Секој коментар е излишен. Малиот Трпе во школо го прашуваат што работи татко ти? Трпе одговара: Татко ми е машка стриптизета во клуб за хомосексуалци, игра гол пред мажите а понекогаш кога ќе му платат добро, одат во соба во евтин мотел и спијат заедно. Учителката во шок го вади од училница и го прашува: Трпе дали ова е вистина? Трпе одговара: Не татко ми игра фудбал за репрезентација на Македонија ама ми беше срам да признаам пред сите деца
Aww,трупци златни,ако не ме насмеат тие,кој друг Кога мислиш дека не може по трагикомично,еве го Луксембург ,браво за нив Кој е следен на ред? Мавританија,Малдиви,Сомалија... Предлагам федерацијата да закаже пријателски со овие,може ако ни е денот ќе извадиме некој бод,да не сме без ич Келнер од Луксембург оди прва смена на работа,после работа оди да се рекреира и ни дава гол,priceless Spoiler Дечки сериозно земете го во предвид предлогот да си се повлечете од репрезентацијата,идете или што било друго,гарантирано ќе бидете поуспешни. Јас одамна би се повлекла на ваше место,па мајке му,никој не ве тера на сила да се брукате во националниот дрес.Зошто воопшто ни треба оваков фудбал и репрезентација,напротив. За кого ли се инвестираа толку милиони во новиот стадион,трупци на трева има во секоја блиска пољана.
Какви коментари се изначитав, црн хумор, скапани сме у пм... Ова морам да го споделам со вас жалосно е но ајде да те видам не се смеј на ова....
Дел од изјавата на Горан Пандев по завршувањето на натпреварот : "Мислам дека е време овој пат одговорноста да ја превземеме ние играчите. Треба да седнеме, да се погледнеме во очи и да разјасниме сите заедно што значи да се игра за националните бои. Селектори , за време на играњето на оваа генерација се сменија многу, ние сме истите, значи кај нас нешто не е во ред. Очекувам сите играчи да ги прифатат добронамерните критики и да превземат одговорност за овој срамен резултат и во иднина чесно да го испотиме дресот кој е привилегија и за кој сонуваат многу фудбалери во Македонија, во спротивно да им го отстапиме местото на помладите и поамбициозните". Колку добра интернационална кариера има, а во репрезентација нема со кој да игра, и како после да не му е срам да игра за репрезентација, само угледот си го губи, никаква воља и мотивација немаат нашите играчи кога тој Харалампие го уништи македонскиот фудбал и страшно е што нема кој да го запре..
Најтрагично ке биде кога ке играме против Португалија.Будалата наш од тренер изјавил:Ке ни биде потребен Роналдо за да ја измериме нашата сила против него и компанија.Немој не ме радуј. И дајте,да не се вадиме со тоа местени натпревари кога не не бива и не не бива.Едноставно Македонија е земја која може да изгуби од секого во светот.Пушти им улични фудбалери,ке ги засрамат па ке посакаат никогаш да не се родиле.Едноствно не се замараат со давање на убави резултати.Додека има вакви срања во управата од директор и тренер до чистач и вакви играчи нема да тргнеме напред.Фати искарај ги сите,донеси нови работници и пушти играчи кои навистина сакаат да играт. Ама мене никој не ме прашува.Ке сонуваме успех на фудбалерите како оној на кошаркарите и ракометарите.
Да, и не заборавајте да земете соодветни „реквизити“ (домати, компири, зелки... ) И да, се’ е кажано... :/
На фејсбук страната на Луксембург (http://www.facebook.com/theluxembourgfanpage) синоќа објавиле за победата над Македонија : Luxembourg beats football giants Macedonia 2-1. World cup, here we come! И се нашол некој грк да коментира одма против нас : You mean fyrom or skopjie..macedonia is a part of northern greece! И админот на страната, на тоа му врати со следните зборови : Oh come on Greeks, only you are concerned by this name issue! We call it Macedonia and this is it! Don't you think you have other issues to deal with now? Секоја чест за напишаното!!! Му се поклонувам на админот
Инаку баш убаво нешто прочитав денес. Во никој случај не треба споредба на нашиве фудбалери со дрва. Зошто? Дрвото е корисно и тоа за хартија, мебел, огрев и тако даље. За нив е дури комплимент ако ги споредиш со нешто толку корисно. А друг муабет НЕ ДАЈ БОЖЕ еден ден некој вас да ве спореди и да рече дека сте како македонска фудбалска репрезентација. Не дај боже. Понизок удар амин. Од сеа нашава репрезентација во фудбал е синоним за налоша споредба. Нема веќе глуп си ко дрво, него ГЛУП СИ КО МАКЕДОНКА ФУДБАЛСКА РЕПРЕЗЕНТАЦИЈА!
