Знам дека своевремено беше многу популарен кафичов, ама јас никогаш не сум била. Читајќи ве, не ни добив некоја желба. За Казабланка не знам, ама Кашмир има многу сличен концепт и е далеку посредено од ова што се пишува тука за Њу Ејџ. Башка преубав салеп имаат. Мх...
Кафичов го открив, пред околу 2 години, 3 преку сила мада ни толку нема. Првпат кога влегов впечатокот ми беше ваууу неверојатно, но како зачестував, сфатив дека и не ми се допаѓа толку, и тоа исклучиво поради (не)чистотата која им е баш на нивоУ. Мислам аман, до толку ли бе да не може една крпа да се фрли по тоа дрвенаријата, или да се заплакнат тоа чашите чии оттисоци од кармин се приметливи!? Се сеќавам еднаш лежевме со другариве, и забележав дека нешто шета по тоа перничињата, кога да светнам со телефонот, што ќе видам - лебарка! Оттогаш па наваму избегнувам да одам во кафичов! Ем кафето не ми се свиѓа, ем хигиената е за никаде. Значи стварно фали една озбилна генералка за да повторно живне кафулево, и тоа очајно многу!
^ За жал, имаше. Не работи повеќе Казабланка а баш беше фино. Инаку у овој кафич не сум била никогаш а баш ми го збореше и објаснуваше една другарка и ми изгледа како совршено место за мене ама ова сега што го читам за нечистотијава некако ме предомислува...
Порано бев редовна овде и во Кашмир, ама во Њу Ејџ немам отидено година дена, од роденден на другарка и не ни планирам да одам баш поради горенаведените причини. Првпат ме донесе тука братучетка ми, пред добри 6-7 години и тогаш чинам, посредено беше. Мислам дека имаше и рипчиња во езерцето, лебеди, кокошки дури и други ѕверки. Овде ги доживеав и првите пијанства, дешавки, смеења, спремања за тестови ама некако не би да се навраќам. Како и да е, со убав концепт можеле многу повеќе да направат од местово. И персоналот можат да го средат малце. Како алтернатива, топло го препорачувам Кашмир, зиме особено ми годи кога седам и скоро секогаш нарачувам топло чоколадо.. сон им е
Jaс за жал па не ги начекав рипките, лебедите, а уште помалку другите ѕверки. Дури од тебе сега разбирам дека уопште постоело такво нешто што сега скоро па и да не можам да замислам да го има у Њу Ејџ пошто водата е толку матна што мириса непријатно, во придружба со дрвенаријата и мебелот. Што се однесува до персоналот, се сеќавам еднаш не обвинија дека сме имале обид да ја удавиме нивната мачка. Е тука ми зовре и се испокарав на велико! Може немаше толку бурно да изреагирам, некој да не го впереше прстот кон мене за малтретирање животно, особено мачки за кои душа давам во буквална смисла на зборот! Башка таа бабата со дугачка бела коса ми е екстремно creepy, и понекад ми делува надувано. Зошто паметам еднаш кога бев со другари ни збореше некои неповрзани ствари околу тоа како се палело џоинт, додека ние ја гледавме бледо. Како и да е, остатокот од персоналот не е ништо бољи, (се чудам ако некогаш бил), другарка ми има кажано дека и неа ја обвиниле за шкртање по тоалети со спреј... И баш ради сите тие причини јас ретко одам таму. Никогаш немам ниту алкохол имам пробано, а уште помалку сум се начукала. Дури се чудам на оние кои го имаат направено тоа, веројатно го направиле на сопствена рака таму. Како и да е, ќе го проголтав сето ова се` само да беше чисто.. Ама не е. Нејсе, амбиентот е одличен, баш ми е по мерка, зошто кога влагаш се осеќаш буквално како да си во некоја прашума која претставува кратко бегство од реалноста, и тоа се до моментот додека не начекаш лебарка, е ондак тешко дека ќе се почувстуваш така. Додека за кашмир, само најпофални зборови. Тоа кафето со локум е СОН! За топлото чоколадо не знам, бидејќи не сум го пробала ама кафето ми е баш по мерка. Амбиентот да не правиме муабет, исто така прекрасен.
