Истрага за убиството на Вања и Панче

Главниот јавен обвинител на Основното јавно обвинителство Скопје, Гаврил Бубевски, денеска изјави дека се испитуваат материјалните докази во врска со убиството на Вања Ѓорчевска и Панче Жежовски, и, како што рече „материјалните докази зборуваат со истиот јазик со кој што зборуваа и осомничените“.

– Во однос на фактите што произлегуваат од целокупниот доказен материјал конечно ќе се произнесеме со обвинение. Истрагата во однос на дејствијата е на тоа ниво на кое што ви кажав и минатиот пат. Се испитуваат материјалните докази и тие зборуваат со истиот јазик со којшто зборуваа и осомничените, изјави обвинителот.

Тој информираше дека се анализираат материјалните докази и се прави целосна ретроспектива на сето тоа што се случувало.

– Тоа ќе биде предмет на описот на обвинителен акт, рече Бубевски.

Во однос на постапката за екстрадиција на првоосомничениот Љупчо Палевски, кој беше упасен во Турција, Бубевски рече дека ОЈО Скопје ги има доставено сите потребни работи за екстрадицијата.

По една недела од истрагата за убиството на 14-годишната Вања Ѓорчевска и велешанецот Панче Жежовски, во случајот остануваат шестмина осомничени. Првоосомничениот за две кривични дела „грабнување“ и „убиство на свиреп начин“ , Љупчо Палевски – Палчо, во моментов е во притвор во Турција и се чека на неговата екстрадиција. За истите дела се товарат и Велибор Манев, Влатко Кешишов и Боре Видевски кои се во притвор во Скопје, а во притвор се и таткото на Вања, Александар Ѓорчевски, кој се сомничи помагал во грабнувањето со тоа што, како што соопштија своевремено надлежните, споделувал информации со останатите осомничени за движењето на неговата ќерка, и Стефан Димковски, возачот кој го возел од Србија до Турција првоосомничениот Палчо.

Малолетната Вања и велешанецот Панче, кои беа пријавени за исчезнати на 27 и 24 ноември беа пронајдени мртви во близина на Велес и Скопје на 3 декември.
https://a1on.mk/macedonia/bubevski-...SXDkWCnHKqR1xCFSNrmCxJtonx-Yu1T9ONHyaiO7neJnU

 

Ете за возилото, го има на камери од 24.11, навеле и локација кај го фатиле камериве.
https://a1on.mk/macedonia/kovachki-...vanata-lokacija-kaj-hotelot-aleksandar-palas/

 

Вистинските виновници, со име и презиме, кои палчо го ослободувале минативе години.
Повеќе детали кај новинарот Божиновски.

 

palco tuka zboruva tokmu za toa ..e sega kolku e iskren ne znam

 

Колку и да не сакам да верувам, вечерта пред да објават дека девојчето е мртво, кога пишуваше оној Петар по Фб, излезе дека се што пиша е точно, потоа и спремните емисии на Снежана Лупевска и Миленко непосредно пред да се објави дека девојчето е убиено, ептен ми се сомнителни.
Одредени кругови на луѓе знаат многу работи, кои ние обичните смртници, не сакаат да ги знаеме.

 

Апсолутно си во право.
Само на крај, и ова ќе се забошотка и ќе се заборави. На кој му треба поени ќе си собере и никому ништо. А на нас обичниот народ, Господ да ни е на помош.

 

Вања НИКОГАШ нема да ја заборавиме. Ова нема да заврши без вистинските нарачатели и заштитници на убијците да си го добијат тоа што го заслужиле.

 

Точно,нема да ја заборавиме,ќе ни ги стега срцата помислата на неа,исто како и за децата од смилковско ,ама се согласувам со @Viveki ,исто и како за децата мили,се ќе се скрие.Се повеќе сум уверена дека позади овие случаи,стои,нешто многу валкано,големо и некој се ќе направи никогаш да не се дознае вистината.

 

На денешната седница на Комисијата за одбрана и безбедност, пратеникот и претседател на Демократскиот сојуз, Павле Трајанов, бара МВР до Собранието да достави Информација за грозоморните убиства на Вања Ѓорчевска и Панче Жежовски, во која ке бидат опфатени сите аспекти поврзани со ликвидацијата на Вања и Панче, вклучително и активностите и мерките на МВР, како и на другите служби за безбедност.
Само преку сеопфатна анализа може да се дојде до клучните оценки за поставеноста и дејствувањето на системот, превенцијата, системските слабости, последици од партизацијата, толеранцијата на криминалните и екстремни однесувања, политичката заштита на говорот на омраза, неоснованите напади на неистомисленици итн“, велат од Демократскиот сојуз.