Само што го прочитав ова на Фејсбук профилот на Панче Ќумбев и веднаш го копирав да го споделам со вас.. Вреди да се прочита, конечно некој да се изјасни како стојат работите во македонскиот фудбал. "Може да ме разберете и вака и онака,може некој ќе се налути,ќе ми замери,ама едноставно морам да дадам свое мислење за најважната споредна работа... Нормално повод е последниот резултат на нашата репрезентација...изгубивме од Луксембург 2-1.Да,изгубивме и затоа спортот е интересен...Секој секого може да победи и секој од секого може да изгуби.И некој ќе рече боли да изгубиш од Луксембург.Боли точно е тоа,мене ме боли како фудбалер.Ама во што сме ние подобри од нив,од Андора,Лихтенштајн,Сан Марино на фудбалски план?Само во две работи,во талентираните дечиња и во спортските гени кои ги носи секој балканец.Во се друго сме 100 години во рикверц. Некој ќе рече дека не сум во право,меѓутоа еве ке се потрудам да објаснам.Па кој како ме разбере ќе видиме. Зошто 90% кај нас мислат дека гореспоменативе репрезентации се аматерски а ние не сме?Дали мислите дека нивните лиги се поаматерски од нашата?Да почнам со ред. Нашата прва фудбалска лига брои 14 "професионални" екипи.Дали знаете колку од нив се стварно професионални,колку од нив ги исполнуваат и најосновните услови за натпреварување?Можеби 2-3,нека бидат и 3-4.Повеќе не се со гаранција.Да почнам со ред. 1.Услови за работа(помошни терени,опрема,медицински тим,соблекувални,стручен тим) Како што напоменав само 3-4 екипи ги имаат овие услови.Да не играм со имиња да не ми се налути некој.Знаете ли дека нашите играчи носат опрема стара по 10-15 години,само 3-4 екипи имаат помошен терен,за теретана да не зборувам.По клубовите нема доктори,масери,нема кој да ти даде апче ако те боли глава.Нашите играчи незнаат што се витамини,минерали,спортска исхрана.Со јадење ајвар и маргарин фудбалер не се станува.Знаете ли дека во Тетово во собелкувалната нема вода,нема струја,нема тоалет?А Тетово ги даде последните 2 шампиона на Македонија.Знаете ли дека во Кичево наместо закачалки има клинци,и дека наместо тоалет шолја има дупка среде купатило?Знаете ли дека гостинската соблекувална во Кратово,Прилеп и Штип е голема дури 3 метри квадратни,и мора да се соблекуваат играчите на групи оти нема место за сите.знаете ли каде тренираат младите таленти во Македонија?По парковите со парталави топки голи и боси.Секоја чест за ретки исклучоци. А какви се во аматерските земји може само да замислите.Секоја од нив има спортски комплекси,со помошни терени,со терени со вештачка трева,со сауни,со теретани со нова опрема.И које аматер тука???Ние или они? 2.Професионалноста?? Знаете ли дека во Македонија 70% од фубалерите се аматери.Знаете ли дека на 70 % проценти од нив не им се плаќаат придонеси,осигурување здраствено и пензиско?Знаете ли дека ако не дај боже се повреди кај нас фудбалер може да го избркаат од клубот и да не му платат операција,лекување,рехабилитација?Знате ли дека пола лига кај нас играчите земаат плата од 150 до 200 евра и тоа нередовно? 3.Квалитетот на лигата. Искрено и без лажни скромности сигурно сме меѓу последните 3-4 во европа за жал по квалитет или уште полошо меѓу првите 3-4 по неквалитет.Зборам за квалитет на лигата не на играчите.Кај нас може да се случи да ти влезат во соблекувална со пиштол и да ти речат дека мора да изгубиш денеска.Да така е,за жал.Кај нас Може да се случи да го истепаат судијата оти досудил пенал или поништил гол,да ги истепаат гостинските играчи оти не им пуштиле на домашните.Кај нас се случува судијата да ти каже извини ама денеска мора да изгубите.И можам да редам до недоглед ама доста е. 4.Репрезентација За секој играч е светост,чест и гордост да се игра за националниот тим.Само кај нас националниот тим е менаџерски полигон за играчи.Само кај нас постои она познатото"мора да игра".