Не ми се верува дека за серијата нема посебна тема, а има за секоја можна турска серија . Серијата ја започнав случајно, а се заразив уште од првите сцени . Во неа се работи за брачниот пар Џек и Ребека и нивните деца, Кевин, Кејт и Рендал кои сега се возрасни луѓе со свои животи, кариери, слабости, проблеми... Во секоја епизода имаме преплетување на минатото и сегашноста, односно ги даваат децата кога се бебиња, 10, 15 и 36 години. Од првата епизода до сега нема епизода да не сум се отепала од плачење, толку е реално опишано родителството, предизвиците со кои се среќава бел пар со црно дете, проблемите со прекумерната тежина, со анксиозноста, со зависноста, трудот на Џек и Ребека ниедно дете да не се чувствува запоставено... Не знам дури ни што да напишам, мора да се гледа и да се доживее серијата, верувам дека ќе им се допадне на сите, едноставно е совршена . Посебен впечаток ми оставија епизодите 13 и 14 од сезона 2 каде Спојлер: Џек се дознава како умира Џек. Се отепав од плачење, посебно оти умре за чиста глупост според мене, да не ја разочара Кејт се врати по кутрето, а со неговата смрт го уништи нејзиниот живот и животите на сите кои го знаеја, оти просто беше совршен маж, татко и пријател . Се надевам дека и други ја гледаат серијата, па ќе ги напишат своите впечатоци за неа. Јас едвај ја чекам следната епизода .
Јас денес ја гледав епизодата за Џек и се убив од плачење. Многу, многу емотивна серија, преубава драма, одлична глума, одлични актери и одлична приказна. Мислам дека подобра серија драма немам гледано никогаш. Толку е емотивна, толку се чувствувам како да ги знам кога ја гледам, секоја радост и секоја тага им е толку опиплива. Јас уште првата епизода ја пратам и нема една епизода каде не сум пуштила солза, едноставно те тера на емоции безразлика дали среќни или тажни. Обработува една тема која на сите им е блиска и нема шанси да не предизвика реакции, како е да се биде семејство, со сите воздигнувања и падови. Ептен ја препорачувам и јас. Многу е поучна и топла.
И јас планирам да ја почнам, а епизодата за Џек ја начекав кога бев во теретана, беше пуштен телевизорот на Foxlife и ја изгледав, тажна епизода
Ја следам од првата епизода и секогаш ми буди емоции. Нема една епизода а да не ме расплакала. Ги пбожавам младите Џек и Ребека и особено ме погоди смртта на Џек. Тој ми е омилен карактер од серијава.
До каде е серијава? Изгледав една сезона (мислам дека една беше), следната се чекаше од Септември или Октомври Значи сега втора да ја гледам. И мене одлична ми беше серијава, сега не сум баш во муд за серии ама штом ќе ми се врати желба неа прва ќе ја гледам.
Една од омилените серии ми е. Ниту една епизода немам испуштено, и не постои епизода кај што немам заплачено. После последната епизода, ја замразив Кејт.
Јас серијата ја почнав несакајќи , благодарение на @papillonP . Во недостаток на серии (читај, сите омилени ми беа изгледани), решив да почнам нова серија и по можност да биде пресмешна. И не знам како и каде ми влегла во ум оваа серија, ама сигурна бев дека Папилон ми ја препорача како серија на која ќе се отепам од смеење . И така, ја почнувам јас серијата, и до осма епизода цело време рикав од плачење, и и' пишам на Папилон, добро бе Папилон, таа серијата шо ми га препорача This is us е да се отепам од смеене или да се отепам од плачене ? И она ми пише, јас не ти ја препорачах таа, туку Young and hungry . И си викам, е касно е веќе, заразена сум со таа и не се каам што ја почнав. Арно не ти се биле гледани претходните епизоди, па не знаеш каква тежина има неговата смрт и како ги смени животите на сите околу него, инаку ќе рикаше и ти како нас во сред теретана . На мене не знам зошто, ама во повеќето серии омилен лик ми е некој од споредните актери, како тука на пример, биолошкиот татко на Рендал . На www.gledalica.com може да ја гледаш онлајн, стигнати се до 15та епизода од 2ра сезона . Јас па Луи, аман, не можело да истрча некако, да се џитне низ џамо, глупо куче (се зезам ). П.С. За смртта на Спојлер: Џек потајно се надевав дека ќе биде поврзана со неговата зависност од алкохол и дека ќе има барем малку вина за тоа што ќе се случи, ама не, мораше да умре како херој (како што му и доликуваше де, ама зоштоо ).