Првпат во Њу Ејџ бев пред неколку добри 15 години, кога таму идеа децата од средно уметничко и некој други, малку постари, но подеднакво интересни фацки. Тоа место што јас го памтам, со лебедот, со рипките, со цвеќињата не ни може да се споредува со вештерската јазбина во која е денес претворен кафичот! Погнасно место за искачање јас немам видено во живот, ви се чудам на храброста што сте се осмелиле да порачате нешто од таму. Врв беше кога пред околу една година, со другарка ми не спука некоја носталгија по младоста па решивме да идеме во Њу Ејџ. Влегуваме во дворот, црна темница насекаде а во кафичот трепка на неколку места некаква ептен слаба светлина. Окееееј, не се премислуваме, ај можда е некој перфоманс во прашање, цепаме даље, влегуваме внатре и имаме што да видиме- седат на свеќи пошто им ја изгасиле струјата... Си се свртевме, си излеговме, се помиривме со тоа дека минатите денови не може да се вратат, било наши, било на Њу Ејџ и отидовме во Кастм, ко луѓе да пиеме а притоа да не се грижиме дали ќе не гризне некој стаорец и дали ќе фатиме шуга, жолтица или болви.
Боже, трауми имам од местово! Еднаш се зезнав да отидам и никад више! Луѓе, трештеше некоја африканска музика, племињата шо играат на неа околу оган. Несот беше со козјо млеко, дури заурден. Станав да идам до веце, внатре некој шкаф од на прабаба ми времето, со утепани бубачки и прст прашина на него, и замислете- врз тоа стоеше тоалетната. И ај шо ќе праам, "потклекнав" онака на шоља колку да извршам нужда, и оп - пајак ми виси на пајажина пред фаца. Келнерот малце, да ме извините вака, ама ко швркнат се понашаше, не послужи, седна да пуши наргиле и се смееше ло зелен со една цура. За смрдеата и хигиената не вреди да се дискутира. Worst hour in my life!
Eee sum bila pred 10 Tina godini bese prekrasno,epten opustena atmosvera, so kokoskite I macinjata okolu tebe.Mene licno epten mi ostavi vpecatok a ne znaev deka se uste raboti, bi sakala pak do pojdam u naredna prilika ama po ova sto se iznacitav bubacki,prasina,smrdea, Mmmm ke podrazmislam pred da pojdam Sepak zalno
Сум била и искрено не ми се сфиѓа како место.Спикано е, преладно е запустено и секташко ми е.Бевме со другарки пред Н.Г и во затворениот дел имавме пуштено музика ама не многу гласна и пошто беше српско тие околу нас мислам дека ќе не убиеа.Таа вечер ако не фатев бронхопнеувмонија не знам кога.После тоа уште еднаш бев на 1ви Јануар бидејќи ништо живо не работеше.Моја нога од сега таму не стапнува.Ем шубе се чувствувам, мрачно сиво ладно ем се неуслужливи ем ми преседна кафето.
Во New age српско Да не си грешка? Мислам да не си била на друго место а да ти кажале дека е New age? Откако знам за себе местото било попрљаво од контејнер... Греота. Преубав локал а тотално запуштен. Баш би ме израдувало да чујам дека го земал нов газда и го средил Едит: некоја членка погоре ја спомна Казабланка Дефинирано најкул место што некогаш постоело во Скопје. И Ориент беше исто многу добар, искулиран локал
Леле трауми имам од местово ја. Бев пред 4г некаде, сосем случајно, тек што почнав да искачам и да идам у средно, не ни знаев вакво место дека има. Тоа прљаво одвратно и гнасно, мислам погрд кафич немам видено досега, а од тогаш досега отидов у милион други. Читам пропаднал, логично, на таа нечистотија не знам кој би седел и би пиел уопште нешто од таму. А малку да вложеле во генералка може имаше потенцијал да е подобро место за седење.
И мене ми е ептен кул местово,така пријатно и мирно.Другарка ми го препорача и неколку пати сме биле,омилени ми се тие коктелите а и газдарицата е многу фина.Има некој witchy стил искрено,и кога и да одам се си мислам ќе ми излезе некоја од тие fortune tellers хаха,па ќе летаме на некоја метла.Има ни се десено интересна случка исто.Отидовме една сабота и јас и другарката си пиеме,си разговараме,наеднаш дојде едно типче,високо и ни кажа неш,и ние му вративме,една тема,две тргна муабетот,филозофски теми се,па дојдоа и другите од неговото друштво,муабети колку ти душа сака,а прв пат ги гледаме.И не сакавме да си го кажеме идентитетот и лажевме дека сме од друг град,па и лажните имиња ни се слагаа,како да сме вежбале од претходно со другарката,циркузи,после се смеевме на тоа,пошто ств добра глума беше тоа ,како други личности да бевме,и после не ги видовме никогаш повеќе.Магично беше искрено.
Дали сеуште постои ова место ? Имам одено пред некои 5 години и не ми се допадна нешто многу. Ми мирисаше многу лошо а и некако не ми беше средено него како запустено.
