"No Lives Matter"

Имаш право, тоа беше муабетот.
Но далеку е од поентата на темава...

 

''No lives matter'' ме асоцира на психопатија, ''All lives matter'' на емпатија.
Јас имам ептен развиен сенс за сочувство, ги сакам луѓето но ги избегнувам оние кои ми ја исцрпуваат животната енергија. Но тоа не значи дека нивните животи не вредат, едноставно може да се сакаме од дистанца. Секој си има своја лична мисија или професија која е многу веројатно да е наменета да помага на други живи битија.
Исто така сметам дека животните и растенијата се многу важни, сите сме меѓусебно поврзани на овој свет.
Плодовите и зелената билка ќе ти го обноват здравјето, растенијата се бели дробови на нашата планета, миленикот или било кое друго интересно животинче ќе ти го разубави денот, насмее, успокои.
Сметам дека повеќето се чувствуваме некаде измеѓу бидејќи сме заборавиле да се радуваме, се околу нас земаме здраво за готово.
Розо, не те нареков психопат не се секирај. Мислам дека вака се чувствуваш како последица од некаква си траума која ти ја нанеле група нееволуирани неандерталци.

 

"No Lives Matter"
"All Lives Matter"

Neznam od koj agol se gleda.
Da komentirak kako instituciite gledaat kon nas ili Jas?

Kako instituciite gledaat.
Kupis zivotno osiguruvanje, uredno si plakas po $30 togas "All Lives Matter".
I te kako osiguratelnata kompanija e zagrizena za tie $2-3 mil. da ne im izbegaat od dzep.
Za eden pokriv ke dojde pros pa trista kerefekii ke ti ugodat za da ne preteras, da ne pobaras i ogradata vo dvor da ti ja popravat, a kamu li covecki zivot.

Za drzavata, nie sme obicna brojka.
Ako se slucilo nesto interesno (si se frlil od tarasa, si predizvikal lancan sudar,...) ke te ima na TV vecer i toa vo udaren termin, kolku da im potpolnis emisija. Posle tie 2 min prezentacija, "No Lives Matter".
Vojnive neli se dokaz na "No Lives Matter".

Mene tugite zivoti me zasegaat vo smisol, sekoj zasluzuva da zivee i nikoj nema pravo da mu go odzeme ili obezvredni zivotot na nikogo.
Ponataka od toa ne me zasega.
"Pusti coveka da zivi".

 

All lives matter, на планетава. Едно е да не се грижиш за туѓите мислења, друго е да не се грижиш за туѓите чувства. И мене лично не ме засега, што би се рекло, што рекле комшиите, но да не те интересираат факти и мислења кои можат да ти го променат животот, сметам дека е погрешно. Само низ информации кои ги добиваме од различни области, можеме да се развиеме повеќе, зарем е возможно сам човек да смисли се.
Баш all lives matter и ни треба во светов. Некое поразвиено чувство дека навистина секој живот вреди. Можеби така повеќе ќе се заангажираме да си помогнеме и да го напраиме светов a better place to livе. И за другите луѓе, и за другите животни и за природата.

 

Луѓе, членката која ја отвори темата не навреди никој за да биде жигосувана. Си го споделува нејзиниот поглед и тоа е тоа. Така да нема потреба да се оди во крајности. Лично и јас не се согласувам со нејзиниот поглед на работите ама тоа е, не може сите да гледаат исто на работите. За мене реков, all lives matter. Да не беше така тогаш тие луѓе кои гледаат поинаку на работите немаше да си го ценат и сопствениот живот и одма ќе ставеа крај на сопствениот живот.

И се согласувам со членката која спомена дека не можеме да бидеме предодредени за да бидеме апатични зошто амигдалата е виновна за тоа.

 

Членката само малку повеќе преувеличува некое свое чувство на незаинтересираност за личностите околу себе веројатно затоа што не е опкружена со инспиративни ликови за неа (или така сака да мисли) или период е на апатија, па се оди во крајности. Како си заинтересиран само за наука и уметност а не за луѓе, од кого и за кого се твори? Само за себе и свои лични потреби? Значи твојот живот (ти) е битен.

