Југославија-еднопартиски систем и животот во тоа време

Иако веќе не постои како република,верувам дека сите имаме слушнато по некој муабет од постариве генерации можеби и некој е роден и опфатил дел од тоа време.
Ме интересира што мислење имате за тоа време? Уште ако има некој што бил дел од тоа време(а,верувам дека има) баш би ме интересирало да сподели мислење од прва рака.
Јас од моиве постари,а и по тоа што доста имам читано воочувам дека им било убаво,мирен и скромен живот,пропаратен со една убава хармонична атмосфера.Некој уште жалат по Тито,југословенскиот пасош,работничките права и тој еднопартиски систем на чело со Тито.На други пак омразата кон цела таа држава им ја ствараат војните за време на распадот на СФРЈ.
Според мене (пак ќе кажам според сите муабети и читања) Југославија била океј како држава и убаво функционирала,се додека Тито бил жив.После смрта некако и започнуваат сите тие економски кризи,омрази меѓу народите,национализам,па на крај и сите тие војни со толку жртви.Затоа и добро и се совпаѓа оној израз Титова Југославија.

Колку што видов низ темите има само за војните некоја тема,а општо за Југославија па и нема баш.
Ако сум грешка извинете,и доколку не ми се совпаѓа темава за во оваа категорија поправајте ме.

 

Далеку од "мирно, скромно, хармонично" било и тогаш. Ова ке ти го потврди секој што имал роднина или познат на Голи Оток, или што не сакал да биде член на Комунистичката партија . Па УДБА, ОЗНА и такви некои организации со скратеници кои нам ништо не ни значат, но на тие што пострадале од нив им се симбол на диктатура на "пролетаријатот". Очигледно непријателство тлеело и на Косово а и меѓу Срби, Хрвати чак и Босна така језиво се најде во крвопролевање, што просто е чудо како уопште коегзистирале толку долго во мир. Македонија била неразвиена и малку се водело сметка за тоа.
Не дека сакам да ти го заматам романтичниот поглед, имало и убави работи , јас дете бев и не видов многу, но имаше економски погодности за обичниот човек кои веќе никаде ги нема од ранг на општествени станови, акции за вработување, релативен углед на земјата.. не е црно бело

 

Сигурно било многу мирно и хармонично да те затвораат/убиваат на место доколку кажеш нешто против комунизмот. Ммм цензура.

Ама не сте нормални што пишувате.

 

Од она што кажуваат постарите имало повеќе бенефити од мани. Безбедност, солидни плати, се вработуваш и од прв ден си пријавен, нешто што денес е научна фантастика за многу работници. Се вработуваш и големи се шансите на тоа работно место да остариш, да заминеш во пензија, доколку сам не си дадеш отказ или не направиш некоја голема грешка, крадеш, направиш малверзации, па да те избркаат. И тоа денес го нема. Сега знам луѓе кои за една година смениле 2-3 работни места, што секако не е убаво и укажува на нестабилност. Можеле да спијат во парк на клупа и никој да не ги чепне. Полицијата била страв и трепет, и тоа ми се допаѓа повеќе од она што е денес, башибозук и секој се вработува во полиција. Денес земјите кои настанаа од СФРЈ се нестабилни, така што Македонија, БиХ, па и делови од Србија и Црна Гора може да бидат отцепени, никогаш не се знае.

 

Југославија беше создадена за да биде тампон зона помеѓу западот и СССР, и благодарение на кредитите се живеело толку добро.

 

А сега нема кредити што се живее лошо или како?

Има една не така стара поговорка- што е изградено во титова Југославија, денес не постигнуваат ни да го варосаат. Ко шо гледам, не е далеку од вистината.
Инаку не беше се црно, и не беше се бело. Ама факт е дека мноштвото од народот живееше подобро, а социјалните разлики не беа ниту толку огромни ниту толку видливи.

 

Муабетов смрди на кило комињача, пакетче вегета и три конзерви месен нарезок.

 

Ако се живеело добро незнам зошто моите дедовци заминале во странство? Едниот во Австралија другиот дедо во Австрија ....

Единствено било што сите биле еднакви повеќе од фиќо и 101 немалооо ,сега некој има уште фиќо а некој авиони ,камиони ,милиони..

 

Американците вложуваа огромни средства за да опстои Југославија, се до распадот на СССР.

 

Романтизам , ништо повеќе.
Нит се живеело подобро,нит имало демократија некаква.
Немилосрдно земала државата од тие што имале ,генерации се останати без свој имот кој им го национализирале .
Народот не знаеле за подобро,колку им дозирале информации толку знаеле.
Испрани мозоци.
Вработување со црвената книшка.
Што повисока функција во партија,подобра позиција.
Истото што е наследено ден денеска.

 

Комунизамот е тоа. Луѓето во комунизмот возеле лада или фиќо. Додека германците мерцедес. Па пак кажете дека ја изгубиле војната. Победа не е само да ставиш црвен флаг на Рајстагот, а истовремено броиш 10 пати повеќе жртви.. Вели ехеееее со југословенски пасош кај сме сакале сме патувале. А кај сте патувале? Па низ цела Југославија. Дали да се смееш или плачеш е работава.
Комунизмот одговара само на малограѓани, луѓе кои тријат раце и велат ќути добро е има и полошо, а за подобро не ни слушнале а камоли да видат. Типично балкански.
Единствено нешто добро е тоа што 95% луѓето биле работничка класа, немало сиромаштија. Но тоа се должи да системот кој ги приморувал сите да работат. Денес 90% од сиромашните не работат од што не сакаат газот да си го мрднат па надлежните им се виновни. Вели факултет завршив и нема работа, а дома седи. Па што треба некој да дојде да те земе?

