Dark е германска научна фантастика и трилер серија. Дејството е сместено во измислениот град Вирден, Германија, а серијата се однесува на последиците од исчезнувањето на едно дете, кое ги открива тајните и скриените врски меѓу четири семејства. Во текот на целата серија, се истражуваат егзистенцијалните импликации на натприродните настани во градот и нивните ефекти врз човековата природа. Dark претставува првата германска оригинална серија произведена за „Нетфликс“. Серијата има две сезони досега. Првата сезона има 10 епизоди, втората има 8 епизоди. Рејтинг: 8.7/10 (IMDb), 94% (Rotten Tomatoes) Не најдов тема за оваа серија, доколку има слободно избришете ја оваа.
Леле барав тема за серијава и мислев ќе има многу коментари за да ми се објасни нешто.. Јас ги изгледав двете сезони и буквално ништо не ми е јасно
Прекрасна серија, воодушевувачка. Eдна од најдобрите сериски остварувања на сите времиња. Со нетрпение се чека трета сезона. Се надевам ќе имам време да навратам и пишам подетална рецензија. Браво за отварањето на темата @IM.TMKQ.
Неспоредливо квалитетна серија во однос на тематика и графички приказ. Мојата футуристичка прогноза е дека ова би можела да биде следната "GOT" иако, многу пати се покажало дека публиката не е заинтересирана за серии со филозофска и интелектуална содржина, па можеби од таа причина сепак нема да успее да го контемплира заслужниот рејтинг на листата. Еден од највпечатливите визуелни моменти е приказот на ретро стилот, гардеробата и изданијата карактеристични за годините во кои се одиграле настаните од тие периоди. It's mesmerizing. Содржински..oh, boy, има доста да се пишува, ама ќе пробам да скратам и опфатам само најбитното за да ви стане појасно што гледате. Она што е најбитно и треба да го знаете е дека серијата обработува неколку хуманистички целини и науки - (филозофска и теолошка), природна - квантно физичка, и општествено - психолошка (реперкусиите од нуклеарната катастрофа која налик потсетуваат на Чернобил и Фукушима). Филозофската теорија го конципира детерминизмот или каузалноста (теоријата за причинско последична врска). Главната поента во овој концепт е дека сѐ е поврзано, односно секоја акција има реакција и секој настан има своја последица, односно импакт врз она што ќе се случи во иднината - и обратно. Доказ или потврда дека се обработува истата погоре опишана теорија е позадината на книгата 'A Joyrney Through Time' чиј автор е H.G. Tannhaus, (работникот во продавницата со часовници) а на која пишува - "We trust in the linear, forever the same shape of the past, until eternity. But the diffrences between the past, presence and future are nothing but an illusion." Нај едноставно објаснување за горе наведената теорија е дека времето од математички аспект е сфатен како апсолутна вистина и реален показател, но во суштина времето надвор од човековата конструкција не постои. Од квантно - физички аспект дополнително се закомплицираат сварите. Поприлично конфузно и hard to swallow, но од серијата увидуваме дека истата таа просторно - временска рамка каква што ја знаеме, е можно да се промени доколку во теоријата за детерминизмот вметнеме временско патување. Неслучајно во последната сцена од втората сезона кога се појави Марта увидовме дека освен трите временски рамки кои ги поимаме временски и просторно (минато - сегашност - иднина), постојат и паралелни универзуми. Теолошкиот момент е секако оној со Ноа. Ако мислевте дека е нешто случајно во серијата, грешите. Нема место за коинциденции, па така и името Ноа е споменато како симбол за легендата од стариот завет. Имајте истовремено предвид дека според некои прочитани теории Ноа е можно да е Бартос. (Што подоцна ако се испостави како точно би било awesome зошто имплицитно тоа би довело кон полесно отплеткување на целокупниот хаос). Ноа, воедно е симболички приказ и е ,,демонот", oдносно совеста која се појавува кај повеќето централни ликови низ серијата за да им вметне страв да не направат одредени работи кои би можеле да ја разнишаат каузалноста. Неслучајно е Ноа прикажан со голем црн шешир, и