Hедела на Џејмс Вуд

Hедела на Антонио Бандерас

Ја обожавам . Како глумица е одлична, дури мислам дека е многу потценета во таа смисла. Мислам, некако е во заден план од некои самопрозвани глумици а е многу талентирана. Според мене ја бива за секаква улога, од трилер до комедија. Но сепак најдобро и лежат главни ликови во романтични филмови. Иако јас се надевам да глуми и во поинакви филмови во иднина, може многу повеќе од тоа.
А вака што е баш природно убава и симпатична, тоа е уште еден плус.

Првпат ја гледав во The Time Traveler's Wife, уствари јас си мислев дека за првпат ја гледам ама кога прочепкав по филмографијата и видов дека всушност таа ја глумела Реџина Џорџ во Mean Girls не ми се веруваше просто, исто дека била и Џесика во The Hot Chick. Непрепознатлива ми е во тоа bitchy издание.

The Time Traveler's Wife - Еден од најубавите љубовни филмови според мене. Дури и пред The Notebook би го ставила. Едноставно мене ептен ме погоди тој филм, сум плакала како мало дете. Со Ерик Бана во овој филм ептен ми се добар пар. И самото дејствие во филмот, патувањето низ времето, испреплетеност на минатото и иднината ми беше многу интересно како замисла. Крајот ми е многу тажен .

Red Eye - Предобар филм . Како што сум манијак по трилери, овој премногу го бендисав. Се покажа дека е одлична и во вакви, поозбилни улоги. Општо глумата и на неа, и на Џилијан Марфи беше извонредна. Сцените во авинонот, што беа всушност и поголемиот дел од филмот ми се многу добри.

Wedding Crashers - Убава романтична комедија, додуша повеќе комедија. Не нешто посебен филмот ама има неколку пресмешни моменти. Рејчел ми е ептен некако мила и убава тука.

The Notebook - Јас малку покасно го гледав овој филм. Со тоа што беше актуелен многу пред да го гледам па си реков, ајде да видам што толку е фален филмот. Приказната е убава, баш за романтична и невина љубов. Ама искрено не ми е нешто на листата на најомилени филмови да кажам. Не знам зошто е така но немав некои посебни емоции кон филмот. Убави беа сцените, пуштив и некоја солза ама ептен некако видена приказна "богата девојка се заљубува во сиромашен дечко".
Но за глумата на неа и на Рајан немам зборови .
Како пар искрено во приватниот живот ми се многу поубави отколку во самиот филм. Знам, потполно чудно мислење ама... . Дали оти Гослинг ми е некако ептен физички упропастен во филмот ама добро, улогата му е таква.

Sherlock Holmes - Се имам изјаснето дека филмот ми е еден од поомилените. Можеби целосно најдобра актерска екипа има. Рејчел во подруго издание. Не можам да кажам дека и е една од најдобро одиграните улоги затоа што тука ми делуваше малку вештачки. Како да не беше ептен соживеана со ликот на Ајрин Едлер, ама сепак далеку беше од лоша.

Morning Glory - ме разочара малку како филм. Не дека очекував којзнае што ама беше некако блед. Би требало да е комедија ама не беше нешто смешен. Проблеми со работата, барање работно место...некако главниот фокус беше малку тапа. Ама сепак добро одиграна улога, баш некако збркано делуваше, каков што е и ликот. Workaholic .

Midnight in Paris - Добра замисла и реализација на филмот, ми беше онака добар додека го гледав. Ама не сум претерано воодушевена, општо не ме воодушевуваат филмовите на Вуди Ален. Па и за оскар номиниран, некако преценет. Ликот на Рејчел ми беше малку иритантен како лик ама сепак солидно одигран од нејзина страна. Иако не беше којзнае каков лик. Само ми беше многу убава и стилски преубаво облечена тука.

The Vow ми е на листа за гледање. Иако не е некое невидено љубовно сценарио од тоа што прочитав, уште сега можам да погодам што ќе се случува. Ама поради глумците би го гледала.

Mean Girls - Е, што да се каже за филмот . Не верувам дека има некој што не го гледал. Јас го имам едно 1000 пати . Иако е тинејџерско филмче ама не е дебилен како повеќето такви. Баш си има некоја поента, за легендарните моменти во филмот и да не зборувам .
Кажав, да не прочитав дека тоа е Рејчел немаше никогаш да погодам. Плава долга коса, кучка и злобна девојка...баш не ми е тоа она ама одлична трансформација. Легендарен е ликот на Реџина, тука нема збор. Интересно ми беше, прочитав коментар дека Линдзи и Рејчел си ги замениле ликовите во приватниот живот. И баш е така .