Само кај нас кога се оди на гостување авионот е исполнет со 20 играчи,10 членови на стручниот штаб и 70 членови на така наречена "Јагнешка бригада" кои единствен контакт со фудбалската топка имале на час по физичко и тоа по грешка кога некоја залутана ги удрила по глава додека со девојчињата играле ластико.Знам дека ви се чини смешно и многу критично меѓутоа за жал така е.Занете ли дека пола репрезентативци не ја знаат нашата химна,дека пола репрезентација не знае Македонски јазик?И некој ќе рече тие се играчите,нема други???Молам?Нема други???Ајде да прашам отворено,каде е најдобриот стрелец во нашето првенство Филип Ивановски?Каде се Влатко Гроздановски,Златко Таневски,Благојче Тодоровски,Крсте Велкоски,Борче Маневски,Миле Крстев,Димитрија Лазаревски,Баже Илијоски,Бобан Грнчаров,Александар Бајевски,Зоран Балдовалиев,Стојан Игњатов и да не ги редам сега ги има многу?Дали гореспоменативе не заслужуваат повик?Заслужуват и тоа како,само не се во шемите на одредени луѓе.Сите гореспоменати се стандардни во своите клубови и имаат континуитет на натпревари,што не е случај со пола репрезентација. 5.Селектор Секоја чест на новиот селектор меѓутоа нас ни треба домашна рака,и тоа авторитетна и да не подлегнува на притисоци од типот мора да игра,или не мора да игра.Каде се Ѓоре Јовановски,Чеде Јаневски,Милко Ѓуровски,Ѓоко Хаџиевски,Џиџи Илиевски,Влатко Костов,Илчо Георгиевски,Драги Канатларовски,Зоран Смилевски и ред други? 6.Раководство Само едно ќе кажам овде.Каде се нашите асови Дарко Панчев,Илија Најдоски,Саша Чирич,Ѓорѓи Христов,Тони Мицески,Митко Стојкоски,браќата Ѓуровски,Гоце Седлоски,Артим Шаќири?Далеку од фудбалот за жал. И уште многу мисли ми се мотаат низ глава и уште многу работи имам да кажам меѓутоа поентата ми е една.Ние сме аматери,и тоа од највисок ранг.Затоа не се нервирајте кога ке дојде Ерменија и ќе ни акне 4-5 парчиња,кога ке додје Луксембург и ќе ни ја сврти од два во кец.И без оправдување меѓутоа фудбалерите се најмалку виновни за оваа ситуација,за ова тонење на фудбалот кај нас. Толку... Се надевам на подобри денови во мак фудбалот,надежта последна умира. Панче Ќумбев"
Си бил малиот Трпе и наставничката го прашува пред целиот клас: - Трпе, што работи твојот татко? - Мојот татко работи во стриптиз клуб за чичковци, па понекогаш е и приморен да се проституира со истите, но сепак… тоа е, мора да заработи некој денар… Шокирана, наставничката му вели да остане после часот да поразговараат. - Трпе, навистина ли татко ти го работи ова? - Не наставничке, само срам ми беше пред цел клас да кажам дека игра фудбал за репрезентација.
Новиот состав на Македонија: Голман – даб, одбрана – бука, бор, врба, габер, среден ред – јасика, топола, елка, багрем, напад – бреза и чемпрес. Резерви – смрека, зеленика, јасен, боболка. Тренер – ЌУТУК.
Чак Норис прв пат во својот живот одбил предизвик заради страв од пораз, и тоа кога го повикале да игра фудбал за македонската репрезентација!
Во ред е значи. Слаби сме, не слаби туку очајни, не очајни туку трагедии. Дрва, трупци, греди, буки, дабови. Заслужуваат секакви критики, осуди, пцуења, исмевања. Местачи, душегрешници, резили и што ли уште не. Секаков можен сладок епитет го заслужуваат. Меѓутоа мора да најдеме сили за подршка на репрезентативците. Несакам погрешно да ме сватите, нивните игри и резултати во последниве години не заслужуваат никаква пофалба. Ама најлесно е да се биде најголем фан кога репрезентацијата игра добро и победува. Тешко е да се биде фан и да се одржи патриотското распложение кога бродот неповратно тоне. Ние сме Македонци, мора да останеме сплотени и во најтешките моменти, а не како за се во животот само да лаеме по форуми и медиуми, без притоа да се организираме и да промениме нешто што не функционира како што треба. Затоа што сите ќе станеме најголеми патриоти ако истите овие ДРВА, ја победат Србија или Хрватска во следните квалификации. И за крај, еве колку се аматери, келнери и водоинсталатери фудбалерите на Луксембург : http://www.youtube.com/watch?v=hXmla8IdsJo