Како беше тоа „Ако животот ти даде лимони, направи лимонада“ Сите карактери се доста интересни, посебни и автентични, а секоја серија си има своја поента! Одлична серија! Препорачувам! п.с. Мој херој во серијата некако ми е Рандал.
@promeneta мор јас ти ги препорачах и двете серии само шо ти се имат измешено. За This is us дека е многу емотивна и со плачки а за Young and hungry оти има ного смеа. Ти шо си меморирала шо си прескокнала а шо помешала то не знА јас. * за тебе и Анџела п.с. ѕвезди се појаават а уствари кисаве сА вие
Јас денеска ја почнав втората сезона. Многу ми се допаѓа серијава, ја обожавам. Во некои ликови, конкретно во Кејт се препознавам себеси. Многу добро и реално се прикажани проблемите во животот на една личност со прекумерна тежина.
Прекрасна серија. Буквално нема епизода што сум ја гледала а да не сум плачела, уште од почеток. Многу реална, со многу емоции, баш како што ја опиша погоре немам што да додадам!
@promeneta и јас се токмев да отворам тема, ама некако се не ми остануваше време. Супер што ти текнало. Мислев досадна ќе е серијава, ама од првата епизода ме освои. Крајот, кога се откри што е што, баш освежително. Сите ликови ми се допаѓаат, Џек омилен нормално. И Рандал ми е тука негде. Премногу емоции има во серијава, затоа е и толку омилена меѓу гледачите. Не е ништо фенси, ама е човечна, реална...
Кога ја препорачувам серијава на луѓе, секогаш велам реална. Со скоро секој лик можеш да се поистоветиш, да пронајдеш дел од себе во него. На толку реален начин ни го прикажува животот, дека не секогаш се е совршено, дека секое семејство а и секој член во него има свои проблеми, подеми и падови. Омилен лик, претпоставувам како и на повеќето, ми е Џек. Дали е до актерот кој е неверојатно харизматичен, или ликот е така напишан, но Џек е можеби најсовршениот лик од било која серија која јас сум ја гледала. Си има свои недостатоци, свои демони со кои се бори, но кога ќе се споредат со неговите посилни особини, љубовта кон Ребека, пожртвуваноста кон семејството и неуморната борба да им обезбеди добар живот и љубовта и приврзаноста кон децата, изгледаат скоро незначајни. На сите би им ја препорачала. Ќе се смеете, ќе плачете Спојлер: СПОЈЛЕР и сите ќе сакате да купите батерии за детекторот за чад!
Ја почнав серијата и изгледав 8 епизоди Серијата е нешто неверојатно Таков спој на минатото и сегашноста, не се разликува кога се дава минатото, а кога сегашноста Кејт е интересна, иако е елегантно пополнета и тоа многу, сепак има ено такво убаво лице, што е убава и вака Кевин ми е еден .......... тип, значи на почетокот ми беше малку одвратен, ама сега се подобри, оди на добро Рендал ми е многу изгледан тип, интелигентен, ама и премногу ........ Не ми е јасно како може да му прости на татко му кој го оставил, па сега и се лути на мајка му, не ми е јасно Бет, интересен лик, многу повеќе ми се допаѓа од Рендал Мајка им кога е млада, ми се допаѓа ликот едноставно, исто и татко им Сега за сега толку!
Го гледаше ли некој финалето? Многу трогателна епизода, не можев да издржам а да не заплачам. Спојлер За момент помислив дека Џек е жив, толку сакав да беше вистина тоа. И зошто Тоби е тажен? Што значи делот со Рендал и Тес кога кажаа дека мора да посетат некого? Дали значи дека Бет е мртва или е во затвор
Yeeeeeeeee, видов дека има огромна гледаност, викам си не е можно да ја прекинале, мислам да е крај на серијата Дај боже и Grey's anatomy и Dynasty да ги продолжат со нови сезони Grey's мислам дека ќе ја продолжат, има гледаност доста Dynasty не знам, има мала гледаности, нема ни милион гледачи по епизода
А каде го гледаше финалето, ја има некаде онлајн или си ги симна од некаде последните епизоди? Фала однапред на одговорот . Јас гледам на Гледалица и нема нови епизоди ставено . @Bzaubzz.xy е машко , а јас ти се обратив погоре во женски род, sorry . Инаку и мене на нерви ми оди Рендал, оди од крајност во крајност, или е прееуфоричен или е предепресивен . Бет е супер, многу ми е убава и прекрасен стил има . Прекрасна серија во секој случај .
