Имаше пишано за тоа дека може, ама дека треба размак од 30мин. https://www.instagram.com/p/CAqGmAKnkMn/?igshid=lh20u7maniua
Дилема.... На Deciem ги читав сите серуми со Ц-витамин на The ordinary, и без разлика на концентрацијата на Ц-витаминот, на сите го пишува следното: "Directions: Apply a small amount to face in the AM or the PM (PM preferred)". Моиве се на Revox, таму па пишува за Ц-витамин дека е денски серум. И сега? Дали е подобро наутро кофеин серум, па нијацинамид, хидратантна крема па спф крема ; навечер да го ставам витамин Ц +ноќна крема? Или да си терам како што почнав, Ц преку ден, а нијацинамидот навечер? Тешки маки
Пишувам после месец дена користење на нијацинамидот многу сум задоволна,има разлика,лицето помазно,пудрата убаво легнува на лице, и ми е исчистено.
Мене ме интересира дали некоја имала слично искуство и дали е ова ок. Од скоро го исчистив лицето од акни и последно го земав Ревокс серумот салицилна киселина. За само 5 користења лицето ми сјае и не ми се масти, но ми излегоја на површина доста бубулички што ми биле поткожни, површински или долго ме мачеле и сега се сушат. Исто и со флеките. Дали е во ред салицилната да ги поттикне да излезат на површина и сега да се лечат? Не се премногу и ниедна од нив не е страшна, но стравувам бидејки имав да речам почисто лице пред користењето. Додека пак црнките ми ги извади толку на површина и ги отстранив, да тие места буквално ми обелеја, презадоволна сум. Сепак напоменувам пак, само 5 користења до сега, секоја втора ноќ.
Пишав и претходно мислам, и мене ми ги извади акните, ми созреаа и излезе гнојот од нив. Имам уште две три останати, но при крај се и тие.
Гледам и девојки на моја возраст (21 година) користат хијалуронска киселина па се спремав и јас да ја купам. Пред тоа бев во аптека за спф и фармацевтката кога ми одбираше по состав ме праша за години и ми рече дека не ми препорачува одредена крема затоа што содржи хијалуронска киселина. Понекогаш кожата знае да ми е ептен сува околу носот и на челото па не знам дали да купам хијалуронска или да терам со кремите за хидратација што ги имам?
Хијалуронската киселина само помага да се задржи влажноста на кожата, само кај нас за жал ја претставуваат како некоја посебна состојка против брчки, што не е така. Купи си слободно, но обавезно врз неа крема доколку се решиш за серум. Ако има во самата крема тогаш ти е доволно сега за сега.
Има такви што завршиле факултет и тука останале со знаењето. За жал некои не се интересираат да се надградат и да бидат во тек со поновите истражувања. Јас имав рецепта за Роакутан и девојката поима немаше што е тоа иако и кажав да пребара и како Акутан, па и кажав дека е тоа е вит. А итн. и на крај видовме дека нема. Не е важно, преминав на друга тема
Имам скоро 30 години и ми препорачаа да го купам серумот со хијалуронска киселина. Го нанесов неколку пати, но ми се исфрли лицето. Дали некоја од вас имала слично искуство?
Немав такво искуство но го гледав James Welsh кој имаше такво искуство. Тој забележал дека и во другите производи што ги користи има хијалуронска што допринело да користи всушност многу и да се исфрли. Мислам дека на кожата и треба неколку дена да се привикне, а и можеби ставаш поголема количина од што треба. Исто така важно е да ставиш крема врз неа, во спротивно ќе ја собира влажноста од твојата кожа и со тоа може да се исуши и иритира.
Која е разликата меѓу Revox & Ordinary? Читајќи ве Вас овде, планирам од Октомври да почнам да ги користам
Едните се поефтини, другите поскапи и едните ги има во мкд, другите не. Јас искрено задоволна сум од Ревокс и не би ги сменила за Ординари.
Мислев дека има разлика во составот, и слично. Ординари знам дека ги нема овде...Ревокс мислам ги има во ДМ...Ти благодарам за брзиот одговор. Додека одев на третмани за акните, дерматологот ги користеше оние на Хаушка, ама мене ми се скапи за приватно јас да ги користам.
