dm на Фемина: консултации, подароци, рецензии

Отворена е тема "рецензии на производи од dm" која е достапна веднаш на почетната страна на Фемина www.femina.mk. Во таа тема се сумираат сите дадени рецензии.


Дополнително ја отворивме и оваа тема за пишување рецензии, во склоп на форумот
http://tinyurl.com/dmRecenzii
ќе провериме кои се можностите феминките кои не ја напишале рецензијата во таа тема, да бидат дополнети од страна на фемина.

 

За жал во dm Македонија сеуште немаме можност за онлајн купување. Оваа можност за сега ја имаат нашите колеги од Австрија https://www.meindm.at/mein-dm, но доставата се однесува само на Австрија.
Немаме конкретни нформации, но се надеваме дека и ваквата можност ќе биде дел од нашето работење во иднина

 

Zdravo.... Sakam da ve prasam dali go ima vo vasite prodavici dekolatorot COLORB4 i koja mu e cenata....

 

Здраво, за жал го немаме деколаторот COLORB4 повеќе во нашиот асортиман.

 

Ќе може ли да ми кажете колку чини Balea Aqua серумот?Би сакала да го пробам.

 

Околу 250 денари.Поточно кај мене на фискалната пишуваше 241ден.

 

http://emagazin.mk/сопственикот-на-германскиот-ланец-ма/

Браво!!!
А воедно да прашам зошто застанавте со подарување?

 

Мене ми се допаднаа само неколку рецензии- конкретно оние што беа со подетални описи, со слики од декларациите, едноставно кои можат да ти дадат некоја насока дали да го купиш производот или не.
Имаше некои буквално ради реда напишани.

 

Jas ke pisham denovive recenzija, sakam i na blogot da ja objavam, slikite se napraveni ushte textot, nemam mak podrshka na pc, pa baram nekoj da mi ja napishe kirilica.

 

Алчни македонци. Стиснати. Гагата да се земе. По дифолт, ако не чини, македонец е. И нормално, ако е македонец, не чини. Оти секаде надвор од границите сите се паметни, македонците се за никаде.

Настрана тоа, ДМ контактираше со сите кои добија подароци во групна порака, а бидејќи не сте дел од пораката останатите, па оттука сметате дека сме никакви македонци, ке ви раскажам наратко. Дел од девојките добија препаративна козметика, која треба да се користи барем две недели за да се каже каква е. Дел од македонките пак, живеат и во други градови од земјата и се ем македонки ем провинцијалки, па од ДМ по пошта не им стигнале пакетите, или само што им стигнале. И добар дел од македонките во пораката напишавме дека треба да помине период за да дадеме рецензија. Нормално, дел се и со обврски во животот, одмори, патувања, студии и слично. Ако некој од прва може да каже дека косата веќе не му пука откако користи спреј за заштита од топлина, а само 2 пати се прснал, тогаш браво. Според мене, еден месец треба да помине и да каже дека косата пука помалку со спрејот. Затоа и јас кога ја пишував рецензијата пишав дека повторно ќе се навратам со коментари, беијдеќи поинаку ке е неиздржана рецензија. Сметам дека и ДМ ке се сложат дека е подобро подоцна да добијат издржана рецензија, отколку коментари од типот - ова совршено одговара на мојата руса коса и колекцијата што ја чувам во вецето.

Статистички, 50% не дале рецензија. Наградите се објавени на 12 и 19 декември, 20 дена за првите неколку и 10 дена за останатите производи. Не верувам дека некој истиот ден се појавил да подигне награда. Шминките може од 2-3 пати да се даде мислење, ама за нешто што се користи еднаш неделно, за 10 дена, тешко дека ке се има мислење. Ама тоа е, македонки сме, ни треба време. Можда германките на пример, секој ден мијат глава и ставаат од пената за виткање на коса на температури од минус 10, па можат за 5 дена да напишат издржана рецензија.

 

Убаво би било да има кратко упатство за пишување рецензија,односно што се треба да содржи.Може да бидат дадени неколку прашања кои треба да бидат одговорени.Рецензија не е :убаво мириса,убава ја прави косата/кожата ,ми се допадна и толку во 2-3 реченици.Треба да не запознаат со производот подетално, која му е намената , за каков вид на кожа/коса е ,какво пакување има,како се користи, впечатоци, лоши и добри страни,дали повторно би го купиле.И некоја слика да има супер би било.

 

Спининг араунд

Не е за мене, како што гледаш, пишав делумна рецензија, ако виде, пишав и дека пак ке пишам по одреден период, бидејќи во декември и јануари, не мијам секој ден глава (не сум германка). Но не е во ред, модератор, да си ги смета членките за лоши, (зеле поклон па другите кој ги шиша) без да ги согледа фактите. Затоа си зедов за право, да пишам што е реално и дека феминките не се алчните македонки.

