Дали некоја од вас го има полагано Cambridge English: First (First Certificate in English – FCE)? Ако да, можете ли да ми дадете повеќе информации за испитот? Колку време се подготвувавте и дали ја користевте книгата Gold (FCE) (ми кажуваа дека доста помага при усовршувањето на материјалот ) Благодарам однапред
Јас го полагав пред 2 години. Испитот си има тежина што е нели нормално, но не е воопшто комплициран како што јас замислував. Претпоставувам дека имаш солидни познавања од јазикот, па верувам дека нема да ти биде многу тешко. Имаш многу вежби и тестови на интернет, а исто така информирај се и за пробните тестирања за испитите на Cambridge кои ги организира British Council Македонија. Ќе си ги пробаш силите и ќе видиш до каде си стасана и на што треба да обрнеш повеќе внимание. Мислам дека има два рока годишно за полагање (нека ме поправи некој ако грешам) Јас го полагав во мајскиот рок. Сигурно си информирана дека испитот се состои од 5 дела: speaking, reading, grammar, writing & listening. Обично speaking е одделен, јас го полагав една недела пред писмениот дел. Јас се подготвував на курс. Имаше солидна заинтересираност тогаш и се оформи една група. Ја користевме книгата која ја имаш спомнато и можам да кажам дека доста ќе ти е од помош. Курсот траеше околу 6-7 месеци. Исто така можеш да провериш и во библиотека, таму исто има подготвителни материјали за овие испити. Не знам од кој град си, но во библиотеката во нашиот град имаше доста материјали. Не можеш да ги изнесуваш надвор од библиотеката, ниту да ги копираш (мислам кај нас беше така), но ќе си седнеш таму и ќе решаваш колку ќе можеш. Има и клучеви со секоја книга, па одма можеш да си ги воочиш грешките. Потруди се да не ти претставува проблем неколку пати неделно да одделиш време за во библиотека, целиот материјал во тие книги е собран од претходни FCE тестови. Не велам дека може да ти се падне некоја вежба од претходните тестови, тоа дефинитивно нема шанси, туку ќе ја почувствуваш тежината на испитот и ќе знаеш што да очекуваш. Тоа беше нешто накратко, ако имаш прашања слободно прати ми ЛП.
Не ги давај парите залудно ако планираш да ги полагаш наредните како Advanced и Proficiency, од причина што FCE е првиот сертификат, на ниво на основно познавање, а не е баран на факултети и за работа бидејќи е пониско ниво од горенаведените и плус TOEFL I IELTS. Така да подобро заштеди си ги парите и доусоврши се, па инвестирај во нешто што ќе ти користи. Јас полагав FCE, и ама баш нигде не ми затреба, освен за лична сатисфакција
FCE денес има некоја вредност кај нас, за да покажеш дека знаеш англиски а да не биде стандард диплома од курс, меѓутоа за во странство не ти служи многу. Ако не планираш да полагаш некое повисоко ниво, тогаш океј ти е, ама нема нешто многу аир од него. Инаку, за книгата. Кај овие испити е карактеристично тоа што материјалот не можеш да седнеш и да го набубаш од книга. Поентата е дали ти го владееш јазикот, а не дали ќе им изрецитираш минато свршено време. Од книгите помага тоа што има различни типови на вежби кои ги даваат на полагањето, а тие дополнително можеш и на интернет да ги најдеш. Дали ќе го спремаш сама или на курс зависи од тебе. Според мене, најдобро е да најдеш некој тест на интернет за да видиш на кое ниво од јазикот си. FCE нема некој кој знае колку тежок вокабулар, но едноставно пробај да решиш некој тест и види како ќе ти оди.
Џабе фрлани пари. Никој никаде не ми го побарал, додуша и со Ц добиено на FCE не е некој којзнае каков успех но сепак. Мене класната со средно ме убедуваше да не го полагам, ем пари ем време залудно потрошени. Тоефл е многу повеќе баран и вреден, но со тоа и многу потежок и попризнат не само во државава туку и во странство. Единствена мана е тоа што има рок на траење од две години, но отвара големи врати, т.е многу од големите комании го сметаат за предност ако е положен со висок процент.
Јас колку што знам Тоефл го бараат најмногу во Америка, а нив Европава овие од Оксфорд се попризнати. Адванс е сосема доволно ниво за речиси било што.
Јас се имам спремано за ФЦЕ ама се откажав од идеата да полагам инаку ја поминав книгата Ready for FCE Иии девојки има ваква тема мислам дека темава е дупликат
Хм не знам баш, во скоро сите Холандски универизитети, како услов за запишување(и стипендија исто) бараат Тоефл положоен со над 80 поени, перцентили како и да беше, сум заборавила.
Јас го полагав лани FCE, стандард и јас се припремав на курс, делот со граматика го имав повеќе од половина утнато, додека останатите ми беа положени со А. Знам дека нема значење низ факултетиве и подобро ќе беше парите да ги собирав, па директно на Аdvanced да одев, ама пуста простоќа - сите ќе полагале, па и јас, затоа што се имавме собрано прилично голема група. Вака се имам зезнато повеќе пати и не знам што ми е стварно проблемот.... Препорачувам и јас ако планирате да одите на Адвансд и Профишнси, да го прескокнете делот со FCE. За кај нас се имам добро распрашано - нема апсолутно никаква вредност, за во странство не знам, ама претпоставувам истиот случај е.
Јас кога завршив на курс колку ме напнаа сите да го полагам...Сметав дека нема потреба, џабе фрлени пари. После кога аплицирав за постдипломски студии во конкурсот си бараа резултати од TOEFL, не постари од 2 години и тогаш си го полагав. Ќе си видите што ви треба, ако ви бараат IELTS, тоа ќе си го полагате, вака не давајте пари само за ништо.
Па, мислам дека проверив и дека нема таква тема! Спојлер Секако, доколку има слободно-канта Инаку, темава ја поставив зашто сакам да знам дали FCE дипломата е призната и дали вреди да полагам, а не за ништо да ги фрлам парите
Мене ме интересира конкретно за делот на пишување гледам дека има некои есеи.. е сега прашањето ми е, дали имаш дозвола за празен лист покрај себе или јас претерувам?
