LUSH

Коа праиш нарачка нели се појавува еден правоаголник каде што можеш да внесеш нешто во врска со нарачката, коментар или слично и како што ми кажа Коритсаки така непраив.
Таму пишав кои да ми ги пратат и да, сите ги пратиле и тоа солидно ги наполниле овојпат, браво за нив.

Инаку вчера вечерта ја пробав маската, преубава е, одма меко го праи лицето и нежно и среќа не ми се вцрвени како на @blueeparadise, се плашев ама добро се покажа. Може и се иритирала нејзе кожата од некоја состојка па не и одговара. Пишува дека и за пилинг на тело е, ќе ја користам, сигурно ќе ми одговара.

 

Пак јас. Добро, имаат ли попуст некогаш Лаш и на што обично? Ја отварам страната цело време и си стојат истите продукти само со месеци, и сите се со иста цена. Зошто кога во моловите сите имаат попуст, Лаш никогаш немаат.

 

Многу скапи производи... Мислам, можеби и не се, со оглед на тоа како се направени (ваљда?) ама, за нашава државичка, за нашиот џеб-не се. Јас шо ве читам тука, добив желба да пробам нешто од производите. Ама не можам да си дозволам...

 

@koritsaki Аман бре, Guess имаат попусти, Лаш да немаат... Еднаш само кога купував ми понудија некој лосион за тело што им бил на 50% попуст, и само тој беше, се сомневам дека рокот му бил при крај или не им се продавал воопшто...

@theunforgiven Ако некогаш купуваш нешто од Лаш, јас ти ги препорачувам тврдите шампони. Сите се 650 денари, само Godiva е 695, ама мене лично ми траат со месеци, може по 6-7 месеци (ако ги чуваш во кутивчето и не се во допир со вода). Претпоставувам дека имаш кратка коса, така што би требало и тебе отприлика толку да ти траат. Друго нешто што вреди според мене се таблетите за миење заби, Dirty конкретно се 500 денари мислам, има 80 таблети внатре, значи 80 пати да се измиеш, што значи исто релативно долго трае едно кутивче и се исплати. Геловите за туширање, па и лосионите за тело, креми за раце и слично мислам дека не вредат за цената, па колку и да се добри, во ДМ има буквално за 100-200 денари. Aromaco тврдиот дезодоранс исто мислам вреди за цената, 550 денари беше плочка од 100гр (ако не го поскапеле до сега), и тоа не се троши едноставно, година дена ќе ти трае. Мене лично не ми одговараше заради сода бикарбоната. Така што за некои вакви производи мислам дека вредат стварно, може наеднаш ти доаѓа многу да дадеш 500-600 денари, ама ако го користиш производот со месеци до година, мислам дека се исплати.

 

Мене ми е чудно што викате дека нема попуст кај нас, хм. Во Хрватска, пример, до крај на јануари има до -50%...

 

Wow.
Од 100 гр имаше ти? Ако трае толку долго, па тоа џабе е тогаш.

И каков мирис има?

За гелови скроз имаш право, не вредат за таа цена.
Не би купувала, од тестери што праќале, ок се добри се ама ништо посебно. Да речеш барем се задржува мирисот како не, мене исто ко обичните гелови, мириса само дур се тушираш и толку е. Ниту пак мириса цело купатило, не знам дали се парфимирани ама не ми се допаѓаат баш.

Once upon a time лосионот ми се допадна доста. А тој Лајм баунти на лимета мириса, прво мислев супер ама коа го нанесов почна на сјај за садови да мириса.
А добра формула има, ко путер за тело поише отколку лосион ама мене прво битно ми е мирисот да ми е убав. Ни мирисот на Карма не ми беше посебен, Sleepy има ок мирис, нели и Twilight спрејот исто мирисал, и камилица ко да осеќам покрај лавандата ама пак не е мој тип на мирис. Lord of misrule многу јак гелот за туширање, можам да замислам парфемот. Тој најмалку ми се допадна.

Let the good times roll најубав ќе испадне.

И да, глупо е што нема попусти, па бар бе промотивен код нека пуштат некад на мејл, да не излажат да порачаме и нешто плус.

 

@Mrs. right Да да, од 100 гр имав. Хмм, Aromaco има чуден мирис, од почеток доаѓа јак, "машки" можеби, earthy, зачинет и хербален. Ама мирисот само на нанесување го осеќаш, во текот на денот се губи. Зошто мене не ми одговараше, исековме еден дел па и го дадов на мајка ми, она стави еднаш, два пати, нејзе и беше добар ама не беше навикната да става тврд дезодоранс, и беше напорно прво да мокри мишки или дезодорансот па да става, плус зимно време беше малку непрактично тоа. После отсековме друг дел, на снаа ми и дадов и нејзе и се свиѓаше, ама после неколку нанесувања, почна да и се лупи и вцрвенува кожата под мишките (најверојатно од содата), и кај нас за жал заврши во канта. Ама тука читам дека многу девојки се задоволни од него, така да за 550 денари вреди искрено.

