Од сапуните најмногу ми се свиѓа Sultana of soap, омилен ми е и најчесто го купувам него. И што знам, немам некое чувство дека брзо се троши. Ми трае, а за мирисот да не зборам - фантазија. Ама затоа Karma ептен се топи ко да е од снег и кратко ми трае парчето. Outback mate исто ми се допадна ептен, прв пат го пробав летово и дефинитивно за во лето е совршен избор. Свеж мирис, малку ко машки парфем е. Во однос на тоа како се троши, некаде помеѓу Карма и Султана е. Многу сакам цитрусни мириси, па најверојатно следен за проба ќе ми биде Lemon zest.
Многу е убав мирисот, цветно-овошен би рекла. Пачули-гарденија комбо е со некои примеси на цитруси. Го имав и парфемот, малку е тежок мислам баш е за есен-зима. Ама ептен бев опседната со Карма мирисот па ми годеше. Сега малку ми е здосаден па не сум купила ништо со месеци, се вратив на Sultana of soap.
Ми стигна денес спрејот, да не испуштам нешто, морав да го имам. Се шприцнав еднаш на врат, ептен јак ми дојде ама како поминува време убаво си легна, цело време го осеќам на мене. Ќерка (скоро 3 години) ми вика, ваааау мама, мирисаш на благо. Мене ми мириса највеќе на карамела, како трилече да испеков дома. За тестерите се прерадував затоа што бев баш љубопитна како мирисаат snow fairy и sticky dates. Обавезно следен пат ќе го земам sticky dates гелот за туширање. Штета што го нема спрејот кај нас. Многу сакам урми Snow fairy има мирис на детска мастика, поише за ќерка ми може да и го порачам. Не ми е нешто посебно мирисот. На тикток ептен го фалат спрејов, мирисала преубаво косата од него. Следен за купување ми е.
Некој да го има купено регенеративниот парфем за коса happy hippy joy joy и да го има испробано повеќе пати? Леле како мирисаа само, на ружи , на портокал и не знам што друго , значи неверојатен мирис, тестерчево сега го отварам прв пат Не знам дали пишав и за овој регенератор , Одличен регенератор, се става по малку а косата ја прави толку мека, и треба да се внимава колку се остава на косата зошто може лилјакова да ја обои. А мирисот цел ден останува на коса
Значи да го купам, зошто јас имав желба за виолетови нијанси. Таман сега на шатираново може ќе го добијам тоа
Вчера стигна лосионот Snow fairy, баш на bubblegum мириса и како што рековте е доста понежен од Let the good times roll ама исто така преубав. Како мириси не знам кој поубав ми е, не можам да се одлучам и двата ми се убави, скроз различни се. Сакам мирис на таква блага шеќерна мастика. Испратиле едно тестерче од истиот гел за туширање и другo некоj Berry berry christmas, не мириса на berries баш туку повеќе ко на некој машки мирис ама не е лош, син со светки. Текстурата и формулата иста му е како на Yog Nog гелот, само сина боја. Ја не се воодушевив нешто од геловите, не би зимала, а лосиони и спрејови да дефинитивно.
И јас дојдов да прашам за спрејчево за коса. До сеа не сум нашла спреј кој ќе остави мирис онака да се осети па ме интересира за ова ако некоја го користела. Инаку кажете ми тестерчиња даваат само со онлајн порачка или и ако купиш од штанд ти даваат? Затоа што сите мириси што сте ги посочиле ви темава ми се слични сладуњави, како некое благо/карамела или мастика. А тоа не е нешто што мене лично ми се свиѓа.
Јас морам да го пофалам чистачот за лице Let the good times roll. Како пилинг од бисквити е, и остава некој заштитен мазен слој по миење. Се осеќа како масен слој, ама не е масен. Лицето после миење се осеќа како да нема потреба од дополнителна хидратација, крема или тонер, инаку убаво упива лицето се што ќе ставите после миење со овој чистач. Убаво мириса. Едино ми е криво што брзо се троши а скапо е. Се на се, ова е првото средство за миење лице што не ми ја пресуши кожата. 100% ќе го нарачам.
Кога пиша за спрејот, сакав да ти кажам за чистачот, ама чекав да го пробаш и да пишеш Јас кога го порачувам, големото пакување го земам, зошто долго време така трае, малото воопшто не се исплати според мене да точно е дека не ја суши кожата, како другите чистачи на пазарот. Dark angels и charcoal никако не ги земај
За спрејот нема човек што не искоментира, на торта им мирисам на сите, на благо. Трае, трае... Колкаво е големото паковање? Јас видов само од 100гр. Инаку, дали ти е пробан шампонот со морска сол за тројно јак волумен? Ако не ти е проблем пиши ми во ДМ од што се си задоволна од Лаш, планирам да правам поголема нарачка денес.