 

Hедела на Антонио Бандерас

Уште една актерка што претежно глуми во романтични филмови. За ваквите искрено немам многу што да кажам.
Убава е, нежничка, ама некако просечна. Едноставно верувам, ја имала среќата да ја ангажираат за баш овие филмови, поради кои и се прослави (тие неа ја прославија, наместо обратно).
The lucky ones - 3ца војници кои се враќаат од Ирак поради сплет на околности ќе се сретнат, па заедно ќе го продолжат патот. Во филмов навистина добро изигра, ама филмов сам по себе, не е од оние што се памтат.
State of Play - Љубовницата на еден конгресмен е убиена, но зад сето тоа стои поголема завера. Во филмов Расел Кроу беше носечкиот лик, другите некако засенети. Рејчел е млада новинарка која пишува статии на интернет, па поради држењето до старите принципи на работа на Расел, Рејчел ќе мора повеќе да се труди за да си добие приказна. Добар тим беа на крајот, филмов е многу добар, мене бар многу ми се сфиѓаше.
Ми се допадна The Time Traveler's Wife доста повеќе од The Vow. Интересна приказна и доста тажна.
Во Midnight in Paris ми е уште еден ист лик од серијата женски ликови што Вуди ги креира. Во филмов далеку подобро место зазема Marion Cotillard, која патем е пре прекрасна.
Notebook искрено дури и заборавен ми е. Едноставно не ме допре, барем во тој период кога го гледав. Добар беше, ама никако дека е најубавиот романтичен филм евр.
Сакам да го гледам Morning Glory.
Др. филмови не ми се којзнае колку вредни за спомнување

 

Hедела на Антонио Бандерас

Ја обожавам. За мене Рејчел Мекадамс е совршена, убава, талентирана и харизматична.
Се согласувам со Лудото, секоја боја и фризура на косата ѝ одговара.
Точно е дека биле пар со Рајан Гослинг и приватно, после Notebook, Рајан изјавил - Му благодарам на господ за филмот, затоа што така ја запознав една од моите најголеми љубови во животот.
Но одамна не се заедно, Рејчел последниве години е со едно исклучително грдо човече - Michael Sheen.
Ова ...

и ова немаат споредба, ама ајде, она си знае, голема е.

Од филмовите, смешни и забавни лимонатки, првин ја забележав во Hot Chick и Mean Girls. Во вториов,посебно ги освои моите симпатии, поинтересна ми беше и од главната хероина.

The Notebook е прекрасен филм, а исто така, ги препорачувам и Wedding Crashers, Red Eye, The Time Traveler's Wife, The Vow. Сите до еден интересни и прекрасни филмови.

Многу ми се допадна нејзината улога и изведба во Sherlock Holmes на Гај Ричи.
Ајрин Адлер би требало да изгледа токму како Рејчел - нежна, опасна, паметна и рафинирана.

Morning Glory е една од подобрите романтични комедии кои излегле во последниве години,
а Midnight in Paris на Вуди Ален си е приказна сама за себе, што филмот, што Рејчел. Ама не ѝ појде од рака да глуми кенкава и антипатична личност, барем јас така не можам да ја доживеам.

Ми останува да го изгледам уште овој филм http://www.imdb.com/title/tt0804505/.
Ќе го заборавев State of play, предобар, напнат, неизвесен и многу квалитетен филм.

Колку што можете да заклучите, немам неомилени филмови со Рејчел Мекадамс.

