Rainbow како би си ја загрозила приватноста не разбирам,ако кажеш каде си го купила толку ефтино?Не разбирам да не има на ланчето слика од тебе::?
Па продавницата е таму кај што живеам. Верувам дека ако ја кажам тука на многумина ќе им стане јасно. Само сакав да кажам дека златото не е толку скапо ако не сакаш да купуваш златни ланци. Јас си знам колку сум потрошила, па затоа си кажав, а вие како сакате. Толку од мене на темава.
свадбата ке ве чини онолку колку ќе си дозволите да ви чини. и.вана си набројала астрономски цени. китенките мене ме чинеа 350 денари. сама си ги направив али се феноменални.(ќе гледам да ви ставам слика ) нема кој не ми ги пофали, бонбончињата - 3000 денари, фустанот 200 евра, сликање 100 евра, за дарување на старосватица и ..... планирам по 50 евра и не се расфрлам така да може да имате прекрасна свадба а буџетот да не лета до плафон само ако повеќето работи ги преземете во свои раце. За краен буџет на крај на свадба. Сега уште течат подготовките
Јас не сум правела свадба ама еве на брат ми свадбата чинеше окулу 4000-5000 евра од двете страни. Значи имаше окулу 220-230 гости, со сите адети со и салтанати. Они имаа доста попусти, во ресторанот, музиката и слично без сето тоа сигурно повеќе ќе чинеше. Не правеше во некој луксузен ресторан, туку во пристоен, немаше некој познат бенд, а сепак свадбата беше многу весела, ниту фото студиото го плати астрономски цифри а сепак имаат убави фотографии и снимка. Според мене секој ќе потроши за свадба колку има. Некој можда ќе потроши 20.000 евра друг 2000. Некоја невеста може да носи венчаница од 5000 евра а друга за 5000 денари да изнајми, некој ќе прави веселба во Палас со порција од 30евра друг во обичен ресторан со порција од 10евра. Злато може да се купи за 2000-3000 евра, а може и за 400-500. За бовчи па и немора за сите по 100-200 евра, за младожења, кум и старосват можда, ама па за другите може со нешто симболично докај 20-30. За некоја година планирам да правам свадба, прво нема да канам ојле-дојле, кај брат ми од наша страна имаше покането окулу 200, дојдоа окулу 150 јас од тие скоро пола прв пат ги гледав, па затоа кај мене не ги канам, ќе поканам подобро 100тина што мисе блиски и драги отколку некој таму што еднаш или два пати сум го видела. Ниту за венчаница не планирам многу пари докај 200-300 евра и оделото толку, злато освен бурми незнам дали сакам, за бурми не планирам да штедам зошто сакам цел живот да ја носам, ама па не планирам да дадам 1000-2000 евра за оригинал Булгари, докај 500-600 евра може. Она ланци, алки, обетки, китења со злато ми е многу куропецачки моменат, па радо би го прескокнала. Е сега и добро фото студио сакам ама па не мора да е Зага да ги платам 1000 евра, некое друго по обично а квалитено за упола цена сигурно се наоѓа. И така... Секој во рамки на своите можности си ги остварува желбите и крои плановите.
кумот од 50-100 евра ништо повеќе а во поглед на гостите ке правиме мала свадба до 150 луѓе од двете страни
Мојата свадба кошташе 0еу. Со сопругот си заминавме сами во странство каде беше организирана регистрацијата, бидна што бидна се јавивме и соопштивме на родителите за настанот. Родителите го очекуваа повикот, а за другите беше шок кој помалку или повеќе не го очекуваа. После настанот се вративме во хотелот се пресоблековме и го поминавме денот покрај море во едно рибно ресторанче и на плажа. Беше лето, па паралелно со настанот го искомбиниравме летниот одмор и медениот месец низ неколку држави, беше прекрасно и не би го заменила за никаква неколку часовна веселба. Наредната година за годишнина ја повторивме истата тура од медениот месец. Накит не ми купи, ниту јас него нешто специјално тогаш поради настанот. Никакви поклони не беа разменети од мајка ми кон него или од неговите родители кон мене.... Бурмите не ни паметам кој ги купи кој ги плати, но поради фактот што не ги ни носиме, беа скромни со нормални цени, плус и некој попуст фативме тогаш мислам околу 100 евра парче. Јас носев нежно фустанче он костим а букетот цвеќе си го одбрав уз пат накај матичното. Со најблиските на домашна трпеза го прославивме настанот после нашето враќање. Кум уште немаме , ама не се штрекнуваме многу Без веселба, но и без стрес или било каква напетост и нов прекрасно уреден дом. Не секој би се решил за ваква екстремна опција...но на крај краишта најмалку важно е колку кошта ланец, бовча или колку гости ќе има на веселбата. Најважно е младите да уживаат во денот и секоја одлука да биде нивна заедничка и они да се задоволни со неа. Тоа да е нивни ден, не на родителите, фамилијата, гостите...
