Го донесоа спрејот овде во грчкото Лаш Yog nog ама кога се распродаде брее вчера баш влегов на страната го немаше. Ќе гледам сега по цел ден на страната да го начекам и одма го порачувам. LTGTR уште не е достапен. И Snow fairy го има ама повторно не би го земала Едит: Го порачав штотуку пак го додадоа на страната
Да споделиш импресии за yog nog обавезно! Обично не практикувам blind buys ама од страв дека ќе се распродаде одма може да го порачам . Мирисот на гелот за туширање ветува.
Да и јас го имам пробано гелот за туширање, мириса на ванила, карамела ама оној топол мирис. Гелот го отворав по цел ден да го мирисам сега гледам го нема пак, некои како мене дремат на страната на Лаш дефинитивно ќе пишам обавезно.
Траен е, ама не како Лорд. Може е и до серијава со сите ама дефинитивно е траен. од трите што ги имам Авокадо има најмала трајност
Стигнааа Што да кажам, убавини е мирисот. Сосема ист како гелот за туширање. Карамела, крем бруле, ванила, москантно оревче- сè заедно во еден мирис. Прснав еднаш на раката, мириса многу јако, слично на LTGTR ама не и исто секако. Ми се допаѓа премногу, уште ако добијам коментари ако пак го начекам ќе го нарачам повторно да го имам во залиха. А и да додадам, на мирисот пишува дека е од Англија, не од Хрватска како што пишуваше до сега
Добро луѓе, не ви е сѐ ова препрескапо? Јас лани нарачав и ништо посебно не сум задоволен, ни од тоа што нарачав, ни од тестерите. Барем не толку за да купувам редовно. Што ги прави толку посебни? Демек на природна база и хенд-мејд? Ма како не! Сигурно.
Што знам, работите од типот на гелови за туширање, сапуни, креми за раце и лосиони за тело ми се прескапи и ми е нелогично да ги купувам, па макар не знам како мирисале или ја омекнувале кожата. Е сега, јас сум им хардкор фан на (тврдите) шампони, имам кратка коса и со еден тврд шампон се мијам со месеци. Чинат 650 денари, имам од нив фаворити што супер ми ја прават косата и немам најдено такви од не-Лаш шампониве што така ми одговараат. А верувам дека поасален шампон од 250-300мл што во денешно време чини 350 денари трае пократко време од тврдиов шампон на Лаш, така да во тој поглед ми се и економични и сум раат со купување бар неколку месеци. После, имаат таблети за миење на заби и плакнење на уста, по 500 денари се, мислам дека има 70-80 таблети, пример Листерин е 300 денари за 500мл, а мене еве уште ми траат скоро година розевиве таблети за плакнење на уста и супер освежуваат и овие, и тие зелените. Од тие за миење на заби, сум најзадоволна од белите, а и општо споро се трошат. Исто мислам дека добра "инвестиција" им се спреевите за тело. Пример во Зара, парфемите им се по 1000, 1200 денари, а се по 50-100 мл, и плус многу брзо им се губи мирисот. Лаш ем имаат специфични мириси, скоро сите долго траат, плус се 1700 денари за 200мл, да се заборавиш од прскање. Има и други работи што имам пробано тук-таму што ми се имаат допаднато, како одредени лимитед едишн ствари, како Celebrate пилингот, ама овие мислам дека им се најисплатливи за купување. Не ме плаќаат, жими се.
Зависи како и што ќе ти одговара како производ. На пример , јас не би дала пари за геловите за туширање, зошто секој ден се туширам, на лето и по 3 пати па така да еден гел за туширање за една недела отиде. А не се евтини геловите, тоа да. Сапуни не користам, ептен слабо некој ако ептен ми се допадне најчесто тие што прават пилинг од нив ќе земам , ама ете и тоа не би земала. Од skincare , чистачите и маските ми се погодени и не се скапи , не се трошат брзо. Боди спрејчињата и парфемите им се претрајни и не се скапи и за квалитетот и еден спреј е 200 мл па го користиш долго време , со месеци. Имам купувано парфеми многу поскапи од познатите светски брендови и никој ми нема дадено такви коментари за мирис како за овие од Лаш. Шампоните како што пиша погоре @blueeparadise тие тврдите се економични, ептен споро се трошат , а општо шампони, маски, се ми се има погодено.