 

Hедела на Рејчел МекАдамс

Една од помладите миленички.
Има една таква мила фаца да ти е мерак да ја гледаш. А во врска со косата најмногу ми се свиѓа бринета. Како плавуша некако се губи во толпата
Со Рајан Гослинг ми се совршен спој, но штета што веќе не се заедно

The Notebook е Врв. Никој никогаш нема да ме предомисли да не го сакам филмов. Можеби ми е гледан преку 10 пати.
Ама и личи да биде кучка. Mean Girls Не сум љубител на тинеџерски филмови, ама за овој правам исклучок
Wedding Crashers исто добра комедија, интересна замисла и спој со Овен Вилсон, ама повеќе ми се свиѓа другиот пар Винс Вон и Исла Фишер
Со Овен Вилсон имаат завршено одлична работа во Midnight in Paris. Кој тежнее за романтика, нека го гледа
The Lucky Ones, The Family Stone искрено не ми се нешто посебно. Гледани еднаш колку да се рече, ама не оставиле впечаток за да ги гледам пак
The Time Traveler's Wife исто преубав филм. Малку тежок за пратење во кој период се наоѓа глумецот, но сепак. Филм за искрената љубов
Morning Glory за тоа како да успееш во кариерата. Доста комични моменти

И Sherlock Holmes ова не може да се изостави. И за нејзе и за Robert Downey, Jr.
И за крај The Vow Одлично одглумено и ме радува тоа што е вистинска приказна. Филмот дава и добра поука а тоа никогаш да не се откажуваш од тоа што го сакаш!!!

State of Play, Married Life, Red Eye не ми се гледани, ама кај и да е ќе дојдат и тие на ред

Мора да се спомне и ова, девојкава има одлични партнери во филмови почнувајќи од Рајан Гослинг, Ченинг Татум, Роберт Дауни Џуниор, Ерик Бана, Петрик Вилсон
Ахх што не би дала да сум на нејзино место

 

Hедела на Рејчел МекАдамс

Ha барање на Cataleya (ако добро памтам таа ми го предложи)-

Nicolas Cage

 

Hедела на Рејчел МекАдамс

Vо право си Tрендафилке кога велиш дека во периодот кога гостуваше кај Oпра беше на дрога. Oва не личи на ништо друго
A на снимката со сциентологоијата се гледа дека врска нема човекот, ниту тој не верува во тоа што го зборува. Tој самиот си знае зошто е во тоа друштво ама можам да кажам дека не верува во тоа и се покажа дека е глупав. Kако да му се избришало се што имал можност да научи додека ги играл сите улоги во кои беше фантастичен. Jас сум многу разочарана од Tом Kруз , си го сакав многу, ми беше актер број 1 ама сега е на дното со се што направи заради таа занесеност во сциентологијата

 

Hедела на Николас Кејџ

фала лудо

да да ,оваа откаченица од човек е еден од мојте омилени глумци .
актер со епитет одличен ,талент + харизма и холивуд хир ај кам .

Бев дете кога првпат го видов во филм ,Face off заедно со Џон Траволта ,иако беше негативецот посимпатичен ми беше од Џон и од тогаш почна нашата љубов
Gone in 60 seconds веднаш ме освои ,добра и реална акција ,добри глумци,добри саундтраки (moby-flower ,cult -painted on my heart ) ...

8ММ исто еден од постарите филмови ,некој ке го бендиса некој не... ради хардкор сцени ,насилство,порнографија ,ама мене до крајот ми беше интересен .
Next - не ме бендиса нешо многу причата , за тепање време ама па неможам ни да речам дека беше тапа .просечно филмче .
Trespass - заспав гледајки ,толку монотон досаден .ужас најверојатно ради банкротот бил
приморан да ја прифати улогата ,па и Никол Кидман уште толку го замре филмот толку е ладна без емоции сосема спротивно на она што треба да го поседува една добра актерка /
The Bad Lieutenant - е многу му лежи улогата во филмов ,откачен џандар навлечен на кокс ,крек нон стоп праи дубари ,10 /10 препорачувам кој не го гледал да го гледа .
Bangkok Dangerous ,Ghost Rider - добра акција ,одлични филмови

ги набројав мојте омилени филмови со Николчо ,но тоа не значи дека останатите се лоши
National Treasure ,The Weather Man ,Lord of War и тако даље .

феноменален глумец од старата багра квалитетни актери ,колку е он добар во својата работа сведочат и многубројните награди

 

Hедела на Николас Кејџ

Добар е Николас Кејџ, само во последно време некако не ги погодува филмовите Најмногу го памтам по National Treasure, сакам таков вид на филмови, ми се хит за гледање со брат ми.
Се има покажано ми се чини, во сите можни жанрови, ама јас лично му ги сакам налудничавите улоги. Како во Wild at Heart и Raising Arizona.
Во Moonstruck ми беа совршен пар со Шер, ептен беше секси заводник, а сепак смотле момче. И со Мег Рајан во City of Angels, иако лично го преферирам оригиналот германски филм, ама добар пар си беа.
Ми се сфиѓаше глумата и во Adaptation, два спротивставени ликови, повеќе како Чарли.
Има навистина многу филмови, играно различни ликови, а сепак е одличен. Му недостига некој стварно добар филм да го крене од сенката, во последно време некако се губи и тоне.

