Јас баш вчера земав, толку е. Ама мал формат(не премал, среден?) Дај пратете идеи за инспирација, нешто без многу напор.
@theowndemon изгледа им ги изрекламиравме, проверив и имаше останато само со коцкести полни и испрекинати линии. Имаше една со потесни линии и една со точки ама не ми се допаѓаа кориците (комплицирам ама па сеа не земам секој ден ). Ќе проверам на други локации, може да имаат. @Angie1432 не знам за што поточно ти треба. Овие така се лесни накај средина по тешкотија, за кого како
@theowndemon истата тетратка во моментов ја користам. Спојлер: Skriptie Секој пат кога треба да купам нова, цело Скопје го пребарувам за да најдам бланко или со точки. Убедливо најдобро се пишува во бланко/точки, зш можеш да заштедиш на место, односно тесно да пишуваш. Порано, во Просветно Дело имаше едни тефтери на Милан брендот, слични беа на молескин. Спојлер: Милан Ама кога ја земав на Skriptie, немаш од Милан веќе, па морав друга тетратка да најдам. Иначе, одамна ме мрзи да цртам, подвлекувам, одбележувам; веќе подолг период само датум го маркирам со дреч маркер, чисто да можам полесно да се навратам на некој ден ако сакам, а да не се губам во текст.
Има еден арт шоп на Теодосиј Гологанов, во близина на АМСМ, има предобри тефтери баш ко за bullet journaling. Сите ми се од таму, има различни формати - од мало џебно до А4 формат. Имаат и тефтери со landscape листови, покрај класичните тетратчиња. Цените им варираат, не се сеќавам како точно одеа ама ќе го прашам маж ми, он памти вакви работи. Ќе сликнам внатре попосле, повеќето се со точки. Тие тефтери и мене ми се најомилени за пишување зашто кога страниците се бели некако премногу сум ко без компас, а кога се со линии се прешироки и комотно можам во еден ред да пикнам два реда.
Шубаи сеее Имало многу повеќе избор од оние јас што ги видов. Да се подослободам и одам да проверам на друга локација
За да не отварам посебна тема која нема да биде активна, ќе ја размрдам оваа. Какви пенкала, моливи, лепенки, траки во боја и шари користите за пишување во дневниците/роковниците? Јас изнакупив пенкала (дрвени боици веќе си имав) за да можам да ги „декорирам“ и останатите тетратки и сега погледнав една, 20 страни испишани, една цртичка во друга боја нема Ми нема спас... Затоа роковникот си го лепам со испринтан месец во мал формат и како таков ќе ми се најдеше многу периодов кога имав многу за правење...ако не го заборавев дома....пак!
*се издишва* ова ќе трај... Стила користам обично сино за текст и од тие шо цртам за doodles и стајлинг на страна. Јас сум огромен фан на стикери така да мислам дека ова е уникатна шанса да си ја покажам колекцијата на стикери. Ова се од сите посебни колекции то шо ми останало Колку и овие да се прекрасни, еднаш од рандом продавница купив две тетратки со по 500 стикери плус templates за bujo (250 ден по тетратка, не памтев колку се ама назад уште седи цената). Кога и да одам пак, не наоѓам, а се надевав ќе најдам на поќе теми (една е за љубов, другата е за одмор и има летни и зимски теми). Дрвен Пазар е продавницата. Користам и хајлајтери, фломастери за пишење и стикери како бележници ама ај ќе остам за друг пат то пошто посекако до 10 слики по мислење смеј.
За вакви ситници златен Али, само што многууу се чека лејтли. Стикери, пенкалца, боички, тетратки, sticky notes, украсни ленти порано цело време нарачував за ситни пари. Ќе побарам баш сега линкови ако уште се активни страниците од кои што сум задоволна. Од овде стикери имам нарачувано ама има и други преслатки ситници. Од овде пенкалца обични и во бои, и од овие страни исто линк1, линк2, линк3. Од сите сум презадоволна, стигаат исти како на сликата, само за стикери препорачувам убаво читање на димензии, да си знаете отприлика колкави ќе стигнат
Oh no.... мислам дека некој пак ќе троши пари, а тој некој моментално го пишува мислењево @theowndemon е баш ми е мило што создадов можност за да си ја покажеш колекцијата Искрено, не ми текнало да гледам вакви работи зошто долго време не ни имаше, освен еднаш во веро-џамбо кога случајно поминав низ тој дел. Тогаш не сакав да купувам зошто сакам да рециклирам, а порано се сечкаа весници за вакви работи така да наместо лепенки одлучив да сечкам се' неупотребливо (билтени, каталози, списанија). Тие на првите слики ептен ми се допаѓаат. Трета и четврта особено, а и она со шепите ептен јако изгледа @sweet-cherry сите се убави! Ама на еден од линковите видов ретро-стил и на еден со цветни мотиви и сега многу се мислам да си нарачам иако мислам дека ќе ми биде криво да ги употребувам Исто така многу ми е голема дилемата меѓу нови лепенки и еколошкиот аспект од истите. Затоа преминав кон сечкање и уште ни тие ги немам излепено. Знам, успеав да искомплицирам нешто што требаше да ми биде хоби. Експерт сум во ова Важно, благодарам за ова и што си покажавте колекциите и од каде можат да се најдат интересни лепенки за оваа намена
Имате убави тефтери за дневник во Чудна Шума - https://www.instagram.com/p/Ctwm_7HsO-v/?igshid=MzRlODBiNWFlZA==
Денес сакав да отидам до книжара за да си купам убав (...имам убави, „нов“ е зборот што го барам) тефтер. Не стигнав и одложив за друг ден. Отварам инста и гледам преубави дизајни. Се пресоблеков и таман на тргнување си помислив „зар за тоа ќе одам само“ и се предомислив. Сега седнав да одморам, отворив инста (чекам одговор за нешто инаку не дремам толку) и пак ги видов дневниците и на крај решив тука да пишам зошто секако додека стигнам ќе затворат книжарите (или барем така се тешам ). Многу убаво ми исгледаат и гледам дека ги исполнуваат и без да имаат некоја содржина, а јас и покрај тоа што имам, не пишувам во нив. Воопшто немам навика, а се обидувам. Само деновиве имав толку обврски и на крај ништо не запишав... Неодамна принудно си купив нови дрвени боици (не ми требаа зошто имам неколку, но бев во друг град и ми требаа за еден проект) и многу сакам да си користам ама некако слабо ми оди.