Другите, (не јас) се ставени на тапет под името „алчни за подароци, мрзли за рецензија“, што никако не е во ред. И да, таква сум, понекогаш ми е жал кога некој е неосновано и неправено нападнат, па го застапувам про боно. Фор фан.

 

И јас мислам дека рецензииве се пишуваат ради реда, тие што ми се допаднаа ги лајкнав... Никако нема да ме привлече ако некој напише топ е, супер, најдобар, фала. Ако читате други портали, пример на Шминкерица, секоја им чест на девојките како пишуваат рецензии. А да не ги спомнувам и Мишела, Секси бејби, Мимс, Анушка, Хипстер, Оксиморон, Џована, Даничап... ајде ако испуштам некој нека не се лути а сто посто испуштам.... Па на Фемина има мини-ризница со препораки од нив и од други девојки. Рецензии на место, прочитајте и видете. Ајде за слики не мора, сега разбирам секој сака приватноста да си ја зачува.

Прво убаво објаснување, пример, ако е за шампон, мојата коса е таква и таква, ако е за пудра, моето лице е такво и такво, итн. Па шампонот/пудрото/маскарата, за што е, како е, зошто е. Па каква структура има производот, како се користи, еднаш дневно, двапати, петпати, еднаш неделно. Која цена е (веројатно овде можат од ДМ да помогнат) Резултати, пред, потоа.... На крај сумирајте впечатоци, резултати, импресии... препорака, да не.

Мене не ми е проблем да почекам, ако знам дека ќе испадне на крај нешто квалитетно. Баш со Оксиморон си правевме муабет дека нејзиново е препаратива и е потребно време, ама не сумњам дека на крај ќе прочитам добра рецензија. Мислам дека реално е проблем и навредливо да добиеме рецензија од 5 реченици, од кои 3 се фалби, мене лично би ми било срам. Како некоја лоша семинарска кај професор, абе ти може ќе поминеш и за 6ка, ама зошто само да се помине,а не да се мине како што треба?

А да не речете оваа се буни оти нема добиено нешто, на ништо се немам ни пријавено, чисто ради приватност, не сакам да оставам лични податоци.

Пак ќе речам, убаво што ги спојувате во една тема со линкови, ама уште стојам дека е бааги непрегледно... А каша попара ќе стане кога ќе се отворат уште 30 други теми. Тука мислам треба со модераторите да ја договорите работава.

 

Де де женеее нели месите колачиња бре?
Еве јас сум една од тие што уште немаат напишано рецензија. Не ги користам секој ден производите. Што треба да напишам? Лелее сјајчето ептен сјае, срцка е Дај оставете ни малку простор убаво да ги тестираме производите, па да напишеме ако не одлична, барем добра рецензија. И морам да кажам дека потполно се согласувам овој пат со Cka. Имајте пријатна вечер. Среќни празници

 

Вака најискрено, јас сум скептик за вистинитоста на дел од `позитивните` рецензии. Навистина, со кое лице да го мрчиш шампонот/сјајот/лакот кога ете некој ги укажал чест и ти ги подарил...

Мојата рецензија е (многу) негативна и многу ми беше незгодно додека ја пишував. Сепак подарок е во прашање и се чувствував `виновна` што поштено ја исхејтав добиената маскара и воопшто нема да ме изненади постоењето на `со топло срце ви го препорачувам на сите` рецензии напишани од чиста култура.

И како што кажа @Doozy, треба да се најде некое решение за посредени линкови со рецензии, вака некако се е нафрлано...

 

Премногу генерализација дури и на темава. Како што кажа @Cka повеќето награди како што успеав да забележам беа препаративна козметика, па затоа е потребно повеќе време за тестирање на производите, а со самото тоа и за вистинска и издржана рецензија. Ќе зборувам конкретно за мене, мене еден од производите не ми одговараше воопшто, па го тестираше мајка ми, па после тоа двонеделно користење и искуство ја напишав рецензијата.

@Nausicaa искрено и јас се чудев како сите рецензии се скоро 100% позитивни, баш затоа ми беше непријатно негативна критика да пишувам. Но, која би била тогаш смислата на рецензијата? Подарок е во прашање, да, но не секој производ делува и одгововара исто на секоја коса/кожа или што и да е. Сепак субјективно искуство е во прашање, и самите ДМ се свесни за квалитетот на своите производи и како што во другите теми добиваат пофалби и критики, така би требало да е и во рецензиите.

А и контрадикторни сте некако, барате рецензии, а од друга страна велите повеќето биле колку ради реда напишани. Се сложувам дека има и такви, и тоа баш поради тоа што избрзале со рецензијата и не му дале време на производот да се покаже.