неслучајно има инцестуозно - блиска сестра по идеологија (Агнес), која ги претставува страста, искушението и промискуитетот во секој еден од главните ликови. Најбитната работа од сѐ, е тоа што сите актери во оваа серија играат амбивалентна улога. Не се ниту крајно зли, ниту крајно добри. Нивниот character development се отсликува во еден цел спектар на однесување. Ниту Адам, ниту Клаудија, ниту Ноа не може да се окарактеризираат како лоши. Сите тие се со своја агенда и кауза за остварување. Мудри, присебни, дури и надреални во одредени околности. Медс Нилсен треба да биде всушност клучот за разрешување на целата оваа временска збрка, (доколку се водиме според теоријата на детерминизам), на чело со претходниците на Александер Тидеман кои контрибуираа во инцидентот со нуклеарната централа. Таа ,,грешка" или ,,инцидент" е всушност главниот причинител и не носи до првичниот момент - Смртта на птиците во серијата и треперењето на светилките како симбол кој наговестува зло (а се случува непосредно пред исчезнувањето на Медс Нилсен во првата сезона). Сѐ на се редум, мислам дека дури и настанувањето на временската машина (,,апаратот"), како и хемискиот елемент - ,,божјата честичка" (која Клаудија Тидеман ја споменува во разговор со претходниот директор на централата), претставува електро - магнетска и хемиска аномалија која е изворот на ,,проклетствотo" на градот. Еднаш кога со помош на временската машина која ја поседуваат ќе се вратат до тој конкретен настан, времето повторно може да продолжни по линеарен тек но, најверојатно без никој од нив. Патем, во оваа серија е сѐ толку добро осмислено што дури и H.G. Tannhaus e акроним за авторот кој во реален живот всушност се нарекува H.G. Wells и ја напишал книгата "The Time Machine." Со таа разлика што во серијата името на авторот и насловот се сменети, па така наместо "The Time Machine" (како што е публицирана во реален живот), ја имаат преименувано во сериски цели и наречено - "A Journey Through Time". Еднаков импресивен е цитатот кој оди во прилог со таоистичките филозофски концепти и видувања, и кој морам да го напишам во цели на рецензијата. Тоа е цитатот кој се спомена при разговор меѓу Микел и Инес Канвалд и само дополнително ја проткаја илузорноста и на светот онаков каков што го познаваме. Таостичката мудра мисла од Жуангзи: “Once upon a time, I dreamt I was a butterfly, fluttering hither and thither, to all intents and purposes a butterfly. I was conscious only of my happiness as a butterfly, unaware that I was myself. Soon I awaked, and there I was, veritably myself again. Now I do not know whether I was then a man dreaming I was a butterfly, or whether I am now a butterfly, dreaming I am a man.” Спојлер Oчекувајте ме со објаснување на секој лик поединечно во текот на неделата. Нема шанси да вметнам се во еден пост. А до тогаш не заборавајте - Everything is connected guys.
@TheTribe на popcornfilmovi.com ги има и двете сезони. Првата сезона ја изгледав, сега втората ја почнувам. Додека ги пофатам кој, што, како, ја изгледав сезоната. Според мене одлична серија, дејството добро разработено, доволно и да те збуни, а во исто време интересно и неизвесно. Втората сезона не ми е нешто надежна, барем првата епизода не ми беше нешто, ама ќе и дадам шанса.
Третата сезона ќе излезе на 27 јуни. Треба пак да ја изгледам од почеток, оти ништо не се сеќавам што се случуваше во серијата (не дека пак ќе разберам нешто).
Одлично инфо! Едвај ја чекам новата сезона, ама се согласувам се имам заборавено. Пред да почнам да ја гледам 3 сезона треба да се гледаат отпочеток. Многу убава но и збунувачка серија.
Има нова сезона на Нетфликс. Ја изгледа некој цела? Една епизода гледав и се разочарав. Мислам дека претерале со тоа до каде оди приказната.
Чекај, денес само што ја ставија Но мислам може да очекувате од мене да ја изгледам за 2 дена, ептен ми е "врасната" Првите две сезони ми се гледани по два пати
Планирам да ја гледам новата сезона од понеделник, ама знам дека ќе е џабе затоа што ништо не се ни сеќавам нити па сфаќам од претходните две сезони
