dm на Фемина: консултации, подароци, рецензии

Има на Балеа. Околу 120 денари е, прашај некој од персоналот ќе те услужи ако не можеш да го најдеш.

 

Препорачајте некој производ за побрз раст на косата.

 

И јас барав вакво нешто кај нас. Еве сега го барав по интернетов и нема некои позитивни критики за него. Ме интересира дали го има некој користено и како сте задоволни од него?

 

Јас не го користам немам потреба, но две пријателки се задоволни од него. Го користат бидејќи многу им се мрси косата и кога не можат да ја измијат ставаат од него, и следниот ден ја мијат косата.

 

Сестра ми го користи и многу е задоволна. Мене лично не ми се допаѓа, не може да ми ја замени беби пудрата од Бекутан. Во прв момент кога ќе испрскам косата ми е супер, со волумен кој за многу кратко време паѓа, а потоа ми се познава како перут. Можеби ако имаш светла коса ќе ти одговара.

 

Морам да се согласам со тебе околу пудрата на Бекутан. Дефинитивно неколку пати кога ненадејно сум излегувала ме спасувала, и убаво упива што и следниот ден косата ми била супер.

 

Мене ми се допаѓа и си го користам редовно кога мислам дека ми е мрсна косата. Убаво треба да го протресеш и да ставаш додека не ти стане бела косата (некогаш прска само без ефект не знам зошто можеби не сум го „измешала“ убаво). Тоа после што е бело само со пешкир обичен да го затрљаш се трга. Купи си го ако се мислиш, супер е а и не е многу скап.

 

Во моментов го имаме овој шампон за суво миење коса од Balea, 200 мл, цена 126,00 денари.

 

Здраво, дали го имате овој производ и колку чини Durex Play O http://ecx.images-amazon.com/images/I/916qRX-ivwL._SL1500_.jpg

 

Го има ли ова кај нас?

 

^Да го имам видено

 

Здраво, овој производ го немаме во нашиот асортиман. По нашите информации производот сеуште не е достапен на македонскиот пазар. Убав ден

 

Да, ова е новата Limited Edition колекција на Balea. Целата колекција е снижена 10% до недела 24.05.2015

Еве едно инересно издание да ги видите мирисните ноти во кои се достапни овие гелови за туширање
https://www.facebook.com/dm.Makedonija/videos/vb.221579678007024/473064226191900/?type=2&theater

 

Himalaya паста за заби



Претпоставувам дека овде е вистинското место каде можам да си ја изложам мојата рецензија (бидејќи ова не е подарок, туку јас си го купувам).
Да преминам прво на поентата - пастава е најдоброто нешто во животот што им се случило на моите заби!!!!
Ја има во пакување од 100 g, а јас ја купив кога беше на акциско намаление, кога одеа помала и поголема паста во комбинација и чинеше помалку од 200 денари, ако добро ме служи сеќавањето. Пастата има некоја зеленкаста боја на глина, а аромата (мирис и вкус), освен на паста, содржи поизразени ноти на билки. Доволно е на четката да се стави помало количество во однос на тоа колку се става од други пасти, за да се постигне ефект. Здивот го освежува максимално, остава убаво чувство во усната шуплина, за разлика од некои други пасти кои ми оставале блуткаво чувство, од кое ми се гади, или пак имале пресилна арома. Што се однесува до крајниот ефект - не само што ги чисти добро забите (бидејќи има некои гранули кои не се гледаат, но се чувствуваат), туку забележав и дека ми се побели од претходно, а тоа ми е многу важно, затоа што сум манијак кога се работи за забите. До толку што пола живот во ташна со мене носев четка за заби, за да си ги исчеткам забите по јадење. Исто така, барем кај мене, пастава ми ја поттикнува циркулацијата на непцата и добиваат здрава розево-црвеникава нијанса.

Она што ми е доста важно е дека пастава е на природна основа. Тоа не значи дека не содржи некои од состојките што ги содржат и другите пасти за заби, но составот изобилува со огромен број природни компоненти со различно дејство и улога.

Се' на се', ОДЛИЧНА паста, од срце ја препорачувам и би ги замолила DM маркет да ја ставаат малку почесто на акција, бидејќи пастата не е баш ефтина, што не значи дека не вреди за парите. И апел, да не ја поскапуваат!!!


Уште две прашања до DM: дали имаат намера да донесат етерично масло од лаванда (на Profissimo се, имаат од цимет, еукалиптус кој не можам никаде да го најдам во последно време, цимет и јаболко и некои други)? Еве ги:


И дали имаат намера да донесат од шумливите таблети за капење на Kneipp, исто така од лаванда или друга арома, бидејќи имаат само од маточина? Од овие:

 

Ај препорачајте ми добра камена пудра до 200 ден од ДМ.

 

Имате ли шампон и маска од германската марка Basler

 

Драга наша, Profissimo етеричното масло со мирис на лаванда за жал не е планиран за пазарот во Македонија, додека еукалитус маслото во моментов можеш да го најдеш во филијалите на ул. Даме Груев бр.7, во ГТЦ, Бит Пазар, Веро Центар, ТЦ Капитол Мол и во н.Тафталиџе.

За шумливите таблети за капење од Kneipp дополнително ќе стапиме во контакт со добавувачот и ќе ја провериме можноста за нивно воведување во асортиманот.
Те поздравуваме и ти посакуваме убав ден.

 

За жал брендот Basler го немаме сеуште во нашата понуда. Доколку се појави можност за негово воведување ќе ја разгледаме можноста и дополнително ќе ве известиме. Убав ден

 

Драга наша, за оваа цена можеме да ти ја препорачаме камената пудра на essence која чини 209 денари.

 

Не најдов посоодветна тема, па тоа ќе го направам тука. Немам намера да пишувам рецензија и нешто слично, само сакам (веќе извесно време, ама заборавам) да им кажам на DM маркет дека во нивната продавница во Градски Ѕид работи еден плав дечко (име - не знам, пишува само помошник-продавач) кој е неизмерно фин, љубезен, културен и услужлив. Една голема пофалба до вас што сте вработиле таква личност!