 

Hедела на Николас Кејџ

Со вујче Francis Ford Coppola далеку стигна и внучето...Нормално, не сакаше неговиот успех да се споредува со славниот Копола, па работата отиде дотаму што мораше и името да си го промени. Не е се по заслуга на вујкото, ама влезот во високата холивудска А-листа на актери му беше овозможена од него.
Жал ми е што немам доволно време да ги коментирам подетално филмовите што ги имам гледано со Николас Кејџ: Wild at Heart , Honeymoon in Vegas , Leaving Las Vegas
Con Air , City of Angels , 8MM , The Wicker Man , Knowing , The Sorcerer's Apprentice , и се разбира Knowing .Следен на листата за гледање - Trespass
Еве предлог од мене за следната недела - Matt Damon мојот омилен и лепотицата ми Julianne Moore

 

Hедела на Николас Кејџ

На барање на Шери оваа недела коментираме за johnny depp

 

Hедела на Џони Деп

Ја троа за надокнадување имам. Из почетка молим вас.

1) Antonio Banderas
Како помала си го љубев ептен. Одличен глумец, тоа гласот ко на моќен орел му е. Е сега да бидеме реални, едно време беше згоден и убав, ама си подостаре. Нека не ми се секира он, и вака старичок ќе си го сакаме. Сите негови филмови ми се фаворити и си ги оставам на телевизија, ама овој последниот Кожата во која живеам, бре што филм ќе беше. Мислам дека не би можела пак да го гледам ама толку е добар. Актер вреден за алпауз.

2) Rachel McAdams
И неа си ја сакаме. Иако често има улоги во романтични филмови, сепак секој пат различно ја доживувам што многу ми се допаѓа. Убава е и талентирана, и она вредна за аплауз

3) Nicolas Cage
Ах овој. Порано ме плашеше, најсериозно. Ама без сомнеж е квалитетен глумец иако едно време некако се ист тип на улоги земаше, како изгубен случај. Си го има човекот она таквото де.

4) Johnny Depp
Едно време имав мала негова сликичка во новчаник и тоа се погоди неговата и на мајка ми да бидат една до друга. Па еден неук морон мртов озбилен ме праша дали е тоа татко ми. Мртва сериозна сум за ова. Ептен си го љубам, секси до Плутон и назад, со тоа гласот (ја на гласови да сум ти паѓала) и вечно мене ич к*р не ме боли ставот. Од сите негови филмови да бидам искрена, Пирати од Карибите ми се најдосадни. Знае он што прави.

(Извинете што не набројувам филмови ама ем ме мрзи, ем сите ги знаеме )

 

Hедела на Џони Деп

Nicolas Cage ми е еден од оние грди, но тотално привлечни глумци заради талентот.
Сјаен актер, со посебна моќ за трансформација.
Ептен го љубам.
Последниве години реално забега со изборот на улоги, мислам дека и него го акна рецесија.
Trespass, Drive Angry, Bangkok Dangerous. Трите ми се на листата epic fail movies со Николас Кејџ.
Посебно вториов, ма и третиот, што зборувам јас... срање во боја.

Да се навратам на неколку блескави моменти.
National Treasure, и двата делови, забавна авантуристичка приказна со убав шмек. Релаксација за целото семејство.
Next. Невозможно добар и интелигентен филм, многу ми се бендиса од прво гледање, ќе го погледнам пак деновиве.
Lord of War. Рака под рака со Џаред Лето - и ето ти драма класа А.
Gone in Sixty Seconds. Ако сте љубители на филмови со коли и тркање, еве ви добра прилика. Сите го сакаат филмов, нешто ко прва братучетка на Фест енд фјуриоз му доаѓа.

Е сега, лично моите фаворити со Николас Кејџ, a must see, филмови кои го дефинираа како актер, му ја запечатија кариерата како ѕвезда.
8MM - кога ќе тргне во потрага на авторот на еден снаф филм. Значи врв. Мистерија, драма, акција, напнатост и неизвесност.
City of Angels - плачки до посерување. Ама добро ретро.
Face/Off - прилично бизарна идеја и многу сај фај елементи, ама Кејџ и Траволта, тандем и пол. Вљубена бев во филмот како помала. Исто и во овој -
The Rock , рамо до рамо со Шон Конери. Една од најдобрите акции на веков.

