Мојот чиз кејк, варијација од рецепти за 101 чизкејк Што да правам кога маскарпонето ми беше многу скапо. За кора 200 грама Велнес бисквити 100 грама лешници 100 грама маргарин рендана кора од лимон За фил 500 грама малини, капини или вишни, по желба 300 грама хопла 300 грама кисела павлака 150 грама шеќер во прав еден желатин од 10 грама 6 лажици вода 3 лажици сок од лимон малку екстракт од ванила За прелив 200 грама малини, капини или вишни по ваша желба 3 лажици шеќер сок од лимон еден желатин од 10 грама Подготовка Во блендер се дробат бисквитите, може и во крпа или стреч фолија со сукалка, се додаваат и дробените лешници и ренданата кора од лимон. На оган се растопува маргаринот и се замесува тесто. Се развлекува на дното на садот и се остава во фрижидер додека се припреми кремот. За кремот се мати хоплата со прав шеќерот и се додава павлаката. Желатинот се потопува со 6те лажици вода и се остава да набабри, откако ќе биде набабрен се растопувана тивко на шпорет или во микропечка, но јас не би експериментирала со микропечката. На изматениот крем постепено се додава желатинот по сосем малку, како што се додава шербет во шам, се додава и сокот од лимон и аромата на ванила. Врз кората се редат малините, кога повторно ќе го правам малините ќе ги наросам со шеќер во прав, многу ми беа кисели вака. Врз малините се става кремот и се рамни убаво. Се враќа во фрижидер додека се подготви преливот. За преивот малините се ставаат на оган со шеќерот и сосем малку вода, се додава и сокот од лимон и се остава да проврие. Постапката со желатинот се повторува и се додава во преливот од малини. Се остава сосем малку да олади бидејќи ако е многу врел ќе го растопи кремот, но постојано се меша. Се нанесува на тортата и се украсува по желба. Јас ја украсив со Ѕвезди од чоколадо и елки од киви, на вкус, нејќам да коментирам, се изеде со брзината на светлината на сликата се гледа моето задоволство од делото
Јас пробав кај една пријателка и многу беше добар. И рецептот многу едноставен, за кората само мелена плазма и маргарин, додека за филот било какво слатко, хопла, шеќер во прав и пола кг АБЦ сирење (се зачудив дека е со АБЦ направен, ама лудница беше).
Јас многу пати го правев по рецептот на Анат, а последниот пат наместо маскарпоне му ставив млечен намаз ала кајмак, и супер испадна, подобро дури и од маскарпоне! Баш ми има оригинален вкус!
Еве го последното парче од мојот новогодишен чизкејк, успевав да го сликнам пред син ми да го мавне. Филот го правев со маскарпоне, а преливот е од боровинки.
Јас не го печев воопшто, цело време само во фрижидер го враќав. Сум јадела печен и како гума ми беше па затоа не го печев.
Јас ставив Моира, и морско оревче и каранфилче мелено, малку ванила во путерот и рендана кора од лимон, многу убав шмек дава
Аааа, молим лепо, не си навела во рецептата, не се важи отпосле Јас сакам само цимет да ставам, а да го правам по рецептата на Басовка, ептен ми го испофали
А колегиница ми е многу вредна, кај и да е после диетава и нејзиниот рецепт ќе го пробам Инаку не напишав пошто по рецептата што го правев немаше наведено и ај викам да не пишувам, сите не сакаат зачини де Мене да ме оставиш свашта ќе оставам
Не сакам да си ги вратам средношколските килограми со кои мачев мака до матура, па затоа добив искрена препорака да не го ни пробувам чудово, затоа што, тие кои ме предупредија,познавајќи ме, знаат дека би ми бил омилен десерт.
Прашање: маскарпоне сирење имаше порано во Веро, денес не го најдов, дали знаете каде има? За роденден решив да направам cheesecake со лешници, и купив се, освен најважното - сирењето...
Деновиве никаде нема. Нема кај не бев, веро, рамстор, тинекс, никаде го нема. Направи го со ала кајмак или абц, супер испаѓа, а многу повеќе се исплати.
Фала за советот. Се надевам ќе најдам од нив, во Веро приметив само некое крем сирење од Нишка млекара... Веројатно заради аферата со афлатоксините, од млечни производи имаше мал избор. Ако ништо друго, дефинитивно поефтино ќе поминам со абц
Јас прочитав многу рецепти за чизкејк, и на крајот си направив комбинација од повеќе - според она што успеав да го најдам по продавниците и она што го имав дома За подлогата употребив: 300 грама мелена Плазма 250 грама Мегле путер неколку лажици млеко (во зависност од густината на смесата) Фил: 500 милилитри Мегле хопла 200 грама Мегле кајмак Врз сето тоа ставив тазе домашно направен мармалад од кајсии. Ја ставив во фрижидер за да се стегне, после некое време ја извадив, исеков парчиња и послужив. Лесна е за правење, а има многу интересен и освежителен вкус
Те молам може да ми напишеш точно како го спреми колачов? Сакам утре да направам. и ПС. каде да најдам мегле кајмак, како изгледа?
Процедурата е иста како и за секој друг чизкејк - мелената плазма се меша со путерот и млекото, додека не се добие хомогена смеса. Потоа се става во сад и се нанесува рамномерно. Во посебен сад се мати хоплата, па потоа се додава кајмакот и сето тоа убаво се меша. Се нанесува врз претходната смеса и се остава малку да отстои во фрижидер. Потоа врз двата слоја се става мармаладот/џемот. Инаку, еве како изгледа Мегле кајмакот. Мајка ми го купила од Рамстор, ама сигурно го има и во другите маркети. Низ темава прочитав дека убав бил и а ла кајмакот од млекара Шабац, ама јас таков никаде не успеав да најдам, па затоа употребив ваков. Патем, многу е јак чизкејков, помало парче требаше да си пресечам, ми се слоши
Јас минатиот пат не испратив слика, па еве сега постирам од cheese cake-от што го направив вчера. Како што ги ставав состојките, така запишував на страна колку калории има секоја, и на крајот пресметано испадна дека е права калориска бомба со 5530 калории (во кои не се пресметани оние од мармаладот, бидејќи е домашно направен и немам поим колку калории содржи во него). Целиот колач има околу 12тина парчиња, што значи дека едно парче има повеќе од 460 калории. Машала...
Леле луѓе се решив да направам и јас чизкејк, ама од шо има толку рецепти не знам за кој да се одлучам Се мислам како би било повкусно и кое е поправилно, со печење или без?
