Revox серуми за лице

Цветче, и јас имам многу мрсно чело и ниацинамидот ми го среди себумот. Паралелно ја ставам и оваа крема само на челото.

 

Искрено, презaдоволна сум од Ниацинамидот во комбинација со мат кремата на La roche, меѓутоа ефектот не трае којзнае колку. Меѓувремено го чистам со влажни марамици на Нивеа за лице. Да ти кажам дека засекогаш ќе се ослободиш од маснотијата, ќе те излажам. Масното лице бара константност и упорност, доста е захтевно за одржување. И секако сабајле и навечер да го миеш со некој нежен гел или сапун специјално наменет за лице.
Оние црните маски за црнки се само маркетинг. Прво страшно ме иритираат, а второ не дека има некој ефект. Со оглед дека имаш масно лице, ти препорачувам два пати неделно да го третираш со глинена маска. Да не должам, салицилната ми беше океј, ама ниацинамидов е уште подобар, чисто лице, неиритирано, намалени пори.

 

@GrimTheReaper @NarCis@
Јас купив една маска за лице со глина, Сина ума се вика. Порано ја користев и ми го направи лицето стакло. Сега ја земав скоро и до сега 2 пати ставив, ќе продолжам. Јас си имам комбинирана до мрсна кожа , но овој месец претерано ми свети лицето.

Не стасав да дочитам па да прашам, Ниацинамид можам или на сабајле или навечер, така? И не ми се смејтеНарцис оваа крема е со спф или да барам и плус друга?
Која би била постапката?

Бидејќи до сега сум пробувала повеќе работи и сум ги фрлала, сега би пробала со нешто поефтино за почеток за да не биде пак џабе фрлени пари
.

 

Ниацинамидот можеш и сабајле и навечер, пред кремата. Инаку оваа не е со фактор. Со фактор ставам башка, ама само ако излегувам. Почни со ниацинамид, јас за брзо имав добри резултати.

 

Јас од сабајле го ставам. Навечер имам друга рутина, со други продукти.

 

Пробај ја салицилната киселина. Можеш да ја употребуваш 2-3 пати неделно како дел од ноќната рутина. Би требало да ти помогне со чистење на порите и црнките.
Витаминот Ц, ако не си го фрлила, можеш исто да го вметнеш во ноќната рутина. Можеш да употребуваш еден ден витамин Ц, еден ден салицилна киселина. И преку ден задолжително крем со заштитен фактор.
Почни прво со овие два серуми, па понатаму ако сакаш вметни и ниацинамид за регулација на лачењето на маснотии.

 

Здраво , да ве прашам дали серумите можат да се користат додека сум на одмор на пример, дали можам да се сончам со претходно ставени серуми на лицето?

 

Само вит ц или хијалуронска, се разбира после тоа спф 50+. Иако мислам дека е подобро само кремата.

 

Zdravo na site,jas sum nova na forumov ama.redovno ve citam.e sega da se vratam na temava,imam 30+godini I problematicno lice so akni,luzni od akni,crnk itn.redovno go neguvam ama.nisto ne pomogna ni bioderma ni la roche,pa resiv da pocnam so serumi revox.mojata rutina e sledna: nautro mienje so gel la roche.pa tonik roche pa serumot od healuronska kiselina I na kraj od revox kremot so spf. A na vecer mienje so gel custenje so tonik rerinol revox,pa serum neacinamid I na kraj azelaicna kiselina krema.ednas nedelno ja koristam aha+bha piling I dva pati nedelno retinol serum vo kombinacija so niacinamid.sakam da prasam dali e vo red ovaa rutina

 

Многу ова по ред, има ли ефект или?

 

Squalane се нанесува пред или после крема?

 

Ovaa rutina pocnav da ja promenuvam edna nedela skoro, a za rezultati ke se strpam.barem.eden mesec

 

Вечерната рутина ти е премногу натрупана,ретинол,ниацинамид,азелаична….
Или ретинол или азелаична киселина. Ретинолот не е за акни туку за затегнување на лицето и се става откога ќе го средиш лицето од другите проблеми. Азелаичната е за акни,а ниацинамидот за чистење пори. Тука освен крема би било добро да ставаш хујалуронска киселина. Азелаична+хујалуронска+крема. Претходно миеш лице со гел.
Дневната сега пошто е топло витамин Ц плус хујалуронска киселина плус крема со спф.
Тоникот можеш да го вметнеш меѓу дневната и ноќната рутина ако имаш шминка па да го исчистиш лицето речимо.
Аха еднаш неделно по 5минути.
Иако јас аха сега би ја избегнувала дека е топло многу,би ја оставила за во зима.

Пробај вака ако сакаш,може некоја членка ќе ти даде совет плус.

 

Што повеќе слоеви, тоа помалку ќе дојде последниот производ до кожата, значи најдобро е навечер да нанесуваш наизменично од ниацинамидот и азелаичната. Во тоникот има мал процент на ретинол, така што ок е.

