Прв пат сакав да порачам производи директно од сајтот на DECIEM, но никако не може. Проверувавме да не е нешто до лимитот на картичката, но апсолутно се' е во ред, не знам што е работата. Потоа се префрлив на lookfantastic, но ги нема сите производи. Не можев да го најдам Hylamide Booster Pore Flush. Од каде се исплаќа повеќе да порачам: beautybay или lookfantastic? Шипинг на првава колку е и на која од овие стигнуваат побрзо?
И на двете е мислам бесплатно над 25 долари. Бјутбеј стасуваат побрзо ама нема секогаш се' таму. На Лукфантастик има, ама некогаш и по 3-4 недели идат. Пази од Децием да не ти биде нарачката над 22е да не те царинат. Види муабет од претходна страна. Не ти треба бустер пор-от, нарачај Ниацинамид наместо тоа. Мислам дека на Хијаламид само од Децием можеш да ги земеш. Според мене, само со добра хидратација ќе ти се повлечат порите. И со Ниацинамид.
Конечно ми стигна нарачкава од Deciem после 3 недели, без царина. Досега читав на странава што како да ги комбинирам продуктиве, па може уште од вечер да почнам со некои. Инаку за почеток нарачав гликолна, хијалуронска, ниацинамидот и АХА&БХА од кои последниве планирам барем после 2 недели да ги вметнам. Имам само едно прашање можеби и глупо ќе биде за оние што се поупатени во продуктиве. Дали користите во една рутина (денска или ноќна сеедно) повеќе од два серуми?
Многу јаки киселини си зела, лагано со сите. И обавезно СПФ. Да не ме сфаќаш погрешно, мојата прва нарачка беше иста како твојата ама верувај дека со тек на време ќе увидиш дека се навистина многу јаки, така да, претпазливо. Една по една, црвениот пилинг здравје за некој месец откако ќе се уходаш со гликолната. (јас така направив) Да ти одговорам, можеш повеќе од два серуми (највеќе до три, според Децием) но јас подобар ефект гледам од употреба на еден серум. Пример, наутро само хидрирам, навечер ставам или киселина или алфа арбутин или ниацинамид. Некогаш може и денски да ставам ниацинамид, зависи од денот. Слушај си ја и следи си ја кожата, хидрирај, СПФ и нема да изостане добриот резултат.
После гликолната киселина можеш слободно да ставиш хијалуронска. Дури и се препорачува затоа што киселините можат да ја исушат кожата па и треба добра хидратација, а хијалуронот е баш тоа. Хидрира длабински.
СПФ-от немам гајле, наназад веќе две години ми е во рутина најмногу заради што имам кожа осетлива на сонце. Меѓутоа се` друго ми е онака баш ново и гледам претпазлива да бидам затоа што и најдобрата крема што на сите им одговара на пример мене ме исфрла. Ќе ја вметнам гликолната во вечерна рутина, со употреба преку два-три дена. По неа ниацинамидот и на крај кремата што си ја користам секојдневно. Хијалуронската ќе ја вметнам наутро, за да не биде навечер се` едно по друго, па ќе видиме како ќе одговара на кожава моја. Фала ви на одговорите.
Јас така правев ама последно прочитав, после гликолната, т.е. после киселините, само крем и масло за најголема ефикасност. Инаку се неутрализираат со др состојки врз нив. Дури некои викаат само масло, мене ми е така пресуво. Дефинитивно има поголема разлика вака, одма приметив и јас. Да не речеш ти се тупивме во темава, чисто онака и за др пишав да стои. Гуд лак
Некоја што има сува кожа и го корисѕи производиве, да ми каже која комбинација е најдобра. Сакам да си порачам, а притоа да не погрешам. Фала многу
Немаш утка со млечната киселина, хијалуронските и со масленцата. Ако немаш проблем со лицето, прескокни ги киселините и земи си хијалуронска и сквалан, или некое друо од маслата, за да ти се хидрира и освежи лицето, баш онака plump изглед ќе добиеш. Едит - и само со млака накај ладна вода лице миење. Јас дека се пресушував со вруќа вода
Дали некој користи алфа арбутин и азелаинската киселина? Ми треба за флеки од акни,кој серум да го нарачам? Мислам имаше и алфа арбутин со вит.ц
Азелаичната е како крем формулиран со силикон, мене лично не ми се допаѓа за наслојување. Арбутинот со Ц од друга страна е како серум со пипета, плус се две состојки за избелување флеки. Полесно за наслојување, ако намачкаш крем врз серумот нема да ти дојде пренатрупано. Индивидуално е каква формула сакаш, имаат ефект и двете.