Од геловите за туширање, Lord of Misrule ми се допадна зошто само од тој ми се задржа мирисот на кожа, и од едно тестерче, успеав пола тело да го измијам. Ама пак не би дала 600-700 денари за 100гр гел за туширање.

Карма лосионот трае ли барем на кожа?
Инаку јас ти ја препорачувам коцката Buffy, како пилинг и хидрира во исто време, нешто слично како пчелката, преубаво го прави телото, и не ти треба лосион после туширање.

За попустиве не знам, се надевам ќе стават некои крај на фебруари, како чистка од зимскиов период. Тие работи уште во септември-октомври им излегоа.

 

Децо, имам среќна вест за сите кои планираат да си купат нешто од ЛАШ.
Како и секаде, после Божиќ, и кај нас ќе има попусти! После празнициве, очекувајте намаление на одредени производи, особено на оние зимските и специјалните изданија =)

 

Па на кожа не баш многу, ја дека се нашлапав, цел тестер го потрошив на едно ставање, а реално моеше и два пати и мирисот се задржа на пижамите, пред спиење се намачкав.
Така мириса и парфемот ваљда ама не ми е по вкус мирисот.

 

Не се става вода пред да го нанесеш Аромако. Баш фино се мачка, како мрсно сапунче, и остава филм, со години го користам, немам проблем со нанесување. Последново парче што го имам го купив јануари или февруари 2022, уште го користам истото, додуша беше повеќе од 100г.
За ова со црвенило и лупење, не верувам дека е од содата, повеќе би рекла од етеричните масла, поголеми се шансите тие да предизвикуваат таква реакција.

Имаат попусти кога сакаат да ги потрошат колекциите што им се limited edition, исто на попуст се препаратите при крај со рокот. Ама не е доволно тоа, треба регуларно да имаат попусти на редовни производи што се со убав рок, бар двапати годишно.

 

Како ви трае 1 година?
Јас земав крај на октомври, околу 5цм од плочката имам моментално, 100гр. парче имав

 

Јас еднаш дневно се мачкам, доволно ми е. Што знам, од секогаш долго ми траело, еве ко што пишав погоре, последново што беше некои 120-130 г, купено јануари или февруари 2022 уште го користам, скоро две години ќе бидат. И имам уште за два месеци најмалку.

 

Браво.

И јас еднаш дневно мачкам обично наутро, го чувам на суво и темно место, во кутивче. Не го влажнам, баш убаво си лизга по кожата, како што кажа и ти. Ама тешко и 6 месеци да додржи кај мене.

 

Нас фамилијарно не ни се мачкаше без вода, дури ме болеше ако пробам на сува мишка, маалку се подобри после неколку ставања ама пак "шкрипеше". Иначе дефинитивно ми е од содата мене, порано сум пробувала маски со сода, на нозе и малку во обувки против непријатна миризба сум ставала, едно нокте на четка за заби со вода, и одма имам некаква реакција. Од етеричните масла не ми е, зошто сум користела и други продукти од Лаш полни со нив, а и општо воопшто не сум осетлива ни на креми, средства за миење/чистење, мириси, киселини. И снаа ми на ист начин се излупи и и се вцрвени местото како на мене, ја испржи. Мајка ми па никаква реакција немаше. А штета, мене баш ми се свиѓаше мирисот и тоа што долго трае.

 

Површинскиот слој треба да се тргне ако е сув. Иначе се мачка, баш како мрсно е, и не шкрипи воопшто затоа ме чуди што велиш дека не се ставало без вода. За реакцијата се' е можно, ме чуди дека е од содата.

 

Јас не сум задоволна од Аромако… и не знам што да му правам сега на парчето од 120гр…
Мене лесно ми се размачкува, ама како дополнително да ме поти, постојано влажни ги чувствувам пазувите. И не ми држи, а неопходно ми е барем 9 часа да се чувствувам колку-толку свежа. А зима е, во лето не би се ни обидела да го тестирам.
Две недели му дадов шанса, не знам дали беше доволно…

 

Ако претходно си користела дезодоранси со алуминиум, можно е да и треба на кожата повеќе време да се навикне на дезодоранс без, зошто овој е комплетно природен, рачунај другиве покрај алуминиумот уште куп други чуда содржат. Обиди се барем уште 2-3 недели, па ако апла не го бива, не се мачи за џабе, нема па сигурно препотена да шеташ и да си смрдуцкаш ко што викам јас.

Јас иначе висам цело време на страната на Лаш, одвај чекам утре, задутре да дојде, баш ме интересира дали ќе има попуст на овие спешл едишн колекцииве, да си земам нешто од Lord of Misrule.