 

Ретинолот е мултифункционален и ем помага за акни, ем за подмладување на кожата. Впрочем, ретиноидите првично се користеле за третирање на акни (и сè уште се користат, дури и во орална форма - Роакутан) и дури отпосле се открила анти-ејџ карактеристиката. Поради ова, ретинодиите не се ограничени по возраст, туку можат и ги користат и тинејџери кои се мачат со акни. Кај нас најчесто употребуван ретиноид е adapalene (кремата Сона). Порано се употребувал и tretinoin (кремата Аирол), но сега веќе не се продава кај нас.

Од друга страна, ретинолот иако е послаб од медицинските препарати и нема толку истражувања зад него како за ретиноидните лекови (Сона и Аирол се третираат како лекови за кожни болести), сепак има доволно истражувања според кои се заклучува дека тој би дал сличен ефект како нив, но би требало многу подолго време (што сепак зависи и од сериозноста на акните - кај некого може веднаш да се реши тој проблем само со ретинол). Можеби не кај нас, но мислам дека во странство дерматолозите ретинолот го препорачуваат кај луѓе кои не можат да ги толерираат ретиноидните лекови затоа што им се прејаки.

Така што, за лице со акни баш подобри резултати може да се добијат со ретинол отколку со другите работи пред да го средат лицето од другите проблеми. Покрај ова, ретиноидите помагаат и за хиперпигментација, црнки итн. Затоа и се сметаат за „кралеви“ на козметиката, затоа што има толку многу придобивки од нив, и се справуваат со најчестите кожни „проблеми“: акни, хиперпигментација и брчки.

Не би можела да го користи тој тоник за таа намена, затоа што тој не е мицеларна вода и не може да го исчисти лицето соодветно. Би било исто како со серум да ја вади шминката. Во секој случај, тој тоник не е баш со ретинол, туку со retinyl palmitate - ретиноиден естер, т.е. најслабата форма на ретиноидите за која не се знае воопшто дали има анти-ејџ ефект. Повеќе може да се смета само како антиоксидант, што само по себе придонесува за анти-ејџ ефект, но не на ист начин како појаките ретиноиди. Сепак, треба да се направат повеќе истражувања за да се утврди или демантира ова.
@Skorpija88, ова можеби би те интересирало и тебе, затоа те означувам.

 

se slozuvam so se sto napisa, jas istrazuvam veke nekoe vreme pa zatoa go dodadov vo rutinata

 

Ти имаш поголемо познавање но во практика е сосема друго. Јас го користев ретинолот и џам ми го направи лицето, но потешко упиваше кај мене и ми создаваше whitedheads затоа и реков да го користи од кога ќе го исчисти од акни.
Дозволи барем ние што сме го користеле да си кажеме мислење затоа што секоја кожа индивидуално е сама за себе.

Друго не знаев дека тоникот содржи ретинол така да,можеби имаш право.

Јас пре би почнала така како што и напишав да види,да види да не и дојде многу па потоа да се смени нешто, да не испадне дека не и одговара нешто.
Едино азелаичната би ја заменила со салицилна киселина, но дека веќе го има продуктот нека го потроши па може да проба салицилна.

Ете доби супер совети

 

thank you

 

Прво, јас не спречувам никој да каже свое искуство или мислење.

Второ, зборуваме за состојка, не за конкретен производ. Ти си пробала еден, два, пет, еве 10 производи со ретинол нека се. Се разбира дека не мора да значи дека секој ќе ти се допадне или дека ќе ти се погоди. Во тие производи, освен ретинол, се користат и други состојки, од кои зависи каков ќе е целокупниот производ. Јас пишував за придобивките и карактеристиките конкретно на ретиноидите и на ретинолот. Тоа не значи дека секој производ што содржи ретинол ќе биде исто ефективен или исто добар, како што веќе споменав.

Трето, знам дека секоја кожа е различна. Некои луѓе воопшто не можат да го толерираат ретинолот, некои се и алергични на него. Но тие што го немаат тој проблем, ги добиваат тие придобивки, се разбира во поголема или помала мера, и тоа ќе зависи ем од кожата, ем од производот. Не сфаќам како е поништување на нечие искуство да зборуваш за механизам на делување на некоја состојка. Тоа е исто како да зборуваме за придобивките на јаболката во целина на пример, и сега тоа да не е валидно затоа што некому не му се допаѓаат јаболка, друг каснал скапано јаболко или трет е алергичен на нив.

 

Некогаш признај дека грешиш, наназад ми имаш зборувано да направам обратна рутина односно да ја нанесувам хујалуронската киселина прво па ниацинамидот што и те послушав, и си направив проблем. Те тагнав тогаш и не ми одговори ништо. Тоа не ми одговараше, кога се вратив на своето се беше во ред.
Исто така ми имаше напоменето дека салицилната ќе ми ја исуши кожата што такво нешто не се случи.
Напротив со едно пакување ги средив акните,една година не сум употребила второ пакување.
Од Ретинол само едно користев со сквалан.

Пак ќе кажам имаш поголемо познавање и тоа е во ред, си истражуваш и се тоа, јас тоа го почитувам, само и дадов идеи од моето мало познавање на крај она ќе си одлучи.