 

Југославија ги негувала лошите балкански навики и била зародиш на ова никакво општество што го знаеме денес и мислам дека подобриот живот во таа држава бил резултат на тоа што светот бил поубав/поспокоен. Оттогаш до денес и капитализмот е станат понемилосрден и тие народи што и порано не ги бивало сега први пропаѓаат.

 

Се сложувам со тебе. И денес се земаат кредити, кои ќе мора да се вратат, па една добра мерка скоро и да не видовме. Не е до кредитите, до редот, дисциплината е. Тогаш функционирале институциите, а денес не. Максим Димитриевски баш кажа дека тоа што се изградило тогаш, денес не може ни да се одржува и вистина е, се се распаѓа пред наши очи, а никој ништо не презема.

 

Како може еден систем да е добар за народот каде народ нема право на избор, а камо ли на сопствено мислење?

 

Повеќето живеете во куќи изградени у тоа време, од обична работничка рака, од работничка плата. Денес, немате пари сијалица да смените условно кажано, ама битно имате 'право на слободен говор'.

 

Не знајш шо зборуваш и ти самиот само ај.

 

Голема, моќна, силна и напредна држава изградена од нула па стигнала до тоа да има најсоврмена индустрија, Тито успешен лидер ценет во светот рамо до рамо со светски политичари (што за денешниве "политичари" на овие простори е сон, и затоа имаат фобија кога ќе им се спомене големината на Тито), има дооста доста да се кажува колку било подобро тогаш и колку таа држава допринела за овој народ на овие простори во позитивна смисла од тоа да го описмени до тоа да го вреднува како човек, а доколку не ја растуреа не се сомневам дека денес ќе бевме една од највлијателните држави во светот.
И не никој не убивал по улици ако кажеш нешто против државата, туку ќе те уапсат ако се вклучуваш во организации кои работат против државата, што е и нормално а и ден денес секоја развиена држава го прави истото.
Југославија тогаш а и ден денес им сметала само на фаци со испрани мозоци и болен национализам, што на крај се испостави дека такви и доведоа да дојде до нејзино растурање.

@Karamela12 ако те интересира да научиш нешто повеќе гледај документарци и ќе видиш за каква моќна држава се работело.

 

Жалам што не се родив во тој период. Моментално ја мразам државата во која живеам заради оние кои Ние ги избираме да не доведат до питачки стап, во секоја смисла на зборот. Никаков просперитет, никаква егзистенција и волја. Ни ја убија секоја надеж и љубов спрема роденото место.

Кога сме кај Југославија, и од родителите, и од баби/дедовци сум слушнала само позитивни работи. Сигурни работи, солидни плати, по одмори редовно оделе иако биле обични работници. Од обична работничка плата заработиле за два стана и автомобил, сега тоа е просто фантазија. Со сегашниве плати едвај да се прехраниш, работиш цел живот ко роб(шо е најтрагично од нерви, стресови цел работен век не ја дожувуваш ни пензијата) и на крај во нааајдобар случај си заработил едвај за едно еднособно станче или само кола.
Да не правам муабет за безбедноста, сигурноста и редот кои владееле. Сега сме ко распашана банда, дојде време полицијата да се плаши од багабонтите иако најчесто и тие самите се дел од нив.

Да не должам, на кусо кажано е се'.
Ќе се тупаат во гради дека живеат во демократско општество, ќе се диват на капиталистичкиот систем и ќе се расфрлаат со навреди кон социјализмот, додека нивните родители рмбаат за мизерни плати и ќе немаат на крај за еден одмор од недела дена подалеку од Охрид.
И така..

 

Јас се родив во таа држава и бев сведок на распадот.
Искрено, после 30 години дистанца сфаќам колку голем човек бил Тито, со какви визии. Секој слободно да се декларира како сака и чуствува, со сите права, но величање на една нација над другите било недозволиво.
И тоа е единствениот пат за напредок.

Но, за жал, сведоци сме што се случува кога некои ќе забегааат со национал романтиката.

 

Еден мал дел од детството имам живеено во Југославија, спомен од прваче капчето со петокрака и марама, па сите не сликаа еден по еден. Нејсе, со пасошот не се патуваше само низ Југославија, имам патувано знам, насекаде се патуваше со преевтини режиски возни билети. Возовите беа на ниво. Граница поминуваш насекаде немаш никаде проблеми, во странство си кажуваш дека си од Југославија сите знаат кој си од каде си. Друго скоро сите бевме еднакво финансиски моќни, немаше многу голем избор на роба и артикли скоро сите исто јадевме и носевме, ама имаше, не се живееше мизерно и во немаштија до тој степен како сега. Скоро сите работеа, Центро, Славија, сите фабрики произведуваа, луѓето имаа за работа и еден мирен, просечен живот. Од фирми се одеше на редовен зимски и летен одмор во хотелите на истите тие фирми. Сега има луѓе одмор не виделе, а не од работа се обезбедено со сместување. Е можда не се возеа џипови и формули и не знам ти какви коли низ град, ама имаа сите превозно средство, фичо, југо, лада. Не сум преголем ју-романтик-носталгичар ама мислам помирен беше животот. Е сега имало и мани што како дете можда не сум ги приметувала, угнетување на слободата на говор и спречување на кариерен напредок ако немаш амин од партија, ама да не се лажеме па и ден денес не е многу сменето тоа, затоа е сиот тој одлив на мозоци преку граница. Така да врти сучи скоро се е исто, само сиромаштијата и невработеноста царува, не затоа што некој не сака со диплома да работи било што туку затоа што нема работа за секого( и со или без диплома). Има работа да, ама за непријавено и за да не ти плати како што од старт си се договорил. А во животот и да стигнеш до диплома е трошок, и со и без диплома животот има трошоци за кои треба да се плати, а ако не ти даваат договорена плата од што ќе платиш?