Зависи. Не може одговорот да биде да или не. Зависи од кожата. Силиконите освен што не дозволуваат хидратацијата да „замине“ од кожата, правејќи обвивка околу кожата ги заробуваат на еден начин и штетните бактерии, мртвиот епидермис и други нечистотии, кои во моментот се нашле на кожата, кои пак така затворени можат да ја влошат ситуацијата со акните. Значи самите силикони по себе како состојки не предизвикуваат акни, но индиректно преку нивната карактеристика можат да предизвикаат. Ова особено важи за осетлива кожа склона кон акни. Лично јас во овој случај би советувала избегнување на производи со силикони.
Ова е посоодветна тема за овој пост. Што се однесува до маслото што го напомена: Прво, ме буни дека се нарекува масло, кога основата му е вода. Барем со тоа скромно знаење што го знам не гледам масло во состојките за да се категоризира како такво, а и самото име му е Cleanser FLUID, не OIL. Ако некој повеќе се разбира, нека ме поправи. Ова е важно, бидејќи ако е масло, би го користела како прв чекор во рутината навечер и потоа би следело миење со гел, но тогаш не би имала потреба од мицеларна вода, бидејќи ќе испадне 3 пати да го миеш лицето. Ако не е масло, тогаш би го користела наместо гелот. Во било кој случај, при користење би го оставила минутка на лице за да се впијат киселините, па потоа би го измила. Поради тоа што веќе во себе содржи AHA и BHA, не би ги користела AHA и BHA серумите истовремено со овој чистач. Ако не е масло и ти е всушност замена за гелот, не знам како да го искомбинираш со останатите производи бидејќи буквално сѐ што ти нуди веќе имаш: чистач (гелот), AHA и BHA серум. Евентуално да го користиш еднаш или повеќе пати седмично наместо гелот. Ако е масло, пак важи истото дека веќе имаш AHA и BHA серум, ама и не мислам дека е препорачливо AHA да ставаш секој ден (а BHA е ок). Ама ако веќе си го купила, најди начин да го вметнеш можеби до кај 3 пати седмично.
Имав купено салицилна киселина,знам дека навечер се користи по 1-2 капки Ама дали и е намената за црвени флеки од акни? и на колку време се користи
Ќе ти помогне и за флеки, бидејќи салицилната прави (во помала мера) и површинска ексфолијација на кожата, меѓутоа тоа не ѝ е примарната улога. За флеки повеќе ќе ти помогнат AHA киселините, нијацинамид и аzelaic acid.
Azelaic acid go kupiv ama deka ima silikoni ne go koristam da ne se isfrlam nesto a taman se spasiv od bubulicive
Девојки, вие сте цареви! главата шашми ми ја направивте со киселиниве, серумиве. Немам користено досега ништо такво а сакам да почнам. Имам 28 години, чисто лице со по некоја пегичка и комбинирана кожа. Масна Т зона и суви до нормални образи. Дали е во ред да почнам со Витамин Ц Revox серумот наутро и навечер некоја од киселини што ги спомнувате? Можам да додадам на ова и кофеин серум за темни кругови под очите? Не се разбирам многу во козметики чида, па ми е страв да не го спалам лицево, а сакам да го негувам.
Можеш (и за витамин Ц и за киселините), само од тоа што сакаш да таргетираш зависи и која киселина. Можеш да го користиш и кофеинскиот серум, но ако темните кругови ти се генетски (ги имаш цел живот), најверојатно нема да ти помогне во нивно осветлување. Во секој случај, кофеинот е добар антиоксиданс, па ќе се бори против слободните радикали од околината кои ти ја стареат кожата.
Барам мислење за производиве на Revox (revuele). Имам 21 год. комбинирана кожа на која и треба хидратација. За почеток сакам да го земам серумот со хијалуронска киселина па истражив на нет и видов дека треба да се користи на влажна кожа а потоа да се стави крема за лице што содржи некаков вид на силикон за да ја спречи киселината од испрарување после апликација. Планирам да ја користам хијалуронската навечер после двојно чистење, е сега гледав на торба.мк има креми од истиве па ми падна на око Hydralift Hyaluron Day/Night Cream Spoiler http://www.torba.mk/lice/hydralift-hyaluron-day-cream-fluid-50ml http://www.torba.mk/lice/hydralift-hyaluron-night-cream-fluid-50ml двете содржат силикон, па сакав да прашам дали некој има искуство со нив или дали би одговарале во вакваа комбинација. Исто така, што би препорачале повеќе Revox Hyaluronic acid 5% или Revuele Hydra Therapy serum (комбинација од хидроманил + хијалуронска киселина + АХА и БХА киселини)
Јас би ти ја препорачала хијалуронската на Revox, бидејќи ако наеднаш воведеш многу нови состојки имаш поголема шанса да ја иритираш кожата. Исто така и многу хијалурон може да ти ја исфрли кожата, освен ако имаш баш сува кожа. Јас би ти ја препорачала оваа крема, според состојките е ок и доста е фалена тука.
Мене не ми прави проблем, иако има силикони во составот. Баш правев споредба со на The Orinary Аzelaic acid, сличен состав имаат. Веројатно силиконите се присутни за да се овозможи подобра апсорбција на активната компонента во кожата, не знам...
И јас баш споредував ама можеби ќе ја оставам за понатаму дека моментално користам нијацинамид,сона и салицилна па да не ми дојде премногу. Да видам прво како ќе реаѓира лицево на салицилна дали ќе има некој ефект иако сега за сега ми се допаѓа