Да. Сега гледам на страната на Lush дека од 100 гр. го имаат само. Јас во Гр тоа од 250 грама го имам купено. Ќе ти пишам сега
@koritsaki Откако почна да ни препорачуваш продукти, пола продажба на Лаш од форумов им иде, така да мислам заслужуваш некој попуст или подарочиња со секоја нарачка да ти даваат. Сега ме интересира за маските за лице, пример Beauty Sleep, колку им е рокот на траење? Зошто знам некој што имаше купено од тие чистачите за лице, дур го потроши, поминал рокот, мислам за 3 месеци што според мене е прекратко, а производите се скапички за да се неупотребливи за толку краток период. И дали имаат некои вистински придобивки маскиве за лице? Пример за осветлување, намалување на акни и слично. Имам тестер од Beauty Sleep и преубаво мириса и те опушта, дремка те фаќа, и ми го направи премеко лицето во моментот, ама не знам дали вреди да ја купам за 900 денари. Иначе го купив Godiva, и мех, океј е ама ништо спешл, за тоа што велат дека е и регенератор и шампон во едно. Од тврдите шампони до сега најмногу сум задоволна од Honey I washed my hair и Flyway hair. Soak and float и Jason and the argan oil беа исто добри. New ми беше добар првите 2 пати, после ми ја сушеше косата некако и ми ја правеше безживотна и сплесната. Montalbano многу брзо ми се стопи, а и тој мислам беше нешто слично, само што со него еднаш ми беше мека и сјајна, наредниот пат сува и сплесната, не ми е јасно. Имам уште неколку за пробување, тоа отом потом. Ама најзадоволна сум од течниот шампон Fairly traded honey, косата ми беше премека и сјајна, секое влакненце само се местеше, не требаше ни восок да ставам, дури и после спиење со наместена коса се будев. Ама не ми се исплати да го купувам цело време, 100гр за 750 денари е претерано, а мноогу брзо се троши. И ме интересира уште дали некој им ги има пробано восоците за коса, Wig и Dirty, да ми каже дали се добри.
@blueeparadise јас сум опседната веќе со нив со години, во 2017 ги купив првите производи, потоа почнав да користам др производи за тело, лице и увидов дека не ми одговараат, се враќам назад на тие што ги знам ,ми се допаѓа што излегуваат и нови производи, а жалам па за други што ги повлекоа од продажба (пилингот за тело во вид на срце Cherrysh, лосионот Shimmy shimmy...) Beauty sleep ја немам пробано. Од маските сум ги купувала mask of magniminty и cup of coffee (ова е пилинг маска) , и тие желе маските. И маската Rudolph ете и таа ја нема од 2019 , ја имаше зимски период. На опаковката доколку немаше пишано дека е маска, некој можеше да ја изеде. Тоа беше баш пудинг од чоколадо. И мирисаше јако. Не знам што би можело да помогне од маските, дека немам некое проблематично лице. На ќерка ми сакам да и ја земам пак mask of magnaminty , има масно лице и акни дека е во пубертет. Па ќе видиме нешто дали врши работа. Од шампоните , јас Jumping juniper го користев кога имав баш мрсен корен и беше супер. И шампоните Big и Seanik ги имам купувано, даваат волумен како што се,сеќавам. Мене тврдиве шампони до 6 месеци ми траеја На листа ми се шампоните Wasabi shan kui и Tofu. Имаш и ти кратка коса ко мене ? јас мака мачам кога ќе станам од спиење , косата разлетана ваму таму ии никако да ја наместам. Од фризерката купив glue за коса и само тоа помага. И мене ме интересира за восоците
Даа, кратка коса имам долг период и недела дена после шишање веќе ми е потпорасната, после две недели веќе има изгубено форма и почнува да ми штрчи од сите страни, посебно после спиење. Еднаш им побарав тестер од тој Dirty, ми рекоа дека го немаат во залиха, и после тоа заборавив. Ќе видам баш пак. Wasabi го имам користено, ок беше на почетокот, косата ми беше многу мека, ептен убаво "зелено" мирисаше, како на некои тревки, на шума, лимон, не можам да опишам и правеше благ пилинг и ја скокоткаше главата, така ти е ладничко дур се миеш. Ама, после неколку пати ставање почна да ми ја суши косата, како метла ми стана, и ко расцветана ми изгледаше. Ама ако имаш мрсна коса, можно е да ти годи.
@blueeparadise ако случајно нешто испробаш од восоците ќе кажеш Исто, потполно исто , од почеток на ноември се немам шишано и косата безвеза ми е од сите страни , јас секогаш регенератор ставам зошто мојава коса е бланширана и ставам и да се расчешлува полесно и да не се кине, особено доколку некој шампон ја суши косата може да го комбинирам Wasabi со регенераторов на Лаш, Violet cream, ми се мрси мене ако ја пуштам подолга, кога ми е кратка го немам тој проблем
@koritsaki, а овој кремов за туширање си го пробала? Спојлер Да не има ист или сличен мирис ко што рече за таа чоколадната маска за лице што ја немало веќе? Примамливо изглеа. Ме интересира и за маската со кафе, дали интензивен е мирисот. Да пијам нејќам ич кафе ама мирисот го сакам. Спојлер
@Mrs. right Тоа за туширање го немам пробано, ама примамливо изгледа. Маската за лице мириса многу силно на кафе, ќе ти се допадне тогаш
Вчера ги порачав двете. Ептен примамливо ми се видоа. Ова со чоколадо личи на пудинг или на еурокрем, сигурно фантастичен мирис би имало. Сакам да е баш тој мирис како што го опиша, како маската што била и онака ептен добар чоколаден мирис кај козметички продукт неам сретнато од на времето коа Нивеа имаа едно неодоливо чоколадно лабело што го нема одамна, и еден гел за туширање од Палмолив исто мириса многу вкусно. Па би сакала да ме изенанади позитивно.
