Diet Culture - Култура на диети

Дискусија во 'Диети' започната од Srckata28, 2 јуни 2020.

  1. Srckata28

    Srckata28 Популарен член

    Се зачлени на:
    6 јануари 2013
    Пораки:
    2.192
    Допаѓања:
    8.310
    Пол:
    Женски
    Во последно време се едуцирав доста во врска со диетите, и далеку сум од експерт затоа што и самата јас се уште се одвикнувам. Сакам да започнам дискусија во врска со ова, затоа што јас лично се чувствувам ослободено и просветлено откако прочитав/изгледав повеќе на оваа тема. :D

    Diet culture или култура на диети, што не знам како поубаво да го преведам, се фокусира на идејата дека тенките, слаби тела се најпривлечни и дека ако не сме слаби, basically не вредиме. Секако воедно е и мултибилионерска индустрија, подоминантна во побогатите држави, ама доста присутна и тука, повеќе како мајндсет, отколку како производи (иако и тоа имаме, на пример: HerbaLife).

    Кога ќе кажам култура на диети, не се мисли само на бескорисните диети кои не тераат да гладуваме, туку на целиот концепт на “bikini body”, броење калории, губење на X килограми за краток период, јаглехидратите дебелат, не треба да се меша компир и месо и др.

    Diet culture не учи дека вредноста на нашата личност е пропроционална со храната што ја јадеме односно дека постои добра и лоша храна (не постои добра и лоша храна) и кога јадеме „добра“ храна сме успеале нешто. Еден чест пример на форумов е кога ќе пише некој колку е горд на себе што успеал да не изеде чоколадо иако и текле лиги или што цел ден се превртувала од глад ама била издржлива – голем дел од темата за слабеење е всушност натпревар кој повеќе ќе издржи да јаде помалку, на тоа се аплаудира.

    Уште еден од главните одбележја е циклусот на рестрикција/прејадување, каде што одреден период ќе издржуваш на многу помалку храна од тоа што организмот ти бара, се додека не „пукнеш“ и изедеш се пред себе со мислата дека од утре ќе почнеш повторно. Најголемиот поттикнувач на нарушувања во исхраната, што е жално бидејќи е многу нормализирано.

    Мислам дека е разбирливо како diet culture е одржувана во живот најмногу од мизогинија, но исто така има расистички аспект што се состои од Западната култура како им ги наметнува овие лажни идеали на народи што имаат сосема различна идеја за „нормално“ тело затоа што генетски се наклонети кон одредена тежина.

    Анти-култура на диетите верува во тоа дека секој организам си има своја сопствена тежина во која се чувствува најудобно и тоа не зависи од висината или било што друго освен самиот организам. Верува дека без разлика што правиме, нашето тело ќе тежнее да се врати на тежината т.е. состојбата во која се чувствува најубаво. Ако размислиш ова има смисла, затоа што на пример, некој има релативно мала тежина и поголем дел од неа ја задржува во бутовите – таа ќе се обидува да ги ослабе, ама едноставно генетски и е препишано таму да ја задржува тежината, гледајќи во родител или фамилијарно дрво. Така едноставно некои се наклонети да се покрупни, некои послаби ама здравото тело е индивидуално за сите и никој, кој нема проблеми со исхраната, не треба да ослабе!! Тоа е главната идеја.

    Ова тежина се постигнува со интуитивно јадење односно луѓе кои никогаш немале проблеми со исхрана или body image го нарекуваат нормално јадење – јадење кога си гладен, без прејадување, туку прекинуваш кога си заситен. Ова е благо „правило“ затоа што тука не постојат рестрикции туку само треба да си комплетно во тек со своето тело – да знаеш кога си навистина гладен, кога навистина сакаш сладолед, а не си само стрвен. Со ова се прекинува прејадување или премалку јадење. И не, нема секој ден да сакаш макарони затоа што кога ќе научиш да го слушаш организмот, тој некои денови ќе ти бара повеќе нутритивна храна, некои денови повеќе благо и тестенини, ама повеќето од деновите ќе ти се измешани и ќе бидеш среќен. Истото важи и за вежбање - на секој организам му треба активност и кога ќе прекинеме да вежбаме за да ослабнеме туку за да се чувствуваме убаво, ќе сакаме редовно да ја правиме онаа активност во која уживаме.

    Јутуберка која ми помогна да се едуцирам за сево ова е Abbey Sharp, која е registered dietitian и навистина феноменално објаснува митови од култураа на диетите и колку е нормализирано јадењето премалку калории во нашето општество, би ја препорачала! Исто така Stephanie Buttermore, фитнес јутуберка која навидум не можеше да води поздрав живот - „здрава исхрана“, цврсто телo, што всушност и направи многу лошо и беше принудена да оди "all-in" со што телото се избори за таа идеална состојба.

    Сакав многу повеќе да пишам ама многу е долго, се надевам убаво ме разбравте, ама било кој може да прогугла повеќе ако нешто ептен нејасно пишав. :) Очекувам спротивставени коментари ама спремна сум да ја срушам diet culture, готово. :D
     
    На Peanut Butter, Briar Rose и Lella им се допаѓа ова.
  2. Angie1432

    Angie1432 Истакнат член

    Се зачлени на:
    24 април 2019
    Пораки:
    2.637
    Допаѓања:
    13.494
    Пол:
    Женски
    Опсесијата со режими и диети ми е едно од нештата кои дефинитивно треба да се срушат.
    Под ова, јас го подразбирам единствено тежнеењето да се изгуби тежина по секоја цена, во најкраток рок без да се води сметка дали е тоа изводливо и здраво.

    Освен што никогаш не носат бенефити, диетите се штетни бидејќи на многу луѓе им ја рушат целта - многумина запаѓаат во кругот на диети-јојо ефект-диети итн. и се откажуваат мислејќи дека никогаш нема да ослабат.Потоа, продолжуваат со сите нездрави навики само затоа што не се свесни дека сами прават грешки барајќи спас во диети, а не дека некоја виша сила(нивното височество - гени) им забранува да ослабат.

    Здрави навики за исхрана и доволно физичка активност треба да се воспостават уште од најмали нозе и да бидат неопходност исто како што е спиењето, а не активност која се презема пред свадба за да влезеш во фустанот.
    На форумов има цела една категорија на диети, почнувајќи од некои кои би нарекла поизводливи и нормални - но повторно привремени, до некои сосема бизарни и смешни.Проблемот е што на многу им е тешко да свртат нов лист и да почнат од почеток, со волја и детерминираност, а некогаш тоа и не е само нивен недостаток на ментална сила, туку и недостаток на финансии и време кои многу влијаат на нечиј начин на живот.