Јас ги имам, мене топ ми се. Алфа арбутинот ми е 10 од 10, и мене и на другарки околу мене, нема утка. А азелаинската многу убаво ме тонира ама и ме суши, за неа 7 од 10. Витамин Ц ми е онака, ок ама ништо посебно. Фино е за сјај, особено пред шминка. Ако ставаш. Јас како дежурна на темава, ај сама ќе си одам
Мене ме интересира дали ја имаш таа natural moisturizing factors пробано, и ако можеш нешто повеќе за хијалуронската што ја имаше во другата тема за креми за лице спомнато да ми кажеш?
Ја немам, другарка ја има и не ја бендиса некако. Другарка ми има помрсна кожа и рече дека ја потело. Се мислев да ја нарачам оти @Mishela ја фалеше, а мене секако ми здосади Виши, ама на крај ја зедов Хада Лабо и сега нема да ја сменам. Имам пробано од две хијалуронски, алфа арбутин + ХА и ХА + Б5 (еднаш од кај мајка ми земав) и двете се одлични. Како водичка да ти се напило лицето. Сега и јас си ја нарачав ХА + Б5. У принцип, се ставаат на влажно лице, се „затвораат“ со крема, ставаш и масло ако има потреба над тоа. Во комбинација со добар тоник, ненормално добра свежина даваат на лицето. Сите пори ми се измазнија од тоа и од ниацинамидот. Алфа арбутинот е добар за белеење лузни од акни, флеки и пигментација. Шо друго те интересира, пиши, ќе споделам искуство. Ако добро памтам, и ти имаше со милиа околу очи мака. Е тие уште ми стојат и веќе изгубив надеж дека некогаш ќе ги немам.
Мене многу ми се погоди NMF+HA. Кога му го пишувам имево со кратенки имам чувство ко да пишувам хемиска равенка. Многу добро кремче. Преку лето доволно ми беше самостојно нанесен, сега го мешам со неколку капки масло од роза. Феноменален и како подлога за пудра. Најчесто така и го користам, подобар е од прајмер не ми се лизга пудрата од лице како кога ставам прајмер. Го ставам навечер, откако ќе завршам со серумите, помешан со масло. Ниту ме поти, ниту ми ја замастува кожата. Како за моево лице да е измислен, до толку ми е убав. Си ја нарачав пред некое време големата туба од 100мл, сега раат сум. Сабајле ставам само тоник, Niacinamide, Хада Лабо кремата и крема со зф, а навечер тоник, млечна к-на, HA+B5 и NMF со масло. Некогаш наутро вметнувам витамин Ц, некогаш не (и задолжително фактор 50ка на крај), како ми дојде. Го имам тој што е како крема во туба и не е лош, ми се свиѓа, ама ме нервира тоа што малку е како текстуриран па да го потрошам ќе пробам некој друг. Битно кремов NMF+HA ми е нешто најомилено од TO после млечната киселина.
"Никој не ме вика ама сам доаѓам" NMF+Ha е одлична крема за парите, реално 100мл испаѓа околу 400денари. За пролет лето е екстра, за зима си бара повеќе хидратација, како @Mishela и јас ја мешав ама со 100% скваланот. Супер е за под шминка, не ми мрда пудрата, брзо се впива само има "трик" за нанесување, да се размачка/загрее на дланката. Иако и јас претпочитам гелести креми, оваа четири пати ја нарачував, а ми трае богами со месеци и месеци. Си нарачавте нешто ново од намалението? Јас му се мислам на Витамин Ц правот ама со што би го мешала
Така, меѓу прсти да се размачка за да се загрее и втриваш во лице. Не знам, поубав хидратантен крем не сум нашла за мојава кожа. Лицето наутро ми е како свилено, со таков радиант глоу. Не памтам кога последно сум се разбудила со мрсно лице и нос полн со црнки, има огромна разлика од пред една година - толку бидна откако ги вметнав продуктиве од ТО, дури не ми се верува. И јас го гледав правот, ама многу ме нервира тоа што ќе морам да се шлакам да го мешам па нема ни да го земам. Можеби со маслото од марула или тоа од роза? Нагаѓам само, немам читано со што и како може да се меша. Каков витамин Ц користиш ти? Убав е тој што го имам јас (Vitamin C suspension 23% + HA Spheres 2%), ама на допир ептен ја осеќам текстурата и почна да ме нервира. А за ефект, има и тоа како. Не знам дали некој течен серум повеќе ќе ми се допадне, полесно ми е да редам слоеви со серуми него ли со креми.