 

Роуз, ја сфаќам твојата филозофија, но мислам дека некои од членките што зборуваат за емпатија, за чувства се spot on... Ете, по животниот пат не си успеал да станеш ни научник, ни уметник, ни математичар... дали треба за себе да си кажеш - Еј чекај, па јас не вредам!!!
Вредиш и тоа како. Сите сме им битни на родителите. Полна соба ќе биде секогаш поубава од празна. Со што се полни една соба, со дипломи или со луѓето кои ги сакаш? Не велам дека дипломите не се битни, но и да ги имаш и да ги немаш, нема со нив да си легнеш навечер. Отвори се и опушти се, ова како совет, некогаш можеби ќе бидеш повредена, но некогаш и пријатно, многу пријатно изненадена, а тоа верувај вреди. Јас што читам по темиве, се уште осеќам дека треба да работам на себеси, некои членки кога гледам како се способни за се, зборам за мајките, за сопружничките, тоа ми се баш супердевојки, идоли, огледала.

 

@+++ Амигдалата, секако, претставува една од двете групи на јадра во облик на бадем, лоцирани длабоко и медијално во рамките на темпоралните лобуси на мозокот кај сложените рбетници, вклучувајќи ги и луѓето. И како таква, игра примарна улога во процесирањето на меморијата, одлучувањето и емоционалните реакции, амигдалата се смета за дел од лимбичкиот систем.

Би рекла дека, меѓу многуте ориентации и размислувања кои ние ги развиваме со помош на уредувањето на амигдалата, и PTSD (posttraumatic stress disorder) спаѓа во нив.
PTSD, или познато како посттрауматското стресно нарушување е исто така процесиран од мозокот и има поврзаност со амигдалата.

Јас, како лице кое сум го поминала посттрауматското стресно нарушување, а и сеуште имам последици,веројатно во траумите, кошмарите, начинот на кој сега го гледам светот и како живеам, би рекла дека наоѓам поврзаност со она кое го кажа бидејќи амигдалата може да биде одговорна за емоционалните реакции на оние кои имаат или имале PTSD;

Инаку, во поглед на изреката ,, No lives matter ,, би рекла дека има честа конфузија кај луѓето кога се сретнуваат со оваа изрека.
Луѓето кои ја поддржуваат изреката ,, All lives matter ,, секако ја гледаат другата изрека како спротивна на нивната и поради тоа тие сакаат нивното верување уште повеќе да дојде до израз и да го оправдаат, притоа сфаќајќи ја другата изрека на погрешен начин.

Карактеристиките, особини, чувствата, како и самиот начин на однесување кај луѓето кои се водат по изреката ,, No lives matter ,, манифестираат живот во кој поединецот живее само за себе, а не за другите.
Затоа и повеќето мислења на останатите луѓе не му се битни.
Има цел да ги исполни своите желби и потреби, и поради тоа не се фокусира на останатите луѓе во неговото опкружување.
Но сепак и од ова може да има отстапки ако поединецот гледа некаква корист од одредени луѓе за кои смета дека можат да му помогнат, или пак, запознае човек кој има исто, односно слично размислување како неговото.
За некои луѓе поединецот има, а за другите нема почит иако не ги разликува луѓето по пол, вера, раса, националност бидејќи сите луѓе во неговите очи се исти.

Затоа, многу луѓе го помешуваат ова со депресијата, што дефинитивно не е точно.

Бидејќи за да бидеш во депресија, треба да престанеш да се грижиш и за самиот себе, да не чувствуваш надеж или мотивација.

А оние кои се водат по изреката ,, No lives matter ,, секако се грижат главно за себеси, нивните желби, потреби, мотивирани се да остварат се што сакаат, ама кај нив е исклучено чувството да се грижат за другите.

Тие ја гледаат големата слика дека сите луѓе се исти и еднакво небитни во споредба со универзумот, како и дека сите тие спаѓаат во тоа сценарио ама истовремено сакаат максимално да го искористат своето ограничено време на оваа планета, живеејќи за себе и правејќи го она што нив ги прави среќни - бидејќи сфатиле дека среќата лежи во нив а не во другите. Всушност, можам да кажам дека овие луѓе се едни од најголемите реалисти.

Ова го објаснувам од генерален аспект ... темава секако не е отворена за мене лично;

Затоа продолжете со дискусијата без давање совети, дијагнози и слично.