    Ама она што мора секој да го знае, е дека не е целта само да симнеш зацртани 2, 3 , 5 , 25 кг., целта е да имаш здрава тежина која не се постигнува за една недела со една банана на ден и исто секој треба да е свесен дека ништо што е добро не се постигнува брзо.

    @Srckata28 не можам да се согласам со некои работи што си ги напишала и ќе ги цитирам одвоено:
    Некои од овие тврдења не се воопшто производ на некаква култура, туку факти.Броење калории некому помага да си одржи ред - тоа што кај друг преминува во опсесивност не значи дека самиот чин е штетен.

    Секако дека постои добра и лоша храна.Процесирана храна со тон шеќер и адитиви која е намерно пласирана за да ти создава зависност не носи ништо добро во себе, те труе.Шеќерот создава зависност исто како и секоја дрога.
    Кога јадеме добра храна, сме за пофалба и сме успеале нешто да, бидејќи успеваме да ја исконтролираме желбата да се наполниме со гореспоменатите храни кои носат привремено задоволство.Потешко е да јадеш секој ден ручек од мекдоналдс или боранија, зелка и сл.?Се знае.

    Не разбирам како секој организам си има своја тежина во која се чувствува најубаво.Едно е некој да тврди дека се чувствува убаво, ама факти и чувства се различна работа.Висината е параметар што не може туку така да се изостави, не е исто жена од 160 и од 180 да имаат по 70 кг(да изоставиме исклучоци, збориме за просечен човек кој води нормален живот и не е професионален спортист и сл.).
    Примерот со бутовите исто така не можам да го разберам - секој човек има одреден дел од телото каде што складира повеќе масно ткиво, тоа не значи дека е апсолутно невозможно да го ослабе и тој дел, само ќе треба повеќе време, иако на крајот формата на телото си останува.

    Нема ништо спорно во тоа некој да почне да вежба за да ослабе, не знам зошто некој да не смее да почне со таа замисла, битно е да се претвори во навика.

    Стефани личи како да страда од нарушување во исхраната, само преминала од еден до друг крај на спектарот.
     
    Последна измена: 3 јуни 2020
  3. Srckata28

    Srckata28 Популарен член

    Се зачлени на:
    6 јануари 2013
    Пораки:
    2.192
    Допаѓања:
    8.310
    Пол:
    Женски
    Не е поентата во тоа дали ќе премине во опсесивност или не туку тоа дека не постои одредена бројка на калории што еден човек треба да ја внесува - тоа варира од ден до ден и од човек до човек. Затоа кога твојот организам ти бара храна тоа треба да се задоволи и тоа правилно. На пример, некогаш ќе си гладен за цел оброк, некогаш за нешто полесно - кај интуитивно јадење јадеш до степен на заситеност, а не кога ќе си преполн со храна. Многу фактори секојдневно влијаат на нас затоа според мене глупо е да имаме одредена цел на калории кога некогаш сакаме повеќе или помалку.

    Нема добра и лоша храна. Има понутритивна и помалку нутритивна и двете се дел од една здрава диета.

    Не зборам некој да се чувствува удобно во своето тело, туку самата генетика е наклонета кон одредена тежина. За некои луѓе за да останат во некоја тежина пониска од обичаено тоа значи вечно гладување. Висината буквално не е фактор според кој треба да се одредува тежина. И ако мислиш дека 70кг се некоја многу прекумерна тежина за личност од 160цм не знам што да ти кажам. Ако разбираш англиски прогуглај set weight поубаво ќе е објаснето.

    Овдека се всушност до некаде согласувам, главно тоа што го кажав се однесуваше за оние кои се мачат да изгорат калории затоа што изеле парче чоколадо и што ја гледаат активноста како казна за јадење. Секако има поактивни луѓе и тоа е убаво. Ама на пример не ми се јасни луѓе што сакаат да ослабат и планираат да вежбаат неколку месеци додека не симнат кг и потоа не знам што очекуваат да се случи... Активноста е нешто што треба да биде дел од нашата рутина, но не да гледаме кон неа како средство за трошење калории туку како склоп на здрав живот. И сега еве пример: ако некој вежба регуларно, јаде умерено - во смисла онолку колку што му се јаде и она што му се јаде и одржува тежина, нема смисла истиот да оди во дефицит и да се обидува да спушти тежина кога е очигледно дека организмот му нашол баланс - без разлика која е таа тежина.
     
  4. Tan4ence

    Tan4ence Форумски идол

    Се зачлени на:
    12 октомври 2011
    Пораки:
    4.770
    Допаѓања:
    26.315
    Све е океј ама да не го тераме муабетот до таму како да нема граници. За девојка од 160 цм, не можеш да речеш дека 40 е нормала тежина или пак 90+ кила.
    Генетика е различна да, ама и тука нема бескрај. Може некој да има побрз метаболизам или повеќе склоност кон градење мускул ама не е дека оксидацијата на мастите кај мене и некој друг различно се одвива, или пак разградувањето на гликогенот. Или дека инсулинот кај него има сосема друго дејство отколку кај мене. Ензимите, хормоните и сите метаболички процеси се тие, нема други. Исклучок се некои ензимопатии кои се манифестираат преку различни фенотипови или пак и други мутации кои стварно можат да доведат до морбиден обезитет, ама не се толку чести и се манифестираат пак ќе речам многу поизразено од само зголемена тежина. Еден таков поредок пример е Прадер-Вили синдромот.
    И да напоменам - генетика е едно, хередитарна склоност - друго.

    Знаете за онаа емисијана - My 600 lb life на TLC. Имам гледано дел. Стории за луѓе со екстремна дебелина, 200 +кила сите.. Сите од нив беа во таква состојба ради прекумерно јадење. Ама сите. Да, причините за тоа биле депресија, останале сираци на млади години, доживеале траума итн итн. ама пак на крај причината беше прекумерно јадење, никакви хормонални пореметувања. Да ти е жал да ги гледаш. Дел врзани за кревет, дел дишат преку цевки, некои и починале. Ама колку од нив само велеле дека ем сакаат да ослабат, ем пак јадат високо калорична храна. И човек во таа состојба строго мора да му се забрани таква лоша храна која за нив е веќе лоша, како што човек со цироза веќе не смее ни капка алкохол. Некои имаа дијабет, други проблеми со дишењето, трети со срцето. Некогаш и тие биле со нормална тежина и малку по малку се тешеле уште овој хамбургер. Ама контрола немале воопшто. И на крај дошле до една состојба од која едни за жал не се спасиле.
    Сакам да кажам да не го гледаме јадењето до толку како уживање и да немаме лимит.

