@mariz И јас сум ги пиела, и мене ми се случувало да заборавам дали сум се напила па за секој случај си пиев уште едно. Пред да останам бремена, и мене доктор ми ги препиша, се додека ги пиев добивав редовно, откако престанав повторно почна да ми касни, по месец, два. Сакав само да споделам. И мислев дека после пороѓај ќе ми се регулира циклусот, ама не пак е исто...
Здраво девојки, пред една година бев на гинеколог и ми ги препиша апчињава, ги пиев 10 дена и кога ги прекинав за 2 дена добив. Апчињата ми ги препиша поради тоа што немав добиено 1 месец а и ми дијагностицира полицистични јајници. Оттогаш, сум добивала секој месец со каснење околу недела дена. Пред 5 дена повторно бев кај истата затоа што немам добиено од 25ти март. Рече дека сум имала овулација пред некој ден и да сме почекале уште некој ден ама не ми препиша апчиња. Прашањето ми е дали ако не ми дојде за две недели да почнам да ги пијам на своја рака? Дали би спречила доаѓање или би пореметила нешто? Дали и додека ги пијам може да се случи да добијам?
Ако ти рекла дека си имала овулација пред некој ден почекај барем уште една недела. Не земај на своја рака, не се играчка апчињата.
Ако си имала овулација за две недели од неа ќе добиеш. Не ги пиј апчињата на своја рака, хормони се, не се играчка.
Здраво убавици . 02:11 по полноќ, во потрага по одговори. Десет дена ги пиев таблетите, добив два дена по завршувањето. Но... Не знам дали и кај вас е така, крварењето е премногу обилно и пропратено со болка . Под обилно подразбирам дури и по две пакетчиња влошки на ден, пешкир меѓу нозе, сега дури и почнав да користам пелени од бебето. Никогаш до сега јас не сум крварела вака, ниту ме болело стомак до овој степен. Лекар вели - е добро де се чистиш. Јас се прашувам дали е ова нормално? Ве молам споделете искуство.
Според мене ниедно такво крварење не е нормално. Небитно дали е предизвикан циклусот или спонтан. Јас пред два циклуси добив со Примолут и имав нормално крварење. Да не си имала случајно некоја циста? Ова што го опишуваш стварно не е нормално, оди кај друг лекар под итно.
Според ова пишаново, не е нормално до тој степен да крвариш. Јас би те советувала да побараш и второ мислење, кај друг лекар. Со лесно!
Денес ми ги препиша гинекологот заради абнормално крварење. Дозата ми е по две на ден, но никаде во упатството не видов на колку часа треба да се зема. Дали е во ред на 12 часа да земам по едно?
Не се поврзани со часовно земање како антибиотиците, можеш едното да го пиеш сега на пример во 12 часот, а другото во 20-21 часот како ти одговара. Поважно е да се придржуваш во исто време да ги земаш секој ден, пример и утре во 12 часот едното, а другото 20-21 кое време ќе одлучиш за вечерна доза.
Членки дали некоја од вас имала несакани ефекти од овие апчиња? Денес ми е 5ти ден како што ги пијам, а од завчера наеднаш лицето ми се исфрла како пликови да имам и многу ми е мрсно Никогаш не ми било такво лицето....треба 10 дена да ги пијам
Здраво девојки, после 5 години 6 различни гинеколози и над 30 прегледи и магнетна резонанса вчера ми открија дека имам Ендометриоза, околу 3цм веќе проширено. Исто така имам 2 миоми од по 3цм на лев заден и десен преден дел на матка. Веќе 5 години живеам со ужасни болки, 7 дена пред да добијам, со што како што се доближува денот да добијам болките се посилни, всушност болките се во вид на напад, на скоро секој 1 час имам напад кој трае 10 минути, ужасни болки кои можам да ги опишам само како породилни, а кога добијам болката ја снемува. Ни еден доктор не можеше да види дека имам Ендометриоза бидејќи морало да го налегне стомакот за да се види на ехо, вчера ме гледаа два доктора во исто време па така открија. Овие 5 години ми се ужасни и се плашам дека ќе станат уште полоши. Кога имам болки не можам да спијам бидејќи болката ме буди од сон и се додека трае не можам да заспијам ниту пак да лежам, па затоа таа недела спијам седејќи најчесто. Друг симптом ми е што имам запек во тие 7 дена и некако кога имам напад седењето на шолја ми олеснува (иако не можам да извршам нужда). Вчера ми ги препишаа Примолут Нор да ги пијам околу 4 до 5 месеци. Немам нередовна менструација и немам обилни крварења. До сега сите ме оставаа велејќи ми да се вратам на преглед за 6 месеци и препорачувајќи ми само контрацептиви бидејќи и самите доктори немаа идеја зошто имам такви симптоми се до вчера. Доколку некој има искуство со ЕНДОМЕТРИОЗА и пиење Примолут Нор ве замолувам да ми пише, би била многу благодарна.
Здраво девојки, гинекологот ми ги препиша овие апчиња. Ми доцни две недели,а генерално имам редовен циклус. Па сакав да ве прашам дали ќе мора да испијам цела терапија или? И дали може додека ги пијам да добијам? Бидејќи гледам дека најчесто ги зимате за одложување на циклус.
Аууу, мене со нив ќе ми доцни цел месец А мора 10 апчиња да се испијат или би имало ефект со помалку?
Најмалце 7 дена, ама јас секогаш по 10 сум ги пиела. Почекај може природно ќе добиеш,чим велиш си немала проблем до сега.
