Сиа Фурлер е родена на 18 декември 1975 година во Австралија. Таа е пејачка, но исто така и текстописец чии хитови ги има напишано за Мадона, Ријана и Бијонсе. Својата кариера ја започнува во раните '90 години во една музичка група. Сиа долго време патеше од депресија и беше зависна од алкохол, па дури и размислувала за самоубиство. Има издадено шест албуми од кој најновиот го издаде минатата година со наслов "1000 Forms of Fear". Нејзиниот најголем хит е "Chandelier" кој речеси достигна гледаност од 1 билион. Тука се вбројуваат и хитовите "Big girls cry" и "Elastic heart" каде што во нејзините спотови се појавува талентираното девојче Меди Зиглер (Maddie Ziegler) со нејзиниот неверојатен талент за танцување. Сиа е исто така позната по тоа што никогаш не го покажува своето лице додека настапува со некоја песна пред публиката или е завртена со грб спрема нив. Таа објаснува дека го крие своето лице за да биде помалку препознатлива, затоа што никогаш не сакала да биде позната, бидејќи сака да живее скромен и нормален живот и затоа што музиката е за ушите, а не очите. Кон крајот на септември оваа година таа ја објави својата најнова песна "Alive" која била предвидена да ја изведе популарната пејачка Адел, но ја одбила. Сиа и предложи на Ријана да ја изведе оваа песна, но и од неа добила негативен одговор. Сиа долго време патеше од депресија, од алкохол, па дури и размислувала да си го одземе животот. Нејзината состојба уште повеќе се влошила кога ја добила веста дека нејзиниот дечко загинал во сообраќајна незгода во 2004 година. Покрај тоа, таа има и недоразбирања со нејзиниот татко затоа што, како што таа вели дека е човек со две личности. Во едно интервју изјави дека во еден момент е најдобриот татко на свет, а додека во наредниот е сосема друг човек и тогаш настанувал ужас во нивната семејна куќа. Таа исто така изјави дека сопствениот татко и завидувал на нејзиниот постигнат успех како пејачка. Во август 2014 година таа се омажи со продуцентот Ерик Андерс. Венчавката била оддржана во нејзината куќа во Палм Спрингс, Калифорнија. Што мислите за нејзините песни и дали ја слушате? Која песна ви е омилена? Можете и да ја постирате. Секако, можеме и да дискутираме се во врска со неа, нејзината кариера и живот. Па, повелете.
Прв пат слушнав за Sia во минатата сезона на Твоето лице звучи познато, кога Елена Ристеска ја имитираше. Песната што ја слушнав тогаш ми се допадна. Ме чуди зошто пејачкава не сака да си го покажува лицето. Сепак, се занимава со јавна работа.
^ Тоа што не го покажува лицето мислам дека е од што има некој проблем со кожата. Барем така прочитав некаде, не памтам каде беше. Ако не е така, поправете ме. Иначе, како пејачка, одлична е! Има многу добар глас и многу убави песни.
Ај да ја разработиме темава малку.... Веќе објави дека новиот албум "This is Acting" ќе го објави на 29 јануари 2016 година. Досега има објавено само две песни од албумот.
И јас слушнав прв пат за неа минатата година кога испадна песната Chandelier и оттогаш ја следам. Омилена ми е. Здравје, кога ќе испадне новиот албум ќе го нарачам (ако може). А за тоа што не си го покажува лицето е поради тоа што не сака да биде позната и препознатлива на улица, сака да живее скромен живот, и поради болеста. Во едно интервју кажа дека си го крие лицето затоа што музиката е за ушите, а не очите, што е потполно во право.
За мене Сиа е едно освежување на поп сцената. Интересно е што самата не се појавува, и има многу добро осмислени спотови, се презаситивме од тверкањето (кое всушност никад не ни било интересно) И јас прв пат ја приметив со Chandelier и просто неможев да одлепам очи од спотот. Elastic heart уште откако се појави ми е рингтон
Тоа со непокажувањето на лицето, нема никаква врска со никаква болест, туку не сака да биде критикувана и експонирана во јавноста, што самата го објаснила во едно интервју. Еве ја:
Прекрасен глас има, а за песните немам зборови. И нема промашај. Иначе страшно ме потсеќа на Карлеуша мислам онака физички според сликиве погоре а во однос на гласовните способности допирна точка си немаат
Ја слушав порано, многу одамна, уште додека бев средно, ама тогаш стилот и беше сосема различен. Оваа песна ја обожавав: А сега од новиве песни не ми се допаѓа апсолутно ништо, пренапорна ми е за слушање и кога ќе почне нејзина песна на радио веднаш го намалувам звукот, ме иритира едноставно. Не сум импресионирана ниту од спотовите и девојчето што танцува во нејзините спотови пак ми е префорсирано, ама ајде тоа е друга тема. Се' на се' -
Новиот албум на Сиа "This is Acting" е објавен на 29 јануари и е полн со песни кои биле одбиени од многу поп-ѕвезди. Токму затоа и албумот е именуван "This is Acting". Подолу е листата на песните и пејачите од кои се одбиени истите. Cover - This Is Acting 1.Bird Set Free - беше наменета за филмот "Pitch Perfect 2" како саундтрак, но ја одбија во замена за друга песна. Ријана и Адел исто ја одбија песнава. 2.Alive - Адел ја сними оваа песна, но во последен момент ја одби. Исто и Ријана ја одби песнава. 3.One Million Bullets - едниствената песна која Сиа ја задржа за себе. 4.Move Your Body - одбиена од Шакира. 5.Unstoppable - прво беше одбиена од Кети Пери, а потоа и од Деми Ловато.
6.Cheap Thrills - одбиена од Ријана. 7.Reaper - уште една песна одбиена од Ријана 8.House On Fire - одбиена од Кети Пери 9.Footprints - одбиена од Beyonce. 10.Sweet Design - уште една песна одбиена од Beyonce.
11.Broken Glass - уште една песна одбиена од Деми Ловато. 12.Space Between - повторно одбиена од Ријана. Што мислите, кои од нив требаше да задржи песна, а кои од нив со право ја одбиле песната?
Зошто упорно е одбивана од сите? Тоа не ми е јасно. Инаку мене омилени ми се дуетите со Еминем што и се,а во другите песни некако ептен се дере.А за глас има страшен! ане ја слушам скоро воопшто,ама отворив некои од овие одбиени шо се и баш добро би било да ги изведат Ријана и Бијонсе.И таа move your body на Шакира ептен би и одговарала.
Прв пaт Сиa јa слушнaв кoгa излезе дуетoт сo Flo-Rida Wild Ones, мнoгу ми се зaсвиѓa песнaтa и се мислев декa е црнкa дoдекa не прoгуглaв дa видaм кoјa е. Некaде прoчитaв декa билa срaмежливa и зaтoa нa нaстaпите не гo пoкaжувaлa свoетo лице. Мене ми е мнoгу убaвa и мислaм декa немa пoтребa oд криење, нo и вaкa ми изгледa мнoгу креaтивнa и свoјa. Штo се oднесувa дo музикaтa имa мнoгу песни кoи штo и ги сaкaм. Fire Meet Gasoline, Elastic Heart, Move Your Body ми се едни oд oмилените песни. Истo тaкa имa мнoгу јaк глaс. Јa oбoжaвaм.