    А гледав баш и документарец за детенце со Прадер Вили. Мајка му морала да го заклучува фрижудерот и да ја крие храната зашто детето нема контрола колку јаде. Не осеќа ситост. И детево добивало напади на бес за да добие храна. Одело и по комшии да бара. Ама ова е заради мутација и многу редок пример за болест што доведува до морбиден обезитет. Останатите почести состојби, не до толку.

    И бројката на калории. Да и тука нема дефинитивен број, но и тука нема бескрај. Се знае дека 800 се малку и дека 4000+ се многу особено за неактивен човек.

    Едит- јас од чоколадо, пица, леб и такви работи се откажав првенствено ради интолеранцијата на глутен чии симптоми ги осеќав со години ама никогаш не ми текна што е. И благодарение на тоа ослабев.
     
    Последна измена: 3 јуни 2020
    На CarrieBradshow и Angie1432 им се допаѓа ова.
  5. Angie1432

    Angie1432 Истакнат член

    Се зачлени на:
    24 април 2019
    Пораки:
    2.637
    Допаѓања:
    13.494
    Пол:
    Женски
    @Srckata28
    Убаво е сите да се релаксираат и да не го бројат секој залак, ама проблем е што не сите можат интуитивно да јадат.Многу јадат до презаситување и немаат контрола на порции, особено ако јадат храна што е преубава и не можат да застанат и да речат стоп, најаден/а сум.
    А дефинитивно постои одреден ранг во кои би требало да се движи дневен внес на калории, зависно од човекот и нивото на активност- ете со тоа се согласувам дека варира од индивидуа до индивидуа.Дефинитивно не е нормално да внесеш 10 000 а притоа не си world top athlete или да внесеш 500 калории и мислиш дека е таман.

    Секако дека има, тоа што ти си ги дефинираш на твој начин не ја менува реалноста.Кажи ми како кока кола или пакети гумени бонбони влијаат добро на телото?Sure, се е океј да каснеш од време на време, ама има разлика меѓу тоа повремено каснување и вклопување на одредена храна во здрава диета, а истата храна личи како да е произведена во фабрика за играчки во Кина.Ако одиме според ова, и кокаин можам да си вметнам во здрав начин на живот.

    Ако има генетска наклонетост, тоа не е запечетана судбина што не се менува. Еве нешто интересно во однос на генетика.
    Инаку, овие бројки што ги кажав како пример не се гојазност,ама прекумерна тежина дефинитивно.Параметрите како BMI, колку и да ти сметаат, имаат одредена релевантност.Тоа што пробуваш сама да ги релативизираш работите, не ги прави вистинити.

    Не те разбирам за ова, не можеш на било која тежина да најдеш баланс - ако мислиш на health at every size, едно големо не.
     
    На Bezimenka90, theowndemon, Tan4ence и 1 друга личност им се допаѓа ова.
  6. Srckata28

    Srckata28 Популарен член

    Се зачлени на:
    6 јануари 2013
    Пораки:
    2.192
    Допаѓања:
    8.310
    Пол:
    Женски
    @Angie1432 Тие што прекумерно јадат и не можат да се заситат имаат нарушување во исхраната односно психички проблем. Следам неколку луѓе што јавно го покажуваат нивното заздравување од нарушување во исхраната, едната порано имала анорексија, па потоа binge eating disorder (она што ти го спомна) и отишла од една во друга крајност, а другата булимија. И двете закрепнувањето го нашле во интуитивното јадење, балансирана диета- препорачано од доктор, нутриционист и всушност за сите со нарушувања лекот е интуитивно јадење односно нормално јадење. Кога покажуваат што јадат во текот на денот, тој им е исполнет со зеленчук, овошје, но и имаат десерт секој ден затоа што здрава исхрана значи и исхрана без рестрикции. И тоа е најнормално нешто. Нутриционист со добра едукација ќе ти каже дека нема добра и лоша храна затоа што тие зборови не се правилни, измислени се од diet culture. Кока колата нема ништо убаво за организмот во неа, затоа се и пие за задоволство, тоа да не си опседнат со храна не значи да имаш роботски пристап кон истата (и тоа може да биде нарушување, орторексија) . Ама никој не може да се чувствува убаво ако испие 1л кока кола на ден, што го прекршува правилото на интуитивното јадење да јадеш за да се чувствуваш убаво физички и ментално, па оттука не знам зошто не се разбираме.

    BMI не значи ништо. Не само што е во ред некоја личност да има „вишок“ килограми и тие да и се сало, туку и покрај тоа бројката на вагата не ја одредува твојата телесна композиција која може да биде составена од повеќе мускули и најразични пропорции на масно ткиво/мускули.
    https://www.readunwritten.com/2020/02/18/why-bmi-bullshit/ Тука имаш и спомнување на body positivity. ;)

    Го прочитав твојот линк и не знам што има врска со било што што јас го кажав, затоа што не сметам дека луѓе со 130 килограми се дебели поради генетика или хронична болест или пак дека постои човек чија здрава тежина е толку (логичко размислување). Да, често има луѓе што поспоро ослабуваат ама тие се поретки. Јас иако имам покрупна генетика (кога ќе погледнам во семејството), никогаш не сум верувала дека сум дебела поради слаб метаболизам или дека така ми е пишано, туку јас сум дебела поради тоа што се прејадувам со помислата дека од утре ќе почнам со диета и така ми беше секој ден, многу долго време. andjelija.adja на инстаграм, дипломиран психолог и со успешна фитнес трансформација за себе зборуваше како иако како млада немала проблеми со прекумерна тежина, нејзината борба започнала уште тогаш, кога ќе отворела тинејџерски магазин и ќе прочитала за „добра и лоша“ храна, што смее а што не смее да јаде - што удира на психа.
     
