Аман бе девојко да имаш 15 години да разберам, 18 имаш и би требало позрело да размислуваш. Со кој памет си дозволила да бидеш црна вдовица и како си му дозволила да те оттргне од друштвото и од светов? Ти викаш дека го сакаш, меѓутоа тој тебе не те сака. Една врска без доверба неможе да опстои и би те советувала со време да се оттргнеш од него, затоа што сигурна сум дека после некое време ќе се каеш. Свесна си дека тоа што ти го прави не е добро и сеуште си со него...неможам да те разберам. Ти се заканува дека ќе ти раскине ако излезеш...мајко мила Оди излези со другарки, шетај и уживај затоа што имаш 18 години, а не со некој недоквакан мочко да се зезаш...Извини ама многу ми е смешно тоа што си го прашувала на секое, дали множеш да излезеш Ти не си негова сопственост и нема право да ти забранува да излегуваш!
Велиш дека го сакаш....а јас не те разбирам искрено. Сакаш да си со него и покрај тоа што си свесна дека врската е целата нервози, што е опсесивен, што те тера да бараш дозвола од него за излегување, не излегуваш , веќе не си со друштвото , ти става рестрикции.... И? Што чекаш? Да почне да ти се заканува ли? Како си дозволуваш твојата слобода да зависи од него? Не сте долго во врска, а како што гледам тој нема доверба во тебе и има опсесивно посесивно пореметување. Што да те советувам не знам, освен да ти кажам дека си млада и дека можеш мnогу брзo да си најдеш друг дечко и да се заљубиш. Батали го....
POSLE PRELJUBE Krpljena ljubav, uvek negde propušta. Rešenje je rastanak, ali navika nam to ne dopušta! Posle prevare, sve više nije svoje. Ako je moje, bilo jednom tuđe, onda ne može opet biti samo moje.
Ти благодарам на мислењето.И мене ми е смешто тоа што не ги прашувам моите за да излезам туку него и знам дека е погрешно и касно малку за оттргнување дека ќе ми биде тешко зошто веќе сум се заљубила незнаејќи дека ќе дојде до волку работава,но барам од вас некаков предлог како да го прекинам ова.
Кратко и јасно без заобиколување кажи му дека не ти одговара и дека сакаш да си го продолжиш животот слободно како и пред да се фатиш со него. Сигурна сум дека ќе си најдеш нормален дечко, што ќе те сака
Така сум пробала многу пати.На пример кога нема да ми дозволи да излезам,и ќе ми се закани дека ќе ми раскине,јас го прифаќам тоа и излегувам и тој ќе ми каже готово,крај но никако да ми го дозволи тој крај.Многу пати се случило така да ми раскине и после неколку дена не ме остава на мира ми ѕвони на телефон и ми дише во врат,позади секој мој чекор е.
Не се лечат само грипот и настинката,се лечат и комплексите...ама ако се сака Само искрено не знам кој од вас двајца треба попрво да се реши на таков чекор
Кала зошто попушташ и зошто пак му се враќаш? Ондак немаш цврст став и си несигурна. Не му кревај и стави му до знаење дека нема да попуштиш и дека нема да се ми се смириш. Тоа е твоја одлука и барај да ја почитува.
Кала јас мислам дека самата со тоа што го изнесе проблемот си одговори на прашањето. Велиш цела врска ви е нервози, ама премногу го сакаш. Епа чиста математика бе душо, пресметај колку се нервираш и колку убави денови имаш со него. Пресметај колку се тие нервози за глупости а колку за многу битни работи. Јас не знам како воопшто можеш да напишеш дека не ти дозволува нешто, било што и сеуште да се мислиш дали да си со него или како да постапиш. Јасно ти е дека не си ничија сопственост нели? Јасно ти е дека имаш уста и белким и некој здрав разум за да оцениш и процениш што е добро а што е лошо за тебе. Кој е бре он да ти дозволува нешто и како воопшто си дозволила до таков степен да се доведеш себеси? Поготово на тие години кога треба најмногу да уживаш а не да кинеш живци заради некој кој е посесивен до таванот на американски облакодер. Ајде те молам свести се малку и преземи мерки. Ако си цврсто решена за крај зарем тебе ќе те сопрат некакви си телефонски повици? Плус и велиш дека не сте од ист град. Не дај боже да премине неговата љубомора во понеиздржливи настапи, имаш закони кои те бранат. Знаеш, сите сме несреќни толку колку ќе си дозволиме и самите. Ако ти не преземеш нешто за сопствената среќа, веројатно нема никогаш ниту да ја оствариш.
Кала не ти треба таков човек - кратко и јасно. Ако продолжиш само ќе се измачуваш. Дали тој има волја да се промени и да престане да ти го загорчува животот? Дали е свесен дека тоа што го прави не е нормално? Ако одговорот е не - најдобро ти е да прекинеш. И да го сакаш, се преболува. Ќе излегуваш со другарките, ќе се забавуваш, и по некое време на оваа врска ќе гледаш само како на еден лош период во твојот живот.
Ти благодарам на обемното мислење,многу го ценам.И да додадам,значи не се само телефонските повици,туку и праќањето луѓе да ме следат и има дојдено до тој степен да зема снимки од разговори мои од мобилен од операторот преку МВР (има врски дебели ко гајтани) и да ми ги прати на мсн за да ми даде до знаење дека се што ќе посака може да дознае..Искрено ми е страв да превземам некои посериозни мерки.
