Што користите за сува третирана коса? Маска користам, супер ми е ама сакам уште нешто за сјај поголем да има..
Препорака од мене за сите кои имаат виткана коса е оваа крема. Мене ми е откритие. Иако пишува дека се става на сува коса, јас ја ставам на влажна. Досега се покажа најдобра во дефинирање на локните, и тоа без употреба на дифузер! Никогаш не сум добила повеќе коментари дека ми е убава косата колку сега
Од каде ја зема и цена? Сега гледам оваа крема нели е иста како претходната на Субрина со црвено капаче, само амбалажата и е сменета или друга е?
Ја купив од ДМ, беше нешто повеќе од 300 денари. Не знам дали е иста со таа со црвено капаче, мислам дека се различни, како да ја забележав и таа во ДМ. Прв пат пробувам на Субрина, затоа не сум баш упатена дали се исти. Ако сличајно ја купиш да пишеш како ќе ти испадне и тебе косата.
Доколку не е како црвената ќе ја земам. Баш кога ќе одам до ДМ ќе видам дали е истата. Јас другата со црвено капаче ја имам пробано и не ми одговараше, беше многу леплива. Оваа леплива е?
Не е леплива, вака кога ќе се стави на косата дава природен изглед и цврстина на влакното. Има погуста текстура.
Кој шампон ви одговара за виткана коса. Јас се што пробав ништо посебно. А посебно овој последниот од Белина, јас никогаш сум немала проблем со расчешлување, сега косата туткал. Првиот пат кога ставам воопшто не прави пена, дури од вториот пат почнува да пени, и треба повеќе да се става шампон. Тубичката од 200-250 мл за 10 дена Ај што не се исплаќа барем да имаше некој ефект а не коса како гнездо, буквално топка ми се прави на глава после едвај крајот и го наогам. Арно си се држам до Конопка, чат пат си правам експерименти.
Првото шампонирање цел живот од кога знам за себе не прави пена, дури второто кога веќе површински ќе ти се “исчисти” косата. За шампон користам Пантене Молекулар Репаир. Ми се покажа како добар. А инаку дефинитивно најдобар шампон ми е од една продавница маалска тука кај нас и се вика Ипек со масло од авокадо. Шампонот е 600мл и е 100-200 денари. Имам користено и на Color Wow, Wella, Olaplex. ArganOil ( од нив само маската вреди), BioSilk ( од нив само прскалката за после миење Миракле и оној серумот за чување боја вреди ), MorocanOil и уште што не. Тој најефтиниот дефинитивно најдобар. Само немам поим каде може да се најде на друго место. Истражете.
Предложете некоја крема за виткана коса, може останала некоја што не сум ја пробала Од никоја не сум задоволна, посебно не на Балеа.
Мојот не преболен сансилк ако најдеш да ти го донесат од негде. Во Бугарија го имаа и е смешна цена. Мене па балеата ми е од сите зла најмалото до сега, од тоа кај нас, ама ако не ја истинтрам пред да и ставам крема џабе е. И од 1000-2000 ден имам купувано производи од очај и воопшто не ми одговараат. Во последно време користам шампон и регенератор на syoss за виткана. Ми се смачи од тие „органските“ без ништо во нив, па метла да носам на глава. Или 100 евра за 2 производи, па да мерам со лажиче за да ми трае повеќе од месец. Вака на поевтиниве не штедам колку ставам. После шампонирање, со регенераторот од сијос што се измива ја чешлам надоле и надоле ја плакнам, ја завиткувам во крпа. Потоа ставам leave-in регенератор 5-6 пумпици од Natura siberica плавиот за виткана (или некој друг што не се измива), пак ја расчешлувам надоле, ама со поширок чешел/четка (си нарачав и ваков ќе видам што ќе испадне) и со раце нанесувам од оваа на балеа 9-10 пумпици и ја гужвам минута две (на нејзе вика и дека штити од висока темепратура па се тешам), се ова на мокра коса и сушам со дифузер на ниска температура. Вака ми држи два дена, третиот ден ако не ја фаќам, треба малку да се намокри и пак ставам од кремата. Мене ми е многу сува и масло да и истурам ќе го упие, не ми се мрси воопшто. Инаку фарбам само корен како природната моја боја, па фризерот ми викаше затоа што фарбам морам да користам и нешто за фарбана, затоа од време на време ставам маска за фарбана коса, ама многу ретко. А ако не ме мрзи знам неколку саати пред бањање или пред спиење па да ми стои цела вечер, да и ставам масло (чичково, бадемово, ореово, рицинусово, си ги купувам сите и ротирам) потоа мијам, само ова ако имаш мрсна коса не препорачувам. 2 пати ја имам осветлувано со прамени и тоа ми било најголема грешка, ништо не ми ја спасува после тоа, освен да порасне и да се ишиша. Сега не ја ни шишам пречесто 1-2 пати годишно за освежување, ама формата има врска. За рутинава ми требаа едно 4 години да си ја погодам. И зависи каков тип на виткана коса имаш, ако ти е повеќе брановидна може нема да ти одговараат моиве чекори. Така да не се откажувај ќе си најдеш решение. И од мое искуство поскапите и професионалните производи не ми се покажале подобри.
Ооо добро се сеќавам на Сансилк, супер беше,моите средношколски денови На Балеа се што имав фрлив, многу ми пага косата од нив. Ја пробав и оваа крема не ми одговара и веќе ништо од Балеа не земам. Дифузер често си користам освен лето. Нема што немам пробано, кокосово масло најчесто си ставам ама не сум редовна како порано. Сега си земав една крема на Гарниер ќе пробам па ќе кажам искуство. Ти благодарам многу
Последното се измива, ама јас долго време го корисев без измивање (мислам дека едно време им стоеше на упатството дека може и да не се измива, а потоа го сменија), инаку на влажна коса, го сменив затоа што текстурата не ми одговараше. Првото и второто се шампон и маска тие се мијат. Пена не користам, ниедна не ми одговара на косата, но кога сум пробувала сум ја ставала на мокра. На сува коса што и да ставам премногу ми залепува и скоро ниеден препарат кој не се измива не сум го ставила на сува коса. Дури и кога сакам крема да ставам после некој ден прво ја навлажнувам малку па ставам крема.
На мокра коса ставам прво од пената и стискам убаво. После тоа ставам од кремата, и така ми е супер комбинација. Инаку, да, кремата може и со плакнење, ама јас никогаш не сум ја пробала така. Инаку, не е сменето во упатството уште си ги пишува двата начина.
Некни ја зедов кремата од Гарниер портокалово тубиче. Одговара на секаков вид коса, ама според искуството мое најмногу на сува. Мојата не е толку сува и ми ја прави спласната што ме нервира. Всушност тоа и е намената за сува коса. Инаку ја прави ептен мека, мазна, вие со многу сува и оштетена ова е супер нешто. Посебно за третирана коса ептен изгледа како негувана, заедно со маската и шампонот сигурно дава поубав резултат.
Ја пробав четкава. Убаво ги дели локните само што уште не најдов цака да ја направм пуцвал со ова. Обично сама со раце кога ја обликувам ми е по пуцвал, вака има убави локни ама малку по сплескана. Иначе пред години кога имав време сама си ги вртев прамените околу прст сега истово со четката го постигнувам
Јас ја купив пред 2,3 месеци четката ама ништо не видов подобро со неа, само што сум како,, тепана"по косата некако сплескана, и ја баталив. Може не ја користам правилно што знам.