  7. Noemi

    Noemi Популарен член

    Се зачлени на:
    7 април 2010
    Пораки:
    1.457
    Допаѓања:
    5.960
    Diet culture е шалтањето од едно месечна престрога диета губење 7кг па враќање на старите лоши навики и качување на 14кг.
    Сите пропагираат да не се преоѓа на краш диети за намалувањe килажа туку промена на целиот мајндсет и исправување на врската која ја имаме со храната. Тоа е всушност уништувањето на diet culture.
    Ретко кој по симнатите килограми продолжил со сменети навики и интуитивно хранење.
    Од човек што бил месец на 800калории дневно со исклучување на цели групи храна не можеш да очекуваш здрава врска со храната и интуитивно хранење. Треба многу работа за да се промени целиот однос кон храната.
    Сите сакаат брз резултат ама и да се задржи истио при враќање на трпезата од порано.
    И тука доаѓа јојо ефектот и по два месеци пак диета со килажа поголема од стартната. Маѓичниот круг на diet culture.
    Немаме контрола над младите, не се едуцираат за тоа која храна каква нутритивна вредност има, само се повторува не треба брза храна, газирано, шеќер и леб и толку. Тоа е лошата храна и не смее да се јаде. А кога не ти е јасно зашто не треба да се јаде постојано, после симнатите кг седнуваш и си продолжуваш со истата.
    Интуитивно може да се храни човек што доволно се посветил да го слуша сопствениот организам и бога ми има јак карактер. Да го слушаш стомакот наместо стрвоста. Да го храниш стомакот, а не јазикот и окото. Тука влегува во игра и хранењето како социјална активност, што кај нас е мноооогу популарно.
    Цела филозофија е интуитивното јадење и нема кој не се здебелил кога првин преминал на тоа, додека да почне да ги распознава сигналите на телото.

    Abbey Sharp е информативна и океј до негде ама со нејзиното критикување дека во секој оброк мора да има масти, јаглехидрати и протеини е напорна. Ако распоредот за денот е избалансиран нема зошто да се напињам во секој оброк да има од се.
     
    На Nausicaa, Bezimenka90 и Srckata28 им се допаѓа ова.
  8. Angie1432

    Angie1432 Истакнат член

    Се зачлени на:
    24 април 2019
    Пораки:
    2.637
    Допаѓања:
    13.494
    Пол:
    Женски
    Само уште за болдот ќе ти реплицирам и толку , пошто ете за другите работи горе доле се согласувам - BMI дава општа, генерална слика.Мислам, ти благодарам што ми кажа дека не разликува телесна компзиција, еве просветлена сум.:D
    Дали ќе го примениш на човек кој има видливо изразена мускулатура?Не, common sense е дека кај него може да покаже високо BMI а се глеа дека со лупа можеш да му го бараш салото.А колкав е процентот на луѓе кај кои толку ќе отстапува и ќе биде неточно м?
    Кај обичен човек, особено човек кој воопшто не е активен и или малку, сосема е соодветно да се примени- мислам, кога ќе видиш нечиј пуштен стомак или double chin да не се буниш дали е сало или мускул?
    Се уште се користи во медицината, така да ако некои рандом новинари што делат правда по интернет се нашле да пресудат што е правилно а што не, i don't care.
     
    На Tan4ence му/ѝ се допаѓа ова.
  9. Srckata28

    Srckata28 Популарен член

    Се зачлени на:
    6 јануари 2013
    Пораки:
    2.192
    Допаѓања:
    8.310
    Пол:
    Женски
    Дефинитивно е тешко да си го научиш организмот и правилно да ги следиш сигналите за глад и заситеност ако имаш нездрав однос со храната. И да, речиси сите се здебелуваат откако ќе почнат да се хранат интуитивно, дали поради тоа што метаболизмот им е пореметен или пак не можат правилно да определат кога се гладни. Ама сето тоа води кон пронаоѓањето на баланс и кога телото ќе се навикне на новата исхрана без рестрикции односно без прејадувања, соодветно се покачува тежината (кај оние со мала тежина) или се намалува по инцијативното накачување.

    Се согласувам и за јутуберката, за некој што вели дека треба да си го следиме телото треба да е разбирливо дека некои луѓе преферираат пр. јаглехидрати насабајле или нешто слично.

    И јас веќе не те цитирам ама не, не мислев баш на тоа. Ова што го пишувам не е врз основа на позитива за телото (иако и тоа) туку е врз база на наука, поддржано од многу нутриционисти. Верувам дека не секој што води здрав живот има "препорачана" килажа *превртувамочи* туку може да има и над тоа и да е сосема здрав. Верувам дека здравјето доаѓа во најразни големини ама не во големини предизвикани од нарушувања во исхраната . Има нешто вознемирувачки во тоа што сте опседнати со тоа да докажете дека здравјето мора да изгледа слабо и тонирано.
     
  10. theowndemon

    theowndemon Форумски идол

    Се зачлени на:
    17 септември 2013
    Пораки:
    10.088
    Допаѓања:
    128.183
    Пол:
    Женски
    Ама за некој таа ситос е „премногу“. Броење на калории е добро во поглед запознавање на храна и макронутриенси. Која храна не заситува, која ни дава енергија и слично за со време да можиме сами да изградиме балансирана чинија. На секој оброк лично гледам како на градба, која треба да ја изградиш за телото да добие се што му е потребно. Во тој поглед броење калории многу помага затоа што гледаш дали фали уште малку протеин во тој оброк за ти да си заситен. Исто апликацијата која јас ја користев ми даваше извештај на крај на ден каков тип на храна јадев. Пример зошто често појадувам high fiber појадок, секогаш ми кажваше зошто тоа е добро пример за почеток на ден, за срцето, за столицата и сл.