^ Ви се восхитувам на постапката и изборот наместо традиционална свадба и веселба-интимно патување... Истото би го сторила и јас.
Девојки а уредувањето на ресторанот, мислам неговото китење со машни, балони и такви работи не го нуди ресторанот нели? Ние сами треба да си го организираме ? Цело време се обидувам тоа да му го докажам на инатчево мое од дечко ама не сфаќа
Зависи од ресторанот - најдобро е на лице место да прашаш што влегува во цената. Обично сите имаат некоја декорација, ама ако сакаш нешто специјално, ќе мораш на страна да најдеш.
Ресторанот нуди навлаки за столчиња кои се плаќаат 1 евро или 50 ден. од столче. Останатото декорирање на сала си го плаќате вие.Тоа не е од ресторанот туку сами ќе си најдете декоратер за свадби. Колку што знам јас и тоа кошта 200/300 евра.
Колку ве чинеше украсувањето дома, со оглед на тоа дека некој сака повеќе декорирано, некој помалку? Колкава е разликата во цената, има некаква калкулација колку патлики, тул и слично?
Конкретно кај мене,ресторанот ми нуди бесплатна декорација ,имаат договор со една жена што декорира и има цвеќара ,но до некоја одредена сума.Среќа што жената е една од најдобрите пријателки на мајка ми,па ќе издекорира убаво без да дадам дополнително пари Меѓутоа секаде е различно и најубаво е ресторанот да ви каже што точно нуди. Ете кај нас ни нудат-бесплатен фотограф-но ние ќе си донесеме наш,невестинска торта до 2000 ден-ние нарачавме 4500 а за тие 2000 ден ни дозволија фурнаринки и некои лиснати кифлички за предјадење со ордеверот,украсувањето,а за декорација на столовите се доплаќа по 5 евра или 6 од стол. Зависи значи од кој град сте,секаде е различно
Леле, не е ова многу??? Па толку е за неограничено пиење по човек.... Во кој град си, ако не е тајна? И како ви дозволуваат да си носите торти? Јас колку што знам, во Скопје скоро никој (освен можеби малите ресторани кои можат да забушаваат) не дозволуваат носење торта од надвор од здравствено-безбедносни причини - ако настане труење ресторанот е крив, без разлика од каде дошла тортата, па затоа и таа спаѓа во цената.
Некои ресторани и во Скопје дозволуваат да се донесе торта, но со сертификат од слаткарницата каде е правена (значи не може домашна во никој случај). Некаде дури ни така не може. Декорирањето во некои ресторани си е вклучено во цената, затоа треба во старт тоа да се праша.
И јас сум од Скопје и во ресторанот каде што ќе правам свадба нема торта. Значи не е мал ресторан кој забушава, туку многу угледен ресторан. Едноставно ти вика нема торта...си ја носиш од каде сакаш, ама не смее да биде правена дома
Од неколку пара слушнав дека си ги вратиле парите што ги уложиле во свадбата (од подароците во плик). Ме интересира дали кај вас се има случено такво нешто бидејќи до сега не сретнав некој да пише такво нешто
^јас знам дека во некои ресторани не се наплаќа за навлаките на столиците а во некои е по 50ден. од столица. Тоа тебе што ти спомнале да не било 5евра од маса?
на мама братучетка беше собрала 10 000евра. Ама нормално колку носиш толку и ќе ти носат. Не може некој ако носи на свадби по 1 000 денари да очекува по 3000
Што се однесува до китењето на салата и украсувањето онаму каде што ќе правам свадба чаршафите и столовите не се наплаќаат само си бираш од понуденото која нијанса ја сакаш. Доколку сакаш цвеќе на секоја маса или балони и незнам што друго е тоа си го плаќаш, а сепак сметам дека е луксуз и ќе дојде пренатрпано. Плус скалите по кој се качуваш до саката ќе си се украсени и доле расфрлано ружи, но тоа е пак организирано од нивна страна. Ќе се надоврзам за тортите во секој ресторан можеш да однесеш торта но да е со декларација, па и без ќе ви прегледаат низ прсти
