Нова серија, окарактеризирана со црн хумор. Станува збор за пријателството кое цвета помеѓу вдовицата Џен и Џуди- позната по својот слободен дух и шокантна тајна. Ужувајте низ нивните авантури
Уште две епизоди до крај на 1 сезона имам. Поради обврски никако да седнам да ја догледам. Серијава ми е roller coaster Една епизода ја обожавам Џуди, во следната ја мразам. Еден момент Џен ми е најbadass лик, во следниот ми е најжалче ... Едвај чекам да видам како ќе биде крајот! Ја гледа ли некој друг ??
Јас ја изгледав, многу добра серија. Топ 5 од новите што ги уловив годинава. Не те тормози со глупави дејствија, има добар хумор, фино разработени ликови и приказна со суспенс момент што те држи љубопитен до крај. Баш ме интетресира како ќе се одвиваат настаните во следната сезона, имаше скокотлив крај.
Се заразив, па и кратки се епизодите, одма се гледа. Толку време барав серија што ќе ми се погоди, страв ми е одеднаш да ја изгледам, кај ќе најдам после друга. До половина сум од прва сезона, очекувам добар завршеток. Judy не старее, ако некој ја гледал Freaks and Geeks, истиот вајб, истата харизма, дури и по толку години. Воглавно добар кастинг.
Netflix announced in July 2020, that Dead to Me will return for a third—and final—season. https://www.thrillist.com/entertainment/nation/dead-to-me-season-3-release-date-cast-news
Втората сезона не ме воодушеви баш, многу збркана, предвидлива, го изгуби тој мистичен вајб што го имаше првата сезона. Ќе видиме како ќе ја финализираат во последната сезона.
Последната сезона ќе излезе на 17-ти ноември, само што видов. Не знам како ќе тече сезонава, немам никакви очекувања. До душа не ни очекував да има нова сезона, ама ај да видиме како ќе се покаже...
Во недостаток на серии, ја почнав последнава сезона. Многу ми е жал за Кристина Еплгејт, уште во првите сцени зборува од личното искуство. Баш жално.
Јас ја изгледав синоќа, се изнаплакав и сега цело време ја мислам серијата. Ме уништи. Предобра ама не очекував дека може да отиде во тој правец.
И јас ја гледам, многу е добра. До пола сум некаде отприлика. Втората сезона не ми беше нешто, ама како навлегуваат во новава, сепак ќе испадне дека добро ја разработиле и дека била баш потребна. Не знам дали фактот дека периодов читав доста интервјуа со Еплгејт си го направи своето и приметувам колку ја чуваат и пазат сезонава со лимитирани движења, ама сценариово навистина добро го прилагодиле. И пак е прекрасна. Башка што улогава скроз и е погодена, па кога нешто лично те допира резултатот не може да биде поинаков. Многу добра двојка се со Карделини и ќе ми фалат. Не памтам кога последно волку многу ми се допаднал кастот во некоја серија од поновиве.