    Пошто ако некој јади интиутивно, можи да јади 3 кила јаболка и пак да не им е доволно зошто јаболкото е хидрат, ќе ти дај енергија, ќе ја изгориш и пак си гладен по 2 сати. Исто е кога некој пости, и тука ќе спомнам балансирана веганска диета за споредба баш ради контрастот. Не е балансирано денес цел ден грав со леб да јадиш. Не е балансирано утре да јадиш само ориз. Јадиш само еден тип на храна и нема ништо здраво и балансирано во то колку и да е интиутивно. Чинијата мора да има и протеини и масти и хидрати за да се дојди до најаденост и ситост, а притоа организмот да добие се шо му е потребно. Составот на храната е многу важен. А кај некој кој си го има оштетено организмот, интуитивно јадење е опасно. Се земам себеси за пример, тешко ми е да јадам интиутивно зошто често не осеќам глад, а телото ми опаѓа ради глад или се осеќам гладно, а уствари сум прејадена и ми се лоши со секој нареден залак. Ќе престанам да јадам и пак ми се јади. Вода многу пијам, пример не е тоа спорно. Интиутивно јадење е супер за особи кои се здрави во поглед на eating disorders и можи да е доста контрапродуктивно на пример на човек како мене. Јас пробвам сега да јадам интиутивно и да престанам да јадам кога ми се јади ама не е толку лесно. И јас гледам да изградам три балансирани и здрави оброци, со многу протеин за да ме држат заситена оти важно ми е да знам дека сум јадела како шо треба пошто телото не секогаш ми кажва то шо ми треба.

    Моето верување за диетите е дека треба да имам балансирана чинија која дозволува флексибилност кон слатки задоволства, како храна за „душата“ ама да преовладува балансираната, здрава исхрана. Некаде сооднос 80/20. Ако некој е нов кон здрава исхрана топло препорачувам броење калории затоа што со сам внес гледаш состав на храната и во иднина лесно распознаваш што е доминантно во одредена храна и оспособува индивидуа да гради здрави оброци сама.

    Нормално дека не можи да се знае точно колку калории се потребни на телото, ама пак ќе речам, броењето калории нека е само водич на запознавање со храната, не да се прати да се чукни одредена бројка на калории по оброк, по ден, по недела. Во поглед запознавање со храна, гарантирам, премногу помага затоа што се гледаат макронутриенси и баш она кога гледаме слики како треба да изгледа чинија, ова ни помага да сфатиме како да изградиме таква чинија.

    [​IMG]

    Сликава е само пример на какви слики мислам, пошто мака ми е да ја разгледам детално пред спиење за дали се согласувам со поделбата или не, али гледам има најмногу зеленчук така да согласни ќе да сме.

    Abby и јас ја следам и искрено ми се допаѓаат нејзините анализи ама ни со неа не се согласувам со интуитивно јадење. Интуитивно јадење не секогаш е паметно јадење. Треба да се најди балансот меѓу интуитивно и паметно јадење шо би се земало за идеално. На та тема има многу зборано Healthy Crazy Cool сигурно го знаеш, неодамна напрај Abby видео за него. Бааѓи газолижачко ако ме прашаш ама Мајлс сепак заслужва најдобро и не можи лош збор да се кажи за него. :D


    Мајлс тука збора против интуитивно јадење и демек за диета али уствари збора за тој балансот шо го спомнав погоре меѓу интуитивно јадење и паметно јадење. Баланс. Жими се омилен збор ми е.

    Тука имам многу подетално пишано на темава али многу сакам да ја зборам, се прерадвав кога видов од страна насловот. Ама за вечерва доста е и одам да легнам да спијам со видео од Abby инаку. :rofl: Си го ставив преѓе на watch list, каде си анализира својата предсвадбена диета, пред едно три години чинам беше така рече во првите 10 секунди шо ги ѕирнав. :D
     
    На Noemi му/ѝ се допаѓа ова.
  11. Bezimenka90

    Bezimenka90 Популарен член

    Се зачлени на:
    7 јануари 2016
    Пораки:
    1.579
    Допаѓања:
    9.284
    Пол:
    Женски
    Доаѓа, ама за жал фармерките не доаѓаат. :D

    Добра тема и доста комплексна.
    Голем дел од луѓето се свесни за стандардите на телото наметнати од медиумите. Но исто така голем дел гледаат на покрупните луѓе како мрзеливи, неамбициозни, слаб карактер...
    За храната, верувам дека скоро на секој му е јасно што е здраво, а што не. Ама здравата храна не секогаш е ефтина и не секој може да си ја дозволи.
    Па тука спаѓаат и разни здравствени состојби.

    Не ги следам блогеркиве, ама ги сфаќам која им е пораката погоре.
    Човекот како социјално суштество сака да е прифатено од општеството. Затоа и покрај свеста за диетите и нивното наметнување, повеќето сакаат да ослабат или да се здебелат до некоја одредена цел. Блогеркиве сакаат да го сменат тој mindset на целото општество.
    Само не можам да се сложам со тоа дека BMI е тотално нерелевантен. Делува дека оди на Body Positivity малку во екстрем.

    Мислам дека поконструктивно би било луѓето да се едуцираат за гледање своја работа и некоментирање на тела на други лица. Така ако некој се реши за промена на телото, ќе биде поради лична наместо наметната желба.
     
    На theowndemon му/ѝ се допаѓа ова.
  12. theowndemon

    theowndemon Форумски идол

    Се зачлени на:
    17 септември 2013
    Пораки:
    10.088
    Допаѓања:
    128.183
    Пол:
    Женски
    Си дозволив да се расонам па да се доискажам уште за body positivity. Ова, да речиме движење, беше почнато со одлична порака - да бидиш задоволен со тоа што гледаш во огледало и промените да идат за здравје, а не за килограми, што значи балансирана и здрава чинија со можност за флексибилност. Ова беше пред буквално да стани fat positivity и да не смејш да кажиш дека сакаш да намалиш кило под тој # зошто ако сакаш да намалиш кило наеднаш не си го сакаш телото. Здравјето не иди во различни големини туку во спектар на "нормалата". Здравјето не можи да се гради со небалансирана храна и високи килограми носи свои здраствени проблеми, како шо носи и недостаток на килограми. Не е тука идеализирање на тенко тело, туку на здраво тело. Дали тоа здраво тело е благо покрупно или благо послабо не важно, само да не оди над тоа "благо" повеќе/ помалку. И не од аспект убавина, туку од аспект здравје. Од аспект убавина мора прво да се прифатиш каков шо си и да си комотен во своја кожа за да не развиеш ментална бариера кон градење здрави навики ама не е препрека на градење здрави навики.

