Ziaja козметика

Шампоните ги има во Тинекс, јас од таму го купив мојот. Во маркетите има само шампони, лосиони за тело и креми за раце. Друго не сум сретнала, во Космо и ДМ најверојатно асортиманот е побогат.

 

Дали некоја има искуство со дневната и ноќната крема со јасмин наменета за зрела кожа (50+)?
На акција се во Космо, се мислам дали да ги планирам за подарок.

 

Јас ја имам оваа ББ-крема, за комбинирана и масна кожа во најсветлата нијанса. Мислам дека има уште една потемна (natural), а розовата линија е за сува до нормална кожа.

Ги има во Космо, 280-290 денари се и има 50мл производ што е одлична зделка според мене. Мирисот е феноменален, барем мене многу ми се допаѓа како мириса. Нежен и пудрест е мирисот, ама се губи некое време по нанесувањето.
Формулата е многу нежна; има некој полумат финиш и не ја затега кожата, масните зони почнуваат да сјаат по неколку часа (користам малку камена пудра и фиксатор), а покривноста е така-така. Слаба до средна со само еден нанесен слој. Со малку коректор ми е супер дури и кога лицето ми е малку нафрлано.
Како за секој ден (па дури и за вечерна шминка, сум ја користела и така), одлична е и мислам дека би ја купила пак, пред cè затоа што си најдов идеална нијанса.

Розовата линија е за сува и осетлива кожа, ја зедов истата нијанса за мајка ми. Мајка ми е +50, ама вели дека кремата не се собира во борите, многу е хидратантна и не дава изглед на уморна кожа.

Резиме - за неполни 300 денари, сосема одличен производ. Особено за белчовци ко нас.

 

Не знам дали знаете, ама има солидни сетови за лице и тело на акција во ДМ.
Јас ја користам колекцијата со манука за комбинирана и масна кожа, многу ми е добра за овој период кога кожата од нормална ми станува комбинирана, т.е. се масти само во Т-зоната.

Спојлер

Имам и пилинг од истата линија мислам, прекрасен е.

 

Никој не кажа дека се природна козметика, дури мислам дека и не се рекламираат како такви, но добро е да се спомне сепак, за некој што не користел ништо од нив.
Кремите не ми одговараат, ама имаат други работи кои навистина се солидни и составот е прифатлив, без парабени и силикони. Нафтени деривати одбегнувам само кај креми за лице, лосиони за тело и шампони, во другите работи ми е океј, би дала шанса на таков производ.

Само пилингот има еден парабен и баш штета, зашто прекрасен е за мојот тип на кожа.
А колекцијата од манука општо земено многу ми одговара, плус во гелот за лице и тоникот кој го користам нема парабени и составот по мој вкус е сосема солиден. : )))

 

Не сум во тек со маркетингот на Зиаја, не ги следам баш, да бидам искрена. Никогаш и не биле некој ептен популарен бренд, а можеби пак и само мене ми оставиле таков впечаток, но не знам што си пропагираат.
Сега ми направи „проблем“, баш ќе ги ѕирнам што постираат.
Ги меркав повремено откако направија мал камбек со овие поновите 2-3 колекции, ама мислам дека не беа како Биотен до толку, да пишуваат „природно“ по амбалажите, а да е далеку од тоа. Штета ако во меѓувреме станале такви и си тераат пропаганда.

Гелот и тоникот што ги спомнав се сосема солидни - проверено.
Тоникот не е природен, но генерално е со прифатлив состав за мене, со глицерин и пантенол. А гелот има само PEG, не се сеќавам кој точно. Изненадувачки добри продукти, цените така-така, не се воопшто скапи, но има и подобри од нив, апсолутно се согласувам со тоа.

Сега роварев по шкафови, баш ме заинтересира да го проверам пилингот, да видам што точно пишува за него. Не е од истата manuka tree линија, туку е тој со козјо млеко. Инаку овој има силикон, не парабен, сум утнала. А кремите 100% имаа PEG, можно е кај нив да има парабени, не се сеќавам навистина ама не е ни битно до душа, не ми одговараат кремите Зиаја па ме привлекле да купам пак.
Штета што не го изоставиле силиконот во пилингот, ама навистина е прекрасен и ме изненади позитивно. Исто и другиве не верував дека ќе се покажат добро, би ги препорачала тоникот и гелот за комбинирана-масна кожа ептен. Мене за во лето ќе ми бидат солидни.
Добра анализа им удривме.