам ако јаде да знам дека јадел, да се брои како оброк/ужина, а не да седам со саати а он да си игра и да го изгубиме целиот ред на хранење.

 

Поради 4тата точка не давам според блв јас. Инаку интересна ми е методата и знам дека децата се со вродени способности и ние треба да ги поддржиме во било која област. Со голем интерес ги прочитав дел од искуствата на мајките тука. Јас можам само едно да кажам: Баланс му е мајката. Еве моето дете е со блендирани кашички, но од ден 1 јаде само, уста не отвара ако не му ја дадам лажичката. Бидејќи гледам дека има интерес за самостојно хранење би му дала и парченца, но тој е 6,5 месеци и се уште не седи самостојно. Дали е препорачливо да давам ако не седи сам?

 

И мене ми е интересна. Беше новина кога беше мал првото дете. Упорно пробував ама не ... тој немаше вакви проблеми со парчиња да се задавува и сл. Туку беше голем нејадач, еве го прваче ќе оди јас уште трчам по него со лажица/вилушка и јас го хранам, ако оставам на него гладен ќе седи. Сум пробала.
Инаку не знам, нели хранилките се местат и за бебе што не седи самостојно, ама немам искуство.

 

Кај нас лично оваа метода се покажа супер.
Почнавме со воведување на цврста храна некои 5 6 дена пред да направи 6 месеци.
Апсолутно ги одбиваше кашите,( иако планирав да почнам со блв имав малце притисок па почнав ајде со блендирано)
После тоа почнав да давам зеленчук на пареа.
И јас сум имала моменти кога сум се исплашила, особено кога ќе се закашла, ама со време научив што е нормален gag рефлекс, а што е вистинско гушење, па ми стана полесно.
Дури и ден денес знае да и се згади ама стварно веќе ја знам па знам кога да интервенирам недај боже.

За нередот… тука немам што да кажам, хаос е. Валкани алишта колку сакаш, ај таа него и јас цела во флеки бев. Доле гледам да ставам како мушама за да не се валка многу. Мислам, сега е многу полесно. Ќерка ми од како го извежба тотално пинцета фатот, цело време си јаде залчиња. На пример, ќе дадам парче и она си го кине со раце и јаде.
Е сега ние имаме проблем со тоа што одбива чорби и се што е кашасто.
Чорбички и давам јас, секој втор ден јаде нешто кашасто зашто не сакав да заглавиме на мафини палачинки и парчиња зеленчук и овошје. Плус дефинитивно е многу битно за мешето.

На крајот најважно ми е детето да е нахрането и да има позитивен однос кон храната. Без разлика дали со блв, со кашички или комбинирано

Што мислиш под тоа да седи самостојно? Јас на почетокот имав дилема дека мора сама да седне од лежечка положба за да биде спремна
Уствари е битно да седи под агол од 90степени, да не и паѓа главчето на страна односно да може да седи цврсто во хранилка. На никаков друг начин не препорачувам хранење освен во исклучиво седечка положба..

 

Епа тоа мислев да седи без моја помош, кога ќе се наседне само од лежечка положба. 90 степени не седи ни сега, освен кај мене во скут, но сепак се потпира на мене поголем дел од времето. Затоа не знам дали може да го наседнувам во хранилка, а и немам купено

 

Неее, ништо нема да му биде додека ручка да седи. Ќе гледаш само дали е спремен односно дали е стабилен.
А и блендирано да даваш пак ќе треба да седи. Ако немаш хранилка може да ручка од скут, секако само така смее.