    И зошто велам дека #bodypositivity е толку токсично, иако почна со одлична идеја, е зошто јутубери кои не се дебели и се среќни со своето тело, се осудувани јер користеле хаштагов. Пример е блогилатес, која према мене, имаше проблематично видео во поглед исхрана ( не доволно) ама не беше нападната дека има небалансирана, нездрава чинија ТУКУ зошто ослабела и зошто како слаба личност користела хаштаг боди позитивити. Да ставела кило плус. Да живнела. И напрај засебно видео со тоа шо вика: "ама вака со ова тело сум среќна, мислев body positivity е да си среќен со телото шо го имаш, и да го смениш ако сакаш". Слабо тело и дебело тело не се перцепирани исто, особено во хаштагов. Во хаштагов има непишано правило дека не смееш да се гордееш дека имаш слабо тело јер имаш норма и со тоа тие кои не влегуваат во калапот буквално сами си наметнуваат социјална норма дека вишок килограми се неатрактивни. Не се. Атрактивноста е субјективна и салце знај да е убо за некои ама салце до одредена граница. Дали вреди да не си здрав по секоја цена?

    Пак ќе речам, мојата "идеологија" е здравје и баланс. Здрава, балансирана чинија за здраво тело со здрави навики. А под здраво тело разбирам без ризици за болести и кога не добиваш болести на сметка на телото. Здраво тело не го загрозува животот.

     
    На Ysera, RainbowButterfly, Noemi и 3 други им се допаѓа ова.
  13. Srckata28

    Srckata28 Популарен член

    Се зачлени на:
    6 јануари 2013
    Пораки:
    2.192
    Допаѓања:
    8.310
    Пол:
    Женски
    Не се согласувам дека станало fat positivity, не е така. Движењето е да ти даде самодоверба. Кога една дебела личност цел ден гледа дека поприфатливо е слабото тело: во филмовите, рекламите итн. често се случува да има намалена вредност за себе. Ова движење само вели дека си вреден без разлика на телото и не знам колку безчувствителен можеш да бидеш за да мислиш АМА ТИЕ НЕ СЕ ЗДРАВИ кога никој не те прашал! (не зборувам за тебе личнп). Несамодовербата може да се појави кај сите затоа body positivity е за сите и буквално заедничкиот непријател e diet culture.

    Мојата идеологија е здравје и баланс исто. Здравата исхрана значи да јадеш балансирани оброци, ама и ментално да имаш добар однос со исхраната.
    Се согласувам со многу што и претходно го пиша и имам флексибилно мислење за броењето калории, ама многу ти е токсичен мајндсетот дека здраво тело има определен изглед. Значи нема. :D Мислам и зависи што ти подразбираш под "граници на нормала" (исто токсичен израз) ама со оглед на тоа што во Македонија често имаме испревртени слики за што се нормални пропорции на тело ќе си дозволам да речам дека не се согласувам.
    Избегнував да го пишам следново затоа што нема потреба да укажувам бројки или разни имиња за тело ама ако за тебе chubby тело, со дебели нозе и стомаче, притоа особата нормално се исхранува и вежба и се уште ја сметаш за нездрава, не се согласувам. А ако најдете личност која има добар однос со исхраната и е активна и има 150 килограми, јавете ми, затоа што јас не знам такви.
     
  14. theowndemon

    theowndemon Форумски идол

    Се зачлени на:
    17 септември 2013
    Пораки:
    10.088
    Допаѓања:
    128.183
    Пол:
    Женски
    Нормално дека ќе речам дека не се здрави кога иди Тес Холидеј и вика здрава сум. Инаку не ми е грижа како некој си го организира животот дур нели, не се отвори тема како тука, дур не ми се обрати лично и слични ситуации каде можам да кажам. Види го видеото шо го ставив. Нормално дека чаби со здрави навики е здраво и без последици по здравје, релативизираш. Ако веќе има последици по здравје, жал ми е, не е. Го збораме истото само разликата е шо боди позитивити глорифицира дебело тело без разлика што првичната идеја е различна. Има разлика меѓу прифатеност, прајд, позитивност и глорифицирање. Она шо горе го опишав со токсичноста на хаштагот, а ти ми го префрли мене, само ми кажва дека до сега или немаш забележано или неќиш да забележиш ова шо ти велам. Пак ќе ти речам, види видеото. И општо гледај ја Мишел како јутубер. Жениште. И еве, пак ќе речам, "здравје во секоја големина" не можи да е точно зошто ја вклучува и Eugenia Cooney која ако не побараше помош ќе умреше. Ја вклучува и Тес Холидеј која бавно се убива со ооооооогромен вишок. Мора да се нагласат здрави навики. Оти ако има здрави навики никој нема да е ни тоцкав, ни огромен. И сфаќам дека е за убавина, Тес е ептен убава жена на пример. Сериозно симпатична, лицето ѝ е многу убаво, ама таа иста жена вели дека е "вистински" plus size model и дека се храни здраво. И тоа носи до чест булинг на луѓе кои се сакаат ама сметаат дека за здравје мора да напрат промена на килажа или во исхрана. Ти кажав и конкретен пример. Ако некој е боди позитивити нека нагласи здрава и балансирана диета дека му е водич. Нека сподели како вежба. Нека кажи уба си вака, и супер е репрезентација на сите големини во филмови и серии ама здравје пред се. Ама ако некој ти стави пред нос чинија и ти речи вака личи здрава исхрана - не. Така не личи здрава исхрана. Искреност.

    Следно, боди позитивити и чисто интуитивно јадење, не во комбинација со паметно јадење е поразително за луѓе со нарушувања во исхрана. Знам дека нагласи дека е ова нели за луѓе без нарушувања во исхрана АМА многу не се свесни дека прејадувањето нивно е BED и не можиш да исклучиш цела група кои уствари се дел од боди позитивити и баш се тие луѓе кои бараат бегање во хаштагов и од таму е она шо го зборав во претходното мислење, и во ова. Ќе мисли дека навиките му се океј јер некој ги аплаудира, и тоа ради: "здравје во секоја големина". Оти пак ќе речам. Тес Холидеј е дел од сите големини. Оние на my 600lb life се дел од сите големини.

