Kакво вино преферирате?

Виното мене ми е поврзано со храната, во зависност од тоа што јадам си пијам соодветно винце, онака како мене ми одговара.
Пр. ако јадам пица или палачински сакам бело вино, Темјаника и Траминец од винарија Тиквеш, или Совињон Бланк од Сковин, зависи каде што имаат.



Белото вино го пијам чисто, не го мешам со кисела вода, не сум љубител на шприцер, освен кога ќе се осетам дека малку по малку ми се здрвувава устата и зборувам како да ме каснала оса на јазикот, тогаш додавам и кис. вода.

Инаку белото вино го сакам во пролетниот и летниот период, а во текот на есентата и зимата црвеното вино.
Најомилено црвено вино ми е Витач, без конкуренција барем за мене.
Мм прави домашно црно вино-две чаши и тупан сум , до душа јас сум си и економична-една ми е малку, две ми се многу....да ти е мерак со мене да пиеш, ќе има повеќе за тебе .
Црното/црвеното вино го сакам во комбинација со скара, месо, да не речам свињетина, колку помрсно месото, толку полизгаво иде и винцето.
Лани мм направи и домашно розе вино-мое омилено, е ова си го сакам со чипс....особено приквечер додека гледаме на пр. утакмица или пак некој добар филм... со винцето до нас, овај во нас.
Љубител сум на вино, среќа и мажот ми се погоди

 

Ке може ли да ми дадете рецепт за греено вино? Фала однапред

 

Исклучиво црвено вино пијам, а најчесто тоа е Вранец...Го обожавам

 

Пијам вино,од црно,црвено, розе па и бело. Зависи секако од тоа што јадам. Е сега не пијат да се опијанам, туку исклучиво само една чашка. Моите прават домашно вино, така да традиција ни е со секој ручек да си пиеме вино особено во зима.

 

Зошто е корисно црвеното вино?

Секојдневно се откриваат сè повеќе и повеќе причини зошто е корисно да се пие црвено вино. Многумина велат дека овој божествен пијалок, консумиран во умерени колични е здрав. Виното е најпопуларен алкохолен пијалок, и е составен дел од многу европски и медитерански култури. Не се работи само за вкусен, туку и за значително здрав пијалок. Препорачливо е консумирање една чаша вино во текот на денот, бидејќи таа количина има корисни својства. Претераното консумирање секако дека нема позитивно влијание врз огранизмот.

Здрав мозок и здраво срце

Научно е докажано дека луѓето кои консумираат вино, една чаша дневно, имаат подобра меморија од оние кои не консумираат. Виното спречува згрутчување на крвта и воспаление на крвните садови, а тоа се тегоби кои предивикуваат срцеви заболувања. Покрај тоа, виното го зголемува т.н. „добар“ холестерол, кој го спречува затнувањето на артериите.

Витка линија

Студиите покажуваат дека луѓето кои пијат вино се повитки. Луѓето кои секојдневно консумираат вино имаат потенок струк и помалку масти во пределот на стомакот. Алкохолот кој го содржи виното го стимулира телото побрзо да согорува калории. Но сепак, бидете внимателни, бидејќи претераната количина вино предивикува здебелување.


Подобар имунитет


Една британска студија покажува дека една чаша вино дневно го намалува ризикот од добивање „Helicobacter pylori“, бактерија која предизвикува гастритис и други проблеми во дигестивниот систем. Освен тоа, виното го намалува ризикот од труење со храна. Значи, виното ги подобрува функциите на имунолошкиот систем.
Поцврсти коски

Виното го зголемува нивото на естроген, кој го забавува „трошењето“ на коските со текот на годините. Оние луѓе кои консумираат вино имаат посилни коски од оние што не го консумирaат.

Менопауза без последици

Според спроведеното истражување на Харвард, консумирањето вино во периодот на менопауза штити од дијабетес – тип 2. Не е јасно зошто, но се чини дека виното ја намалува инсулинската резистенција кај луѓето со дијабетес.

Обожавам црвено вино.
http://ilike.mk/zivot/zdravje/subcatego ... veno-vino/

 

Ма какво да е, само бело да е.

 

Домашно, не дека не пијам купено но домашно си е домашно, не може купеното да се споредува со него.

 

Поголем грев од тоа да се меша бело вино со кисела вода и црно со Кока -кола ми нема. Ги пијам чисти, поубави ми се, го сакам мирисот и вкусот, сакам да уживам во него.
Имам корени од Кавадарци, па таму се прави домашно винце, е пред виното ширата ја обожавам. Лани немав можност да отидам во Кавадарци, па ми праќаа по автобус Моите прават многу убаво вино.
Кога бирам помеѓу црвено/црно и бело предност има црното.

 

Не пијам многу вино, ама ако треба да одберам поубаво мие белото.

 

Значи немам некоја навика да пијам често вино, ама кога ќе ми текне уживам..
Нема ништо поубаво од домашно црно вино..плус ако е со убаво домашно испечено црвено месо..мх, мх..мераци.. Е кога нема домашно(најчесто ), ќе помине и Александрија или Тга за југ..
И белото не е лошо, ама исклучиво чисто - не сакам да го мешам со вода..
Единствено розето не го сакам..

 

Бело вино.Дефинитивно.
Најубаво ми е,уживам кога пијам ..до ограничена количина,повеќе од oграниченото лошо е..

Исто и црно сакам,ама црвено неможам да поднесам..
Некако ми е мене премногу кисело,незнам незнам..го неќум

 

Преферирам бело, всушност само тоа и пијам од алкохол...
Црвеното вино ми се допаѓа,но веќе по неколку голтки имам некое лошо чувство-како да ми се качува крвниот притисок, лицето ми гори...не ќе да е за мене црвено вино
А мешање на вино со кисела вода или со таму некакви си сокови ми е исто што и јадење кисела зелка со швајцарско чоколадо!

 

Бело вино Убаво ми е,поготово Темјаника и можам да се напијам чашка-две.Црвено вино неможам да пијам,тешко ми е и многу јако.Мислам дека само што ќе го мириснам ми се лоши.
Друго бело вино кое ми е убаво за пиење е Италијанското Villa Sandi Pinot Grigio преубаво е,со блага жичка.

 

Бело вино Смедеревка со швепс ммм нешто најубаво!

 

И јас повеќе сакам бело вино, полесно ми е и не ми се лоши од него. Црвено вино порано многу повеќе пиев, не ми сметаше, а сега може и од неколку голтки да ми се слоши. Тешко ми е и не го поднесувам баш најдобро.

Од белите вина многу ми се допаѓа Chardonnay на Бовин. Има и едно хрватско кое го имаше донесено сестра му на дечко ми, и плус го пиевме на одмор во Хрватска, ама ич не знам кое беше, од која винарија, и што сорта е.

 

ДА..Бело дефинитивно..и шампањ нормално..
Црвено поретко..само за Бамбус е добро.

 

Јас сакам црвено вино. На белото не можам да му го поднесам вкусот, не знам зошто. Има неколку црвени вина што ги пијам...
А шампањско сакам...убав ми е вкусот.

 

црвено вино дефинитивно ...тга за југ и шато бордо.

 

Црвено-црно и по можност да е домашно, е многу сум мерак

 

Не пребирам. Вино си е вино Само да не е сладуњаво.