„Парламентот треба да расправа и за можна политичка одговорност на носителите на власт. Комисијата го прифати предлогот, при што го задолжи министерот за внатрешни работи во рок од 15 дена да достави Информација до Комисијата за одбрана и безбедност“, се додава во соопштението на Демократскиот сојуз.

 

Засега само една снимка, онаа од Фуркан излезе во јавност. Од приватен објект. Од "Безбеден град" ниедна, а изгледа дека нема ни да има. Што знам, за убиството на Тот веднаш излезе, со моментот на убиство, во процес на истрага. И после шпекулации, вака било, така било, нелогичности еден куп.
Мене ми е уште нелогично зошто би им биле потребни две возила за извршување на злоделово? Дека кангото одело напред за да го затскрие другото возило, исто ми нема логика. Значи крадеш возило чиј сопственик го убиваш, и со него планираш да извршиш уште едно злосторство. Па и морон и најглуп да си, прво нешто што е логично да сториш е да му ставиш лажни рег. таблички. Полицијата а и "Безбеден град" системот, најпрво би биле алармирани токму заради табличките. Ама не, тие не смениле ништо, и знаејќи дека ќе бидат фатени на еден куп камери, си оделе со претходница, се до крајната дестинација во Бразда. Епа чекајте бе луѓе, не е ни полицијата дебилаана, па да не врзе два и два кога ќе го види кангото на камери цело време залепено пред компромитираново возило. Јасно е како ден дека "претходницава" е инволвирана во злосторството,и дека ќе го окрка. Како би се "испрале" тие во возилото после цел филм на камери, не ми е јасно?
Многу пологично е ако само едно возило учествува во ова, со лажни таблички заради колку - толку "удобност" дека кобното утро нема да биде препознато исчезнатово и пријавено возило. На крај возилото го палат, убијциве одат пешки до одредена точка каде би ги превзел некој со друго возило, се враќаат по друг пат, и никој никогаш не би ги поврзал со злосторствата ниту нив, ниту возилото кое им било логистика.
Ако веќе убиле ладнокрвно две лица, зарем не би помислиле на секој детаљ? Не е ова кражба на пиперки од пазар, па ај, ќе си дозволиме да бидеме и аљкави. Вака излегува дека баш им било гајле за доказите кои ги оставаат зад себе.
Не знам, само барам логика во работите и гласно размислувам.

 

Тие 3ца помошници не се способни сами да смислат нешто, ни сами не биле свесни во што влегуваат. Едниот од нив, карате тренерот го знаеле во велес како чесен човек, човек од збор. Истиот само повторувал дека е наместен. И гледајки ги какви луѓе се, сигурно не биле свесни дека ќе бидат сведоци на убиство, само зошто ако се наместени не пријавиле одма во понеделник што се случило.

Којзнае која е позадината на се ова

 

ма да сиротите они не биле свесни киднапираат девојче од 13 год. и жива да останела триста трауми би и навлекле...
Сите они се тешки преступници за посматрање!!

 

Е да бе, го осакатиле детето уште во зграда, му скршиле раце, и живо да останеше кој знае колку повреди ќе имаше, ама не знаеле што прават..

 

Тоа за скршените раце и вилица е шпекулација на Миленко, не е официјална информација

 

И јас мислам дека не знаеле во што се впуштаат. Не знаеме ни каква прикаска им врзал Палчо, и на што точно биле сведоци, и зошто не пријавиле во полиција.
Ама дека сите инволвирани се психопати кои после убиство на дете мува не ги лази, е тоа ми е мистерија. Психопати скоро секогаш дејствуваат сами, многу ретко во пар, а група психопати на едно место да се најдат ми е неверојатно.

 

А не е доволно психопатската изјава на тој едниот дека делото го напраил како соучесник за да има пари за свадба?
Или шпекулација беше и тоа или пак така му е наредено да изјави?

Глејте ги у лице какви се и се е јасно.

Никој не вика дека главните монструми се и дека не ги изиграл и искористил Палчо ко куртони ама не ги правете невини ве молам, може глупи се ама невини не се.

 

Јас можам да заклучам само дека Палчо е премногу интелигентна и многу информирана личност,оратор,има одлична физичка појава (не го знам од претходно воопшто,го истражував сега).
Мафијаш со психичко нарушување! Личност за опсервација,предизвик за секој психијатар!

 

И манипулатор тежок, кој има моќ да си игра со луѓето, да убедува и да пере мозок. Не за џабе толку го следеле, нешто ко идол им бил на изветреаните уфилмани секташи.

Многу го имаат потценето изродов, а сите ги вртел на мал прст.

 

И ти веруваш дека навистина ова го изјавил? Какви чудесии се изнапишаа деновиве по медиуми, уште волшебното килимче не го спомнаа, се' друго што им текна си напишаа.
Не верувајте луѓе на се што е напишано, често е тоа тенденциозно.