Од која страна порачувате продукти на cerave i the ordinary? На iherb скоро секогаш има нешто што е out of stock а не сакам да ги цепкам нарачките, знам една страна од мкд што препродаваат ама цените им се дупло..
Да, за Тhe Ordinary мислев. Другата марка која ја спомнуваш не ми е позната, мислам немам ништо користено.
Сакам да прашам дали некој има забележано некаква промена во производите на Тhe Ordinary во последно време. Јас ги користам со години и досега ми беа супер. Со последната нарачка директно од страната на Deciem некои од производите изгледаат поразлично. На пример, AHA 30% + BHA 2% Peeling Solution досега по нанесување изгледаше темно црвен како вино и даваше ефект на поизедначен тен и помазна површина на кожата. Новото пакување веднаш станува со бледо розева боја и буквално никаков ефект не забележав од употребата. Некои од другите серуми како да имаат поинаква текстура, полепливи се на допир. Не сум сигурна дали смениле нешто во формулациите или мојата пратка е нешто згрешена, се мислам дали да продолжам да ги користам.
И јас подолго време ги користам the ordinary, единствено разлика осетив кај niacinamide-от во текстурата и имав читано дека го смениле составот, но еве и со новиот состав кај мене пак производот си ја врши работата, а за АНА ВНА немам заприметено, се надевам дека нема да ги запустат, многу добри производи за многу пристојна цена.
Сега прочепкав во интернетов, Estée Lauder го откупиле поголемиот дел од Deciem, понатаму планираат и целосно да ја поседуваат. Пишува дека дел од производите се реформулирани ама не е нагласено кои. И јас се надевам дека нема да ги запустат, како што викаш Најмногу ги сакав заради едноставните и чисти состојки. Останува да видиме.
Сакам да нарачам TO производи преку МК insta страни ама сум малку скептик да не се фалш Дали некој има нарачано TO од такви инста страници? Мислење?
Јас мислам дека не се фејк, само што ќе ги платиш поскапо. Јас лично попрво би нарачала повеќе производи за да имам бесплатен шипинг, отколку вака да купам помалку производи за истата цена.
Јас имам нарачано само еднаш гликолна киселина, затоа што беше out of stock долго време на deciem a ми требаше итно. Немаше никаква разлика меѓу таа што ја добивав од deciem и таа од инстаграм. Јас мислам дека не се фејк, туку нарачуваат големи количини од deciem и ги продаваат дупло поскапо за да им се исплати и затоа не се официјални.
Сакам да почнам со Ретиноиди, а појма немам што би ми одговарало лично мене. Имам дехидрирана масна кожа, проширени пори, изморена кожа, лабава кожа со ситни едвај видливи фини линии. Едноставно сметам дека мора да воведам анти ејџ продукти во мојот skin care. Кој е подобар избор за почетник? И како се користат?
Ни едното, ни другото не се добар избор за почетник, затоа што се најјаки. Еве овде можеш да ја видиш јачината и можноста за иритација на сите ретиноиди: Пожелно е да почнеш со најслаб ретиноид и постепено да зголемуваш, но ако навистина овие ретиноиди со средна јачина не предизвикуваат иритација (види рецензии), тогаш можеш и со нив.
Ретинолот во Сквалан 0.2% му поминаа три месеци не смее да се користи веќе така? Освен на лице, на друго место некаде смее или да го фрлам? Исто и црвениот пилинг остана малку му помина рокот. @pdb123
Сѐ што користиш на лице може на телото затоа што е поотпорна кожата; обратното не важи. Што се однесува до ретинолот, штом рокот по отворање е 3 месеци толку им е тестирано веројатно дека е ефикасен или можеби маслото се расипува. Не би знаела да ти кажам до што е. Ако е до ефикасноста, во ред е, само пример не би имала исто резултати како во рокот. Ако е до расипување, тогаш може да те изиритира таков производ. Пробај, ќе видиш како ти реагира кожата, а и ако го користиш на тело, веројатно ќе (или барем обиди се да) го истрошиш во брз рок затоа што го користиш на голема површина.
Фала ти, ајде ќе пробам па ќе пишам. Друго сакав да прашам дали спрејот од Zinc+ може да се користи после хујалуронската киселина? Се вратив на старата рутина бар да ги потрошам серумите сега дека се отворени. И како да го вметнам тоникот пред или после серумите?
Мислам дека зависи колку ти е толерантна кожата. Колку што знам, тој спрејот за цинк е за акни, па сега ако си потолерантна можеш директно после миење да клаваш, а ако не, после серуми или дури и крема. Од друга страна, најлесно е хијалуронската киселина да ја ставаш одма после миење лице затоа што веќе ти е влажно, па после да го ставиш останатото. Јас така би направила: миење лице, хијалуронска киселина, друг серум (ако не е маслен), па би се испрскала со ова (иако може и прво ова, па другиот серум). Нема толку строго правило.