 

Во право си за тоа, и ти благодарам за твојот добронамерен коментар, ама тоа што се споменува, а е поврзано со емпатија и чувства се гледиште е од личната перспектива на размислувачот, односно во овој случај, на останатите членови.

Секој има право да го живее животот како што сака, како и да има мислење за истиот.

Затоа и на оваа тема секој може да се искаже во поглед на тоа како го гледа животот, релевантноста и улогата на сите луѓе на оваа планета.

Ме радува тоа што имаш идоли, секако, мислам дека и секој има идол на кого се потпира и црпи инспирација.
И јас самата си имам неколку идоли
Ама зависно од тоа што сакаш да постигнеш во животот, претпоставувам дека секој има различни идоли.

 

@Briar Rose, да употребиш некаква, божемна филозофија која од самиот назив асоцира на обезвреднување на животот (на луѓето), дехуманизација и сл., само и само да кажеш нешто толку просто ко грав - дека човек не треба да биде повлијаен од туѓото мислење, осуди, навреди... is wrong on so many levels.
Во ред е да изгради човек штит, да се одбрани од зли јазици...сите го правиме. Но, не е во ред да се забарикадира до степен да не допушти никој.



Сите минале и ќе минат низ некакви трауми, некои поголеми,некои помали. Сите излегле променети. Во која насока ќе се промениш, и каков човек ќе си и како ќе дејствуваш и каква ќе е твојата интеракција со другите, од тој момент натака е твој избор. Можеби човек не може да избере, да промени нешто во врска со изворот на траумата, ама, може да избере во каква личност ќе порасне.

 

@zhap4e мислам дека луѓето кои се водат по изреката "No lives matter" не се баракидираат претерано од остатокот од светот бидејќи инаку како би ги оствариле своите потреби и желби?

Тие можеби се во контакт со луѓето, но нивното размислување за нив, како и самото постоење на човештвото на планетава е различно

 

@Briar Rose, се е тоа во ред. Крај краева, тие може живеат и функционираат слично на начинот на кој јас функционирам - detached и сепак сум хуманитарец

 

Знaчи сепaк се сведе нa -ничиј живoт не е вреден, oсвен мoјoт. Кaквa е тaa филсoфијa, плaсирaј кoј јa нaпишaл и мaлку пoдетaлнo зa неa дa видиме нaчини, пoследици. Или дaј линк дa прoчитaме.

 

https://en.wikipedia.org/wiki/Existential_nihilism

https://en.wikipedia.org/wiki/Being_and_Nothingness

https://en.wikipedia.org/wiki/Existentialism_and_Humanism

 

Претпоставував дека за нихилизам и негови варијации ќе сакаш да збориш ама требаше поинаку да ја поставиш темата и поконкретна да си. Ниче и Сартр? Не застапуваат баш такви теории какви што ни претставуваш, поточно не на тој начин на кој ги претставуваш и има многу повеќе од -мојот живот е битен, ничиј друг. Вака твоето е многу пусто претставено.

 

@Bridget моите соученици и колеги од Канада често ја користеа оваа изрека, односно "No lives matter" кога дискутиравме на училиште за тоа.
И нејзиното значење главно се базира на Егзистенцијалниот нихилизам, која е филозофската теорија дека животот нема суштинско значење или вредност. Во однос на универзумот, егзистенцијалниот нихилизам сугерира дека еден човечки или дури и целиот човечки вид е незначаен, без цел и веројатно нема да се промени во целокупното постоење.

Можеби требаше да бидам поспецифична и да ја наречам темата Егзистенцијален нихилизам ама оваа изрека беше особено асоцирана со оваа филозофска теорија, па сакав да видам како овде се сфаќа истата и како/дали се поврзува.

Сепак, ако сметате сите дека треба да се смени насловот на темата, јас немам никаков проблем со тоа ...

 

Насловот и не е толку спорен, пошироко објаснување фали оти вака се врти цело време околу едно исто, неколку реченици кои објаснуваат поим во најтесна смисла па дискутираме така како што сме го сфатиле т.е ни бил претставен.

 

@Bridget

Секако, сосема те разбирам Можам понатаму да напишам пост кој ќе биде како вовед за гореспомнатата филозофска теорија, а модераторите да го променат насловот за да не дојде до збунетост.

Инаку, да те прашам, кај кој модератор можам да се обратам да го промени насловот?