И најслаткото филмче со Николас Кејџ ever.
Абе ќе ве разгали, ќе ве насмее, ќе ве расположи инстантно. Мтв едно време му го имаа ептен удрено меракот, а јас се' уште на филмчево.
Лимонада, со сладок вкус.
http://www.imdb.com/title/tt0110167/

Мистер Johnny Depp не ми бил ниту миленик, ниту омразен, едноставно сум индиферентна кон него, и објективна кон неговата работа и филмови.
Не ми е лично ниту посебно секси, мислам јасно е - убав човек, ама ете... не се наоѓаме на иста бранова должина.
Убав впечаток ми оставил во Finding Neverland, Secret Window, Sleepy Hollow, What's Eating Gilbert Grape.

Целата франшиза на Пиратите од Карибите ми е чукната, не сум фан.

Како мала го сакав во Cry-Baby и Edward Scissorhands.

Мислам дека малку се претера со целата таа фамозна соработка со Тим Бартон, треба да намалат, дефинитивно.
Ако е формула за успех, не значи дека секогаш ќе биде успешна, за вечни векови, амин.

Овој никако да го догледам, од постарите филмови, можеби вечерва ќе му дадам шанса - The Astronaut's Wife.

Инаку, Blow, The Rum Diary, The Tourist ми се исклучително досадни филмови.

Charlie and the Chocolate Factory, очекував многу, а Деп беше бизарен и ... одвратен во улогата. Штета.

Интересен е кога позајмува гласче во Corpse Bride, а Don Juan DeMarco е фамозниот филм за годишнина, што никогаш нема да го изгледаме со дечко ми.

On e specijal note - таа женичката му, не му вреди ни 5 пари.
Не знам ни како издржаа досега, може да си најде 100 пати подобра.

 

Hедела на Џони Деп

Џони порано ми беше голема љубов, ама ми скисна да го делам со толку многу жени во светов, па си се повлеков
Од самиот старт почна со некои чукнати улоги и до ден денес се држи до нив. Cry baby, меѓу омилените мјузикли. Ептен добра улога му беше, мислам дека повеќето уште тогаш се навлажнуваа на него
Со Едвард Раценожици веќе стана ми се чини фејмоус, стана препознатлив, а филмот веќе влегува во класика. Мене лично од постарите ми се сфиѓаше и What's eating Gilbert Grape. Една од малкуте поразлични улоги што ги има во кариерата, ама филмот навистина вреди.
Мене Fear and Loathing не ми завзема некое значајно место во листата, мразам филмови со дроги, ама Џони овде беше тотален фрик. По фрик дури и од Едвард раценожици.
Ми се сфиѓаше во Жената на Астронаутот, со Шарлиз беа убав пар, а и некако совршено му одговараше улогата.
Sleepy Hollow искрено ми е еден од омилените. The weird kind of horror овде и Кристина Ричи, што обично не ја бендисувам, ми се допадна.
Before Night Falls, не знам дали сте го гледале филмов, ама треба да го погледнете. Чуден (пак нели), овде има две улоги, едната како транвестит И овој филм ми се допадна, воопшто, не само поради Џони, убав филм што вреди.
Па потоа иде лигавењето на Чоколада, ем слатки ем Џони, некако во тоа време совршена комбинација беше
Чарли и Чоколадната фабрика мене ми беше прифатлив, иако бев фан на оригиналниот филм. Мислам дека Џони ја претера и го изобличи некако Вили Вонка. Во овој период веќе почнува и да забегува.
Со Алиса во Земјата на Чудата веќе почнувам да губам стрпливост спрема него во филмов секогаш повеќе ќе ја преферирам Хелена, затоа што преееемногу добро и лежеше улогата на лоша кралица.
Меѓу драгите, ми остануваат и Finding Neverland и The Imaginarium of Doctor Parnassus. Едниот, поради тоа што е слика на чиста искрена детска фантазија и желба, а другиот поради скриените желби и несфатливоста кај возрасните. Овој му е и последен на Хит Леџер, но поради баш интересниот тек на филмот некако незабележително пројде неговата замена со Џони, Џад Лоу и Колин Фарел.
Се на се, испадна дека голема ми била библиотеката со Џони Деп филмови. Жалам, како и Трендафилка, што толку многу се занесоа со Тим Бартон во нивните чудотии,што постепено почнаа и квалитетите да му се губат играјќи едни те исти ликови.