Кала ти со Мијалков да не си имаш работа? Се шалам, извини малку шала не е на одмет Сега сериозно, ако е до таму стигната работата си знаеш кои легални мерки можеш да ги преземеш, нема лабаво. Има и на форумов тема за правни совети, обрати се. Или ако имаш некој познат кој би те посоветувал, не може вака да живееш под катанец. Со среќа!
Ааа Кала тогаш не чини работата!Искрено ова веќе преминува во психичко малтретирање и загрозување на лична безбедност и приватност....Дефинитивно не му покажувај слабост,мора да разговараш со твоите и да кажеш што ти се случува.Тој е болно опседнат и љубоморен тип...со него се нема работа.Мора да го пријавиш. И смени број...одма.Никому не му кажувај, кој мислиш дека може да му го прекаже.
Девојче бегај уште е тазе работата,плус со вакви личности колку повеќе покажуваш страв толку повеќе се силаат. Несакам да те плашам меѓутоа јас имам многу лошо искуство со ваков тип,ми одзема добар дел од животот.Јас кога решив да го оставам бидејќи ми беше доста од неговите болни филмови,пратење до работа и назад,проверување на мобилен,скајп дури и запишување на изминатите киломерти на колата тој едноставно ЗБЕСНА,ПОДИВЕ и ме претепа до смрт.Завршив во болница со пукната аркада,12 конци во глава,скршена клучна коска,напукнати 3 ребра и изгубено бебе.Вечно ке им бидам благодарна на комшиите што викнале полиција инаку верувам дека немаше да останам жива. По постовите и овој твојот ги има сите симптоми на мојот бивш вереник затоа тргај се од него зошто верувај нема добро да заврши.
Кала, велиш дека го сакаш. Како можеш да сакаш некој што не ти дава да дишеш? Мораш да го пријавиш, дефинитивно!
Ви благодарам на сите за мислењата.Ми беа потребни и многу ми значат.Дефинитивно ќе превземам некакви мерки.
Дај боже!...само жалосно е после се што си дозволила да трпиш,да кажеш дека ти било потребно некој да ти каже дека е редно време да кажеш СТОП! Затоа и погоре го напишав тоа што го напишав,не знам што е за чудење повеќе некој кој се дрзнува да изведува Тарзан финти, или па некој што доброволно подлегнува на тој психоделичен третман. И колку и да звучи себично јас навистина не можам да сфатам дека во таква ситуација некој навистина прашува што треба да прави???? А уште понесфатливо е тоа што најголем дел од тие случаи на крајот завршуваат повторно во прегратката на истиот психопат за кој се пишува,разговара...ватевер на долго и широко,оти веруваат дека сепак љубовта победува се! Искрено се надевам и ти посакувам,да не бидеш дел од таа група
Кога читам какви се проблеми има глупо ми е да го пишам мојов, ама ај се во свое време. Значи вака, имам 16 години и муватор околу 1 месец и недела дена. Денес бевме на кафе и ми кажа дека се идело добро меѓу нас, ама дечкото нејќел врска и да се обврзуваме со сакања и такви ствари. Убаво си било вака, но ми даде до знаење дека ако си најдел он друга или јас друг да немало љутиш. Со ова дискретно ми кажа дека може во секој момент да ме зафркне и да си знам да не се затрескувам премногу. Меѓутоа сите знаеме дека не е толку лесно да се направи, колку што е лесно да се каже. Од една страна сфаќам дека нејќе одма врска затоа што до пред 1 месец имаше женска со која идеа година и кусур, ја вараше со мене, па раскинаа, па на нова година пак се смуваа. Неможам да го земам тоа ко неверство, затоа што не сме во врска, но сепак е глупаво. Испаѓа како он да поставува услови, а јас му одам по газот. Стварно за кратко време ептен ми влезе под кожа и учиме во исто училиште, ќе биде малце тешко да го заборавам, но ако продолжам само ја одложувам болката, затоа што знам дека на крај јас ќе бидам таа повредената. Пола и сама си кажав што треба да правам, но сепак ми треба некое советче од поискусните и поддршка да преминам преку тоа "нешто" што го има во него и што ме тера да ги заборавам сите негови лоши страни.
,, дискретно ми кажа дека може во секој момент да ме зафркне и да си знам да не се затрескувам премногу ,, Eве го тоа што треба да го знаеш, и тој ти го кажал тоа. Значи искрено, дечкото сака само да си потполнува временце со тебе, тој не гледа никаква иднина со тебе, дури и убаво ти кажал дека не сака врска, ама ако си најде некоја тебе кој те е*е. Е па пошто дечково бил ептен дискретен и искрен, биди и ти уште поискрена и кажи му дека вака не бива, тргни се од него додека е на време, зашто после по болно ќе биде, да знаеш. А и овој сигурно планира да се смири со неговата девојка. И девојко, знаеш зошто вака ти прави и не сака тој врска со тебе? Затоа што од секогаш си му била втора виолина! Па зошто му е таква за девојка, кога знае дека може да ја има кога сака, без да знае другата, која не се согласува да биде втора. И се додека дозволувате втори да ве свиркаат, вака и ќе биде!
