The Ordinary продукти за нега на лице

Дали плати нешто дополнително?

 

Не, ништо.
Едната нарачка ми беше околу 40 евра, другата 25 евра.
Стигнаа уредно пакувани за што сум многу пријатно изненадена.

 

Ми стигна хемискиот пилинг на the ordinary. Е сега знам дека се става на суво лице еднаш неделно и после тоа не смее ништо освен крем. Ама колку минути треба да го држам и дали овој период може да се користи или рано е дека надвор се уште е јако сонцето? Јас читав дека треба да се остави 10 минути и да се измие, а некои викаат дека ако е прво користење се користи 1 минута и секоја недела се накачува по 1 минута додека не дојдеш до 10 минути и после константно така да го користиш за да навикне лицето.
Може некој што е повеќе стручен да ми објасни? Благодарам

 

Јас го користам подолг временски период, веќе неколку години.
Го користам еднаш неделно, на веќе измиено, суво лице.
Првиот пат пилингот го оставив на лицето 5 мин, па секој нареден пат зголемував по една минута.
После миењето, ставам тоник па хијалуронска киселина и завршувам со хидратантен крем.
Често пати користам и sheet маска, ја оставам 10 - 15 мин, па потоа завршувам со хидратантен крем.
Иначе, јас лично го користам во период од септември до април, евентуално и мај ако не е јако сонцето.
Го користам навечер, па наредниот ден се трудам да избегнувам излегување на сонце. Ако треба да излезам, користам крем со заштитен фактор.

 

Јас прво го мијам лицето со Клинсер па го бришам. Потоа ставам од пилингот и оставам да стои 10 мин. Со ладна вода измивам и ставам крема.
Претежно го ставам навечер.

 

Кимберли, ако се сеќавам добро, претходно немаш користено друга AHA. Овој производ е доста јак, и во самото упатство пишува дека е наменет за луѓе кои имаат искуство со, т.е. претходно користеле киселини. Не велам дека не постојат луѓе чиешто прво екфолијациско дејство им било овој производ и поминале во ред, меѓутоа одиш на ризик дека ќе те „спржне“ повеќе отколку некој што претходно користел AHA. Ако веќе одлучиш да го користиш како прва AHA ексфолијација, внимавај, не го оставај подолго од 5 минути, а ако чувствуваш поголема реакција, отстрани го и порано.

 

Може да ме пече или гори? И дали можам само да бидам црвена или лицето ќе ми го изгори? Не знам стварно што да правам.. од киселини само салицилна и азелеична имам и тие ги ставам. Или да пробам на тие места каде што ми треба најмногу како флеките од акни

 

Ќе осетиш пецкање, ако трае подолго од пет секунди или неиздржливо тогаш веднаш измиј се.

 

Искрено, не сум го користела, знам само од тоа што сум слушала. Има хорор приказни со овој производ, но тоа биле (неодговорни) луѓе кои го оставале подолго (пример 1 час). Ако си внимателна и не го оставиш долго време, веројатно ќе е ок, ама тоа најдобро ќе го знаеш ти откако ќе го нанесеш. Можеш прво да пробаш на мала површина, не мора цело лице наеднаш да го мачкаш. И не мора да ставаш којзнае колкав дебел слој. Знам дека е нормално да чувствуваш некое пецкање и можеби е нормално дури да имаш и благо црвенило после употреба, ама не треба да е претерано, да те боли или да се чувствуваш како да гориш.

Еве нека кажат другите кои го користеле.

За во иднина, ако купуваш од ТО, пробај mandelic acid 10% или lactic acid 5%, па потоа пробувај повисоки концентрации на AHA.

 

Многу ти благодарам што ми објасни толку детално. Ептен малку ќе пробам кај некои флеки и ќе држам 1 минута не повеќе за да видам како ќе реаѓира и после тоа ќе намачкам со пантенол крем

Ви благодарам и на вас @buba4e89 @Sleepy

 

Може да ми препорачате комплет рутина од ТО за нормална/сува кожа склона кон брчки (30+). Планирам Granactive Retinoid 2% in Squalane како за почеток, хијалуронска, сакам и витамин Ц но не знам кој. Некој предлог што друго би било пожелно?

 

@Kimberly11 ја проба ли АХА од ТО? Како ти се чини?

 

Ne uste, cekam da zaladi i ke stavam samo tamu kade sto mi treba. Inace pravav patch test na rakata i pominaa veke 24h nisto ne mi se sluci, ne bev ni crvena koga se izmiv so voda toa znaci deka ne bi trebalo da mi napravi problem? Osekjav samo minimalno peckanje

 

Нормално е минимално пецкање,и гледај кога ќе ја користиш да држиш колку што ти сметаш дека ти одговара,ако те пецка многу миј се одма не чекај.
Ајде кога ќе пробаш ме интересира како ќе ти се покаже

 

Нема да имаш проблем.

 

До сега имам користено од ТО хијалуронска,ниацинамид,вит ц,кога ги потрошив земав од revox,но сега сакам повторно од ТО да нарачам. Сакам пак ниацинамидот,и се мислам меѓу манделинската или лактик ,дали и двете имаат исто дејство односно пилинг на кожата,до сега само салицилна од ревокс имам користено,и се мислам и гликолниот тоник,да не ми дојде многу?

 

Ok
Ќе купував серуми што ги има кај нас, но се одлучив за the ordinary.
Е сега ми треба мислење/совет околу тоа што да земам.
Кожата ми е комбинирана со мрсна т-зона. Флеки од акни немам многу (темно црвени ) , проблем ми се порите, изедначен тен и црвенилото....
И евентуално за темни кругови под очите ( ништо не помага )

 

За се ова, ниацинамид ќе ти помогне. Можеби и хијалуронска , ако сакаш.

 

Читав нешто тоник...?
Витамин Ц?
Или доволно е ниацинамид

 

Женски, да ве прашам... А на домашна адреса ви стигаат или како?