 

Hедела на Џони Деп

И верувале или не повеќе го сакам Џек Спероу отколку Џони Деп
Секоја чест како ја има доловена улогата
Феминистички настроен пират кој е голем обожавател на румот, но со особено изострен ум за снаоѓање во разни ситуации. Одлично доловена улога. Не можам да замислам друг на негово место
И некаде прочитав дека ќе да има и 5-ти дел од Пиратите од Карибите
Одвај чекам!
Друго што ми се свиѓа од него е Турист
Не ја сакам многу Анџелина Џоли, но во филмов се одличен пар
Cry baby исто. Многу ми е сладок тука, дете
Chocolate. Не е препорачливо за луѓе на диета



Тhe rum diary Не. Премногу досаден за мој вкус. Го преспав пола филм
Alice in Wonderland Многу ми е морбиден тука, како и Трендафилка повеќе ја преферирам Хелена и Ен Хатавеј

 

Hедела на Џони Деп

John Cusack Hа барање на лунарија

 

Hедела на Џони Деп

За Џон не знам што точно да кажам бидејќи имам гледано само 2 филма со него. Едниот е 2012 а др не ми текнува баш
2012 е малку како научна фантастика, али глумецов стварно добро си ја заврши барем неговата работа, неговата улога беше онака солидно доловена.

 

Hедела на Џон Кјузак

То бре Лунарија, Кјузак се бараше.

Џон Кјузак е една од најголемите мои љубави од the big screen. Прво се навлеков на филмовите негови од 80-ттите, од онаа една реплика што ја има во Sixteen candles. Нема филм од овој период со него што го немам гледано, а во кој се немам заљубено. Better off dead, Say anything, апсолутно сите. И понатаму, ми се допаѓа што секоја улога му е различна ама го има она Џон Кјузаковското. Па уште кога во Анастасиа го позајми гласот за Димитри....

High fidelity е одличен филм, а Serendipity и American sweethears се од оние филмови кои ги имам во компјутер за кризни денови. Единствен филм кој не ми се допадна со него е Hot tub time machine иако Џон беше прекрасен во филмот, самиот филм беше многу глуп.

Одличен глумец во секој поглед за мене. И уште една работа што ја сакам за него, нема скандали и драми од љубовен живот. Трај, прај.

 

Hедела на Џон Кјузак

Хахахаха Лудо со маки си дочекав бре...

Е вака,откако му откажав љубов на Том Круз (знам дека помина ама толку сум револтирана од него што не го ни коментирам ) му фрлив окце на ...Џониии Џон Кјузак. некои 4-5 години ago.
Да,човекот не е ниту некој убавец,ниту некој срцекршач,но боже мој каква харизма поседува на екраните,тоа е чудо! Или како што го велат -неконвенционален херој.


Го запознав во High Fidelity,и мислам дека за таа улога е номиниран за Златен Глобус. Со Џек Блек се ептен забегани во тој филм,односно сфаќаат дека -растат. Му доликува улогата на изгубено големо дете,на кое не му оди со женските. Љубителите на oldies музика и плочиќе го обожаваат затоа што мајке му,има прекрасни колекции! И кој не се пали на тип што слуша добра музика ?

Лудак


Љубителки на романтични комедии,МОРАТЕ да го гледате Serendipity ако досега не сте го гледале. Му лежат и вакви улоги,како да не се заљубите,ми се идеше преку целиот филм на Кејт Бекинсејл да и акнам една затоа што не го фермаше. Филмот е за -дали верувате во судбина,и во случајности? Ок,можеби за реалност е премногу тоа што се случува таму ,но интересно е да се погледне на мали екрани. Дефинитивно потценета љубовна комедија. Погледнете,задолжително.

Аmerican sweethearts...исто така комедија но не ми остави впечаток,веќе видена романса.

1408,одличен напнат трилер со Семјуел Л. Џексон ,се работи за писател на хорор книги и е во потрага по приказна за неговата најнова...и дознава за хотелската соба 1408 во која никој не влегува,затоа што во неа се случиле многу самоубиства и се шушка дека е проколната. Wicked. Кјузак одлично глуми.

