Љубов е кога со сета почит, насмевка, отворена комуникација си се разбирате со луѓето кои ги сакате. и си ги гушкате секој ден. Љубовта е како несогорлива свеќа.
Љубов е да сакаш, да. Но е многу повеќе од тоа. Љубов е да минуваш и низ сите проблеми и потешкотии во една врска, без да бараш излез надвор. Било да е роднинска, пријателска или романтична врска. Љубов е да го дадеш поубавото и побогатото парче пица на твојот сакан. Да би го дала својот бубрег па и срце без размислување за да може тие да живеат.
Љубов не е чувство што можеш да го измериш или опишеш со зборови. Таа е состојба на свесност тивка, но бескрајна. Се раѓа во моментот кога ќе се надминеш себеси и ќе почувствуваш некој друг како дел од својот внатрешен свет. Љубов не е само страст, ниту навика. Таа е разбирање без зборови, прифаќање без услови, и мир во присуството на другиот. Кога ја имаш, светот станува појасен, иако ништо суштински не се менува. Оној што ја бара дефиницијата за љубов, всушност ја ограничува. Затоа - оној што мисли дека ја знае дефиницијата за љубов, е само дел од микросветот на свесноста а љубовта е целината што го опфаќа сето тоа. Љубов не се учи, не се поседува и не се бара само се доживува а воедно и се живее. Таа е највисоката форма на постоење, најчистата енергија што човек може да ја почувствува.