    И пак ќе речам, мене идеологијата ми е здрава и балансирана исхрана. Секој да најди кои храни му одговараат, а кои не и да не јади нешто само оти сите јадат. Нема добра и лоша храна, се согласувам, ама имаш балансирана и небалансирана. Сооднос 80/20 во поглед на здрава и балансирана. Пошто мора да се градат здрави навики со телото за да можиме да го слушаме шо ни кажува. Земав примери од видеото кое го избрав ( двојни стандарди на боди позитивити) за да не ми е многу апстрактно мислењето ама имам уште толку примери и на тие двојни стандарди во боди позитивити и токсичноста на самиот хаштаг шо ти велев за личности кои не се со килограми во плус. Оти има и личности на кои им беше вршен булинг оти го користеле хаштагов оти биле среќни со нивно слабо тело само зошто то е општествена норма. И јас долго мислев дека застапвам боди позитивити дур не ги видов овие примери и како влијае на луѓето кои имаат пореметувања во исхраната. Како идеологија е супер, камо да останеше на болдираната реченица од моето претходно мислење. Сепак, на прво место од било која идеологија, движење и слично, мене ми е важно како влијае психички врз грото луѓе, а во диететски свет, каде сакале да признаеме или не, спаѓа и боди позитивити, ретко кој има добра врска со храната и најчесто се со пореметувања во исхрана и од таму тие се први на удар од негативните ефекти кои ги зборам овие две мислења.

    Сајд ноут: ова ќе да е второ известување дека те цитирам оти прво недопишано ми се пушти па го тргнав.
     
    На RainbowButterfly, Noemi, Nausicaa и 2 други им се допаѓа ова.
  15. Srckata28

    Srckata28 Популарен член

    Се зачлени на:
    6 јануари 2013
    Пораки:
    2.192
    Допаѓања:
    8.310
    Пол:
    Женски
    Ама зар тие имаат здрави навики? Не верувам.

    Имам и други мислења за боди позитивити иако не ми се оди длабоко во таа тема, ама за видеото ќе речам дека разбирам што сака да каже, ама јас стојам зад тоа дека не постои движење што глорифицира дебело тело. А кога се во прашања анорексични тела, нема движење што ги глорифицира (како што кажа Мишел) ама diet culture НАВЕДУВА кон глорифицирање анорексија, во смисол на постапките.

    Вака, јас реков дека една нормална особа без нарушувања во исхраната се храни интуитивно бидејќи тоа е уствари нормално јадење. Ама, интуитивното јадење е лек за нарушувања во исхраната, препратена со посетување на доктори, психолози, би ти препорачала да прочиташ малку во врска со тоа. Не сакав да спомнувам бидејќи е на Тикток (знам, знам) ама следам повеќе личности таму што ја споделуваат својата борба со EDs и прескрипција им било интуитивно јадење. Една од нив додуше, која изгледала налик Еугенија, зборуваше дека се труди секое сабајле да јаде оброк без разлика дали е гладна, ама суштината дека јаде благо кога и се јаде на пр. и дека нема рестрикции е таа.

    Мило ми е што се согласуваме кога е во прашање исхраната. Мене најмногу ми е криво што луѓето не знаат за баланс и диетата им е или-или, со што јас лично имам проблем (ако не јадам цел ден здраво денот ми е пропаднат ама се борам против тие мисли). Како што прочитав дека салама не може никако да биде дел од здрава исхрана. Далеку дека сите сме со нарушувања во исхраната ама многу голем дел од нас имаат некој нарушен однос со истата. На пример кога е празник и ти се пазиш што ќе јадеш наместо да уживаш во моментот, а ако изедеш малку повеќе од вообичаено се чувствуваш виновно и се обидуваш да трчаш сат ипол на трака. Луѓе со добар однос би изеле она што им посакува душата и би продолжиле со денот најнормално и утредента највообичано. Се се сведува до баланс. Пристапот 20/80 сум го чула од многу нутриционисти што ги следам и кога сум гледала what i eat in a day го нагласуваат кога ќе јадат десерт на пример. Ама некој ден може да се случи да јадеш 50/50, 30/70 и тоа е во ред!! Balance is key. :)
     
  16. Bezimenka90

    Bezimenka90 Популарен член

    Се зачлени на:
    7 јануари 2016
    Пораки:
    1.579
    Допаѓања:
    9.284
    Пол:
    Женски
    Темава може подобро е Intuitive Eating да се прекрсти или да се додаде.

    Според Intuitive Eating теоријата, може да јадеш што сакаш, кога сакаш, се додека не се чувствуваш заситено.
    Еве јас многу брзо јадам, а кога се работи за благо можам да смачкам и 300 грамска чоколада. Крвната слика ми е супер иако имам вишок килограми. Сега тоа некој ќе го земе како знак дека е ок така да терам. Ама сум свесна дека тоа е далеку од здрав начин на исхрана и затоа нема да го направам тоа. Затоа според мене делува како да се оди од еден екстрем во друг.

    Делумно се согласувам со Intuitive Eating, бидејќи целта е да се дефокусира општеството од диетите и наметнатите стандарди. И јас се согласувам дека Diet Culture е штетна. Голем дел од Intuitive Eating и јас применувам, како јадење што ми се јаде, не се чувствувам виновно ако изедам одредена храна и продолжувам најнормално после тоа.
    Сосема е ок некој и да си изеде благо, салами, теста разни и да не се чувствува виновно, но мора да знае дека не е здраво тоа константно да се јаде.

    Има луѓе што обожаваат само месо да јадат и избегнуваат зеленчук. За нив тоа е природниот баланс. Додај помфрит со сирење на тоа и ете има протеини/јаглехидрати/масти. Како редовен оброк тоа не е прифатливо.
    Освен тоа не секоја диета е штетна. Некои се неопходни од здравствени причини, на пример за дијабетичар.
    Она што е штетно кај диетите е честата причина поради која се држат, а тоа е од естетски наместо од здравствени причини.

    Поради начинот на живот, голем дел од луѓето имаат нарушувања во исхраната. Дефокусирањето од нутриционисти и лични тренери, кон доктори и психолози повторно укажува дека нешто не е во ред со начинот на исхрана. Акцентот повторно се става кон стварање стрес на личноста.
    Едното за да држи диети и да ослабе, другото да се спротистави на општеството и да биде дури и подложно на критика.

    Затоа сметам дека подобро е да се едуцираат чуѓето за здрава исхрана, да се бориме кон поефтинување на здравата храна и да се учиме да не ги коментираме воопшто телата. Треба да се стремиме на поздраво живеење, но ок е ако не се постигне и никако не треба луѓето да се критикуваат за тоа. Вака луѓето нема да чувствуваат притисок, ќе си го прифатат повеќе телото и Intuitive Eating навистина ќе дојде само по себе поинтуитивно.
     