Being John Malkovich- необичен филм,уште понеобична улога,како да го режирал Аронофски,како модерна Алиса во земјата на чудата,и искрено,одлично си ја сработи работата,според мене,заслужуваше овој филм Оскар,а беше номиниран за 3. Топло го препорачувам на оние кои сакаат малку драма со фантазија.

Ќе продолжам со Identity,мојот омилен филм со Џон. Одличен трилер од 2003,но сепак мислам дека немаше да ми се допадне ако не беше рамо до рамо со Реј Лиота во филмот. Човекот е ѕвер во филмот! Се работи за странци кои имаат различни патишта во животот,но од некоја причина,на ист ден,поради голема бура,завршуваат во мотел,каде ништо не е случајно,па дури ни нивните соби. Се граничи со хорор,но овде немате класични гадоштини,крв на сите страни и гадни сцени. Сервирано е суво,да не можеш да ја проголташ изминатата сцена како што се движат настаните. Најмногу ме изненади крајот,тотално спротивно од она што се очекува.Самото сценарио е попаметно од жанрот,некој ќе си рече бла,трилер,позната шема,на крајот оној во позадина излегува лош. Солидна оцена и од имдб и од оние што го погледнале филмот, МUST MUST. Кога би правел Кјузак вакви филмови повеќе,полесно би си го нашол местото под холивудското небо,иако веќе е признат како талентиран актер.

Потоа тука True Colors,го отепаа едно време на Телма,приказна за соперници од средно,а понатаму и соперници во политичките кругови...

War Inc. -промашен филм според мене. Лошо лошо,што му требало да прифаќа такви тешки наполитанки,ама ај...башка,Хилари Даф во филмов,абе ај.


Следни на листа сакам да ги гледам Grace is gone,ми го фалеа многу,The Raven каде го глуми Едгар Алан По,видов добри оцени и рецензии,нов е од оваа година , и Martian child.

2012 не го коментирам затоа што освен глумата на поединци меѓу кои е и Џон,другото ми беше ептен безвеза,иако имаше смисла сценариото покрај сите сервирања од страна на медиумите за крајот на светот,сепак не сум фан на такви филмови од типот на 2012 и War of the worlds.


За следните филмови,нареден пост,да оставам место и за други )))

 

Hедела на Џон Кјузак

Jaс морам да напоменам дека едвај чекам да излезе филмов со актеров, ми делува дека ќе биде одличен

 

Hедела на Џон Кјузак

Џон Кјузак, уште една моја љубов од 80тите :geek: Незнам што да додадам, а што веќе не го кажа Тајгерлејди, од збор до збор. Му ги обожавам старите филмови, каде е младо тинејџерче, прекрасен е, најдобар. Има некој посебен шмек, неодоливо шармантен, слатко налудничав и смешен во вистинска доза.
Би го сместила на прво место Better off dead, права романтична комедија, онаква каква веќе не ни прават. Срам да му е на Холивуд! Пресладок ми беше, неверојатен лик, а земајќи в предвид дека ова сеуште му се меѓу првите улоги од животот, може само да му се поклонувам.
Меѓу омилените ми е и Say anything, ептен ми беше сонце, одлично скроен машки карактер, брзоплети дијалози, збунки и еден куп љубов.
Serendipity беше филмчето со ракавицата така?(ако добро се сеќавам ) Последната сцена на лизгалиштето...Џон Кјузак 20год понапред. Ист. Преубав празничен филм
Од поновите би ги спомнала ете, да не биде само романтични филмови Runaway Jury со Рејчел Вајс, многу добро филмче и Martian Child, искрен и тажен и среќен и чуден филм.
Кјузак веќе малце остаре, ама мене сеуште ми е крајно шармантен, лик на најдобрите романтични филмови од 80тите и 90тите. Треба да му се дадат, не една, купишта признанија. Што би рекла Ема Стоун во Лесна петка
"I want John Cusack holding a boombox outside my window. I wanna ride off on a lawnmower with Patrick Dempsey. I want Jake from Sixteen Candles waiting outside the church for me. I want Judd Nelson thrusting his fist into the air because he knows he got me. Just once I want my life to be like an 80's movie, preferably one with a really awesome musical number for no apparent reason. "
Ете така