Што ви е бе луѓе.. Сосема е во ред што и пречи тоа. Ако вам тоа не ви пречи исто во ред. На пример ако јас имам стан еве конкретно во нејзиниот случај спрат од куќа нормално дека ќе ми пречи ако тој нема ни негова соба.. И не би сакала да си губам време по хотели и коли. Ќе го викнам кај мене секако но не може тоа постојано и секој пат.. @dankee Размисли си убаво.. Ако толку не ти одговара знаеш што треба да направиш.
Ако стварно ти се допаѓа и ти значи, остави малку на времето да покаже.. Може има и тој планови да се пресели во поскоро време ама не раскажува бидејќи не е сигурен и преселбата е голем чекор.. А реално, е проблем, сигурно и он нема да сака кај тебе да биде цело време, може ќе му биде непријатно, затоа и ти понудил опции кола или хотел.
Не знаев дека ако имаш над 25 години треба да имаш свој стан. А чекај ова се однесува на мажите само или и жените над 25 треба да имаат сопствен стан?
Зависи за кого. Ако јас немам не можам да барам некој што исклучиво има. Односно можам ама не сакам. А ако имам исто не сакам да барам кој нема. Едноставно е.
Де бе насекаде низ светов младите идат сами да живеат што поскоро чим станат полнолетни само кај нас ко научна фантастика да е тоа. Ај ако не на 30 со цела поширока фамилија ќе живеам заедно.
Не реков дека мора, туку дека сигурно е подобро како возрасни да сме самостојни отколку се уште со цело семејство , нормално доколку имаме можности. И да, и за мажи и жени мислам.
@x.Daisy.x во странство платите им се по 3-4к евра, а кај нас се по 300 евра. Кај нас до 27 години да имаш сопствено живеалиште можеш само на два начина: 1. Да ти го купиле мама и тате. 2. Да се бавиш со криминал. *Ги исклучувам тие што работеле во странство неколку години, па се вратиле овде и купиле.
Ама ете гледаш имало во светов и некој што не отишол сам да живее. Убаво ќе беше ако сите во светов имаа услови да си го дозволат тоа, ама за некого тоа навистина е научна фантастика. За жал.
Тој да имаше свој стан/спрат, таа не ова воопшто немаше да е проблем. Сега во обратна ситуација е проблем. Мажот мора да е обезбеден иначе не чини. Ова испаѓа како проблемот со членката, дечко ми не ме шета, нема кола, јас имам ама со мојата не е исто..срамота јас да го возам. Што има врска каде ќе се гледаат? Или кај едниот или кај другиот. Во овој случај кај членката е подобра опција. Не се на улица, имаат опција. Ако во иднина планираат заедничка иднина, заедно ќе си кројат планови.
Тоа не е знак за незрелост. Во нашата држава чесен човек и три работи да работи тешко дека веднаш може да заработи пари за да си купи сопствен стан. Велиш дека е многу интелигентен и дека заработува три пати повеќе од тебе, исто така и дека не гледа да те искористи. Значи дечкото има позитивни страни, но зависи ти кои особини ги бараш од него т.е. какви очекувања имаш од една врска и слично. Ако сметаш дека не ги исполнува твоите критериуми, ќе си најдеш некој друг што ги исполнува. Едноставно е. Сите сакаме некој што ни е на иста бранова должина. Бонус е да е начитан и прошетан, ама па што ќе ти е таков ако не е џентлмен, ако нема почит кон тебе? Ти си знаеш најдобро со каков човек сакаш да бидеш, само не го потценувај дека немал стан и дека не бил прошетан. Не сите се родиле во богати фамилии. Побитно е да те сака и неговите амбиции за иднината.
Живеењето со домашните е голем проблем кога си во долга врска. Штета шо во мк тоа е секојдневие. Немаш каде да одиш кога сакаш да си во домашна атмосфера, мене во хотел ми е ептен безвезно, би имала чувство ко да му сум другарка со бенефиции, невкусно е. А во кола па една комоција шо ќе ја имате, упм. Ете јас и дм живееме во стан со нашите, шо ако имаме посебни соби кога не е вкусно во едната да седиме јас и тој, во другата неговите или моите родители. Ајде да е еднаш/два пати месечно ќе се изџвака некако, ама се претерано ми е непочитување и невкусно. И некогаш такви нервози ме фаќаат пошто нема каде да се оди, шо многу често и завршува со кавга. Ајде на лето некако подруго е, има милион варијанти за излегување. Во природа, на кафе, во парк, ете и одмор, топло е и пријатно. Ама сега на зима, една таква депресија ме фаќа шо уште од сега ми расти косата. Студи, не ти се оди на кафе, не ти се шета, а сакате да се видите, катастрофа. Ама океј, двата имаме по 21г, уште студираме и имаме други планови, oсамостојувањето сеуште не дошло на ред. Така да, ја сфаќам девојката скроз. Нормално е да и пречи тоа што нема каде да се видат на рает и ствара фрустрација тоа. Ама кога дечкото нема во план да се жени, зошто би ги фрлал парите по кирии кога може да ги заштеди и притоа да живее со неговите. Не се сите родени во имотни фамилии со по 10 станови. Битното е колку сака да мрдни од мртва точка и да засука ракави за да створи нешто свое.