    На Nausicaa и theowndemon им се допаѓа ова.
  17. theowndemon

    theowndemon Форумски идол

    Се зачлени на:
    17 септември 2013
    Пораки:
    10.088
    Допаѓања:
    128.183
    Пол:
    Женски
    Немаат. Ама сите тие се под закрило на боди позитивити оти "здравје во СЕКОЈА големина" ги опфаќа и нив. Пак ќе речам, Тес Холидеј. Тес Холидеј смета дека се храни здраво. Зато и не можи да е за СЕКОЈА големина ама после пу пу не важи за нив.

    Пак ќе речам, во основата кога почна движењето имаше океј замисла. Одамна е оградено од таа оргинална мисла и тоа ради своите членови.

    За нарушувања во исхраната и ментално здравје би рекла ми е многу читано, и не на тик ток со се дијагнози по DSM-5 и пристапи за решение. Ти дадов пример во претходното мислење последици од eating disorder каде е тешко да продолжиш САМО со интуитивно јадење. Мора да е во комуникација со паметно.

    Ова е честа последица на луѓе со/ после eating disorder. Оти со не јадење доволно/ прејадување ти нарушваш нормална работа на телото и телото не ти сигнализира како шо треба.

    Човек со анорексија нема само слабо тело и нездрава врска со храна. Има искривена перцепција за себе. Одбива да јади. Ова шо го напиша за на тик ток би било точно само ако паралелно оди на терапија за да научи да не се плаши од храна, има посебен пристап инаку често можи да е реверзибилно. Ако не оди на терапија и има анорексија или има прекумерна поддршка од дома шо аплаудирам и не е сама (и но терапија мора да има приоритет) или пак го повраќа, со сила, зад камера. НО, ако не чувствува глад и гледа да јади тогаш за полека да се врати во нормала, се враќаме цел круг на муабетот за оштетувања за време на и после ED. Ова е нели можни шпекулации зошто не знам за која девојка збораш. Ништо од ова не зборам за инает и баш сакам некој од област на нутриционизам ако има да дојди и зато јас зборам за негативни ефекти врз ментално здравје и нарушувања во исхрана оти то е мој "домен" професионално. Башка искуство кое ми удира по грб со послаб интензитет и сега и последици кои кузнај колку време ќе им треба да заминат.

    За пропорциите за исхрана не би се сложила сем ако се инцидентни. Ако почесто доминирана небалансирана храна наспроти здрава и балансирана не е тоа здрава навика. Едно е да јадиш денес пица, по три дена бургер со помфрит а сосем друго е секој ден да имаш таков оброк и салата као демек еве здраво е.

    Заклучок би бил, боди позитивити како шо е сега мора да се модифицира со појасна порака и нагласок на здравје пред се. Да гледаме личности со различни тела ама и со ЗДРАВИ навики за храна.
     
    Последна измена: 4 јуни 2020
    На Nausicaa, Srckata28 и Bezimenka90 им се допаѓа ова.
  18. Srckata28

    Srckata28 Популарен член

    Се зачлени на:
    6 јануари 2013
    Пораки:
    2.192
    Допаѓања:
    8.310
    Пол:
    Женски
    ^^Точно!!

    Ама јас баш тоа го реков, некој ден ќе јадеш 50/50 балансирана наспроти небалансирана, а утредента ќе се вратиш на вообичаено 80/20. Со тоа се креира целосен баланс низ некот на неделата. Ама психата во таков пристап е побитна затоа што ти ако се превртуваш од вина што секој ден не ти е перфектен баланс, тогаш не е здраво од ментален аспект, нели? А ние сме ЗА убав пристап кон исхраната во практика и психички. :)
     
  19. Bezimenka90

    Bezimenka90 Популарен член

    Се зачлени на:
    7 јануари 2016
    Пораки:
    1.579
    Допаѓања:
    9.284
    Пол:
    Женски
    Тес Холидеј е најдобар пример за двете теми.
    Од една страна и се восхитувам што се спротивставува на стереотипите за фит тело и дека секој човек треба да се чувствува удобно во своето тело, но од друга страна не се согласувам дека има здрав начин на исхрана.
     
  20. Angie1432

    Angie1432 Истакнат член

    Се зачлени на:
    24 април 2019
    Пораки:
    2.637
    Допаѓања:
    13.494
    Пол:
    Женски
    Uhh морам да те цитирам за ова, уствари има многу што да се збори за темиве.

    Ако пред некои 10-20 год. било глорифицирано слабо тело, да не речам на раб на анорексија, денес дефинитивно се глорифицира дебело тело.Ама не, не збориме за малку бутче и стомаче, збориме за нив во хипербола.

    Лизо, Тес Холидеј се први кои ми паѓаат на памет кога ќе се спомне body positivity i fat positivity но зашто во последно време тие две движења се толку испреплетени што би рекла дека се синоними.

    Не ме зезај, Тес Холидеј беше на насловна на cosmopolitan, Лизо кај стигне си го промовира телото во име на самодоверба и на многу луѓе им е синоним за self love и слични надуени и вештачки именки со кои се китат, модели кои имаат 200 кг. искачаат од сите страни на социјални мрежи во име на инклузивност, овие што се познати не смеат да писнат против движењава зашто автоматски се нешто-фобични.

    Адел ослабе, и коментарите кои и честитаа за тоа не беа најприфатени, т.е. беа често осудувани.Чекај, сега луѓето нема да смеат да слабеат?

    Не знам за други земји, но насекаде, ама насекаде во светата Америка се промовира дебелина, а тоа е толку контрадикторно за земја која се бори со епидемија на обезност.
    Исто е како на човек што се бори против алкохолизам, да му даваш алкохол и да му викаш океј е, твоите чувства се најбитни.

    Започнало како движење кое се труди да им даде сигурност на луѓето, удобност во својата кожа и барање баланс и здрав живот, но моментално боди позитивити не е ништо друго освен оправдување на дебелина и нејзино поттикнување, стварање пасивност како и билдање лажна самодоверба која се заснова практично на повторување сам на себе дека си прекрасен.

    Се движиме од крајни позитвни до негативни краеви на спектарот, од глорифицирање на анорексија до глорифицирање на гојазност чие заедничко нешто се пропагандата и рекламите, како и деструкција на здравјето на луѓето.

    Единствено би се согласила дека ужасно смислените брзи диети наведуваат на глорифицирање на анорексија.Но, не е само тоа.
     
    Последна измена: 4 јуни 2020
    На Tan4ence и theowndemon им се допаѓа ова.