пробај убеди ме да ги пробам тврдите шампони зошто ти се толку погодени? иначе јас имам средна должина и благо кадрава коса
Споредувам со други шампони што ги имам купувано од маркет/дм, инаку јас не би рекла дека имам некоја комплицирана коса, имам тенко влакно, мека ми е и свиленкаста. Пример од Elseve кога ќе се измиев косата после ми беше прекрасна до вечерта/наредното сабајле, после тоа ми се сплескуваше и ми беше мрсна ко да не сум ја измила 10 дена од силиконите. Пробав и доста шампони од Алверде, некои ми ја сплескуваа косата, некои ми ја сплеткуваа, со некои ми се мрсеше за еден ден, слично и со некои од Палмолајв. Овие шампони ми се погодија ем од аспект на тоа што убаво чистат, ми ја оставаат косата мека, после миење и сушење убаво ми се мести и легнува, што искрено ми е многу битно, зошто кратка коса кога ќе почне да расте е многу незгодна за местење. Некои од нив ми даваат и форма, волумен, "тежина" на косата, нели зависи кој за што е. Јас моментално наизменично ги користам Flyway Hair и Soak and Float, и од вториов сум малку позадоволна. Првиот е за волумен и сјај ми се чини, а вториот за чувствителен скалп и првут (ако имаш). Исто, доста бев задоволна од тврдиот шампон со мед, Honey I washed my hair, мноогу ми ја омекнуваше косата, и ми го местеше секое влакненце на свое место после миење и сушење, дури и после спиење кога ќе станев, косата ми беше иста како кога ќе легнев. Исто тука ќе го спомнам неговиот counterpart, течниот шампон од мед - Fairly Traded Honey, од него бев најзадоволна мислам од сите, го имаше истиот ефект како тврдиот шампон само х10 подобар, ама за жал ми беше некако прескап а пребрзо ми се потроши, 750 денари е за 110гр. Од шампоните во полутврда состојба, односно тие во кутија, сум задоволна од Squeak - што е за волумен. Ако случајно сакаш некоја препорака, слободно разгледај им ја страната, види кој шампон за каква коса им е, и ќе ти кажам дали го имам пробано и колку сум задоволна од него, зошто вака не ми текнува на сите.
Патем, нови производи наскоро (но кај нас не знам колку скоро и дали воопшто). Се преценуваат со цениве, спрејот би бил над 3,000 денари кај нас. Pink Fizzes Good With Green Bathbomb - £6 секоја. Мирисни ноти: Орис (не ориз, мислам ова е некој вид ирис), Роза, Бадем, Семе од сусам, Хиба дрво, Кедарово дрво, Ванила [Нов производ] Emerald City Soap - £7 секој. Мирисни ноти: Кола, Лимон, Лајм, Лабданум, Цимет [Нов производ] Elphaba’s Hat Bathbomb - £7 секоја. Мирисни ноти: Пачули, Црн пипер, Ванила [Нов производ] Green Elixir Showergel - £8.50 за 100g, £18 за 250g, £27 за 500g. Мирисни ноти: Билка од врба, Литсеа Кубеба, Портокал, Бензоин [Нов производ] Glinda’s Tiara Soap - £7 секој. Мирисни ноти: Круша, Кардамом, Портокал, Сандалово дрво [Нов производ] Elphaba’s Broomstick Reusable Bubblebar - £10 секој. Мирисни ноти: Роза, Тангерина, Каранфилче [Нов производ] Shiz University Massagebar - £10 секој. Мирисни ноти: Тангерина, Портокал [Нов производ] Glinda Upland Body Spray - £40 секој. Мирисни ноти: Роза, Паламароза, Семе од сусам, Ванила, Бадем, Фстак, Орис, Бензоин [Нов производ] Elphaba Thropp Body Spray - £40 секој. Мирисни ноти: Хиба дрво, Кедарово дрво, Ванила, Лимон, Розов пипер, Кардамом [Нов производ]
Прва нарачка done. Путер за масажа Lord of Misrule, сапунот Sultana of Soap и масло за туширање Minamisoma. Дооооста јаки мириси, не сум навикната, ама одма замирисува цел простор како во спа да си. Фејв ми е маслото пошто мириса на колач од лимон. Не сум ги тестирала, вечер ќе пробам сѐ. Инаку оправдано ми се скапи пошто стварно постапката за правење е интересна, на youtube гледав видеа и баш се гледа дека убави состојки имаат.
Сапунов ми е најомилен од сè што имаат Лаш. Путерот за масажа и јас го купувам за прв пат, со душа чекам да го пробам.