Јас и маж ми кога веќе бевме еден месец заедно не ни сакавме да седиме дома, не се ни гледавме секој ден. Двајцата на работа, уморни, ќе испиеме некое кафе надвор или пијачка навечер, за викенд кафана/диско или некаде надвор од Скопје идевме. Кај него на почеток идев кога беше сам или со брат му, сестра му. Ми беше срам од неговите и не се ни осеќав спремна да ги запознаам. По неколку месеци сфативме дека тоа е тоа и почнавме да живееме заедно под кирија и еве сме 2 години во истиот стан, во брак додека штедиме за нешто наше. Гледајте ја особата со која планирате да бидете во иднина и амбициите, а не каде живее, што вози и каде шета. За еден ден можеш да паднеш од врвот, но и со мака и работа да постигнеш многу.
А мене многу ми се интересни девојки што бараат дечкото да има свој стан, кола, стабилна работа и добра плата, ама они не мора ништо од тоа.
@dankee разбирам дека ти е безвеза кога ќе ти предложи кола или хотел, и мене би ми било, ама кога го спомнуваш тоа дека си прошетана повеќе од него и имаш повеќе пријатели, делува материјалистички. Одете некое време, па почнете да живеете под кирија ако двајцата заработувате. Инаку во македонија секако може да е и знак на незрелост ако имаш финансии, а не се одделуваш од родители, а може и да се финансии во прашање, како што се кај многумина, а тоа да не го знаеш сеуште бидејќи кратко одите и сеуште може да не ти кажал целосната ситуација каква е му е. Незрелоста и по други работи може да ја познаеш
Ако е толкав проблем, двајцата нека засукаат ракави и нека одат под кирија, или ако се имотни и можат да исплаќаат и стан, уште подобро
Со секој партнер со кој ќе заодите повеќе од месец дена би живееле под кирија пошто се нема услови за дејтови во домашна атмосфера? Така лесно е тоа, плукни - залепи? Колку и да е добар и фин, колку и да ни е супер, ако сеуште не ми е во план да ја официјлизирам врската, не би живеела заедно со дечкото. Колку сте само опенмајндед, бравос.
Се согласувам, најлесно е да се рече оди под кирија, купи стан. Особено на почеток на врска која е логиката заедно да почнат да живеат, кога само дејтаат и се уште конкретно не знаат каде води врската. Ако се сака, ќе се издржи, кога ќе се планира заедничка иднина ќе се размислува и за тоа. Плус за случајот, девојката веќе има спрат, понатака ако стигнат до таа точка, може посебно но може и тука да живеат ако се согласат двајцата, не значи дека мора жената да се сели кај мажот.
Седни и поразговарај сама со себе малку. Дали и колку ти се свиѓа дечково. Не е проблем шо не живее сам, колку шо е проблем шо тебе лично очигледно не ти се стрпува за да заеднички пречекате ‘боље време’. Кола као за првите неколку пати секс со некој нов не мислам дека е најпаметна опција, од аспект на комодитет. Хотел е ок, мада коа ќе се замислам можда и ми било глупо малку исто, не знам. Али ако ми се свиѓа типот ептен и глеам дека се труди околу мене и сака да ми угоди, трчејќи ќе отидам кај ќе ми каже. Размисли од негов агол малку, па којзнае него колку му е безвезе целава ситуација. Машко его, комплекс можда, му се свиѓаш сигурно ептен чим не те откачил одма и после првото негодување од твоја страна. Те разбирам до негде, али ти пробај разбери го и него, сепак у Македонија живееме. Тоа шо имаш свој спрат и поголема слобода е олеснителна околност и искористи ја. Пак ќе кажам, ако паѓаш у несвест за типов и друго све ти е по кејф. Ако не, не си троши време, не му троши време, баталете се. Ќе си најдеш друг кој ќе ти одговара повеќе од тој некој материјален видик, а исто и он некоја шо ќе е спремна да гради нешто стабилно од нула. Гуд лак
Не. Зборуваме за понатаму ако си имаат посериозни планови. Ама на месец врска и не би правела пресметки за неговите финансии и за живеењето со неговите
Прочитав и сфатив дека дечково е џентлмен со добри манири, интелигентен, амбициозен и пречката е физички простор за вас двајца. Да малку е незгодно во кола или хотел, ама како за почеток ќе мора да најдете компромис околу тоа, па ако работите станат посериозни секогаш имате опција за заеднички живот под кирија или уште поисплатливо да живеете во твојот кат. Мене ми забоде очи дека осетив нотка на потценување кон тоа дека не е толку нашетан и социјализиран како тебе или сакаше да ни укажеш дека ете ти си прошла и преку тоа кога размислуваш за нешто посериозно со него? Како и да е рано е по месец дена познанство да очекуваш тој магично да создаде/извади простор ексклузивно за вас. Олеснителна околност е ти што имаш твое, договорте се и на двајцата да ви е пријатна заедничката дружба ако создадеш можности да постои и опстои меѓу вас.
